ᐃᓄᐃᑦ ᓄᓇᖕᒐᓂ ᐃᒡᓗᓕᕆᓂᕐᒧᑦ ᐸᕐᓇᐅᑎ

ᐃᓗᓕᖏᑦ

Introduction

SIDE TEXT

ᓄᓇᕐᔪᐊᕐᒥ ᑲᑐᔾᔨᖃᑎᒌᑦ ᐱᔪᓐᓇᐅᑎᒋᔭᐅᔪᓂᑦ ᓄᓇᖃᖅᑳᖅᓯᒪᔪᓄᑦ ᑎᑎᕋᖅᓯᒪᔪᖅ 23

ᓄᓇᖃᖅᑳᖅᓯᒪᔪᑦ ᐱᔪᓐᓇᐅᑎᖃᖅᑐᑦ ᓇᓗᓇᐃᖅᓯᓂᕐᒥᑦ ᐊᒻᒪᓗ ᐱᕙᓪᓕᐊᑎᑦᑎᓂᕐᒥᑦ ᓯᕗᓪᓕᐅᑎᔭᐅᖁᔭᐅᔪᓂᑦ ᐊᒻᒪᓗ ᐸᕐᓇᐅᑎᓂᑦ ᐱᔪᓐᓇᐅᑎᒥᓂ ᐊᑐᕐᓗᑎ ᐱᕙᓪᓕᐊᑎᑦᑎᓂᕐᒧᑦ. ᐱᓗᐊᙳᐊᖅᑐᒥᑦ, ᓄᓇᖃᖅᑳᖅᓯᒪᔪᑦ ᐱᔪᓐᓇᕐᓂᖃᖅᑐᑦ ᐃᓚᐅᑎᑕᐅᑦᑎᐊᕐᓗᑎ ᐱᕙᓪᓕᐊᑎᑦᑎᓂᕐᒥᑦ ᐊᒻᒪᓗ ᓇᓗᓇᐃᖅᓯᓂᕐᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒨᖓᔪᓂᒃ, ᐃᒡᓗᓕᕆᓂᕐᒨᖓᔪᓂᒃ ᐊᒻᒪᓗ ᐊᓯᖏᓐᓂᒃ ᑮᓇᐅᔾᔭᓂᕐᒧᑦ ᐊᒻᒪᓗ ᐃᓅᓯᕐᒨᖓᔪᓂᒃ ᐱᓕᕆᐊᒃᓴᓂᑦ ᐃᓄᖕᓄᑦ ᐊᒃᑐᐃᔪᓂᑦ, ᐊᔪᙱᓐᓂᓕᒫᖏᓐᓂᒃ, ᑲᔪᓯᑎᑦᑎᓂᕐᒧᑦ ᑖᒃᑯᓂᖓ ᐱᓕᕆᐊᒃᓴᓂᑦ ᓇᖕᒥᓂᖅ ᐱᓕᕆᕝᕕᖏᑎᒍᑦ.

END SIDE TEXT

"ᐊᕐᕌᒍᓄᑦ 60 ᐅᖓᑖᓄᑦ, ᐱᒋᐊᕐᖓᕈᑕᐅᓪᓗᓂ ᓯᕗᓪᓕᖅᐹᓂᑦ ᓄᓇᓕᙳᖅᐸᓪᓕᐊᓕᖅᑎᓪᓗᒋᑦ, ᐃᓄᐃᑦ ᐊᒃᓱᕈᖅᓯᒪᔪᑦ ᓇᒻᒪᒃᑐᓂᑦ ᐊᒻᒪᓗ ᐊᑦᑕᕐᓇᖅᑐᓂᒃ ᐃᒡᓗᖃᕐᓂᕐᒧᑦ ᖃᓄᐃᓐᓂᐅᔪᓄᑦ. ᐅᓄᖅᑐᐊᓘᓂᖏᑦ ᐃᓄᒋᐊᒃᑐᓃᓗᐊᖅᑐᑦ, ᐃᒡᓗᑖᕋᓱᐊᖅᑐᓄᑦ ᐅᑕᖅᑎᔪᓄᑦ ᐊᑭᑭᓪᓕᒋᐊᖅᓯᒪᔪᒥᑦ ᐃᒡᓗᑖᓂᕐᒧᑦ, ᐊᒻᒪᓗ ᐃᒡᓗᐃᑦ ᖃᔅᓯᐅᓂᖏᑦ ᐋᖅᑭᒋᐊᖅᑕᐅᒋᐊᖃᓪᓚᕆᒃᑐᑦ ᐃᓄᐃᑦ ᓄᓇᖁᑎᖏᓐᓂᒃ ᑭᒡᒐᖅᑐᐃᕗᖅ ᐊᑕᐅᓯᕐᒥᑦ ᐱᕐᔪ- ᐊᖑᖃᓯᐅᑎᔪᒥᑦ ᐃᓄᓕᒫᓄᑦ ᐋᓐᓂᐊᖃᖅᑕᐃᓕᒪᑎᑦᑎᓂᕐᒨᖓᔪᓂᒃ ᑲᓇᑕᒥ. ᐊᒥᒐᓗᐊᕐᓂᖏᑦ ᐃᒡᓗᖃᖅᑎᑕ- ᐅᑦᑎᐊᕐᓂᕐᒥᑦ ᐊᒻᒪᓗ ᓈᒻᒪᒃᑐᓂᑦ ᐃᒡᓗᖃᕐᓂᕐᒥᑦ ᑕᐃᒪᐃᓯᒪᕗᖅ, ᑲᔪᓰᓐᓇᖅᖢᓂᓗ, ᖃᓄᐃᔾᔪᑕᐅᕙᒃᖢᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᖃᓄᐃᙱᑦᑎᐊᕐᓂᕐᒧᑦ ᐃᓄᐃᑦ ᓄᓇᓕᖏᓐᓄᑦ. ᐊᒥᓲᓗᐊᕐᓂᖏᑦ ᐊᓂᖅᑎᕆᓂᕐᒧᑦ ᐋᓐᓂᐊᖑᔪᑦ, ᐊᐃᑦᑐᕐᓗᖕᓇᖅᑐᑦ ᐋᓐᓂᐊᑦ ᐊᒻᒪᓗ ᐃᓚᒌᖑᔪᑦ ᐋᓐᓂᖅᓯᕆᖃᑦᑕᐅᑎᓐᓂᖏᑦ ᑐᕌᖓᑎᑕᐅᔪᓐᓇᖅᑐᖅ ᐱᐅᑦᑎᐊᙱᑦᑐᓂᑦ ᐃᒡᓗᓕᕆᓂᕐᒧᑦ ᖃᓄᐃᓕᖓᕈᑕᐅᔪᓄᑦ, ᐱᐅᙱᑦᑐᒥᓪᓗ ᐊᒃᑐᐃ- ᓂᐅᕙᒃᑐᑦ ᓱᕈᓰᑦ ᐃᓕᓐᓂᐊᕈᓐᓇᕐᓂᖏᓐᓄᑦ ᐊᒻᒪᓗ ᐃᓅᖃᑎᖃᕐᓂᕐᒧᑦ."Footnote 1

ᐊᒥᒐᓗᐊᕐᓂᖅ ᐊᑐᐃᓐᓇᖃᕐᕕᐅᓂᕐᒧᑦ ᓈᒻᒪᒃᑐᓂᑦ ᐊᒻᒪᓗ ᐊᑭᑭᔾᔫᒥᔪᒥᑦ ᐃᒡᓗᓂᑦ ᐃᓄᐃᑦ ᓄᓇᖕᒐᓂ ᑲᓇᑕᒥ ᑐᐊᕕᕐᓇᕈᑕᐅᕗᖅ. 2016-ᒥᑦ, ᐊᕝᕙᓪᓗᐊᖏᑦ ᐅᖓᑖᓄᑦ (51.7 ᐳᓴᓐᑎ) ᐃᓄᖕᓂᑦ ᐃᓄᐃᑦ ᓄᓇᖕᒐᓂ ᐃᓄᒋ- ᐊᓗᐊᖅᑐᓂᑦ ᐃᒡᓗᒥᐅᖃᑎᒌᖑᔪᑦ ᑕᑯᖃᓯᐅᑎᓗᒍ 8.5 ᐳᓴᓐᑎ ᓄᓇᖃᖅᑳᖅᓯᒪᙱᑦᑐᓂᑦ ᑲᓇᑕᒥᐅᑕᓂᑦ. ᖄᒃᑲᓐᓂᐊᒍᑦ, 70 ᐳᓴᓐᑎ ᐅᖓᑖᓄᑦ ᓄᓇᓕᐅᔪᑦ ᐃᓄᐃᑦ ᓄᓇᖕᒐᓂ ᕿᒫᕕᖃᙱᑦᑐᑦ ᐊᕐᓇᓄᑦ ᕿᑐᕐᖓᖏᓐᓄᓪᓗ ᐋᓐᓂᖅᓱᖅᑕᐅᑎᓪᓗᒋᑦ ᐊᒻᒪᓗ ᐱᑕᖃᕋᓗᐊᖅᑎᓪᓗᒍ, ᐱᔭᒃᓴᖃᖅᑎᑕᐅᓗᐊᖅᑐᑦ.Footnote 2 ᐃᒡᓗᓕᕆᓂᕐᒧᑦ ᑐᐊᕕᕐᓇᕈ- ᑕᐅᔪᖅ, ᑕᐃᒫᒃ ᓴᖅᑭᔮᖅᑎᑕᐅᓂᖓ ᐃᓅᓯᕐᒧᑦ−ᒪᑭᒪᐅᑎᓄᓪᓗ ᐊᓂᒍᖅᑕᐅᔪᓂᑦ, ᑭᒡᒐᖅᑐᐃᖏᓐᓇᖅᐳᖅ ᑐᕌᖓᓕ- ᕈᑕᐅᓂᕐᒧᑦ ᐃᓅᑦᑎᐊᕈᓐᓇᕐᓂᕐᒧᑦ, ᐃᓕᓐᓂᐊᕐᓂᓕᕆᓂᕐᒧᑦ ᐊᒻᒪᓗ ᐃᖅᑲᓇᐃᔮᖃᕐᓂᕐᒧᑦ ᐃᓄᖕᓄᑦ.

ᐃᓄᐃᑦ ᓯᕗᓪᓕᐅᔾᔨᓯᒪᔪᑦ ᐊᑐᐃᓐᓇᖃᕐᕕᐅᑦᑎᐊᕐᓂᖅᓴᐅᓂᕐᒥᑦ ᓈᒻᒪᒃᑐᓂᑦ ᐊᒻᒪᓗ ᐊᑭᑭᔾᔫᒥᔪᒥᑦ ᐃᒡᓗᖃᕐᓂᕐᒥᑦ ᐃᓄᐃᑦ ᓄᓇᖕᒐᓂ ᓂᐱᖃᖃᑦᑕᕐᓂᒃᑯᑦ ᐅᓄᕐᓂᖅᓴᓂᑦ ᐊᒻᒪᓗ ᐱᑕᖃᐃᓐᓇᕐᓗᓂ, ᑐᕌᓚᕆᒃᑐᒥᑦ ᒐᕙᒪᒃᑯᓐᓂᑦ ᑮᓇᐅᔭᕐᓂᒃ. ᖄᒃᑲᓐᓂᐊᒍᑦ, ᐃᓄᐃᑦ ᕿᓂᖅᑐᑦ ᑲᑐᔾᔨᖃᑎᖃᕈᒪᓪᓗᑎ ᑕᒪᐃᓐᓂᒃ ᑲᑐᔾᔨᖃᑎᒋᔭᐅᔪᓂᑦ ᐊᓯᐊᒍᖔᖅ ᐃᒡᓗᓕᕆᓂᕐᒧᑦ ᓇᓖᕌᕈᑎᒃᓴᖃᕐᓂᕐᒧᑦ, ᑐᕌᖓᓕᕈᑕᐅᓗᓂ ᒪᑭᒪᑎᑕᐅᒍᓐᓇᖅᑐᓂ ᐃᒡᓗᓕᕆᓂᕐᒧᑦ ᐃᓄᐃᑦ ᓄᓇᓕᖏᓐᓂᒃ ᐊᒻᒪᓗ ᐃᓕᓴᖅᓯᓂᕐᒥᑦ ᐱᓕᕆᐊᕆᓪᓚᕆᒃᑕᖏᓐᓂᒃ ᐃᓄᐃᑦ ᒐᕙᒪᖏᑦ ᐊᒻᒪᓗ ᑲᑐᔾᔨᖃᑎᒌᖏᑦ ᓴᓇᓂᕐᒥᑦ ᐊᒻᒪᓗ ᐊᐅᓚᑦᑎᓂᕐᒥᑦ ᐃᒡᓗᓕᕆᓂᐅᔪᒥᑦ ᐃᓄᐃᑦ ᓄᓇᓕᖏᓐᓂᒃ. ᐃᓄᐃᑦ ᓇᖕᒥᓂᖅ ᐱᓕᕆᐊᖃᕈ- ᒪᓂᖏᑦ ᐊᐅᓚᑦᑎᓂᕐᒥᑦ ᐃᒡᓗᓕᕆᓂᕐᒥᑦ ᐃᓄᐃᑦ ᓄᓇᖕᒐᓂ ᐱᒻᒪᕆᐅᕗᖅ ᐋᖅᑭᒋᐊᖅᓯᓂᕐᒥᑦ ᐊᒻᒪᓗ ᑲᔪᓯᑎᑦ- ᑎᓂᕐᒥᑦ ᐊᓂᒍᖅᑕᐅᔪᓂᒃ.

ᐊᑐᐃᓐᓇᖃᕐᕕᐅᓂᕐᒥᑦ ᓈᒻᒪᒃᑐᒥᑦ ᐊᒻᒪᓗ ᐊᑭᑭᔾᔫᒥᔪᒥᑦ ᐃᒡᓗᓂᑦ ᐱᕐᔪᐊᖑᔪᖅ ᐋᖅᑭᒋᐊᖅᓯᓂᕐᒥᑦ ᐃᓕᓐᓂᐊᕐ- ᓂᓕᕆᓂᕐᒧᑦ, ᐃᖅᑲᓇᐃᔭᕐᓂᕐᒧᑦ ᐊᒻᒪᓗ ᑎᒥᒧᑦ ᐃᓱᒪᒧᓪᓗ ᐋᓐᓂᐊᖃᖅᑕᐃᓕᒪᓂᕐᒧᑦ ᑕᐃᒃᑯᓄᖓᓗ ᐃᓂᒃᓴᓯ- ᐅᖅᑐᓄᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐋᓐᓂᖅᓯᕆᓂᕐᒧᑦ. ᑮᓇᐅᔭᖃᖅᑎᑦᑎᓂᖅ ᐃᒡᓗᓕᕆᓂᕐᒧᑦ ᑮᓇᐅᔭᐃᔭᕐᓂᐅᕗᖅ ᐊᔪᙱᑎᑦᑎᓂᕐᒥᑦ ᐃᓄᐃᑦ ᓇᖕᒥᓂᖅ ᐱᓕᕆᔪᓐᓇᕐᓗᑎ ᐊᒻᒪᓗ ᐋᖅᑭᒋᐊᖅᓯᓂᕐᒥᑦ ᐃᒡᓗᓕᕆᓂᕐᒧᑦ ᐊᓂᒍᖅ- ᑕᐅᔪᓂᑦ ᐱᐅᔪᒻᒪᕆᖕᒥᒃ ᐊᒃᑐᐃᓂᖃᕐᓂᐊᖅᑐᖅ ᐃᓄᐃᑦ ᐋᓐᓂᐊᖃᖅᑕᐅᓕᒪᓂᖏᓐᓄᑦ ᐊᒻᒪᓗ ᐃᓅᓯᕐᒧᑦ ᒪᑭᒪᐅᑎᓪᓗ ᖃᓄᐃᓐᓂᕆᔭᖏᓐᓄᑦ. (ᑕᑯᓗᒍ ᐅᐃᒍᖓ 1)

ᐅᔾᔨᕐᓇᕐᓂᖅᐹᖑᔪᖅ ᑲᓲᒪᑎᑦᑎᔪᖅ ᐃᒡᓗᐃᑦ ᐃᓄᒋᐊᓗᐊᕐᓂᖏᓐᓄᑦ ᐊᒻᒪᓗ ᓈᒻᒪᙱᓗᐊᖅᑐᓂᑦ ᐃᒡᓗᖃᕐᓂᕐᒥᑦ ᐱᑕᖃᐅᕐᓂᖓᓄᑦ ᐳᕙᓪᓗᓐᓇᖅᑐᖅ ᐃᓄᐃᑦ ᓄᓇᓕᖏᓐᓂ. ᐃᓄᐃᑦ ᐳᕙᓪᓗᓐᓇᖅᑐᖃᕐᓂᖏᑦ 300-ᖏᖅᓱᕐᓗᒍ ᐅᓄᕐᓂᖅᓴᐅᑲᓴᒃᑐᖅ ᑕᐃᒃᑯᓂᖓ ᓄᓇᖃᖅᑳᖅᓯᒪᙱᑦᑐᓂᑦ ᑲᓇᑕᒥ ᐃᓅᓂᑰᔪᓂᑦ ᓄᓇᓕᕐᔪᐊᕆᔭᑦᑎᓐᓂ.Footnote 3 ᑲᓲᒪᖃᑎᒌᓐᓂᖏᑦ ᓯᐊᒻᒪᒃᐸᓪᓕᐊᓂᕆᔭᖏᑦ ᐊᓂᖅᑎᕆᓂᕐᒧᑦ ᐋᓐᓂᐊᖑᔪᑦ ᐊᒻᒪᓗ ᐋᓐᓂᐊᑦ ᐊᒻᒪᓗ ᐃᒡᓗᐃᑦ ᐃᓄᒋᐊᓗᕐᓂᖏᑦ ᐊᒻᒪᓗ ᓈᒻᒪᙱᓗᐊᖅᑐᒥᑦ ᐃᒡᓗᖃᕐᓂᕐᒥᑦ ᑎᑎᖅᑕᐅᔾᔪᑕᐅᓯᒪᑦᑎᐊᖅᑐᑦ. ᒫᔾᔨ 2018-ᒥᑦ, ᒥᓂᔅᑕ ᓄᓇᖃᖅᑳᖅᑐᓄᑦ ᐱᔨᑦᑎᕋᖅᑎᒃᑯᓐᓄᑦ ᐊᖏᖅᓯᒪᓚᐅᖅᑐᖅ ᐳᕙᒡᓗᖕᓇᖅᑐᖃᕈᓐᓃᕐᓗᓂ ᐃᓄᐃᑦ ᓄᓇᖕᒐᓂ ᑎᑭᓪᓗᒍ 2030. ᑖᔅᓱᒥᖓ ᐊᖏᖅᓯᒪᔾᔪᑕᐅᔪᒥᑦ ᑲᔪᓯᑎᑦᑎᓂᕐᒥᑦ, ᐃᒡᓗᓕᕆᓂᕐᒧᑦ ᐱᔭᐅᔭᕆᐊᓕᖕᓂᒃ ᑲᒪᒋᔭᖃᕐ- ᓂᕐᒥᑦ ᐱᒻᒪᕆᐊᓘᕗᖅ. ᑲᒪᒋᔭᖃᕐᓂᕐᒥᑦ ᐃᒡᓗᐃᑦ ᐃᓄᒋᐊᓗᐊᕐᓂᖏᓐᓄᑦ ᐱᐅᔫᑎᓂᒃ ᐊᒃᑐᐃᓂᖃᕐᓂᐊᕐᒥᔪᖅ ᐊᓯᖏᓐᓄᑦ ᓯᕗᓪᓕᐅᑎᔭᐅᖁᔭᐅᔪᓂᑦ, ᐋᖅᑭᒋᐊᖅᓯᓂᕐᒥᓪᓗ ᐃᓱᒪᒃᑯᑦ ᖃᓄᐃᙱᑦᑎᐊᕆᐊᕐᓂᕐᒥᑦ ᐊᒻᒪᓗ ᐃᓚᒌᖑᔪᓂᑦ ᐋᓐᓂᖅᑎᕆᔪᖃᙱᓐᓂᖅᓴᐅᓕᕐᓗᓂ.

ᒫᔾᔨ 2017-ᒥᑦ ᐅᓂᒃᑳᓕᐊᖓᓂᒃ ᑕᐃᒎᓯᓕᖕᒥ "We Can Do Better: (ᐱᓕᕆᑦ- ᑎᐊᕐᓂᖅᓴᐅᔪᓐᓇᖅᑐᒍᑦ: ᐃᒡᓗᓕᕆᓂᖅ ᐃᓄᐃᑦ ᓄᓇᖕᒐᓂ), ᒪᓕᒐᓕᐅᕐᕕᒡᔪᐊᕐᒥ ᑲᑎᒪᔨᕋᓛᓄᑦ ᓄᓇᖃᖅᑳᖅ- ᓯᒪᔪᓄᑦ ᐃᓕᓴᖅᓯᕗᑦ ᐃᒡᓗᓕᕆᓂᕐᒧᑦ ᑐᐊᕕᕐᓇᖅᑐᒦᓕᕐᓂᖏᓐᓂᒃ ᐃᓄᐃᑦ ᓄᓇᖕᒐᓂ ᐊᒻᒪᓗ ᑲᓇᑕᐅᑉ ᒐᕙᒪᖓ ᑲᒪᒋᔭᖃᕐᓂᖅᓴᐅᖁᔭᐅᓪᓗᑎᒃ ᐃᓄᖕᓄᑦ ᐃᒡᓗᓕᕆᓂᕐᒧᑦ ᐱᔭᐅᔭᕆᐊᓕᖕᓂᒃ. ᑲᑎᒪᔨᕋᓛᑦ ᐊᑐᓕᖁᔭᖏᑦ ᑖᒃᑯᐊ, ᐊᓯᖏᓪᓗ, ᑮᓇᐅᔭᑦ ᑐᕌᖅᑎᑕᐅᓪᓚᕆᓪᓗᑎ ᐃᓄᖕᓄᑦ ᐊᒻᒪᓗ ᐱᕙᓪᓕᐊᑎᑦᑎᓂᕐᒧᑦ ᑮᓇᐅᔭᕐᓄᑦ ᐸᕐᓇᐅᑎᒥ "ᑲᒪᒋᔭᖃᕐᓂᕐᒧᑦ ᑮᓇᐅᔭᑭᓐᓂᖅᓴᐅᖃᑦᑕᓕᕐᓂᖓ ᐃᒡᓗᓕᕆᔨᒃᑯᑦ ᐃᒡᓗᖁᑎᖏᓐᓄᑦ ᐊᖏᕈᑎᓂᑦ, ᑭᓯᐊᓂ ᐊᑐᐃᓐᓇᐅᑎᑦᑎᓂᕐᒥᑦ ᓈᒻᒪᒃᑐᒥ, ᓂᕆᐅᓇᖅᑐᓂᑦ ᐊᒻᒪᓗ ᐱᑕᖃᐃᓐᓇᕐᓗᓂ ᑮᓇᐅᔭᕐᓂᒃ ᐊᕕᒃᑐᖅᓯᒪᔪᑦ ᐃᒡᓗᓕᕆᔨᒃᑯᑦ ᐸᕐᓇᐃᔪᓐᓇᕐᓂᐊᕐᒪᑕ ᑖᒃᑯᓄᖓ, ᐊᒻᒪᓗ ᑎᑭᐅᒪᓗᑎ, ᐅᖓᓯᒃᑐᒨᖓᔪᓂᒃ ᐃᒡᓗᓕᕆᓂᕐᒧᑦ ᐱᔭᐅᔭᕆᐊᓕᖕᓂᒃ."

ᐃᒡᓗᓕᕆᓂᖅ ᐃᓄᐃᑦ ᓄᓇᖕᒐᓂ ᑕᑯᖃᓯᐅᑎᓇᖅᑐᖅ ᐊᑭᑐᔪᕐᔪᐊᖑᓂᖓ ᓴᓇᓂᕐᒧᑦ, ᐊᐅᓚᑦᑎᓂᕐᒧᑦ ᐊᒻᒪᓗ ᐋᖅᑭᐅᒪᑎᑦᑎᓂᕐᒧᑦ ᐊᒻᒪᓗ ᓇᓖᕌᕈᑎᒃᓴᑭᓐᓂᖓᓄᑦ. ᐱᔾᔪᑎᖃᖅᖢᑎᒃ ᐃᑲᔫᑎᒃᓴᓂᑦ ᐊᒥᒐᒃᓯᓐᓂᖏᓐᓄᑦ, ᑲᓇᑕᐅᑉ ᒐᕙᒪᖓ ᐊᒻᒪᓗ ᑲᓇᑕᐅᑉ ᓂᒋᐊᓂ/ᐅᑭᐅᖅᑕᖅᑐᒥ ᐃᒡᓗᓕᕆᓂᕐᒧᑦ ᐊᑐᐊᒐᐃᑦ ᑐᕌᒐᖃᖅᓯᒪᓪᓚᕆᙱᑦᑐᑦ ᑲᒪᒋᔭ- ᖃᕐᓂᕐᒥᑦ ᑕᒪᐃᓐᓂᒃ ᓇᓖᕌᕈᑎᒃᓴᓂᑦ ᐃᒡᓗᖃᐃᓐᓇᕈᓐᓇᕐᓂᕐᒧᑦ ᐊᒻᒪᓗ ᐱᑕᖃᕆᐊᖃᕐᓂᖓᓂ ᐃᓕᖅᑯᓯᕐᒥᓄᑦ ᓈᒻᒪᒋᔭᐅᔪᓂᒃ ᐃᒡᓗᖃᕐᓂᕐᒥᑦ ᐱᐅᑦᑎᐊᖅᑐᓂᑦ ᐱᖁᑎᓄᑦ ᓴᓇᓯᒪᓗᑎ ᓂᒡᓚᓱᕐᔪᐊᖃᑦᑕᕐᓂᖓᓄᑦ. ᑐᕌᖓᑎᑕᐅᖏᓪᓚᕆᒃᑐᒥᑦ ᑲᓇᑕᐅᑉ ᒐᕙᒪᒃᑯᖏᓐᓂᙶᖅᑐᓂᒃ ᑮᓇᐅᔭᑦ, ᓲᕐᓗ ᑕᐃᒃᑯᐊ ᑐᓂᔭᐅᕙᒃᑐᑦ ᑲᓇᑕᐅᑉ ᓂᒋᐊᓄᑦ ᐅᑭᐅᖅᑕᖅᑐᖓᓄᓪᓗ, ᐊᑐᐃᓐᓇᐅᑎᓪᓗᒋᑦ, ᑮᓇᐅᔭᕐᓄᑦ ᓈᒻᒪᒋᔭᐅᔪᑦ ᑐᕌᖓᓕᕈᑕᐅᑦᑎᐊᖃᑦᑕᖅᓯ- ᒪᙱᑦᑐᑦ ᐃᒡᓗᓕᕆᓂᕐᒧᑦ ᐋᖅᑭᒋᐊᕈᑎᒃᓴᓄᑦ. ᑕᒪᓐᓇ ᑐᕌᖓᓕᕈᑕᐅᓯᒪᔪᖅ ᐃᓄᐃᑦ ᑭᑭᑕᐅᖃᑦᑕᕐᓂᖏᓐᓂᒃ ᐱᕚᓪᓕᕈᑕᐅᑐᐃᓐᓇᕆᐊᓕᖕᓂᒃ ᑖᒃᑯᓇᙱᑦ ᐱᓕᕆᐊᒃᓴᓂᑦ. ᖄᒃᑲᓐᓂᐊᒍᑦ, ᑮᓇᐅᔭᕐᓂᒃ ᐊᑐᐃᓐᓇᖅᑕᖃᖅᑎᓪᓗᒍ, ᐱᑕᖃᓗᐊᖅᐸᖏᑦᑐᖅ ᐊᑭᑐᓂᖓᓄᑦ ᐃᒡᓗᓕᐅᕐᓂᕐᒧᑦ ᐊᒻᒪᓗ ᐊᐅᓚᑦᑎᓂᕐᒧᑦ ᐊᑭᖏᓐᓂᒃ ᐊᒻᒪᓗ ᐃᓄᒋᐊᕐᓂ- ᐅᔪᓄᑦ ᑐᕌᖓᔪᓂᑦ, ᐃᓄᒋᐊᒃᓯᔪᒻᒪᕆᐅᓂᖓᓗ ᐃᓄᐃᑦ ᓄᓇᖕᒐᓂ.

ᑲᔪᓯᓂᖃᑦᑎᐊᖅᑐᑦ ᓄᓇᓖᑦ ᐃᓚᖃᖅᑐᑦ ᐊᔾᔨᒌᙱᑦᑐᓂᑦ, ᐊᒻᒪᓗ ᓈᒻᒪᒃᑐᓂᑦ, ᐃᒡᓗᓂᑦ ᐊᔾᔨᒌᙱᑦᑐᓂᑦ ᑖᒃᑯᐊᓗ ᐃᒡᓗᓕᕆᔨᒃᑯᑎᒍᑦ, ᐊᑭᑭᔾᔫᒥᔪᓂᑦ ᐊᑐᖅᑐᐊᕐᓂᕐᒥᑦ, ᓇᖕᒥᓂᕆᔭᐅᔪᓂᑦ, ᑯᐊᐸᑎᒍᑦ, ᐃᑲᔪᖅᓱᖅᑐᓂᑦ ᐊᒻᒪᓗ ᐃᒡᓗᒋᔭᐅᑲᐃᓐᓇᓲᓂᑦ. ᑭᓯᐊᓂᓕ, ᐊᖏᒡᓕᒋᐊᖅᑎᕆᓂᕐᒥᑦ ᐊᑭᑭᔾᔫᒥᔪᓂᑦ ᐊᓯᖔᖏᓐᓂᒃ ᐊᑐᕈᓐᓇᖅᑐᓂᑦ ᐃᓄᓕᒫᓄᑦ ᐃᒡᓗᓕᕆᓂᕐᒧᑦ ᐊᒃᓱᕈᕈᑕᐅᔪᖅ ᐃᓄᐃᑦ ᓄᓇᖕᒐᓂ ᐃᓚᖃᖅᖢᓂᒃ, ᐊᒥᒐᓗᐊᕐᓂᖏᓐᓂᒃ ᐃᒡᓗᓂᑦ ᓂᐅᕕᐊᒃᓴᐅᒃᑲᓐᓂᖅᑐᓂᑦ, ᐊᑭᑐᓂᖓ ᐊᒻᒪᓗ ᐅᓗᕆᐊᓇᕈᑕᐅᔪᑦ ᐃᓛᒃᑰᖓᔪᒃᑯᑦ ᐊᒻᒪᓗ ᓇᖕᒥᓂᕆᔭᐅᔪᓄᑦ ᐱᕙᓪᓕᐊᑎᑦᑎᔨᓄᑦ ᐊᒻᒪᓗ ᐊᒃᓱᕈᕐᓇᕈᑕᐅᔪᑦ ᑮᓇᐅᔭᖅᑖᕋᓱᐊᕐᓂᕐᒥᑦ. ᐃᓄᐃᑦ ᐅᓄᖅᑐᑦ ᐊᑭᑭᓪᓕᒋᐊᖅᓯᒪᔪᓂᑦ ᐃᒡᓗᓂᑦ ᐊᑐᖅᑐᐊᖃᑦᑕᖅᑐᑦ ᐊᑯᓂᐊᓗᒃ ᐊᒥᒐᓗᐊᕐᓂᖏᓐᓄᑦ ᐊᑭᑭᔾᔫᒥᔪᓂᒃ ᐃᒡᓗᓕᕆᓂᕐᒧᑦ ᓇᓖᕌᕈᑎᒃᓴᓂᑦ. ᐃᒡᓗᒥᑦ ᓇᖕᒥᓂᖃᕐᓂᐅᔪᖅ ᐃᓄᒋᐊᒃᑐᓄᑦ ᐃᓄᖕᓄᑦ ᐊᑐᖅᑕᐅᒐᔭᖅᑐᖅ ᑮᓇᐅᔾᔭᓂᕐᒧᑦ ᐱᕕᖃᖅᑎᑦᑎᓂᖓᓄᑦ, ᑭᓯᐊᓂ, ᑐᓗᖅᑕᕈᑕᐅᓲᓂᑦ ᐱᑕᖃᐃᓐᓇᖅᑐᖅ.

ᓄᑖᓂᑦ ᐊᑐᕈᓐᓇᖅᑐᓂᑦ, ᓯᓚᒧᑦ ᓈᒻᒪᓐᓂᖅᓴᐅᔪᓂᑦ ᐃᒡᓗᒃᓴᓄᑦ ᓴᓇᒪᓂᖏᓐᓄᑦ ᐱᑕᖃᐅᖅᑐᖅ ᐃᓕᖅᑯᓯᕐᒥᑦ ᐃᓚᓕᐅᑎᔪᓐᓇᖅᑐᓂᑦ ᑭᓯᐊᓂ, ᐃᒡᓗᑭᒃᓴᕐᔪᐊᕐᓂᖏᓐᓄᑦ ᐊᒻᒪᓗ ᑮᓇᐅᔭᕐᓂᒃ ᐊᒥᒐᑯᑖᕐᓂᖏᓐᓄᑦ, ᐃᑲᔫᑎᒃᓴᐅᔪᑦ ᑐᕌᖓᑎᑕᐅᓂᖅᓴᐅᓯᒪᔪᑦ ᐊᑭᑭᓐᓂᖅᓴᐅᓄᑦ ᐊᒻᒪᓗ ᓈᒻᒪᙱᓐᓂᖅᓴᐅᔪᓄᑦ ᐃᒡᓗᓄᑦ ᐆᒃᑑᑎᐅᔪᓄᑦ. ᑕᒪᓐᓇ ᐊᒃᓱᕈᖅᑎᑦᑎᒃᑲᓐᓂᖅᓯᒪᔪᖅ ᐱᕐᔪᐊᖑᔭᕇᖅᑐᒥᑦ ᐊᒻᒪᓗ ᑐᐊᕕᕐᓇᕈᑕᐅᓕᖅᐸᓪᓕᐊᑐᐃᓐᓇᖅᑐᒥᑦ ᐃᓄᐃᑦ ᓄᓇᓕᖏᓐᓂᒃ.

ᐊᒃᓱᕈᕐᓇᖅᑐᖃᕋᓗᐊᖅᑎᓪᓗᒍ, ᐊᖏᔪᒥᑦ ᐊᒻᒪᓗ ᐱᕙᖃᕐᓂᐅᔪᒥᑦ ᓴᖅᑭᔮᖅᑐᖃᕇᖅᑐᖅ ᐃᒡᓗᓕᕆᓂᕐᒧᑦ ᑐᐊᕕᕐ- ᓇᖅᑐᒦᑎᑦᑎᔪᓐᓃᕐᓂᕐᒧᑦ ᐃᓄᐃᑦ ᓄᓇᖕᒐᓂ ᐊᒻᒪᓗ ᖃᐅᔨᒪᑦᑎᐊᕆᐊᕐᓂᕐᒥᑦ ᓯᕗᓂᒃᓴᒥ ᐱᑕᖃᐃᓐᓇᕈᓐᓇᕐ- ᓂᖓᓂᑦ ᐃᒡᓗᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪᓗ ᑲᔪᓯᑎᑦᑎᓂᕐᒥᑦ. ᓴᙱᔫᑏᑦ ᐊᖏᖅᓯᒪᓃᑦ ᐋᖅᑭᒋᐊᖅ- ᓯᓂᕐᒧᑦ ᐃᒡᓗᓕᕆᓂᕐᒥᑦ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᒃ ᑕᐃᒪᐃᑎᑕᐅᓯᒪᔪᑦ ᑲᓇᑕᐅᑉ ᒐᕙᒪᖓᓄᑦ. ᐱᒻᒪᕆᐅᔪᒥᑦ, ᑐᕌᖓᑎᑕᐅᔪᒃᑯᑦ ᐃᒡᓗᓕᕆᓂᕐᒧᑦ ᑮᓇᐅᔭᑦ ᒫᓐᓇᕈᓘᓚᐅᖅᑐᒥ ᑲᓇᑕᐅᑉ ᒐᕙᒪᒃᑯᖏᑦ ᑮᓇᐅᔭᕐᓂᒃ ᐊᑐᖅᑐᒃᓴᓂᑦ ᐊᐅᓚᑕᐅᔪᖅ ᐃᓄᖕᓄᑦ.

ᐱᒻᒪᕆᐅᓂᖓᓂᑦ ᐃᓕᓴᖅᓯᓂᕐᒥᑦ ᐋᖅᑭᒋᐊᖅᓯᓂᕐᒥᑦ ᐃᓄᖕᓄᑦ ᐃᒡᓗᓕᕆᓂᕐᒧᑦ ᐊᓂᒍᖅᑕᐅᔪᓂᑦ ᐊᒻᒪᓗ ᑲᑐᔾᔨᖃᑎᒌᑦᑎᐊᕐᓂᒃᑯᑦ ᑲᒪᒋᔭᖃᕐᓂᕐᒧᑦ ᐃᓄᐃᑦ ᐱᒋᐊᖃᖅᑕᖏᓐᓂᒃ, ᐃᒡᓗᓕᕆᓂᖅ ᓯᕗᓪᓕᐅᔾᔭᐅᔭᕆᐊᓕᒃ ᐃᓄᐃᑦ−ᒐᕙᒪᑐᖃᒃᑯᑦ ᐱᓕᕆᖃᑎᒌᓐᓂᕐᒧᑦ ᑲᑎᒪᔨᕋᓛᓄᑦ. ᑲᑐᔾᔨᖃᑎᒌᓐᓂᒃᑯᑦ ᐱᕙᓪᓕᐊᑎᑕᐅᓂᖓ ᐃᓄᐃᑦ ᓄᓇᖕᒐᓂ ᐃᒡᓗᓕᕆᓂᕐᒧᑦ ᐸᕐᓇᐅᑎ ᐱᒻᒪᕆᐅᕗᖅ ᐋᖅᑭᒃᓱᐃᓂᕐᒥᑦ ᐊᒻᒪᓗ ᑲᔪᓯᑎᑦᑎᓂᕐᒥᑦ ᓄᑖᒥᑦ ᐱᓕᕆ- ᐊᖃᑎᒌᓐᓂᕐᒧᑦ ᐃᒡᓗᓕᕆᓂᕐᒧᑦ ᐊᒥᒐᕆᔭᐅᔪᓂᑦ ᐃᓄᐃᑦ ᓄᓇᖓᓂ ᐊᒻᒪᓗ ᑲᓇᑕᓕᒫᒥ.

ᑕᐃᑰᓇ ᐃᓄᐃᑦ−ᒐᕙᒪᑐᖃᒃᑯᑦ ᐱᓕᕆᖃᑎᒌᓐᓂᕐᒧᑦ ᑲᑎᒪᔨᕋᓛᒃᑯᑦ, ᐃᓄᐃᑦ ᐱᓕᕆᖃᑎᖃᖅᓯᒪᔪᑦ ᑲᓇᑕᐅᑉ ᒐᕙᒪᖓᓂ ᑖᔅᓱᒥᖓ ᐸᕐᓇᐅᑎᒥ ᐋᖅᑭᒃᓱᐃᓪᓗᑎ ᑐᕌᒐᖃᖅᖢᑎᒃ ᑲᒪᒋᔭᖃᕐᓂᕐᒥᑦ ᐊᒻᒪᓗ ᐋᖅᑭᒋᐊᖅᓯᓂᕐᒥᑦ ᐃᒡᓗᓕᕆᓂᕐᒧᑦ ᐊᓂᒍᖅᑕᐅᔪᓂᑦ ᐃᓄᐃᑦ ᓄᓇᖕᒐᓂ ᑐᑭᒧᐊᖃᑕᐅᓗᑎ ᐊᓂᒍᖅᑕᐅᔪᓂᑦ ᑲᓇᑕᓕᒫᒥᑦ. ᑕᐃᒫᒃ ᐋᖅᑭᒃᓱᖅᑕᐅᓯᒪᖕᒪᑦ ᑕᐃᑲᓂ ᑲᓇᑕᐅᑉ ᐃᒡᓗᓕᕆᓂᕐᒧᑦ ᐸᕐᓇᐅᑎᖓᓂ, "ᑕᒪᓐᓇ ᑲᑐᔾᔨᖃᑎᒌᓂᒃᑯᑦ ᐱᓕᕆᐊᖑᔪᖅ ᐃᒃᐱᒍᓱᑦᑎᐊᖅᑐᖅ ᐊᒻᒪᓗ ᓴᙱᓂᖅᓴᐅᓕᖅᑎᑦᑎᔪᖅ ᐃᓄᐃᑦ−ᒐᕙᒪᑐᖃᒃᑯᑦ ᐱᓕᕆᖃᑎᒌᓐᓂᖏᑦ ᐊᒻᒪᓗ ᐃᑲᔪᕐᓂᖃᕐᓂᐊᖅᑐᖅ ᑎᑭᐅᒪᓂᕐᒥᑦ ᑖᔅᓱᒥᖓᔅᓴᐃᓐᓇᖅ ᑐᕌᒐᖃᖅᑎᓪᓗᒋᑦ ᒥᒃᖠᒋᐊᖅᑎᕆᓂᕐᒥᑦ ᐃᒡᓗᓕᕆᓂᕐᒧᑦ ᐱᔭᐅᔭᕆᐊᓕᖕᓂᒃ ᐃᓄᐃᑦ ᓄᓇᖕᒐᓂ ᐊᒻᒪᓗ ᐱᕙᓪᓕᐊᑎᑦᑎᓂᕐᒧᑦ ᐅᖓᓯᒃᑐᒨᖔᔪᓂᑦ ᐋᖅᑭᒋᐊᕈᑎᒃᓴᓂᑦ ᐃᓄᐃᑦ ᐃᓅᓯᖏᓐᓄᑦ, ᐱᖅᑯᓯᖏᓐᓄᑦ ᐊᒻᒪᓗ ᐃᓕᖅᑯᓯᖓᓄᑦ ᑐᕌᖓᓗᑎ. ᐱᓕᕆᔾᔪᓯᐅᔪᖅ ᐊᑐᖅᑕᐅᔪᖅ ᓴᖅᑭᔮᖅ- ᑎᑦᑎᕗᖅ ᐱᓕᕆᐊᕆᔭᖏᑦ ᑖᒃᑯᐊ ᐃᓄᐃᑦ ᑲᑐᔾᔨᖃᑎᒌᖏᑦ ᐊᒻᒪᓗ ᒐᕙᒪᐃᑦ ᑲᒪᒋᔭᖃᕐᓂᕐᒥᑦ ᐃᒡᓗᓕᕆᓂᕐᒧᑦ ᐱᔭᐅᔭᕆᐊᓕᖕᓂᒃ ᓄᓇᓕᖏᓐᓂ."

SIDE TEXT

ᓄᓇᑦᓯᐊᕗᑦ ᒐᕙᒪᖓ ᐱᔭᕇᖅᓯᓚᐅᖅᑐᖅ ᐃᒡᓗᓕᐅᕐᓂᕐᒥᑦ ᐆᒃᑑᑎᒋᔭᐅᔪᒥᒃ ᓇᐃᓂᒥ, ᑮᓇᐅᔭᖅᑖᖅᑎᑕᐅᒃᑲᓐᓂᖅᖢᑎᒃ ᑕᐃᑲᙵᑦ ᑕᓯᐅᔭᑦᓱᐊᖅ ᑮᓇᐅᔭᖁᑎᖏᓐᓂᒃ ᐊᒻᒪᓗ ᐅᑭᐅᖅᑕᖅᑐᒥᑦ ᒪᓕᒍᒥᓇᖅᑐᒥᑦ ᓵᓚᐅᒃᓴᐅᓯᐊᒥᒃ, ᐊᑭᖓ $3.5 ᒥᓕᐊᓐ. ᑖᓐᓇ ᐆᒃᑑᑎᒋᔭᐅᔪᖅ ᐱᖓᓲᔪᖅᑐᓂᒃ ᐃᒡᓗᖁᑎᓕᒃ ᐱᖓᓱᑦ ᓴᓂᕐᕙᒃᑕᐅᓯᒪᔪᑦ ᐃᓐᓇᕐᓄᑦ ᐊᒻᒪᓗ ᐱᖓᓱᑦ ᓴᓂᕐᕙᒃᑕᐅᓯᒪᔪᑦ ᒪᒃᑯᒃᑐᓄᑦ.

ᓇᐅᑦᑎᖅᓱᖅᑕᐅᓛᖅᑐᖅ ᐊᕐᕌᒍᓕᒫᒧᑦ, ᐆᒻᒪᖅᑯᑎᓂᒃ ᐊᑐᙱᓐᓂᖅᓴᐅᓂᕐᒧᑦ, ᑲᖏᖃᕐᓂᖏᓐᓄᑦ ᐊᒻᒪᓗ ᐊᓂᕐᓂᑦᑎᐊᕆᓐᓂᖏᓐᓄᑦ, ᐊᓯᖏᓐᓄᓪᓗ. ᖃᐅᔨᔭᐅᓂᑰᔪᑦ ᓇᐅᑦᑎᖅᓱᕐᓂᕐᒧᑦ ᐊᑐᖅᑕᐅᓛᖅᑐᑦ ᐃᑲᔫᑕᐅᓪᓗᑎ ᐃᒡᓗᕐᔪᐊᓄᑦ ᒪᓕᒐᐅᔪᓄᑦ ᐊᒻᒪᓗ ᒪᓕᒋᐊᓕᖕᓂᒃ ᓄᓇᑦᓯᐊᕗᒻᒥ, ᑐᕌᖓᓕᕐᓗᑎ ᓴᓇᒪᓂᖏᓐᓄᑦ ᒪᓕᒋᐊᓕᖕᓂᒃ ᓄᑖᓄᑦ ᐃᒡᓗᓕᐅᖅᑕᐅᔪᓄᑦ. ᑖᒃᑯᐊ ᒪᓕᒐᐃᑦ ᐊᒻᒪᓗ ᒪᓕᒃᑕᐅᔭᕆᐊᓖᑦ ᐊᑐᐃᓐᓇᐅᑎᑕᐅᓛᖅᑐᑦ ᐱᓕᕆᓂᐊᖅᑐᓄᑦ, ᐊᒻᒪᓗ ᐊᑐᖅᑕᐅᔭᕆᐊᓖᑦ ᑕᒪᐃᓐᓄᑦ ᑳᓐᑐᕌᒃᑖᖅᑐᓄᑦ ᓄᓇᑦᓯᐊᕗᑦ ᒐᕙᒪᒃᑯᖏᓐᓂᒃ ᑮᓇᐅᔭᖃᖅᑎᑕᐅᔪᓄᑦ ᐱᓕᕆᐊᒃᓴᓄᑦ.

END SIDE TEXT

ᑎᑎᕋᖅᓯᒪᔪᑦ

ᑎᓴᒪᐅᔪᑦ ᓄᓇᖁᑎᒋᔭᐅᔪᑦ ᐃᓄᐃᑦ ᓄᓇᖕᒐᓂ ᑕᐃᑲᓃᑦᑐᑦ ᒪᕐᕉᖕᓂᒃ ᑲᓇᑕᐅᑉ ᓂᒋᐊᓂ ᐊᒻᒪᓗ ᒪᕐᕉᖕᓂᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ, ᐊᒻᒪᓗ ᐊᑐᓂ ᐊᕕᒃᑐᖅᓯᒪᔪᓂᑦ ᒪᓕᒐᖅᑎᒍᑦ ᐊᒻᒪᓗ ᒐᕙᒪᑦᑎᒍᑦ ᐱᑕᖃᓪᓚᕆᒃᑐᑦ ᑖᒃᑯᐊᓗ ᓄᓇᑕᕈᑕᐅᓯᒪᔪᑦ ᐊᒻᒪᓗ ᒐᕙᒪᖃᕐᓂᕐᒥᑦ (ᓄᓇᕗᑦ ᑕᐃᒪᐃᑦᑑᕗᖅ) ᐊᒻᒪᓗ ᓇᖕᒥᓂᖅ ᒐᕙᒪᖃᕐᓂᕐᒥᑦ (ᓄᓇᑦᓯᐊᕗᑦ ᑕᐃᒪᐃᑦᑑᕗᖅ). ᐋᔩᖃᑎᖃᖅᑐᑦ ᒐᕙᒪᓕᕆᓂᕐᒧᑦ ᑲᔪᓯᓂᖃᖅᑐᖅ ᓄᓇᕕᖕᒥᑦ ᐊᒻᒪᓗ ᐃᓄᕕ- ᐊᓗᐃᑦ ᓄᓇᖓᓂ ᐊᓯᔾᔨᕈᑕᐅᓕᕋᔭᖅᑐᖅ ᓄᓇᖁᑎᒋᔭᐅᔪᒥ.

ᐃᓄᐃᑦ ᐋᖅᑭᒃᓯᒪᑦᑎᐊᖅᑐᓂᑦ ᐊᒻᒪᓗ ᑐᕌᖓᓪᓚᕆᒃᑐᓂᑦ ᐃᓄᐃᑦ ᒐᕙᒪᑐᖃᒃᑯᓪᓗ ᐱᓕᕆᖃᑎᒌᑦᑎᐊᖅᑐᑦ ᓄᓇᒥᑦ ᓇᖕᒥᓂᖃᖅᑎᐅᓪᓗᑎ, ᐊᐅᓚᑦᑎᔨᐅᓪᓗᑎ ᐊᒻᒪᓗ ᐱᔪᓐᓇᐅᑎᓂᑦ ᑎᒍᒥᐊᖅᑎᐅᓪᓗᑎ, ᑲᒪᒋᔭᖃᖅᑐᑦ ᐃᓄᐃᑦ ᖃᓄᐃᙱᑦᑎᐊᕆᐊᖃᕐᓂᖏᓐᓂᒃ. ᓄᓇᑖᓂᕐᒧᑦ ᐊᒻᒪᓗ ᓇᖕᒥᓂᖅ ᒐᕙᒪᖃᕐᓂᕐᒧᑦ ᐊᖏᕈᑎᑖᕐᓂᒃᑯᑦ, ᐊᑎᓕᐅᖅ- ᓯᒪᔪᑦ ᐊᖏᖅᓯᒪᔪᑦ ᐊᔾᔨᒌᙱᑦᑐᓂᑦ ᑲᔪᓯᑎᑕᐅᔭᕆᐊᓕᖕᓂᒃ ᑐᕌᒐᒃᓴᐅᔪᓂᑦ ᐃᓚᐅᔪᓕᒫᓄᑦ. ᑖᒃᑯᐊ ᑐᕌᒐᒃᓴᑦ ᐃᓚᖃᖅᑐᑦ, ᐋᖅᑭᒋᐊᖅᓯᓂᕐᒥᑦ ᐃᓅᓯᕐᒧᑦ ᖃᓄᐃᙱᑦᑎᐊᕐᓂᕐᒥᑦ ᐊᒻᒪᓗ ᑮᓇᐅᔾᔭᑦᑎᐊᕈᓐᓇᕐᓂᕐᒥᑦ ᐃᓄᐃᑦ; ᐱᕙᓪᓕᐊᑎᑦᑎᓂᕐᒥᑦ ᐆᒪᑦᑎᐊᕆᓐᓂᖅᓴᓂᑦ, ᒪᑭᒪᑎᑕᐅᒍᓐᓇᖅᑐᓂᑦ ᓄᓇᓕᖕᓂᑦ; ᐊᒻᒪᓗ ᐃᓄᐃᑦ ᐃᓚᐅᑎᑕᐅ- ᓂᖅᓴᐅᓗᑎ ᑲᓇᑕᐅᑉ ᒐᕙᒪᓕᕆᔾᔪᓯᖓᓂ, ᐃᓅᓯᕐᒧᑦ ᐊᒻᒪᓗ ᑮᓇᐅᔾᔭᓂᕐᒧᑦ ᐊᕙᑎᖓᓂ ᐱᕚᓪᓕᖅᑎᑦᑎᓂᕐᒧᑦ ᑲᓇᑕᒥᐅᓕᒫᓂᑦ (ᓄᓇᖃᖅᑳᖅᓯᒪᔪᓕᕆᔨᒃᑯᑦ ᐊᒻᒪᓗ ᐅᑭᐅᖅᑕᖅᑐᓕᕆᔨᒃᑯᑦ ᑲᓇᑕᒥ, 2015).

ᐅᓄᖅᑐᑦ ᐱᓕᕆᕝᕖᑦ ᐊᑐᓂ ᓄᓇᖃᕐᕕᐅᔪᓂᑦ ᐃᓚᐅᖃᑕᐅᓲᑦ ᐋᖅᑭᒃᓱᐃᓂᕐᒥᑦ ᐃᒡᓗᓕᕆᓂᕐᒨᖓᔪᓂᑦ ᐊᑐᐊᒐᕐᓂᒃ ᐊᒻᒪᓗ ᐊᐅᓚᑦᑎᓂᕐᒥᑦ ᐃᒡᓗᓕᕆᓂᕐᒧᑦ ᐱᓕᕆᐊᒃᓴᓂᑦ. ᑲᓇᑕᐅᑉ ᓂᒋᐊᓂ ᐅᑭᐅᖅᑕᖅᑐᖓᓂᓪᓗ ᓴᓇᓯᒪᓂᖓ ᐊᒻᒪᓗ ᑲᔪᓯᑎᑕᐅᓂᖓ ᐃᓄᓕᒫᓄᑦ ᐊᒻᒪᓗ ᐃᒡᓗᓕᕆᔨᒃᑯᑎᒍᑦ ᐃᒡᓗᓕᕆᓂᕐᒨᖔᔪᓂᒃ, ᕿᒫᕖᓪᓗ ᐊᒻᒪᓗ ᐃᒡᓗᒋᔭᐅᑲᐅᓐᓇᕈᓐᓇᖅᑐᓂᑦ. ᑕᐃᒪᐃᒻᒪᑦ, ᐃᓛᓐᓂᒃᑯᑦ, ᓄᓇᓖᑦ ᑲᓇᑕᐅᑉ ᓂᒋᐊᓂ/ᐅᑭᐅᖅᑕᖅᑐᖓᓂ ᐃᒡᓗᓕ- ᕆᔨᒃᑯᑦ ᐊᐅᓚᑦᑎᖃᑎᒌᓲᑦ ᐃᓄᐃᑦ ᓄᓇᓕᖏᓐᓂ.Footnote 4 ᓄᓇᖃᕐᕕᐅᔪᓕᒫᓂᑦ, ᐃᓄᐃᑦ, ᑭᒡᓕᖃᖅᖢᑎ, ᐃᓚᐅᖃᑕᐅᔪᑦ ᐃᒡᓗᓕᕆᓂᕐᒧᑦ ᐊᐅᓚᑦᑎᓂᕐᒥᑦ ᐊᒻᒪᓗ/ᐅᕝᕙᓘᓐᓃᑦ ᐱᕙᓪᓕᐊᑎᑦᑎᓂᕐᒥᑦ ᐃᒡᓗᓕᕆᓂᕐᒨᖓᔪᓂᑦ ᐊᑐᐊᒐᕐᓂᒃ. ᐊᑐᓂ ᓄᓇᖃᕐᕕᐅᔪᓂᑦ ᐃᓄᐃᑦ ᓄᓇᖕᒐᓂ, ᐱᑕᖃᐅᙱᓗᐊᕐᓂᖓᓄᑦ ᐃᓚᐅᑎᑦᑎᖏᑦᑐᖅ ᐃᓄᖕᓂᑦ ᓴᓇᓯᒪᓂ- ᖓᓄᑦ ᐊᒻᒪᓗ ᐊᐅᓚᑦᑎᓂᕐᒥᑦ ᐃᒡᓗᓕᕆᓂᕐᒥᑦ ᐃᑲᔪᖅᓱᓂᕐᒧᑦ ᒪᑭᒪᑎᑕᐅᒍᓐᓇᖅᑐᓂ, ᐃᓕᖅᑯᓯᕐᒥᓄᑦ ᓈᒻᒪᒋᔭ- ᐅᔪᓂᒃ ᐱᓕᕆᔾᔪᓯᐅᔪᒥ ᐋᖅᑭᒋᐊᖅᓯᓂᕐᒧᑦ ᐃᒡᓗᓕᕆᓂᕐᒧᑦ ᐊᓂᒍᖅᑕᐅᔪᓂᑦ. ᐃᓄᐃᑦ, ᓄᓇᒥ ᓇᖕᒥᓂᖃᖅᑎ- ᐅᓪᓗᑎ, ᐊᔾᔨᐅᙱᑦᑐᓂᑦ ᐱᕕᖃᖅᑎᑦᑎᔪᓐᓇᖅᑐᑦ ᐱᐅᓯᕚᓪᓕᖅᑎᑦᑎᓂᕐᒧᑦ ᐅᕝᕙᓘᓐᓃᑦ ᐃᑲᔪᕐᓂᕐᒧᑦ ᐃᒡᓗᓕᕆᓂᕐᒨᖓᔪᓂᒃ ᓄᓇᓕᖏᓐᓂ. (ᑕᑯᓗᒍ ᐅᐃᒍᖓ 2 ᑐᑭᓯᒋᐊᒃᑲᓐᓂᓂᕐᒧᑦ)

ᐋᖅᑭᒋᐊᕈᑎᒃᓴᐅᔪᑦ ᐱᐅᓯᕚᓪᓕᖅᑎᑦᑎᓂᕐᒧᑦ ᐃᓄᖕᓄᑦ ᐃᒡᓗᓕᕆᓂᕐᒧᑦ ᐊᔾᔨᒌᔾᔮᙱᑦᑐᖅ ᑕᒪᐃᓐᓄᑦ ᓄᓇᒋᔭᐅᔪᓕᒫᓂᑦ. ᐊᑐᓂ ᓄᓇᖃᕐᕕᐅᔪᑦ ᐊᔾᔨᐅᙱᑦᑐᑦ ᐃᒡᓗᓕᕆᓂᕐᒧᑦ ᐊᐅᓚᑦᑎᓂᕐᒥᑦ, ᐱᓕᕆᐊᕆᕙᒃᑕᖏᓐᓂᒃ ᐊᒻᒪᓗ ᑲᒪᒋᔭᕆᐊᓕᖏᓐᓂᒃ (ᐱᔾᔪᑎᒋᓪᓗᒍ ᐱᓕᕆᖃᑎᒌᓐᓂᐅᔪᑦ ᐊᑐᓂ ᐊᕕᒃᑐᖅᓯᒪᔪᓂ ᐊᐅᓚᑦᑎᓂᕐᒧᑦ ᐃᒡᓗᓕᕆᓂᕐᒥᑦ) ᐊᒻᒪᓗ ᑐᕌᖓᔪᓂᑦ ᐃᒡᓗᓕᕆᓂᕐᒧᑦ ᐱᔭᐅᔭᕆᐊᓕᖕᓂᒃ. ᑐᕌᖓᓪᓚᕆᒃᑐᒃᑯᑦ ᐊᒻᒪᓗ ᐊᓯᔾᔨᖅᑕ- ᕈᓐᓇᖅᑐᒥᑦ ᑮᓇᐅᔭᖃᖅᑎᑕᐅᓂᒃᑯᑦ, ᐃᓄᐃᑦ ᕿᓂᕐᓂᖅᓴᐅᔪᑦ ᐃᓄᖕᓄᑦ ᑐᕌᖓᔪᓂᒃ ᐱᔭᐅᔭᕆᐊᓕᖕᓂᒃ ᐅᓄᕐᓂᖅᓴᓂᓪᓗ ᐃᒡᓗᓕᕆᓂᕐᒧᑦ ᓇᓖᕌᕈᑎᒃᓴᓂᑦ ᐊᒃᓱᕈᙱᓐᓂᖅᓴᐅᓕᖁᓪᓗᒋᑦ ᐃᒡᓗᓕᕆᔨᒃᑯᑎᒍᑦ ᐃᒡᓗᖃᕐ- ᓂᕐᒥᑦ ᐊᒻᒪᓗ ᐊᑐᐃᓐᓇᐅᑎᑦᑎᓂᕐᒥᑦ ᓱᕋᓴᕋᐃᙱᑦᑐᓂᑦ, ᐆᒻᒪᖅᑯᑎᓂᑦ ᐊᑐᙱᓐᓂᖅᓴᐅᔪᓂᑦ ᐊᒻᒪᓗ ᐃᓕᖅᑯ- ᓯᕐᒥᓄᑦ ᓈᒻᒪᒋᔭᐅᔪᓂᒃ ᐃᒡᓗᓂᑦ. ᐃᓄᐃᑦ ᐱᓕᕆᐊᖃᖅᓯᒪᔪᑦ ᓇᓗᓇᐃᖅᓯᓂᕐᒥᑦ ᐊᔾᔨᐅᙱᑦᑐᓂᑦ ᐱᔭᐅᔭᕆ- ᐊᓕᖕᓂᒃ ᖃᐅᔨᒪᑦᑎᐊᕆᐊᕐᓂᕐᒧᑦ ᐊᖏᓂᖅᐹᒥᑦ ᐊᒃᑐᐃᓂᖃᖁᓪᓗᒍ ᑮᓇᐅᔭᖃᖅᑎᑕᐅᓂᐅᔪᑦ.

ᐃᒡᓗᓕᕆᓂᕐᒧᑦ ᐱᔭᐅᔭᕆᐊᓖᑦ ᐃᓄᐃᑦ ᓄᓇᖕᒐᓂ ᐱᕐᔪᐊᕐᒪᕆᐊᓘᔪᑦ. ᒪᓕᒡᓗᒍ 2016-ᒥᑦ ᓈᓴᖅᑕᐅᓯᒪᔪᓂᑦ, ᐊᕝᕙᓪᓕᐊᖏᑦ ᐅᖓᑖᓄᑦ (51.7 ᐳᓴᓐᑎ) ᐃᓄᖕᓂᑦ ᐃᓄᐃᑦ ᓄᓇᖕᒐᓂ ᐃᓄᒋᐊᓗᐊᖅᑐᓂᑦ ᐃᒡᓗᒥᐅᖃᑎᒌᖑᔪᑦ. ᐅᓄᕐᓂᖏᑦ ᐃᓄᒋᐊᓗᐊᖅᑐᓄᑦ ᓄᓇᖃᖅᑳᖅᓯᒪᙱᑦᑐᓄᑦ ᑲᓇᑕᒥ 8.5 ᐳᓴᓐᑎᐅᔪᖅ. ᖄᒃᑲᓐᓂᐊᒍᑦ, 31.5 ᐳᓴᓐᑎ ᐃᓅᔪᑦ ᐃᓄᐃᑦ ᓄᓇᖓᓂ ᓇᔪᖅᑐᑦ ᐊᖏᕐᕋᕆᔭᐅᔪᓂᒃ ᐋᖅᑭᒋᐊᖅᑕᐅᕐᔪᐊᕆᐊᓕᖕᓂᒃ. (ᑐᑭᓯᒋᐊᕈᑎᒃᓴᑦ ᐱᔭᐅᔭᕆᐊᓕᖕᓂᒃ ᐃᓚᓕᐅᑎᓯᒪᔪᑦ ᐅᐃᒍᖓ 3-ᒥᑦ))

ᑐᓗᖅᑕᕈᑕᐅᓲᑦ ᐊᒻᒪᓗ ᐊᒃᓱᕈᕈᑕᐅᓲᑦ

ᐃᓄᐃᑦ ᓄᓇᖕᒐᓂ ᑮᓇᐅᔾᔭᕐᓂᖓ ᓇᓗᓇᐃᖅᑕᐅᕗᖅ ᐊᓯᔾᔨᖅᑕᖅᑐᒥᑦ ᑮᓇᐅᔾᔭᓂᕐᒧᑦ ᐱᕈᖅᐸᓪᓕᐊᓂᖓᓂ, ᐊᔪᖅᓴᖅᑐᒻᒪᕆᐅᕙᓐᓂᖏᓐᓂᒃ, ᐱᖁᑏᑦ ᐱᔨᑦᑎᕋᐅᑏᓪᓗ ᐊᑭᑐᓂᖏᓐᓂ, ᐊᒻᒪᓗ ᓇᓕᒧᒌᙱᑦᑐᓂᒃ ᑮᓇᐅᔾᔭᓂᕐᒧᑦ ᐱᕕᖃᕐᓂᐅᔪᓂᑦ ᐱᕚᓪᓕᖅᑎᑦᑎᒐᔪᓲᓂᑦ ᐊᖏᓂᖅᓴᓂᑦ ᓄᓇᓕᐅᔪᓂᑦ ᑕᐃᒃᑯᐊᓗ ᐲᖅᓯᓂᕐᒧᑦ ᓴᓇᔪᓕᕆᓂᕐᒧᑦ ᐱᑕᖃᐅᖅᑐᓄᑦ. ᑕᒪᓐᓇ, ᐊᑦᑎᓂᖅᓴᒻᒪᕆᖕᓂᒡᓗ ᐃᓄᐃᑦ ᖁᑦᑎᖕᓂᖏᑦ, ᐊᒃᓱᕈᕈᑕᐅᔪᒻᒪᕆᐅᕗᖅ ᐅᓄᖅᑐᓄᑦ ᓄᓇᓕᖕᓄᑦ ᐊᖏᒡᓕᑎᕆᓇᓱᓐᓂᕐᒥᑦ ᐃᒡᓗᓕᕆᓂᕐᒧᑦ ᓇᓖᕌᕈᑎᒃᓴᓂᑦ.

ᐃᓄᐃᑦ ᓄᓇᖓᓂ ᐊᒃᓱᕈᕐᓇᖅᑐᖅ ᓈᒻᒪᒃᑐᓂᑦ ᑮᓇᐅᔾᔭᕋᓱᐊᕐᓂᕐᒧᑦ ᐃᑲᔪᖅᓱᓂᕐᒧᑦ ᐊᑭᑐᔫᑎᓄᑦ ᐱᔭᐅᔭᕆᐊᓕᖕᓂᒃ ᑎᑭᐅᑎᓂᕐᒧᑦ ᓄᑖᓂᑦ ᐃᒡᓗᓕᕆᓂᕐᒨᖓᔪᓂᒃ ᐊᒃᓱᕈᕈᑕᐅᔪᓂᒃ ᐊᒻᒪᓗ ᓄᑖᙳᖅᑎᕆᓂᕐᒥᑦ ᐱᑐᖃᙳᖅᐸᓪᓕ- ᐊᔪᓂᑦ ᐃᒡᓗᓂᑦ. ᑕᐃᒪᐃᓐᓂᖓᓄᑦ, ᐃᓄᐃᑦ ᓄᓇᖃᕐᕕᖏᑦ ᑕᑎᖃᕐᓂᖅᓴᐅᓲᖑᕗᑦ ᒐᕙᒪᒃᑯᓐᓂ ᑮᓇᐅᔭᖅᑖᕐᓂᕐᒥᑦ.

ᐃᒡᓗᓕᐅᕐᓂᕐᒧᑦ ᐊᑭᖏᑦ ᖁᑦᑎᒃᑐᒻᒪᕆᐊᓗᑦ. ᐃᒡᓗᒥᐅᖃᑎᒌᑦ ᑮᓇᐅᔾᔭᑦᑎᐊᙱᓗᐊᕐᓂᖏᑦ ᑲᑎᖃᓯᐅᑎᓗᒍ ᓄᓇᓕᖕᓂᑦ ᐃᖅᑲᓇᐃᔮᖃᑦᑎᐊᙱᓐᓂᖓ ᐅᓄᖅᑐᓂᑦ ᓄᓇᓕᐅᔪᓂᑦ ᑐᑭᖃᖅᑎᑦᑎᕗᖅ ᐃᒡᓗᒥ ᓇᖕᒥᓂᖃᕐᓂᖅ ᐅᕝᕙᓘᓐᓃᑦ ᐊᑐᖅᑐᐊᕐᓂᕐᒥᑦ ᐊᑐᐃᓐᓇᐅᙱᑦᑐᖅ ᐃᓄᒋᐊᒃᑐᓄᑦ ᓄᑖᓂᑦ ᐊᑐᕐᓂᕐᒥᑦ ᓂᐅᕕᕐᓂᕐᒧᑦ ᐋᖅᑭᒃᓱᖅᓯ- ᒪᖃᑦᑕᖅᑐᓂᑦ. ᑭᓇᑐᐃᓐᓇᖅ ᓂᐅᕕᕈᓐᓇᕈᓗᐊᕈᓂ ᐅᕝᕙᓘᓐᓃᑦ ᐃᒡᓗᓕᐅᕈᓐᓇᕋᓗᐊᕈᓂ, ᑮᓇᐅᔭᒃᑯᕖᑦ ᐃᒡᓗᒧᑦ ᐊᑐᖅᑐᐊᕈᑎᒥᑦ ᑐᓂᓰᓐᓇᐅᔭᕙᙱᑦᑐᑦ ᐅᓗᕆᐊᓇᕈᑎᖃᕐᓂᕐᒧᑦ (ᓲᕐᓗ ᓄᓇᑖᕐᓂᖅ). ᓇᓪᓕᐅᒃᑯᒫᒃᓴᑦ, ᐊᑐᐃᓐᓇ- ᐅᒃᐸ, ᐊᑭᑐᔪᒻᒪᕆᐊᓗᒃ ᖃᐅᔨᓴᖅᑕᐅᓂᖓᓄᑦ/ᓂᕆᐅᒋᔭᐅᓂᖓᓄᑦ ᐅᓗᕆᐊᓇᖅᑐᓂᒃ ᓴᖅᑭᔮᕐᕕᐅᓂᕐᒧᑦ ᓄᓇᓕᖕᓂᑦ ᐅᖓᓯᒃᑐᒦᑦᑐᓂᑦ ᐃᓄᐃᑦ ᓄᓇᖕᒐᓂ.

ᐱᔾᔪᑎᒋᓪᓗᒍ ᐱᑕᖃᑦᑎᐊᙱᓐᓂᖓ ᐃᖏᕐᕋᔪᓕᕆᓂᕐᒧᑦ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᐃᓄᐃᑦ ᓄᓇᖕᒐᓂ, ᓄᓇᓕᓕᒫᑲᓴᑦ ᑎᑭᕝᕕᐅᖃᑦᑕᖅᑐᑦ ᖃᖓᑕᓲᒃᑯᑦ ᐊᒻᒪᓗ ᐊᐅᔭᒃᑯᑦ ᐅᒥᐊᕐᔪᐊᒃᑯᑦ ᐱᔨᑦᑎᕋᐅᑎᓄᑦ ᐱᖁᑎᓄᑦ ᐊᒻᒪᓗ ᐃᓄᐃᑦ ᖃᖓᑕᓲᒃᑰᖃᑦᑕᕐᓂᖏᓐᓄᑦ. ᐃᖏᕐᕋᔪᓕᕆᓂᕐᒧᑦ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐ- ᓇᖁᓪᓗᒋᑦ ᐱᑕᖃᖅᑎᓪᓗᒋᑦ, ᐱᑐᖃᒻᒪᕆᐅᔪᑦ ᐊᒻᒪᓗ ᓈᒻᒪᙱᓗᐊᖅᑐᑦ. ᑕᒪᓐᓇ ᐊᑭᑐᓂᖅᓴᐅᑎᑦᑎᕗᖅ ᑐᕌᖓᕈᑕᐅᔪᓂᒃ ᐱᕙᓪᓕᐊᑎᑦᑎᓂᕐᒧᑦ, ᐃᒡᓗᓕᕆᓂᖅ ᐃᓚᐅᓪᓗᓂ.

ᐊᑭᑐᒻᒪᕆᖕᓂᖓ ᐃᖏᕐᕋᔪᓕᕆᓂᕐᒧᑦ, ᐃᒡᓗᓕᐅᕐᓂᕐᒧᑦ ᐊᒻᒪᓗ ᐊᐅᓚᑦᑎᓂᕐᒧᑦ ᐊᒻᒪᓗ ᐋᖅᑭᐅᒪᑎᑦᑎᓂᕐᒧᑦ ᐊᑭᖏᑦ ᐅᑭᐅᖅᑕᖅᑐᒥ ᐊᐅᓚᓂᖃᕋᓱᐊᕐᓃᑦ ᐊᑭᑐᒻᒪᕆᐅᕗᑦ, ᐱᓗᐊᙳᐊᖅᑐᒥ ᐃᓅᓇᓱᐊᕐᓂᕐᒧᑦ ᐊᒻᒪᓗ ᓇᖕᒥᓂᖃᕋᓱᐊᕐᓂᕐᒧᑦ ᐊᑭᖏᓐᓄᑦ. ᖄᒃᑲᓐᓂᐊᒍᑦ, ᐃᓄᐃᑦ ᓄᓇᖕᒐᓂ ᓯᓚᖓ ᐅᑭᐅᑯᑖᖑᖃᑦᑕᕐᓂᖓ ᐊᒻᒪᓗ ᓂᒡᓚᓱᑯᑖᖃᑦᑕᕐᓂᖓᓄᑦ, ᐊᑭᑐᔪᓂᑦ ᐅᖅᑰᓴᓂᕐᒧᑦ ᐊᑭᖃᖃᑦᑕᖅᑐᖅ ᐊᒻᒪᓗ ᓱᕋᑦᑎᓂᖅᓴᐅᓪᓗᓂ ᐃᒡᓗᖁᑎᒋ- ᔭᐅᔪᓂᑦ.

ᐃᓅᓇᓱᐊᕐᓂᕐᒧᑦ ᐊᑭᑐᒻᒪᕆᖕᓂᖓ ᐃᓱᒪᒋᖃᓯᐅᑎᓪᓗᒍ ᐊᒻᒪᓗ ᑮᓇᐅᔾᔭᑦᑎᐊᙱᓐᓂᖏᑦ ᐅᓄᖅᑐᑦ ᐃᓄᐃᑦ ᐃᓚᒌᖑᔪᑦ, ᐊᑐᖅᑐᐊᕐᓂᕐᒥᑦ ᐅᕝᕙᓘᓐᓃᑦ ᓇᖕᒥᓂᖃᕐᓂᕐᒥᑦ ᐃᒡᓗᒥᑦ, ᐃᑲᔫᓯᐊᑦᑎᐊᙱᓪᓗᓂ, ᐊᔪᕐᓇᖅᑐᖅ.

ᓂᒡᓚᓱᖕᓂᖓ ᐊᒻᒪᓗ ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᑐᕌᖓᓕᕈᑕᐅᔪᒻᒪᕆᐅᕗᖅ ᐃᒡᓗᓕᐅᕐᓂᕐᒧᑦ ᐊᒻᒪᓗ ᓇᑉᐸᖅᑎ- ᕆᓂᕐᒧᑦ ᐊᕐᕌᒍᑉ ᐃᓗᐊᓂ. ᐱᖁᑏᑦ ᑎᑭᑕᐅᔭᕆᐊᓖᑦ ᓇᐃᑦᑐᒥᑦ (ᐊᐅᔭᐅᑉ ᕿᑎᐊᓂ ᑎᑭᓪᓗᒍ ᐅᑭᐊᒃᓵᓕ- ᓵᖅᑎᓪᓗᒍ) ᐅᒥᐊᕐᔪᐊᑦ ᑎᑭᒍᓐᓇᕐᓂᖏᓐᓂᒃ. ᑎᑭᐅᑎᓇᓱᓐᓂᕐᒧᑦ ᐅᒥᐊᕐᔪᐊᑦ ᐃᖏᕐᕋᕐᕕᒃᓴᖏᓐᓂᒃ, ᐱᖁᑏᑦ ᑎᑭᓵᕆᔭᐅᔭᕆᐊᓖᑦ ᑕᖅᑮᑦ ᐅᓄᖅᑐᑦ ᓯᕗᓂᖓᓂ (ᓲᕐᓗ, ᐅᑭᐊᒃᓵᖑᓚᐅᖅᑐᒥᑦ/ᐅᑭᐅᖑᓚᐅᖅᑐᒥᑦ). ᐱᔾᔪᑎ- ᒋᓪᓗᒍᓗ ᐃᒡᓗᓕᐅᕐᓂᕐᒧᑦ ᐱᖁᑏᑦ ᓂᐅᕕᖅᑕᐅᕙᒌᕆᐊᖃᕐᓂᖏᑦ ᐊᐅᓪᓚᖅᑎᑕᐅᓚᐅᙱᓐᓂᖏᓐᓂᒃ, ᑭᓇᐅᔭᑦ ᐃᓕᓯᒪᔭᕆᐊᖃᕐᒥᔪᑦ ᑕᐃᑲᓂ ᑎᑭᓵᕆᔭᐅᓕᖅᑎᓪᓗᒋᑦ. ᖃᐅᔨᒪᑦᑎᐊᕆᐊᕐᓂᕐᒧᑦ ᐊᑑᑎᖃᖅᑐᓂᑦ ᐃᒡᓗᓕᐅᕐᓂᕐᒧᑦ, ᐃᒡᓗᐃᑦ ᐃᓂᒃᓴᖏᑕ ᐱᕙᓪᓕᐊᑎᑕᐅᓂᖏᑦ ᐊᒻᒪᓗ ᑐᙵᕕᒃᓴᖏᑦ ᐱᕙᒌᔭᖅᑕᐅᓂᖏᑦ ᐅᑭᐊᒃᓵᒃᑯᑦ ᑲᒪᒋᔭᐅᔪᓐᓇᖅᑐᑦ ᐃᒡᓗᓕᐅᖅᐸᓪᓕᐊᓕᕐᓗᑎ ᐅᐱᕐᖓᒃᓵᒃᑯᑦ ᐱᖁᑏᑦ ᓯᕗᓂᖓᒍᑦ ᐊᐅᔭᒃᑯᑦ/ᐅᑭᐊᒃᓵᒃᑯᑦ ᑎᑭᓚᐅᕐᓂᖅᐸᑕ. ᑕᐃᒪᐃᓐᓂᖓᓄᑦ, ᑕᐃᒪᐃᒐᔪᒃᐳᖅ, ᐃᒡᓗᐃᑦ ᓴᓇᔭᐅᓇᓱᓱᑦ ᐊᕐᕌᒍᓄᑦ ᒪᕐᕉᖕᓄᑦ. ᐃᒡᓗᓕ- ᕆᓂᕐᒨᖓᔪᑦ ᑮᓇᐅᔭᑦ ᑐᓂᔭᐅᒐᔪᓲᖑᒻᒪᑕ ᐊᕐᕌᒍᑕᒫᒃᑯᑦ ᐊᒃᓱᕈᕐᓇᖅᑎᑦᑎᔪᒻᒪᕆᐅᕗᖅ ᖃᐅᔨᒪᑦᑎᐊᕆᐊᕐᓂᕐᒥᑦ ᐊᑑᑎᖃᕐᓂᕆᔭᖏᓐᓂᒃ ᑮᓇᐅᔭᖃᖅᑎᑦᑎᓂᐅᔪᑦ. (ᐊᔾᔨᙳᐊᖑᔪᖅ ᑐᓗᖅᑕᕈᑕᐅᔪᓄᑦ ᑕᑯᔭᐅᔪᓐᓇᖅᑐᖅ ᐅᐃᒍᖓ 4-ᒥᑦ)

ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᐊᒃᓱᕈᕐᓇᕈᑕᐅᔪᓄᑦ ᐃᓚᓕᐅᑎᓯᒪᕗᖅ ᐃᒡᓗᐃᑦ ᓴᓇᓯᒪᓂᖏᓐᓄᑦ ᐊᒻᒪᓗ ᐱᕙᓪᓕᐊᑎᑦᑎᓂᕐᒧᑦ. ᓄᓇᐅᑉ ᐱᐅᔪᓐᓃᖅᐸᓪᓕᐊᓂᖓ ᐊᒻᒪᓗ ᓄᓇᐅᑉ ᖁᐊᖑᓂᖓ ᒪᕐᖑᖅᐸᓪᓕᐊᓂᖓ ᐅᓗᕆᐊᓇᕈᑕᐅᔪᒻᒪᕆᐅᕗᑦ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᓴᖅᑭᔮᖅᑐᓄᑦ ᐊᒻᒪᓗ ᑭᒡᓕᖃᖅᑎᑦ- ᑎᒃᑲᓐᓂᖅᖢᓂ ᓄᓇᒥᑦ ᐊᑐᐃᓐᓇᐅᔪᒥᑦ ᐱᕙᓪᓕᐊᑎᑦᑎᓂᕐᒧᑦ.

ᐋᖅᑭᒋᐊᖅᓯᓂᕐᒥᑦ ᑐᑭᓕᕇᖕᓂᖏᓐᓂᒃ ᐃᓄᓕᒫᓄᑦ ᑮᓇᐅᔭᖃᖅᑎᑦᑎᓂᕐᒧᑦ ᐃᖏᕐᕋᓂᐅᔪᓂᑦ ᐃᒡᓗᓕᐅᖅᐸᓪᓕ- ᐊᓂᐅᔪᒧᑦ ᐃᖏᕐᕋᓂᐅᔪᓄᑦ ᐋᖅᑭᒋᐊᖅᓯᒐᔭᖅᑐᖅ ᐊᑑᑎᖃᕐᓂᕆᔭᖓᓂᒃ ᐃᒡᓗᓕᐅᕐᓂᕐᒧᑦ ᐃᓄᐃᑦ ᓄᓇᖕᒐᓂ. ᐱᓗᐊᙳᐊᖅᑐᒥᑦ, ᐱᑕᖃᕆᐊᖃᖅᑐᖅ ᐊᓯᔾᔨᖅᑕᖅᑐᒥᑦ ᐊᒻᒪᓗ ᐅᖓᓯᒃᑐᒨᖓᔪᒥᑦ ᐊᖏᖅᓯᒪᓂᕐᒥᑦ ᐊᔾᔨᒌᙱᑐᓂᑦ ᖁᑦᑎᖕᓂᐅᔪᓂᑦ ᒐᕙᒪᒃᑯᓐᓂᑦ. ᒫᓐᓇᕈᓘᓚᐅᖅᑐᖅ ᑲᓇᑕᐅᑉ ᒐᕙᒪᖓᑕ ᐊᖏᖅᓯᒪᓂᖓ ᐊᕐᕌᒍᓄᑦ ᖁᓕᓄᑦ ᐃᓄᖕᓄᑦ ᐃᒡᓗᓕᕆᓂᕐᒧᑦ ᑕᐃᑰᓇ ᑮᓇᐅᔭᕐᓂᒃ ᐊᑐᖅᑐᒃᓴᓂᑦ 2018-ᒥᑦ ᐱᕕᖃᖅᑎᑦᑎᓂᐊᖅᑐᖅ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂᒃ ᐊᒻᒪᓗ ᒐᕙᒪᐃᑦ ᐊᓯᔾᔩᕈᓐᓇᕐᓗᑎ ᐊᓂᒍᐃᓇᓱᐊᕐᓂᕐᒥᑦ ᑖᔅᓱᒥᖓ ᐊᒃᓱᕈᕐᓇᖅᑐᒥᑦ ᑕᒡᕙᓂ ᐱᕕᖃᕐᓂᖏᓐᓂᒃ.

ᐃᒡᓗᓕᕆᓂᕐᒧᑦ ᐊᑐᐊᒐᐃᑦ ᐊᒻᒪᓗ ᐱᓕᕆᐊᒃᓴᑦ ᐃᓱᒪᖃᓯᐅᑎᓯᒪᔭᕆᐊᓖᑦ ᐊᑭᑐᓂᖅᓴᐅᓂᖓᓄᑦ ᐃᓄᐃᑦ ᓄᓇᖕᒐᓂ ᑐᕌᖓᖃᓯᐅᑎᔪᓕᒫᓄᑦ ᓲᕐᓗ ᐃᒡᓗᓕᐅᕐᕕᐅᓂᐊᖅᑑᑉ ᐃᓂᒃᓴᖓ, ᓴᓇᔭᐅᓂᖓ, ᐊᐅᓚᑦᑎᓂᕐᒧᑦ ᐊᒻᒪᓗ ᐋᖅᑭᐅᒪᑎᑦᑎᓂᕐᒧᑦ, ᑎᑭᑎᑦᑎᒋᐊᖃᕐᓂᖏᓐᓂᒃ, ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐊᓯᔾᔩᒋᐊᖃᕐᓂᕐᒥᑦ ᐊᒻᒪᓗ, ᑕᐃᒪᐃᒋᐊᖃᖅᑎᓪᓗᒍ, ᐃᓚᖃᕆᐊᓕᒃ ᐊᖏᖃᑎᒌᓐᓂᐅᔪᓂᑦ ᐱᓕᕆᐊᖃᑎᖃᕐᓂᕐᒥᑦ ᖃᓄᖅᑑᓇᓱᒡᓗᑎ ᐊᑭᑭᓐᓂᖅᓴᐅᑎᑦᑎᓂᕐᒧᑦ. ᑖᒃᑯᐊ ᐊᑭᑐᓂᖅᓴᒻᒪᕆᐅᔪᑦ ᑕᐃᒃᑯᓂᖓ ᖃᓪᓗᓈᑦ ᓄᓇᖓᓂ. ᐃᒡᓗᐃᑦ ᐃᓂᒃᓴᖏᑦ ᐱᕙᓪᓕᐊᑎᑕᐅᓂᖏᑦ, ᓲᕐᓗ, ᐊᒃᓱᕈᕐᓇᖅᑐᒥ ᓄᓇᖃᖅᑎᓪᓗᒋᑦ (ᐃᓛᓐᓂᒃᑯᑦ ᓄᓇ ᐋᖅᑭᒋᐊᖅᑕᐅᒋᐊᖃᓲᖅ), ᐃᓕᐅᕋᐃᓂᕐᒥᑦ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᐃᒪᕐᒧᑦ ᐊᒻᒪᓗ ᑭᓈᓗᖕᓄᑦ ᐊᒻᒪᓗ ᐊᒥᒐᕐᓂᖏᓐᓂᒃ ᓄᓇᒥᑦ ᐊᑐᐃᓐᓇᐅᔪᒥᑦ ᖄᖏᐅᑎᓴᕋᐃᔪᓐᓇᖅᑐᖅ $200,000-ᓂᒃ ("ᒪᑭᒪᑎᑕᐅᒍᓐᓇᖅᑐᓂ ᓄᓇᓕᓕᐅᕐᓂᕐᒥᑦ ᓄᓇᑦᓯᐊᕗᑦ ᓄᓇᓕᖏᓐᓂᒃ" ᐃᓄᖕᓄᑦ ᐃᒡᓗᓕᕆᓂᕐᒧᑦ ᑲᑎᒪᓂᖅ 2016).

ᑐᓗᖅᑕᕈᑕᐅᕐᔪᐊᓲᖅ ᐋᖅᑭᒋᐊᖅᓯᓂᕐᒥᑦ ᐃᒡᓗᓕᕆᓂᕐᒧᑦ ᐊᓂᒍᖅᑕᐅᔪᓂᑦ ᐊᒻᒪᓗ ᐃᓅᓯᕐᒧᑦ−ᒪᑭᒪᐅᑎᓪᓗ ᐊᓂᒍᖅᑕᐅᔪᓄᑦ, ᐊᒥᒐᕐᔪᐊᕐᓂᖏᓐᓂᒃ ᐃᒡᓗᓕᕆᓂᕐᒧᑦ ᓇᓖᕌᕈᑎᒃᓴᓂᑦ ᐃᒡᓗᖃᐃᓐᓇᕈᓐᓇᕐᓂᕐᒧᑦ. ᖃᔨᒪᑦᑎ- ᐊᕆᐊᕐᓂᕐᒥᑦ ᐃᒡᓗᓕᕆᓂᕐᒧᑦ ᓇᓖᕌᕈᑎᒃᓴᑦ ᐊᑐᐃᓐᓇᐅᓂᖏᑦ ᐃᒡᓗᖃᐃᓐᓇᕐᓂᕐᒧᑦ ᐊᔪᙱᓐᓂᓕᒫᖓᓂ ᐊᑐᖅᑕᐅᓗᓂ ᐱᒻᒪᕆᐅᕗᖅ ᒪᑭᒪᑎᑕᐅᒍᓐᓇᖅᑐᓂ ᐃᒡᓗᓕᕆᓂᕐᒧᑦ. ᓇᓕᕌᕈᑎᒃᓴᓕᒫᑦ ᐃᒡᓗᖃᐃᓐᓇᕐᓂᕐᒧᑦ ᐊᑐᐃᓐᓇᐅᙱᑦᑐᑦ ᓄᓇᓕᓕᒫᓂᑦ, ᑕᐃᒪᐃᑦᑑᕗᖅ, ᐅᓄᖅᑐᓂᑦ ᓄᓇᓕᐅᔪᓂᑦ, ᐃᒡᓗᓕᕆᔨᒃᑯᑎᒍᑦ ᐃᒡᓗᖃᕐᓂᐅᔪᖅ ᓇᓖᕌᕈᑎᒃᓴᑐᐊᖑᕗᖅ. ᐃᓛᓐᓂᒃᑯᑦ, ᐃᒥᒐᕐᔪᐊᖅᑎᓪᓗᒋᑦ, ᐃᒡᓗᓕᕆᔨᒃᑯᑎᒍᑦ ᐃᒡᓗᐃᑦ ᐊᑐᐃᓐᓇᐅᑎᑕᐅᓲᑦ ᐱᓕᕆᔨᒻᒪᕆᖕᓄᑦ ᓄᑦᑎᖃᑦᑕᖅᑐᓄᑦ ᐃᓄᐃᑦ ᓄᓇᓕᖏᓐᓄᑦ. ᑕᐃᒫᒃ ᐅᖃᐅᓯᐅᓯᒪᓂᖓ ᐅᓂᒃᑳᓕᐊᒥᑦ ᑖᒃᑯᓄᖓ ᒪᓕᒐᓕᐅᕐᕕᒡᔪᐊᕐᒥ ᑲᑎᒪᔨᕋᓛᓄᑦ ᓄᓇᖃᖅᑳᖅᓯᒪᔪᓄᑦ, ᑕᐃᒎᓯᓕᒃ WeCanDoBetter:HousinginInuitNunangat (ᐱᓕᕆᑦᑎᐊᕐᓂᖅᓴᐅᔪᓐᓇᖅᑐᒍᑦ: ᐃᒡᓗᓕᕆᓂᖅ ᐃᓄᐃᑦ ᓄᓇᖕᒐᓂ) (ᒫᔾᔨ 2017), ᑕᒪᓐᓇ ᐃᓚᖃᓯᐅᑎᕗᖅ ᐃᓄᒋᐊᓗᐊᕐᓂᐅᕙᒌᖅᑐᓂᒃ ᐃᓄᖕᓄᑦ ᑕᐃᑲᓂ ᓄᓇᓕᐅᔪᓂᑦ. ᐊᔾᔨᒌᙱᑦᑐᑦ ᐃᒡᓗᓕᕆᓂᕐᒧᑦ ᓇᓖᕌᕈᑎᒃᓴᑦ ᓲᕐᓗ ᐃᒡᓗᒋᔭᐅᑲᐅᓐᓇᕈᓐᓇᖅᑐᑦ ᐊᒻᒪᓗ ᐃᑲᔪᖅᓱᖅᑐᑦ ᐃᒡᓗᐃᑦ, ᐊᑭᑭᔾᔫᒥᔪᑦ ᓇᖕᒥᓂᕆᔭᐅᔪᓂᑦ ᐊᑐᖅᑐᐊᕐᓂᕐᒥᑦ ᐅᕝᕙᓘᓐᓃᑦ ᓇᖕᒥᓂᕆᔭᐅᔪᑦ ᐊᖏᕐᕋᕆᔭᐅᔪᑦ ᐊᒻᒪᓗ ᑯᐊᐸᑎᒍᑦ ᑕᐃᒪᐃᑦᑕᕆᐊᓖᑦ ᓄᓇᓖᑦ ᐆᒪᑦᑎᐊᕆᓐᓂᐊᕐᒪᑕ, ᑕᐃᒃᑯᓂᖓ ᐃᑲᔪᕆᐊᓕᖕᓂᒃ ᐃᑲᔪᕐᓂᕐᒥᑦ, ᑕᐃᒃᑯᐊᓗ ᓄᑦᑎᖅᐸᓕᐊᔪᑦ, ᓄᓇᓕᖕᒧᑦ. ᓄᓇᓖᑦ ᐊᔾᔨᒌᙱᑦᑐᓂᑦ ᐊᒻᒪᓗ ᐊᑐᐃᓐᓇᖃᖅᑐᓂᑦ ᓇᓖᕌᕈᑎᒃᓴᓂᑦ ᐱᕙᒌᔭᖅᓯᒪᓂᖅᓴᐅᕗᑦ ᐱᓕᕆᓂᕐᒧᑦ, ᐊᒻᒪᓗ ᐊᑐᕐᓂᕐᒥᑦ, ᐱᕙᓪᓕᐊᑎᑦᑎᓂᕐᒧᑦ ᐱᕕᒃᓴᖃᕐᓂᐅᔪᓂᑦ.

ᑮᓇᐅᔭᑦ ᐊᑐᖅᑐᒃᓴᑦ 2016-ᒥᑦ/ᑮᓇᐅᔭᑦ ᐊᑐᖅᑐᒃᓴᑦ 2018-ᒥᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ ᐃᒡᓗᓕᕆᓂᕐᒧᑦ ᑮᓇᐅᔭᖃᖅᑎᑕᐅᓂᕐᒧᑦ

ᑲᓇᑕᒥ ᑮᓇᐅᔭᑦ ᐊᑐᖅᑐᒃᓴᑦ 2016-ᒥᑦ

ᑮᓇᐅᔭᑦ ᐊᑐᖅᑐᒃᓴᑦ 2016-ᒥᑦ ᑮᓇᐅᔭᖃᖅᑎᑦᑎᓚᐅᖅᑐᑦ ᑲᑎᑦᑐᒋᑦ $156.7 ᒥᓕᐊᓐᓂᒃ ᐊᕐᕌᒍᓄᑦ ᒪᕐᕉᖕᓄᑦ ᐃᓄᐃᑦ ᓄᓇᖓᓂ ᐃᑲᔪᖅᓱᓂᕐᒧᑦ ᐃᓄᖕᓄᑦ ᐃᒡᓗᓕᕆᓂᕐᒧᑦ; $76.7 ᒥᓕᐊᓐ ᓄᓇᕗᒻᒧᑦ, $50 ᒥᓕᐊᓐ ᓄᓇᕕᖕᒧᑦ, $15 ᒥᓕᐊᓐ ᓄᓇᑦᓯᐊᕗᖕᒧᑦ, ᐊᒻᒪᓗ $15 ᒥᓕᐊᓐ ᐃᓄᕕᐊᓗᐃᑦ ᓄᓇᖓᓂ. ᑖᒃᑯᐊ ᑮᓇᐅᔭᖃᖅᑎᑦᑎᓃᑦ ᑐᙵᓱᒃᑎᑕᐅᓚᐅᖅᑐᑦ ᐊᒻᒪᓗ ᑮᓇᐅᔭᖃᖅᑎᑦᑎᓚᐅᖅᑐᑦ ᑐᕌᓪᓚᕆᒃᖢᑎᒃ ᒪᑭᕕᒃ ᑯᐊᐳᕇᓴᒃᑯᓐᓄᑦ, ᓄᓇᑦᓯᐊᕗᑦ ᒐᕙᒪᒃᑯᖏᓐᓂ ᐊᒻᒪᓗ ᐃᓄᕕᐊᓗᐃᑦ ᑯᐊᐳᕇᓴᒃᑯᖏᓐᓂᒃ ᐱᒻᒪᕆᐅᓪᓗᓂ, ᐱᒋᐊᕐᖓᕈᑕᐅᓚᐅᖅᑐᖅ ᐃᓕᓴᖅᓯᓂᕐᒥᑦ ᐃᓄᐃᑦ ᐱᓕᕆᐊᖃᕐᓂᖏᑦ ᐊᐅᓚᑦᑎᓂᕐᒥᑦ ᐃᒡᓗᓕᕆᓂᐅᔪᒥᑦ ᓄᓇᖁᑎᒋᔭᐅᔪᓂᑦ.

ᑲᓇᑕᒥ ᑮᓇᐅᔭᑦ ᐊᑐᖅᑐᒃᓴᑦ 2017-ᒥᑦ ᐊᒻᒪᓗ ᑮᓇᐅᔭᑦ ᐊᑐᖅᑐᒃᓴᑦ 2018-ᒥᑦ

ᑲᓇᑕᐅᑉ ᒐᕙᒪᖓ ᐃᓕᓴᖅᓯᓚᐅᖅᑐᑦ ᑮᓇᐅᔭᑦ ᐊᑐᖅᑐᒃᓴᑦ 2016-ᒥᑦ ᑮᓇᐅᔭᖃᖅᑎᑦᑎᓃᑦ ᐱᒋᐊᕈᑕᐅᑐᐃᓐ- ᓇᓚᐅᖅᑐᑦ. ᑕᐃᒪᐃᒻᒪᑦ, ᑲᓇᑕᒥ ᑮᓇᐅᔭᑦ ᐊᑐᖅᑐᒃᓴᑦ 2017-ᒥᑦ ᐃᓚᖃᓚᐅᖅᑐᑦ ᖄᒃᑲᓐᓂᐊᒍᑦ $4 ᐱᓕᐊᓐᓂᒃ ᑮᓇᐅᔭᖃᖅᑎᑦᑎᓂᕐᒥᑦ ᐊᕐᕌᒍᓄᑦ ᖁᓕᓄᑦ (ᐱᒋᐊᖅᑐᒍ 2018/2019-ᒥᑦ), "ᓴᓇᓂᕐᒧᑦ ᐊᒻᒪᓗ ᐋᖅᑭᒋᐊᖅᓯᓂᕐᒧᑦ ᐃᒡᓗᓕᕆᓂᕐᒥᑦ, ᐃᒥᕐᒥᒃ ᓴᓗᒪᖅᓴᐃᔾᔪᑏᑦ ᐱᓕᕆᔾᔪᑎᖏᓐᓂᑦ, ᐋᓐᓂᐊᕕᖕᓂᑦ ᐊᒻᒪᓗ ᐊᓯᖏᑦ ᓄᓇᓕᖕᓂᑦ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ" ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᒃ. ᑲᓇᑕ ᐃᓚᓯᒋᐊᓚᐅᖅᑐᖅ "ᐊᑐᕈᓐᓇᕐᓂ- ᓕᒫᖏᓐᓂᒃ ᐱᕚᓪᓕᕈᑎᓂᑦ ᐊᒻᒪᓗ ᐅᖓᓯᒃᑐᒧᑦ ᒪᑭᑕᑎᑕᔅᓴᐅᓂᖓ ᑖᒃᑯᓂᖓ ᐊᖏᖅᑕᐅᓇᓱᐊᖅᑐᓄᑦ ᑮᓇᐅᔭ- ᐃᔭᕐᓂᕐᒧᑦ, ᑮᓇᐅᔭᕐᓂᒃ ᓴᓂᕐᕙᐃᓂᕐᒥᑦ ᓇᓗᓇᐃᖅᑕᐅᒐᔭᖅᑐᖅ ᐱᓕᕆᖃᑎᖃᕐᓗᑎ ᓄᓇᖃᖅᑳᖅᓯᒪᔪᓂᑦ." ᑮᓇᐅᔭᕐᓂᒃ ᐊᑐᖅᑐᒃᓴᓂ 2017-ᒥᑦ ᐅᖃᐅᓯᐅᓚᐅᕐᒥᔪᖅ $300 ᒥᓕᐊᓐᓂᒃ ᐅᑭᐅᖅᑕᖅᑑᑉ ᐊᕕᒃᑐᖅᓯᒪᓂᖓᓄᑦ, $240 ᒥᓕᐊᓐ ᐃᑲᔪᖅᓱᕈᑕᐅᓗᓂ ᐃᒡᓗᓕᕆᓂᕐᒧᑦ ᓄᓇᕗᒻᒥ ᐊᕐᕌᒍᓄᑦ ᖁᓕᓄᑦ.Footnote 5 5 ᑖᒃᑯᐊ ᑮᓇᐅᔭᐃᔭᕐᓃᑦ ᐊᑭᖏᓐᓄᑦ ᓇᓕᒧᒃᑐᒥᑦ ᐱᑕᖃᕆᐊᖃᙱᑦᑐᖅ.

ᑮᓇᐅᔭᕐᓂᒃ ᐊᑐᖅᑐᒃᓴᓂᑦ 2018-ᒥᑦ, ᑲᓇᑕ ᓇᓗᓇᐃᖅᓯᓚᐅᖅᑐᖅ ᐃᓄᐃᑦ ᑕᐃᑲᓂᕐᒥᐅᑕᐅᔪᑦ ᓄᓇᑦᓯᐊᕗᖕᒥᑦ, ᓄᓇᕕᖕᒥᑦ ᐊᒻᒪᓗ ᐃᓄᕕᐊᓗᐃᑦ ᓄᓇᖓᓂ ᑐᓂᔭᐅᒐᔭᖅᑐᑦ ᑲᑎᑦᑐᒋᑦ $400 ᒥᓕᐊᓐᓂᒃ ᑕᐃᑲᙵᑦ $4 ᐱᓕᐊᓐᓂᒃ ᑮᓇᐅᔭᖃᖅᑎᑕᐅᓂᐅᔪᒥᑦ ᓄᓇᖃᖅᑳᖅᓯᒪᔪᓄᑦ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᐅᖃᐅᓯᐅᓚᐅᖅᑐᖅ ᑕᐃᑲᓂ ᑮᓇᐅᔭᑦ ᐊᑐᖅᑐᒃᓴᓂᑦ 2017-ᒥᑦ, ᐊᕐᕌᒍᓄᑦ ᖁᓕᓄᑦ.

ᑕᐃᒫᒃ ᓴᖅᑭᑕᐅᓂᖓ ᑲᓇᑕᒥ ᑮᓇᐅᔭᑦ ᐊᑐᖅᑐᒃᓴᑦ 2016-ᒥᑦ ᐊᒻᒪᓗ ᑮᓇᐅᔭᑦ ᐊᑐᖅᑐᒃᓴᑦ 2018-ᒥᑦ ᑐᕌᖓᓪᓚᕆᒃᑐᓂᑦ ᑮᓇᐅᔭᐃᔭᕐᓂᕐᒧᑦ ᐃᓄᖕᓄᑦ, ᑲᓇᑕᐅᑉ ᒐᕙᒪᖓᓂ ᑮᓇᐅᔭᑦ ᐊᑐᖅᑕᐅᑦᑎᐊᕐᓂᖅᓴᐅᔪᑦ ᐊᒻᒪᓗ ᐊᒃᑐᐃᓂᖃᕐᓂᖅᓴᐅᔪᑦ ᑐᓂᔭᐅᑎᓪᓗᒋᑦ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓄᑦ ᐊᒻᒪᓗ ᒐᕙᒪᖏᓐᓄᑦ. ᑲᒪᓇᖅᑐᒻᒪᕆᖕᒥᑦ ᐱᓕᕆᐊᖃᖅᑐᑦ, ᐃᒡᓗᑐᐃᓐᓇᐅᙱᑦᑐᓄᑦ ᓴᓇᔭᐅᔪᓄᑦ ᑭᓯᐊᓂ ᐊᔪᙱᓐᓂᖓ ᐃᓄᐃᑦ ᐱᐅᔫᑎᓂᒃ ᑮᓇᐅᔾᔭ- ᕈᓐᓇᕐᓂᖏᓐᓄᑦ ᐊᒻᒪᓗ ᐃᓅᓯᕐᒧᑦ ᐊᒃᑐᐃᓂᐅᔪᓂᑦ ᑐᕌᖓᓪᓚᕆᒃᑐᒥᑦ, ᐊᓯᔾᔨᕋᒃᓴᐅᔪᓂᑦ ᑮᓇᐅᔭᖃᖅᑎᑦᑎᓂᒃᑯᑦ.

ᑲᔪᓯᑎᑕᐅᓂᖓ ᒫᓐᓇᐅᔪᖅ ᑲᓇᑕᐅᑉ ᒐᕙᒪᒃᑯᖏᓐᓂᑦ ᐃᓄᖕᓄᑦ ᐃᒡᓗᓕᕆᓂᕐᒧᑦ ᑮᓇᐅᔭᖃᖅᑎᑕᐅᓂᕐᒧᑦ

ᒫᓐᓇᒧᑦ, ᑮᓇᐅᔭᐃᔭᕐᓃᑦ ᓴᖅᑮᓯᒪᕗᖅ ᐃᒡᓗᓕᐅᖅᑕᐅᓂᖏᑦ 183-ᓂᒃ ᐃᒡᓗᓂᑦ, ᐃᓚᖃᖅᖢᓂ 15-ᓂᒃ ᐃᓄᕕᐊᓗᐃᑦ ᓄᓇᓕᖏᓐᓂᒃ (12-ᖑᔪᖅ ᐱᔭᕇᖅᓯᒪᔪᑦ), 24-ᓂᒃ ᓄᓇᑦᓯᐊᕗᖕᒥᑦ, ᐊᒻᒪᓗ 144-ᓂᒃ ᓄᓇᕕᖕᒥᑦ. ᑕᒪᓐᓇ ᐃᓚᖃᖅᐳᖅ ᐃᒡᓗᐃᑦ ᐃᓚᖏᑦ ᓄᑖᙳᖅᑎᑕᐅᓂᖏᑦ ᐊᒻᒪᓗ ᐆᒻᒪᖅᑯᑎᓂᑦ ᐊᑐᙱᓐᓂᖅᓴᐅᓂᕐᒧᑦ ᐱᓕᕆᐊᖑᔪᓂᑦ. ᑮᓇᐅᔭᖃᖅᑎᑦᑎᓂᖅ ᑐᕌᖓᓪᓚᕆᒃᑐᒥᑦ ᐊᒃᑐᐃᓂᖃᖅᑐᖅ ᓄᓇᓕᖕᓂᒃ ᑮᓇᐅᔾᔭᓂᕐᒧᑦ ᖃᓄ- ᐃᓕᐅᕈᑕᐅᔪᓄᑦ ᐊᒻᒪᓗ ᐃᑲᔪᕐᓂᖃᖅᑐᖅ ᒥᒃᖠᒋᐊᖅᑎᕆᓂᕐᒥᑦ ᐃᓅᓯᕐᒧᑦ ᐊᔾᔨᒌᙱᓐᓂᐅᔪᓂᑦ. ᓲᕐᓗ, ᓄᓇᑦᓯᐊᕗᖕᒥᑦ, ᒪᕐᕉᖕᓂᒃ ᐅᓄᖅᑐᓂᑦ ᐃᒡᓘᔪᓂᑦ ᓴᓇᔭᐅᕙᓪᓕᐊᔪᑦ ᐱᕕᒃᓴᖃᖅᑎᑦᑎᓂᐊᖅᑐᖅ ᒪᒃᑯᒃᑐᓄᑦ ᐃᓚᒌᖑᔪᓄᑦ ᑲᑎᖓᑦᑎᐊᕈᓐᓇᕐᓗᑎ ᐊᒻᒪᓗ ᐅᓗᕆᐊᓇᙱᓐᓂᖅᓴᐅᓕᕐᓗᓂ ᕿᑐᕐᖓᖏᓐᓂᒃ ᐊᖅᓵᖅᑕᐅᓂᕐᒥᑦ ᐃᒡᓗᒃᓴᖃᑦᑎᐊᙱᓐᓂᕐᒧᑦ ᐱᔾᔪᑎᖃᕐᓗᑎ. ᓄᓇᕕᖕᒥ, ᑐᕌᒐᖃᖅᓯᒪᓪᓚᕆᒃᑐᑦ ᐃᖅᑲᓇᐃᔭᖅᓯᓐᓈᕐᓗᑎ ᐃᓕᓐᓂᐊᖅ- ᑎᑕᐅᓯᓐᓈᕐᓗᑎ ᐊᔪᕈᓐᓃᖅᓴᖅᑎᑦᑎᓂᕐᒧᑦ ᐃᒡᓗᓕᐅᖅᑎᐅᔪᓄᑦ. ᑕᐃᒪᐃᒻᒥᔪᖅ, 2017-ᒥᑦ, $50 ᒥᓕᐊᓐ ᐃᒡᓗᓕᕆᓂᕐᒧᑦ (ᑮᓇᐅᔭᑦ ᐊᑐᖅᑐᒃᓴᑦ 2016-ᒥᑦ, ᖄᒃᑲᓐᓂᐊᒍᑦ $25 ᒥᓕᐊᓐ ᑐᓂᔭᐅᔪᖅ ᑕᐃᑰᓇ ᔭᐃᒻᔅ ᐸᐃ ᐊᒻᒪᓗ ᑯᐊᐸᒃ ᑕᕐᕋᖓᓂ ᐱᖓᓲᓕᖅᑲᖓᔪᒃᑯᑦ ᐊᖏᕈᑎᒃᑯᑦ) ᑭᒡᒐᖅᑐᐃᓚᐅᖅᐳᖅ $27 ᒥᓕᐊᓐᓂᒃ ᑮᓇᐅᔭᓕ- ᐅᕐᓂᕐᒧᑦ ᓄᓇᓕᖕᓂ ᓇᖕᒥᓂᕆᔭᐅᔪᓄᑦ. ᐃᓄᕕᐊᓗᐃᑦ ᓄᓇᓕᖏᓐᓂᒃ, 29-ᖑᔪᑦ ᐃᓄᐃᑦ ᐃᒡᓗᖃᖅᑎᑕᐅᑦ- ᑎᐊᖅᓯᒪᓕᖅᑐᑦ ᐊᒻᒪᓗ 18-ᖑᔪᑦ 21-ᓂᒃ ᐱᓕᕆᔨᐅᔪᑦ ᑳᓐᑐᓛᒃᑎᑕᐅᓯᒪᓕᖅᑐᑦ ᓄᑖᓂᒃ ᐃᒡᓗᓕᐅᕐᓂᕐᒧᑦ ᓄᓇᓕᖕᒥᐅᑕᐅᓪᓗᑎ ᐊᒻᒪᓗ ᓄᓇᖃᖅᑳᖅᓯᒪᔪᓄᑦ ᓇᖕᒥᓂᕆᔭᐅᓪᓗᑎ.

ᓄᓇᑦᓯᐊᕗᑦ

ᓄᓇᑦᓯᐊᕗᖕᒥᑦ, ᓄᓇᑦᓯᐊᕗᑦ ᒐᕙᒪᖓ ᑲᒪᒋᔭᖃᕈᓐᓇᖅᑐᑦ ᐱᔭᐅᔭᕆᐊᓕᖕᓂᒃ ᑕᐃᑲᓂ ᓇᓗᓇᐃᖅᑕᐅᓯᒪᔪᓂᑦ 2012 ᓄᓇᑦᓯᐊᕗᖕᒥᑦ ᐃᒡᓗᓕᕆᓂᕐᒧᑦ ᐱᔭᐅᔭᕆᐊᓕᖕᓂᒃ ᖃᐅᔨᓴᕐᓂᕐᒧᑦ, ᑖᒃᑯᓄᖓᓗ ᓄᓇᑦᓯᐊᕗᑦ ᒐᕙᒪᖓᑕ ᑕᓪᓕᒪᓂᒃ ᐊᖏᖅᑕᐅᓇᓱᐊᖅᑐᓂᒃ ᐸᕐᓇᐅᑎᓄᑦ ᑐᑭᒧᐊᕈᑕᐅᓇᓱᒃᑐᓄᑦ ᐃᒡᓗᓕᕆᓂᕐᒧᑦ. ᑖᒃᑯᐊ 74.3 ᐳᓴᓐᑎ ᐃᒡᓗᐃᑦ ᓄᓇᑦᓯᐊᕗᖕᒥᑦ ᐋᖏᔫᑎᓂᑦ ᐅᕝᕙᓘᓐᓃᑦ ᒥᑭᔫᑎᓂᑦ ᐋᖅᑭᒋᐊᖅᑕᐅᒋᐊᖃᓚᐅᖅᑐᑦ, ᓄᓇᑦᓯᐊᕗᑦ ᒐᕙᒪᖓ ᐊᑐᓕᖅᑎᑦᑎᔪᖅ ᑐᕌᖓᑎᑕᐅᔪᒥᑦ ᐃᒡᓗᓂᑦ ᐋᖅᑭᒋᐊᖅᓯᓂᕐᒧᑦ ᐱᓕᕆᐊᖑᔪᒥᑦ ᖄᒃᑲᓐᓂᐊᒍᓪᓗ ᖃᓄᐃᓕᐅᕆᐊᕈᑎᒃᓴᑦ ᑐᕌᖓᔪᓂᑦ ᑎᑭᐅᑎᓂᕐᒧᑦ ᐊᑭᑐᓗᐊᙱᑦᑐᒥᑦ ᐅᖅᑰᓴᓂᕐᒧᑦ ᐊᒻᒪᓗ ᐃᒡᓗᐃᑦ ᐆᒻᒪᖅᑯᑎᓂᑦ ᐊᑐᙱᓐᓂᖅᓴᐅᔪᓐᓇᕐᓂᖏᓐᓄᑦ. ᓲᕐᓗ, ᐊᖏᒡᓕᒋᐊᖅᑎᕆᔪᑦ ᑖᔅᓱᒥᖓ ᑲᔪᓯᓂᖃᑦᑎᐊᖅᓯᒪᔪᒥᑦ "ᐊᑭᑐᓗᐊᙱᑦᑐᒥᑦ ᐅᖅᑰᓴᕐᓂᕐᒥᑦ) ᓯᕗᓪᓕᖅᐹᒥᒃ ᖃᐅᔨᓴᕈᑕᐅᓪᓗᓂ ᐱᓕᕆᐊᖑᔪᖅ ᐊᑐᐃᓐᓇᐅᑎᑦᑎᓂᕐᒥᑦ ᐆᒻᒪᖅᑯᑎᓂᑦ ᐊᑐᙱᓐ- ᓂᖅᓴᐅᓂᕐᒧᑦ ᕿᔪᒃᑐᖅᑐᓂᒃ ᐃᒐᕐᓂᒃ ᐅᓄᕐᓂᖅᓴᓄᑦ ᐃᒡᓗᓄᑦ ᐱᔭᕆᐊᓕᖕᓄᑦ. ᓄᓇᕐᔪᐊᓕᕆᓂᕐᒧᑦ ᖃᐅᔨᓴᕐᓃᑦ ᐱᔭᕇᖅᑕᐅᓯᒪᓕᖅᑐᑦ ᑕᐃᒪᓐᓂᒃ ᓄᓇᑦᓯᐊᕗᑦ ᓄᓇᓕᓕᒫᖏᓐᓂᒃ ᑖᒃᑯᐊᓗ ᐊᑑᑎᖃᕐᓂᐊᖅᑐᑦ ᐃᒡᓗᐃᑦ ᐃᓂᒃᓴᖏᓐᓄᑦ ᐱᕙᓪᓕᐊᑎᑦᑎᓂᕐᒧᑦ ᓯᕗᓂᒃᓴᒥᑦ ᐃᒡᓗᓕᐅᕐᓂᕐᒧᑦ ᓇᓗᓇᐃᖅᓯᓂᕐᒧᓪᓗ ᑐᙵᕕᒃᓴᓂᑦ ᐋᖅᑭᐅ- ᒪᔾᔪᑎᓂᑦ ᐅᕝᕙᓘᓐᓃᑦ ᐊᓯᖏᓐᓂᒃ ᓴᓇᔪᓕᕆᓂᕐᒧᑦ ᐋᖅᑭᒋᐊᕈᑎᒃᓴᓂᑦ ᐱᑕᖃᕆᐊᖃᕐᒪᖔᖅ ᖃᐅᔨᒪᑦ- ᑎᐊᕆᐊᕐᓂᕐᒧᑦ ᒪᑭᑕᑎᑕᔅᓴᐅᓂᖓ ᓯᕗᓂᒃᓴᒥ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᐱᕙᓪᓕᐊᕈᑕᐅᔪᓂᑦ. ᐅᓄᖅᑐᓂᑦ ᓄᑖᓂᑦ, ᐃᓛᒃᑰᖓᔪᓂᑦ ᐊᒻᒪᓗ ᑲᑎᙵᐅᖅᑐᓂᑦ ᐃᒡᓗᓕᐅᖅᑐᑦ ᐃᑲᔪᕐᓂᕐᒧᑦ ᐊᔾᔨᐅᙱᑦᑐᓂᑦ ᐊᒻᒪᓗ ᑐᕌᖓᓪᓚᕆᒃᑐᓄᑦ ᐱᔭᐅᔭᕆᐊᓕᖕᓂᒃ ᓄᓇᑦᓯᐊᕗᑦ ᓄᓇᓕᖏᓐᓂᒃ. ᓄᓇᑦᓯᐊᕗᑦ ᒐᕙᒪᖓ ᐱᓕᕆᑎᑦᑎᔪᓐ- ᓇᓚᐅᖅᑐᑦ ᐃᓄᐃᑦ ᓇᖕᒥᓂᕆᔭᖏᓐᓂᒃ 95 ᐳᓴᓐᑎᐸᓗᖕᒧᑦ ᐱᓕᕆᐊᖑᔪᓄᑦ ᐱᔭᕇᖅᑕᐅᔪᓄᑦ ᑕᐃᑲᓂ 2016- 2017-ᒥᑦ ᐃᒡᓗᓕᐅᕐᓂᐅᔪᒥᑦ. ᓄᓇᖕᒥᐅᑕᑦ ᐃᓄᐃᑦ ᐃᖅᑲᓇᐃᔭᖅᑎᑕᐅᓚᐅᖅᑐᑦ ᐊᒻᒪᓗ ᐃᓕᓐᓂᐊᖅᑎᑕᐅᓪᓗᑎ, ᐱᕚᓪᓕᕈᑕᐅᒃᑲᓐᓂᖅᑐᓂ ᓄᓇᑦᓯᐊᕗᖕᒧᑦ. ᑲᓇᑕᐅᑉ ᒐᕙᒪᒃᑯᖏᓐᓂᒃ ᒥᓂᔅᑕᐅᔪᑦ ᐊᒻᒪᓗ ᐃᓄᐃᑦ ᓯᕗᓕᖅᑏᑦ ᑕᑯᔪᓐᓇᓚᐅᖅᑐᑦ ᐊᓂᒍᖅᑕᐅᓯᒪᔪᓂᑦ ᑕᐃᑲᓂ ᐃᓄᐃᑦ−ᒐᕙᒪᑐᖃᒃᑯᑦ ᐱᓕᕆᖃᑎᒌᓐᓂᕐᒧᑦ ᑲᑎᒪᔨᕋᓛᑦ ᑲᑎᒪᓂᖃᖅᑎᓪᓗᒋᑦ ᓇᐃᓐ, ᓄᓇᑦᓯᐊᕗᖕᒥᑦ ᓯᑎᐱᕆ 2017-ᒥᑦ.

ᓄᓇᕕᒃ

ᓄᓇᕕᖕᒥ, ᒪᑭᕕᒃ ᑯᐊᐳᕇᓴᒃᑯᑦ ᐃᒡᓗᓕᐅᖅᑎᖏᑦ ᑲᔪᓯᑎᑦᑎᔪᑦ ᓄᑖᓂᑦ ᐊᑐᖅᖢᑎ ᐆᒃᑑᑎᐅᔪᒥᑦ ᓴᓇᖃᑦᑕᕐᓂᕐᒥᑦ ᐃᒡᓗᓕᕆᔨᒃᑯᑎᒍᑦ ᐃᒡᓗᓕᐅᕐᓂᕐᒥᑦ ᑮᓇᐅᔾᔭᕋᓱᐊᕐᓇᑎ. ᑮᓇᐅᔭᑦ ᑐᓂᔭᐅᓚᐅᖅᑐᑦ ᒪᑭᕕᒃᑯᓐᓄ ᑮᓇᐅᔭᕐᓂᒃ ᐊᑐᖅᑐᒃᓴᓂᑦ 2016-ᒥᑦ ᐱᔪᓐᓇᖅᑎᑦᑎᓚᐅᖅᑐᖅ ᑲᑐᔾᔨᖃᑎᒌᖑᔪᒥᑦ, ᐱᒋᐊᕈᑎᖃᖅᖢᑎᒃ ᑲᒪᒋᔭᖃᕐᓂᕐᒥᑦ 813- ᓂᒃ ᐃᒡᓗᑭᒃᓴᓗᐊᕐᓂᖏᓐᓄᑦ. ᑕᒪᐃᓐᓂᓕᒫᓐᓂ, 144-ᓂᒃ ᐃᒡᓗᓂᑦ ᓴᓇᓚᐅᖅᑐᑦ ᓄᓇᕕᖕᒥᐅᓄᑦ ᐃᓚᒌᖑᔪᓄᑦ ᑎᑭᑦᑐᒍ ᓄᕕᐱᕆ 2017. ᑕᒪᓐᓇ ᐊᑕᐅᓯᕐᒥᑦ ᑕᖅᑭᒻᒥᑦ ᓯᕗᕋᕈᑕᐅᓯᒪᔪᖅ ᓂᕆᐅᒋᔭᐅᕐᖓᓚᐅᖅᑐᒥᑦ ᐱᕕᖃᑦᑎ- ᐊᙱᒃᑲᓗᐊᖅᑎᓪᓗᒋᑦ, ᐊᕐᕌᒍᓄᑦ ᒪᕐᕉᖕᓄᑦ ᑖᒃᑯᓄᖓ ᑮᓇᐅᔭᖃᖅᑎᑦᑎᓂᕐᒥᑦ. ᒪᑭᕕᐅᑉ ᑮᓇᐅᔾᔭᕋᓱᐊᙱᑦᑐᖅ ᐃᒡᓗᓕᐅᕐᓂᕐᒧᑦ ᐆᒃᑑᑎᖓ ᐅᑎᖅᑏᕙᒃᑐᖅ $62,000-ᓂᒃ ᐊᑐᓂ ᐃᒡᓗᓕᐅᖅᑕᐅᔪᒧᑦ ᓄᓇᕕᒻᒥ ᓇᖕᒥᓂᕆᔭᐅᔪᓄᑦ ᐊᒻᒪᓗ ᐃᓕᓐᓂᐊᖅᑎᑦᑎᓂᖏᑦ ᐱᕙᓪᓕᐊᑎᑦᑎᓂᖏᓪᓗ ᐃᓄᖕᓂᒃ ᖃᐅᔨᒪᑦᑎᐊᕆᐊᕈᑕᐅᕗᖅ ᐅᓄᓛᑦᑎᐊᓂᑦ ᐃᓄᖕᓂᑦ ᐃᖅᑲᓇᐃᔭᖅᑎᑦᑎᓂᕐᒥᑦ. ᑖᒃᑯᐊ ᐃᒡᓗᐃᑦ ᐋᖅᑭᒋᐊᕈᑕᐅᓂᐊᕋᓗᐊᖅᑎᓪᓗᒋᑦ ᐃᒡᓗᓕᕆᓂᕐᒧᑦ ᐊᓂᒍᖅ- ᑕᐅᔪᓂᑦ ᐃᓚᖏᓐᓄᑦ ᓄᓇᕕᖕᒥᑦ ᐃᓚᒌᖑᔪᓄᑦ, ᐃᓄᒋᐊᓗᐊᕐᓂᖅ ᑖᒃᑯᐊᓗ ᐃᓅᓯᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦ- ᑐᓕᕆᓂᕐᒧᑦ ᐊᑲᐅᙱᓕᐅᕈᑕᐅᕙᒃᑐᑦ ᑲᔪᓰᓐᓇᖅᑐᑦ.

ᐃᓄᕕᐊᓗᐃᑦ ᓄᓇᖓᓂ

ᐃᓄᕕᐊᓗᐃᑦ ᓄᓇᖓᓂ, ᐃᓄᕕᐊᓗᐃᑦ ᑯᐊᐳᕇᓴᖓ (IRC) ᐊᑑᑎᖃᑦᑎᐊᖅᑐᒃᑯᑦ ᑲᔪᓯᑎᑦᑎᔪᑦ ᐃᓄᕕᐊᓗᓐᓄᑦ ᑐᕌᖓᔪᓂᒃ ᐃᒡᓗᓕᕆᓂᕐᒧᑦ ᑮᓇᐅᔭᖃᖅᑎᑦᑎᓂᕐᒥᑦ, ᑲᑐᔾᔨᖃᑎᖃᕐᓂᒃᑯᑦ, ᑕᐃᒪᐃᒋᐊᖃᖅᑎᓪᓗᒋᑦ, ᓄᓇᑦᓯᐊᕐᒥ ᐃᒡᓗᓕᕆᔨᕐᔪᐊᒃᑯᖏᓐᓂᒃ. 12-ᓂᒃ ᓄᑖᓂᑦ ᐃᒡᓗᓂᑦ ᓴᓇᓯᒪᑦᑎᐊᓕᖅᑐᑦ, ᐃᓂᒋᔭᐅᓪᓗᑎᒃ 29-ᓄᑦ ᐃᓄᖕᓄᑦ. ᐃᓄᕕᐊᓗᐃᑦ ᑲᒻᐸᓂᖏᑦ ᐱᓕᕆᐊᖃᖅᑐᑦ ᓇᐅᒃᑯᓕᒫᖅ ᑐᕌᖓᕈᑕᐅᔪᓂᒃ ᐃᓄᕕᐊᓗᐃᑦ ᐃᒡᓗᓕᕆᓂᕐᒧᑦ ᑮᓇᐅᔭᖃᖅᑎᑦᑎᓂᕐᒥᑦ. ᓴᓇᔪᑦ, ᐃᓄᕕᐊᓗᖕᓄᑦ ᓇᖕᒥᓂᕆᔭᐅᔪᖅ ᓴᓇᓯᒪᓂᖓᓄᑦ ᐊᒻᒪᓗ ᐋᖅᑭᒃᓱᐃᓂᕐᒧᑦ ᑲᒻᐸᓂᐅᔪᖅ, ᐊᑐᐃᓐᓇᐅᑎᑦᑎᔪᑦ ᓴᓇᓯᒪᓂᖏᓐᓄᑦ ᐱᓕᕆᐊᖑᔭᕆᐊᓕᖕᓂᒃ ᐊᒻᒪᓗ ᓇᑉᐸᖅ, ᐃᓄᕕᐊᓗᖕᓄᑦ ᓇᖕᒥᓂᕆᔭᐅᔪᑦ ᐃᒡᓗᓕᐅᖅᑏᑦ ᑲᒻᐸᓂᖓ, ᐃᒡᓗᓕᓂᑦ ᓴᓇᓪᓗᑎ. ᑕᒪᓐᓇ ᐱᕕᖃᖅᑎᑦᑎᔪᖅ ᐃᓄᕕᐊᓗᖕᓂᑦ ᖃᐅᔨᒪᑦᑎᐊᕆᐊᕐᓂᕐᒧᑦ ᑮᓇᐅᔾᔭᓂᕐᒧᑦ ᐱᕚᓪᓕᕈᑎᒃᓴᑦ ᐃᓄᕕᐊᓗᐃᑦ ᓄᓇᓕᖏᓐᓃᑎᑕᐅᓗᑎ ᐊᒻᒪᓗ ᓄᓇᓕᖕᓂ ᐊᔪᕈᓐᓃᖅᑎᑦᑎᓗᑎ, ᐃᓚᖃᖅᖢᓂ ᖃᔅᓯᐅᓂᖏᓐᓂᒃ ᐃᓄᕕᐊᓗᐃᑦ ᓴᓇᔪᓕᕆᔨᙳᖅᑐᑦ, ᐅᓄᖅᓯᒋᐊᖅᑎᑕᐅᓗᑎ. ᑕᒪᓐᓇ ᐱᔪᓐᓇᖅᑎᑦᑎᖕᒥᔪᖅ ᐊᑐᓕᖅᑎᑦᑎᓂᕐᒥᑦ ᓴᓇᓯᒪᓂᖓᓄᑦ ᐃᓚᓕᐅᑎᓯᒪᔪᓂᑦ ᐃᒡᓗᐃᑦ ᐃᓕᖅᑯᓯᕐᒥᓄᑦ ᓈᒻᒪᒋᔭᐅᓗᑎ ᐊᒻᒪᓗ ᑐᕌᖓᑦᑎᐊᕐᓗᑎ ᓄᓇᓕᐅᑉ ᐊᕙᑎᖓᓄᑦ. ᑖᒃᑯᐊ ᐃᓄᕕᐊᓗᐃᑦ ᑯᐊᐳᕇᓴᖓ ᐋᖅᑭᒋᐊᖅᓯᕙᓪᓕᐊᔪᑦ ᐃᒡᓗᓂᑦ ᐃᓚᖃᕐᓂᕐᒥᑦ ᓱᕋᓴᕋᐃᙱᓐᓂᖅᓴᐅᔪᓂᑦ ᐱᖁᑎᓂᑦ ᐊᒻᒪᓗ ᐃᓗᓕᖏᓐᓂᒃ ᓲᕐᓗ ᐃᒐᓛᓂᑦ ᐊᒻᒪᓗ ᐊᕙᓗᒃᓴᖏᑦ ᐊᑭᖏᑦ ᑕᑯᔭᐅᕿᓯᐅᑎᔪᓐᓇᖅᑐᑦ ᓄᓇᑦᓯᐊᕐᒥᑦ ᐃᒡᓗᓕᕆᔨᕐᔪᐊᒃᑯᑦ ᐊᑭᖏᓐᓄᑦ. ᒫᓐᓇᕈᓘᓚᐅᖅᑐᖅ, ᑖᒃᑯᐊ ᐃᓄᕕᐊᓗᐃᑦ ᑯᐊᐳᕇᓴᖓ ᐊᖏᖅᓯᒪᓚᐅᖅᑐᑦ ᐱᓕᕆᐊᖃᕐᓂᕐᒥᑦ ᐲᔭᐃᓂᕐᒥᑦ ᐱᑐᖃᕐᓂᒃ, ᓇᔪᒐᒃᓴᐅᙱᑦᑐᓂᑦ ᐃᒡᓗᓕᕆᔨᒃᑯᑦ ᐃᒡᓗᖁᑎᖏᓐᓂᒃ ᐊᐅᓚᑕᐅᔪᓂᑦ ᓄᓇᑦᓯᐊᕐᒥᑦ ᐃᒡᓗᓕᕆᔨᕐ- ᔪᐊᒃᑯᓐᓂᑦ. ᑖᓐᓇ ᖃᓄᐃᓕᐅᕆᐊᕈᑎᒃᓴᖅ ᐱᐅᔪᒥᑦ ᐊᒃᑐᐃᓂᖃᖅᑐᖅ ᐊᐅᓚᑦᑎᓂᕐᒧᑦ ᐊᒻᒪᓗ ᐋᖅᑭᐅᒪᑎᑦᑎᓂᕐᒧᑦ ᐊᑭᖏᓐᓄᑦ ᑐᕌᖓᖃᓯᐅᑎᔪᓄᑦ ᐃᒡᓗᓄᑦ, ᓄᓇᖃᖅᑎᑦᑎᓪᓗᓂ ᓴᓇᓂᕐᒧᑦ ᓄᑖᓂᑦ ᐃᒡᓗᓂᑦ ᐊᒻᒪᓗ ᐊᑭᑭᓐᓂᖅ- ᓴᐅᓕᖅᑎᑦᑎᓪᓗᓂ ᓄᓇᒥᑦ ᐱᕙᓪᓕᐊᑎᑦᑎᓂᕐᒧᑦ ᐊᑭᖏᓐᓂᑦ. ᑕᐃᒪᓐᓂᑦ, ᐃᓄᕕᐊᓗᖕᓄᑦ ᐃᒡᓗᓕᕆᓂᕐᒧᑦ ᑮᓇᐅᔭᖃᖅᑎᑦᑎᓂᖅ ᐃᑲᔪᖅᓱᖅᑐᖅ ᐊᑐᖅᑕᐅᔪᒪᔪᑦ ᑐᕌᒐᒃᓴᓂᑦ ᐃᓚᖓᓂ 16-ᒥᑦ ᑮᓇᐅᔾᔭᓂᕐᒧᑦ ᖃᐅᔨᓴᐅᑎᓂᑦ ᒪᓕᒋᐊᓕᖕᓂᒃ ᐃᓄᕕᐊᓗᐃᑦ ᑭᖑᓪᓕᖅᐹᒥᑦ ᐊᖏᕈᑎᖓᓂ.

ᐊᒃᓱᕈᕐᓇᕈᑕᐅᔪᑦ ᑐᕌᖓᖃᓯᐅᑎᔪᑦ ᑮᓇᐅᔭᕐᓄᑦ ᐊᖅᑐᒃᓴᓄᑦ 2016-ᒥᑦ ᐊᒻᒪᓗ ᑮᓇᐅᔭᑦ ᐊᑐᖅᑐᒃᓴᑦ 2018-ᒥᑦ ᑮᓇᐅᔭᖃᖅᑎᑕᐅᓂᕐᒧᑦ

ᐊᖏᔫᑎᓂᑦ, ᑐᕌᖓᓪᓚᕆᒃᑐᓂᑦ ᐃᓄᖕᓄᑦ ᐃᒡᓗᓕᕆᓂᕐᒧᑦ ᑮᓇᐅᔭᖃᖅᑎᑦᑎᒐᓗᐊᖅᑎᓪᓗᒋᑦ ᑲᓇᑕᐅᑉ ᒐᕙᒪᒃ- ᑯᖏᓐᓄᑦ ᒫᓐᓇᕈᓘᓚᐅᖅᑐᑦ ᐊᕐᕌᒍᓂᑦ, ᑲᔪᓯᑎᑦᑎᓂᕐᒥᑦ ᑖᒃᑯᓂᖓ ᑮᓇᐅᔭᕐᓂᒃ ᐊᒥᓱᓂᑦ ᐊᒃᓱᕈᕈᑎᖃᖅᓯᒪᔪᑦ. ᑐᕌᖓᓪᓚᕆᒃᑐᑦ ᑮᓇᐅᔭᑦ ᐅᖃᐅᓯᐅᓚᐅᖅᑐᑦ ᑮᓇᐅᔭᕐᓂᒃ ᐊᑐᖅᑐᒃᓴᓂᑦ 2016-ᒥᑦ ᐊᒻᒪᓗ 2018-ᒥᑦ ᓱᒃᑲᐃᑦᑐᒥ ᑎᑭᐅᑎᓇᓱᒃᓯᒪᔪᑦ ᐃᓄᖕᓄᑦ ᐃᒡᓗᓕᕆᓂᕐᒧᑦ ᑭᖑᕙᖓᓕᕈᑕᐅᓯᒪᓪᓗᑎ ᐱᐅᔪᓐᓃᖅᑎᑦᑎᓕᖅᖢᓂ ᑕᒪᐃᓐᓂᒃ ᐊᑑᑎᖃᕆᐊᖃᕐᓂᖓᓂᒃ ᑖᒃᑯᓂᖓ ᑮᓇᐅᔭᖃᖅᑎᑦᑎᓂᐅᔪᓂᑦ. ᐊᖏᔫᑎᓂᑦ, ᐊᕐᕌᒍᓄᑦ ᐅᓄᖅᑐᓄᑦ ᓯᕗᓂᐊᖑᑦ ᐸᕐᓇᐃᔭᕆᐊᓖᑦ ᐊᒻᒪᓗ ᐱᕙᒌᔭᕐᓗᑎᑦ ᐃᒡᓗᓕᐅᕐᓂᕐᒧᑦ ᐃᓄᐃᑦ ᓄᓇᓕᖏᓐᓂᒃ. ᑮᓇᐅᔭᖃᖅᑎᑦᑎᓂᖅ ᑎᑭᐅ- ᑎᒋᐊᓕᒃ ᐃᓄᖕᓄᑦ ᑭᖑᕙᖓᖏᑦᑐᒥᑦ ᖃᐅᔨᒪᑦᑎᐊᕆᐊᕐᓂᕐᒧᑦ ᓂᕆᐅᒋᔭᐅᔪᓂᑦ ᐊᓂᒍᖅᑕᐅᓂᐊᖅᑐᑦ ᑎᑭᐅᑎᔭ- ᐅᒍᓐᓇᕋᓗᐊᕐᒪᖔᑦ.

ᖄᒃᑲᓐᓂᐊᒍᑦ, ᑮᓇᐅᔭᑦ ᑐᓂᔭᐅᕙᒃᑐᑦ ᐊᔾᔨᒌᙱᑦᑐᒃᑯᑦ ᑐᓐᓂᖅᑯᓯᐊᕐᓂᕐᒧᑦ ᐊᖏᕈᑎᒃᑯᑦ ᐅᕝᕙᓘᓐᓃᑦ ᐃᑲᔫᓯ- ᐊᕐᓂᒃᑯᑦ ᐊᖏᕈᑎᒃᑯᑦ, ᐱᔾᔪᑎᖃᖅᖢᑎᒃ ᑭᓱᓂᑦ ᐋᖅᑭᒃᓯᓯᒪᖕᒪᖔᑦ ᑮᓇᐅᔭᖃᖅᑎᑦᑎᓂᕐᒧᑦ ᐃᓄᐃᑦ ᑲᑐᔾᔨᖃ- ᑎᒌᖏᓐᓄᑦ ᐊᒻᒪᓗ ᒐᕙᒪᖏᓐᓄᑦ. ᐃᓄᐃᑦ ᑕᐅᑐᑦᑕᒥᒍᑦ, ᑐᕌᖓᓪᓚᕆᒃᑐᖅ ᐃᓄᖕᓄᑦ ᐃᒡᓗᓕᕆᓂᕐᒧᑦ ᑮᓇᐅᔭᐃᔭᕐᓃᑦ ᑲᔪᓯᑎᑕᐅᔭᕆᐊᓖᑦ ᐃᑲᔫᓯᐊᒃᑯᑦ ᐱᕕᖃᖅᑎᑦᑎᔪᒥᑦ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂᒃ ᐊᒻᒪᓗ ᒐᕙᒪᖏᓐᓂᒃ ᓈᒻᒪᒃᑐᒥᑦ ᐊᓯᔾᔩᒍᓐᓇᕐᓗᑎ, ᐱᑕᖃᑦᑎᐊᕐᓗᓂ ᐊᒻᒪᓗ ᑕᑯᒃᓴᐅᑎᑦᑎᔪᒥᑦ. ᑕᒪᓐᓇ ᐃᑲᔪᕐᓂᖃᕐ- ᓂᐊᖅᑐᖅ ᖃᐅᔨᒪᑦᑎᐊᕆᐊᕐᓂᕐᒥᑦ ᐃᒡᓗᓕᕆᓂᕐᒧᑦ ᑲᔪᓯᑎᑕᐅᔪᑦ ᑎᑭᐅᒪᒐᓗᐊᕐᒪᖔᑦ ᐱᔭᐅᔭᕆᐊᓕᖕᓂᒃ ᐃᓄᐃᑦ ᓄᓇᓕᖏᓐᓂᒃ.

ᐱᑕᖃᕈᓐᓃᖅᐸᓪᓕᐊᓂᖓ ᑲᓇᑕᒥ ᓇᖕᒥᓂᖃᕐᓂᕐᒧᑦ ᐃᒡᓗᒥ ᐊᑭᓕᐅᑎᓄᑦ ᐊᒻᒪ ᐃᒡᓗᓕᕆᔨᕐᔪᐊᒃᑯᑦ (CMHC) ᐃᑲᔫᓯᐊᒃᓴᑦ ᑲᓇᑕᐅᑉ ᓂᒋᐊᓄᑦ ᐊᒻᒪᓗ ᐅᑭᐅᖅᑕᖅᑐᖓᓄᑦ ᐊᐅᓚᑦᑎᓂᕐᒧᑦ ᒫᓐᓇᐅᔪᖅ ᐃᒡᓗᓕᕆᔨᒃᑯᑦ ᐃᒡᓗᖁᑎᖏᓐᓄᑦ ᐊᒃᑐᐃᓂᖃᖅᓯᒪᒻᒪᕆᑦᑐᖅ ᐋᖅᑭᒋᐊᖅᓯᓂᕐᒧᑦ ᐃᒡᓗᓕᕆᓂᕐᒧᑦ ᐊᓂᒍᖅᑕᐅᔪᓂᑦ ᐃᓄᐃᑦ ᓄᓇᓕᖏᓐᓂᒃ. ᐊᙴᒻᒪᑎᒋᐊᖃᕐᓂᖏᓐᓄᑦ, ᑲᓇᑕᐅᑉ ᓂᒋᐊᓂ ᐊᒻᒪᓗ ᐅᑭᐅᖅᑕᖅᑐᒥ ᐃᒡᓗᓕᕆᔨᒃᑯᑦ ᐊᓯᔾᔩᔪᓐ- ᓇᙱᓐᓂᖅᓴᐅᓂᐊᖅᑐᑦ ᐅᓄᕐᓂᖅᓴᓂᑦ ᐃᒡᓗᖃᖅᑎᑦᑎᓂᕐᒥᑦ ᓄᑖᓂᑦ ᑮᓇᐅᔭᖃᖅᑎᑦᑎᓂᒃᑯᑦ. ᑮᓇᐅᔭᕐᓂᒃ ᐊᑐᐃᓐᓇᐅᔪᖃᙱᓐᓂᖅᓴᐅᑐᐃᓐᓇᕆᐊᓕᒃ ᐊᐅᓚᑦᑎᓂᕐᒧᑦ ᐊᒻᒪᓗ ᐋᖅᑭᐅᒪᑎᑦᑎᓂᕐᒧᑦ ᓴᖅᑭᔮᖅᑐᓄᑦ ᐊᒻᒪᓗ ᓄᑖᓄᑦ ᐃᒡᓗᓕᕆᔨᒃᑯᑦ ᐃᒡᓗᖁᑎᖏᓐᓂᒃ, ᑕᐃᒪᐃᓐᓂᖓᓄᑦ, ᐃᒡᓗᓕᕆᔨᒃᑯᑦ ᑮᓇᐅᔭᕐᒥᓂᒃ ᑐᕌᖅᑎᑦᑎᓂᖅᓴ- ᐅᑎᑦᑎᑐᐃᓐᓇᕆᐊᓖᑦ ᐃᒡᓗᖁᑎᒋᔭᐅᔪᓄᑦ ᓴᓇᙱᓐᓂᖅᓴᐅᓗᑎ ᓄᑖᓂᑦ. ᑭᓯᐊᓂ, ᓂᕆᐅᒋᔭᐅᔪᑦ ᒪᕐᕈᐃᓕᖅᑲ- ᖓᔪᒃᑯᑦ ᐊᖏᕈᑎᓂ ᐋᖅᑭᒃᓱᐃᓯᒪᓗᑎ 2019-ᒥᑦ, ᑲᓇᑕᐅᑉ ᓂᒋᐊᓂ ᐅᑭᐅᖅᑕᖅᑐᖓᓂᓗ ᐊᕕᒃᑐᖅᓯᒪᔪᑦ ᒐᕙᒪᐅᔪᑦ ᐊᖏᖅᓯᒪᔪᑦ ᐱᐅᖅᓱᐊᕐᓂᕐᒧᑦ ᐊᒻᒪᓗ ᐊᖏᒡᓕᒋᐊᖅᑎᕆᓂᕐᒧᑦ ᓄᓇᓕᖕᓂ ᐃᒡᓗᐃᑦ ᖃᔅᓯᐅᓂᖏᓐᓂᒃ ᓄᓇᓕᖁᑎᖃᕐᕕᖏᓐᓂᒃ. ᑲᓇᑕᐅᑉ ᓂᒋᐊᓂ ᐅᑭᐅᖅᑕᖅᑐᒥᓪᓗ ᐊᕕᒃᑐᖅᓯᒪᔪᑦ ᐃᑲᔪᖅᓱᕈᓐᓇᕐᒥᔪᑦ ᒫᓐᓇᐅᔪᑦ ᐃᒡᓗᖁᑎᒋᔭᐅᔪᑦ ᐋᖅᑭᒋᐊᖅᑕᐅᒋᐊᖃᕐᓂᖏᓐᓂᒃ. (ᑕᑯᒋᐊᕐᓗᒋᑦ ᑐᑭᓯᒋᐊᕈᑎᒃᓴᑦ ᐊᑖᓃᑦᑐᑦ ᑲᓇᑕᒥ ᓄᓇᓕᓐᓂ ᐃᒡᓗᓕᕆᓂᕐᒧᑦ ᐱᓕᕆᐊᖑᔪᒥᑦ ᐃᓚᒋᔭᐅᓛᖅᑐᖅ ᐃᓚᖏᓐᓄᑦ ᐊᖏᕈᑎᓄᑦ ᑲᓇᑕᐅᑉ ᓂᒋᐊᓂ ᐊᒻᒪᓗ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᓂᑦ.)

ᓄᓇᕗᑦ − ᑐᕌᖓᓪᓚᕆᒃᑐᖅ ᐃᓄᖕᓄᑦ ᑮᓇᐅᔭᖃᖅᑎᑕᐅᓂᕐᒧᑦ ᐊᒥᒐᕆᔭᐅᔪᖅ

ᑲᓇᑕᒥ ᑮᓇᐅᔭᑦ ᐊᑐᖅᑐᒃᓴᑦ 2016-ᒥᑦ ᐊᒻᒪᓗ 2017-ᒥᑦ ᓴᓂᕐᕙᐅᓚᐅᖅᑐᖅ $76.7 ᒥᓕᐊᓐᓂᒃ ᐊᒻᒪᓗ $240 ᒥᓕᐊᓐᓂᒃ ᓄᓇᕗᑦ ᒐᕙᒪᒃᑯᖏᓐᓄᑦ ᐃᒡᓗᓕᕆᓂᕐᒧᑦ ᓄᓇᕗᒻᒥ. ᑖᒃᑯᐊ ᑮᓇᐅᔭᖃᖅᑎᑦᑎᓃᑦ ᐊᑐᐃᓐᓇᐅᓂᖏᑦ ᑐᕌᖓᓚᐅᙱᑦᑐᑦ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᓄᓇᕗᒻᒥ, ᑭᓯᐊᓂᓕ, ᑐᕌᖓᓪᓚᕆᒃᑐᓂᑦ ᑮᓇᐅᔭᖅᑖᕈᒪᖕᒥᔪᑦ ᐃᑲᔪᖃᓯᐅᑎᓂᕐᒧᑦ ᑮᓇᐅᔭᖅᑖᕐᓂᖏᓐᓂᒃ ᑲᓇᑕᐅᑉ ᒐᕙᒪᖓᓂ ᐊᒻᒪᓗ ᓄᓇᕗᑦ ᒐᕙᒪᒃᑯᖏᓐᓂᒃ. ᓄᓇᕗᒻᒥ ᐱᔭᕆᐊᖃᕐᔪᐊᖅᑎᓪᓗᒋᑦ, ᑮᓇᐅᔭᖃᖅᑎᑕᐅᓂᖅ ᐊᒻᒪᓗ ᓄᑖᓂᑦ ᐊᑐᕐᓂᕐᒥᑦ ᐱᓕᕆᔾᔪᓯᖃᕆᐊᓖᑦ ᐃᒡᓗᓕᕆᓂᕐᒧᑦ ᐱᔭᐅᔭᕆᐊᓕᖕᓂᒃ ᐊᒥᒐᕆᔭᐅᔪᓄᑦ ᑕᑯᖃᓯᐅᑎᓗᒍ ᑲᓇᑕᓕᒫᖅ. ᒫᓐᓇᕈᓘᓚᐅᖅᑐᖅ ᑲᓇᑕᐅᑉ ᒐᕙᒪᒃᑯᖏᓐᓂᒃ ᑮᓇᐅᔭᖃᖅᑎᑕᐅᓃᑦ ᐃᑲᔪᕐᓂᖃᕐᓂᐊᖅᑐᑦ ᑭᓯᐊᓂ, ᑕᐃᒫᒃ ᐅᖃᐅᓯᐅᓯᒪᖕᒪᑦ ᐊᖓᔪᖅᑳᕆᔭᐅᔪᒧᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓂ, ᐊᒥᒐᐅᔾᔨᓪᓚᕆᑦᑐᑦ ᑐᐊᕕᕐᓇᖅᑐᒥᑦ ᐊᒻᒪᓗ ᐊᖏᔪᒥᑦ ᐃᒡᓗᓕᕆᓂᕐᒧᑦ ᐊᒥᒐᕆᔭᐅᓂᐅᔪᖅ ᓄᓇᕗᒻᒥ.

ᐃᓄᐃᑦ ᑲᑐᔾᔨᖃᑎᒌᖏᑦ ᓄᓇᕗᒻᒥ, ᐃᓛᒃᑰᖓᔪᒃᑯᑦ ᐊᔪᙱᓐᓂᖃᕐᓂᖏᓐᓄᑦ ᐊᒻᒪᓗ ᓴᙱᓂᖃᕐᓂᖏᓐᓄᑦ, ᑲᒪᒋᔭᖃᕈᒪᓪᓚᕆᒃᑐᑦ ᐃᒡᓗᓂᑦ ᐊᒥᒐᕐᔪᐊᕐᓂᖏᓐᓄᑦ ᓄᓇᕗᒻᒥ ᐃᓄᖕᓄᑦ ᓴᓇᔭᐅᓯᒪᔪᒥᑦ ᐊᒻᒪᓗ ᑲᔪᓯᑎᑕᐅᓗᓂ, ᐅᖓᓯᒃᑐᒨᖓᔪᒥᑦ "ᐊᑭᑭᔾᔫᒥᔪᒥᑦ ᐃᒡᓗᖃᕐᓂᕐᒧᑦ" ᐱᓕᕆᐊᒃᓴᑎᒍᑦ. ᓴᖅᑮᓂᕐᒥᑦ ᐆᒃᑑᑎᒥᑦ ᐊᑭᑭᔾᔫᒥᔪᒧᑦ ᐃᒡᓗᒥᑦ ᓇᖕᒥᓂᖃᕐᓂᕐᒧᑦ ᑐᕌᖓᔪᒥᑦ ᐃᓄᖕᓄᑦ ᐅᕝᕙᓘᓐᓃᑦ ᐃᓚᒌᖑᔪᓄᑦ ᑮᓇᐅᔭᐃᔭᕈᓯᑐᖃᐅᔪᒃᑯᑦ ᒫᓐᓇᐅᔪᖅ ᓂᐅᕕ- ᐊᒃᓴᐅᕙᒃᑐᓄᑦ ᐊᑭᖏᓐᓄᑦ ᐊᑐᖅᑕᐅᔪᓐᓇᙱᓚᖅ, ᐊᒃᓱᕈᕐᓇᕐᓂᖓᓄᑦ ᐊᒻᒪᓗ ᐱᕕᒃᓴᖃᙱᓐᓂᕐᒧᑦ. ᐃᑲᔪᖃᓯ- ᐅᑎᓂᕐᒥᑦ ᐃᒡᓗᓕᕆᔨᒃᑯᑦ ᐃᒡᓗᖁᑎᖏᓐᓂᒃ ᐊᑐᐃᓐᓇᐅᔪᓂᑦ ᑕᐃᑰᓇ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑎᒍᑦ, ᑖᓐᓇ ᐱᓕᕆᐊᒃᓴᖅ ᑲᔪᓯᑎᑦᑎᒐᔭᖅᑐᖅ ᐊᑭᑭᔾᔫᒥᔪᓂᑦ ᐃᒡᓗᒥᑦ ᓇᖕᒥᓂᖃᕐᓂᕐᒧᑦ ᐃᓄᐃᑦ ᓄᑦᑎᕈᓐᓇᕐᓂᐊᕐᒪᑕ ᒐᕙᒪᒃᑯᑎᒍᑦ, ᓇᖕᒥᓂᕆᔭᐅᔪᓄᑦ ᐊᒻᒪᓗ ᓇᖕᒥᓂᖅ ᐃᒡᓗᖁᑎᓂᑦ ᐊᑐᖅᑐᐊᕐᓂᕐᒥᑦ, ᐅᐱᒍᓱᓐᓂᐊᕐᒪᑕ ᓇᖕᒥᓂ- ᖃᕐᓂᕐᒥᑦ ᐃᓄᖕᓄᑦ ᐊᒻᒪᓗ ᐃᓚᒌᖑᔪᓄᑦ ᓄᓇᕗᒻᒥ. ᐱᓕᕆᐊᒃᓴᐅᔪᖅ ᐃᑲᔫᑎᖃᕋᔭᕐᒥᔪᖅ ᐊᒻᒪᓗ ᐊᔭᐅᖅᑐᐃᓗᓂ ᐃᒡᓗᒥᑦ ᓇᖕᒥᓂᖃᕐᓂᕐᒧᑦ ᑮᓇᐅᔭᓕᐅᓂᕐᒧᑦ ᐊᒻᒪᓗ ᐃᖅᑲᓇᐃᔮᖃᕐᓂᕐᒧᑦ ᑮᓇᐅᔭᐃᔭᙱᓐᓂᖅᓴᐅᓕᕐᓗᑎ ᒐᕙᒪᐅᔪᑦ.

ᑎᑭᐅᒪᓂᕐᒧᑦ ᐊᑐᖅᑕᐅᔪᒪᔪᑦ ᑐᕌᒐᒃᓴᓄᑦ, ᐊᑭᑭᔾᔫᒥᔪᒥᑦ ᐃᒡᓗᖃᕐᓂᕐᒧᑦ ᐱᓕᕆᐊᖑᔪᖅ ᐊᕐᕌᒍᓄᑦ ᐊᒥᓱᓄᑦ ᓴᓂᕐᕙᐃᒋᐊᖃᕋᔭᖅᑐᑦ ᒐᕙᒪ(ᒃᑯᑦ) ᑲᔪᓯᓂᖃᑦᑎᐊᖁᓪᓗᒍ ᐊᒻᒪᓗ ᐃᑲᔪᕐᓂᕐᒧᑦ ᓇᖕᒥᓂᖅ ᑮᓇᐅᔭᖃᖅᑎᑦᑎᓂᕐᒧᑦ ᐱᓕᕆᐊᖑᔪᒥᑦ ᑲᔪᓯᑎᑦᑎᓂᕐᒥᑦ. ᖃᐅᔨᒪᑦᑎᐊᕆᐊᒃᑲᓐᓂᓂᕐᒧᑦ ᑲᔪᓯᓂᖃᑦᑎᐊᕐᓂᖓᓄᑦ ᐊᒻᒪᓗ ᒪᑭᑕᑎᑕᔅᓴᐅ- ᓂᖓᓄᑦ, ᐊᑭᖏᓐᓄᑦ ᐊᑑᑎᖃᑦᑎᐊᖅᑐᓂᒃ ᐃᒡᓗᓕᐅᕐᓂᕐᒧᑦ ᐊᒻᒪᓗ ᑲᔪᓯᑎᑦᑎᓂᕐᒧᑦ ᐊᑐᖅᑕᐅᔪᑦ ᐱᕙᓪᓕᐊᕈᑕᐅ- ᒐᔭᖅᑐᑦ ᐅᕝᕙᓘᓐᓃᑦ ᐱᐅᓯᕚᓪᓕᖅᑎᑕᐅᒃᑲᓐᓂᕐᓗᑎ. ᐊᑕᐅᑦᑎᒃᑯᑦ, ᐊᖏᒡᓕᒋᐊᖅᓯᒪᔪᒥᑦ ᐱᓕᕆᓂᕐᒥᑦ ᐊᔭᐅᖅᑐ- ᐃᓂᕐᒧᑦ, ᐃᓕᓐᓂᐊᖅᑎᑦᑎᓂᕐᒧᑦ ᐊᒻᒪᓗ ᑲᔪᖏᖅᓴᐃᓂᕐᒧᑦ ᓯᕗᓪᓕᖅᐹᒥᑦ ᐃᒡᓗᒥᑦ ᓇᖕᒥᓂᖃᖅᑎᐅᔪᓂᑦ ᐱᕚᓪᓕᐅᕈᑎᒃᓴᓄᑦ ᐊᒻᒪᓗ ᐱᕕᒃᓴᖃᕐᓂᐅᔪᓄᑦ ᑐᕌᖓᖃᓯᐅᑎᔪᓂᑦ ᐃᒡᓗᒥᓂ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᕈᑕᐅ- ᒐᔭᖅᑐᖅ ᐊᒻᒪᓗ ᑲᔪᓯᑎᑕᐅᓗᓂ.

ᓄᓇᕗᑦ ᑐᙵᕕᒃᑯᑦ ᐸᕐᓇᐃᓂᕐᒧᑦ ᐋᖅᑭᒋᒃᓱᐃᔨᐅᒐᔭᖅᑐᑦ ᓯᕗᓕᖅᑎᒋᔭᐅᓗᑎᒃ ᑲᑐᔾᔨᖃᑎᖃᕐᓗᑎᒃ ᓄᓇᕗᒻᒥ ᐊᕕᑦᑐᖅᓯᒪᔪᓂᒃ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ ᑖᒃᑯᐊ ᐃᓄᐃᑦ ᐱᕙᓪᓕᐊᓂᖏᓐᓄᑦ ᑯᐊᐳᕇᓴᐅᔪᑦ ᓄᓇᕗᒻᒥ ᓯᕗᓕᖅᑎᒋᔭᐅᓗᑎᒃ ᐱᓕᕆᐊᖑᔪᒧᑦ ᑲᔪᓯᑎᑦᑎᓂᕐᒥᑦ, ᐃᓚᒋᖃᓯᐅᑎᓗᓂᐅᒃ ᐱᕙᓪᓕᐊᑎᑦᑎᓂᕐᒥᑦ ᑲᔪᓯᑎᑕᐅᓂᖓᑕ ᐋᖅᑭᒃᓱᖅᓯᒪᓂᖓᓂ. ᐱᓕᕆᖃᑎᒌᓐᓂᖏᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᐊᒻᒪᓗ ᑲᓇᑕᐅᑉ ᒐᕙᒪᖏᓐᓂᒃ ᑕᐃᒪᐃᑎᑕᐅᒐᔭᖅᑐᖅ ᐃᑲᔪᕐᓂᕐᒧᑦ ᐱᓕᕆᐊᒃᓴᐅᔪᖅ ᑲᔪᓯᓂᖃᑦᑎᐊᕋᓗᐊᕐᒪᖔᖅ ᐊᒻᒪᓗ ᒪᑭᑕᑎᑕᔅᓴᐅᓂᖓᓄᑦ.

ᑲᓇᑕᒥ ᐃᒡᓗᓕᕆᓂᕐᒧᑦ ᐸᕐᓇᐅᑎ

ᓄᕕᐱᕆ 22, 2017-ᒥ, ᑲᓇᑕᐅᑉ ᒐᕙᒪᖓ ᐅᖃᓚᐅᖅᑐᑦ ᐊᕐᕌᒍᓄᑦ ᖁᓕᓄᑦ, $40 ᐱᓕᐊᓐᓂᒃ ᑲᓇᑕᒥ ᐃᒡᓗᓕᕆᓂᕐᒧᑦ ᐸᕐᓇᐅᑎᒥᑦ ᐃᑲᔪᕐᓂᖃᕋᔭᖅᑐᒥᑦ ᐊᖏᕐᕋᖃᙱᓐᓂᐅᔪᒥᑦ ᐊᒻᒪᓗ ᐊᑐᐃᓐᓇᐅᑎᑦᑎᓂᖅᓴᐅᓗᑎ ᐊᒻᒪᓗ ᐱᐅᓂᖅᓴᐅᓗᑎ ᐃᒡᓗᒋᔭᐅᔪᑦ ᑲᓇᑕᒥᐅᑕᓄᑦ ᐃᒡᓗᑖᕆᐊᓕᖕᓄᑦ.

ᐱᓗᐊᙳᐊᖅᑐᒥᑦ, ᑕᐃᑰᓇ $4.3-ᐱᓕᐊᓐ ᑲᓇᑕᒥ ᓄᓇᓕᖕᓂ ᐃᒡᓗᓕᕆᓂᕐᒧᑦ ᖃᓄᐃᓕᐅᕆᐊᕈᑎᒃᓴᒃᑯᑦ(CCHI), ᑲᓇᑕᐅᑉ ᒐᕙᒪᖓ ᐃᑲᔪᖅᓱᕐᓂᐊᖅᑐᖅ ᑲᓇᑕᐅᑉ ᓂᒋᐊᓂ ᐊᒻᒪᓗ ᐅᑭᐅᖅᑕᖅᑐᖓᓂ ᓴᐳᔾᔨᑎᓪᓗᒋᑦ ᐊᒻᒪᓗ ᓴᓇᑎᓪᓗᒋᑦ ᒪᑭᒪᑎᑕᐅᒍᓐᓇᖅᑐᓂ ᓄᓇᓕᖕᓂ ᑐᙵᕕᖃᖅᑐᓂᑦ ᐃᒡᓗᓕᕆᓂᕐᒨᖓᔪᓂᑦ. ᐃᓚᖏᓐᓂᒃ ᑭᑭᑦᑎᓯ- ᒪᓗᑎ, ᑲᓇᑕᐅᑉ ᓂᒋᐊᓂ ᐅᑭᐅᖅᑕᖅᑐᒥᓪᓗ ᐊᕕᒃᑐᖅᓯᒪᔪᑦ ᐊᑭᖏᓐᓂᒃ ᐊᔾᔨᖏᓐᓂᒃ ᑐᓂᓯᒋᐊᖃᖅᑐᑦ ᑮᓇᐅᔭᕐᓂᒃ ᓄᑖᖓᔪᑦ ᐊᖏᕈᑎᒃᑯᑦ, ᑖᒃᑯᐊᓗ ᑲᓇᑕᒥ ᓄᓇᓕᖕᓂ ᐃᒡᓗᓕᕆᓂᕐᒧᑦ ᖃᓄᐃᓕᐅᕆᐊᕈᑎᒃᓴᒃᑯᑦ.Footnote 6 ᑕᒪᓐᓇ ᑮᓇᐅᔭᑦ ᖁᑦᑎᖕᓂᖓ ᐱᔪᓐᓇᖅᓯᑎᑦᑎᓂᐊᖅᑐᖅ ᑲᓇᑕᐅᑉ ᓂᒋᐊᓂ ᐊᒻᒪᓗ ᐅᑭᐅᖅᑕᖅᑐᖓᓂ ᓴᐳᔾᔨᔪᓐᓇᕐᓗᑎ ᐊᑭᓖᔪᓐᓇᕐᓂᕐᒧᑦ ᑭᑎᓪᓗᒋᑦ ᖃᔅᓯᐅᓂᖏᑦ ᐃᒡᓗᒥᐅᖃᑎᒌᑦ ᒫᓐᓇᐅᔪᖅ ᐃᒡᓗᖃᖅᑐᓄᑦ ᓄᓇᓕᖕᓂ ᐃᒡᓗᓕᕆ- ᔨᒃᑯᓐᓄᑦ ᑲᒪᒋᔭᐅᔪᓄᑦ ᑲᓇᑕᐅᑉ ᓂᒋᐊᓂ ᐊᒻᒪᓗ ᐅᑭᐅᖅᑕᖅᑐᖓᓂ ᐊᕕᒃᑐᖅᓯᒪᔪᑦ ᐊᒻᒪᓗ ᐃᑲᔪᖅᓱᖅᑕᐅᔪᑦ ᐊᑐᖅᑕᐅᓚᐅᖅᓯᒪᒐᓗᐊᖅᑐᓄᑦ ᑲᓇᑕᐅᑉ ᒐᕙᒪᒃᑯᖓᓂ ᐱᓕᕆᐊᖑᔪᓂᑦ. ᐃᑲᔪᖅᓱᕐᓂᐊᕐᒥᔪᖅ ᐋᖅᑭᒃᓯᓂᕐᒥᑦ ᐊᒻᒪᓗ ᓄᑖᙳᖅᑎᕆᓂᕐᒥᑦ ᓴᖅᑭᔮᖅᑐᓂᑦ ᐃᒡᓗᓂᑦ, ᐊᒻᒪᓗ ᐊᖏᒡᓕᒋᐊᖅᑎᕆᓂᕐᒥᑦ ᓄᓇᓕᖕᓂ ᑐᙵᕕᓕᖕᓂᑦ ᐃᒡᓗᓕᕆᓂᕐᒥᑦ.

ᐃᓚᒋᔭᐅᓪᓗᓂ ᑲᓇᑕᒥ ᓄᓇᓕᖕᓂ ᐃᒡᓗᓕᕆᓂᕐᒧᑦ ᖃᓄᐃᓕᐅᕆᐊᕈᑎᒃᓴᒥᑦ, ᑲᓇᑕᐅᑉ ᓂᒋᐊᓂ ᐊᒻᒪᓗ ᐅᑭᐅᖅᑕᖅᑐᖓᓂ ᓱᓕᕆᕋᐅᔭᕆᐊᓖᑦ ᑕᒪᐃᓐᓂᒃ ᓈᓴᐅᑎᖏᑦ ᐃᒡᓗᒥᐅᖃᑎᒌᖑᔪᑦ ᒫᓐᓇᐅᔪᖅ ᐃᑲᔪᖅᓱᖅᑕᐅᔪᑦ ᓄᓇᓕᖕᓂ ᐃᒡᓗᓕᕆᓂᕐᒧᑦ ᑲᓇᑕᐅᑉ ᓂᒋᐊᓂ ᐅᕝᕙᓘᓐᓃᑦ ᐅᑭᐅᖅᑕᖅᑐᖓᓂ ᐊᕕᒃᑐᖅᓯᒪᔪᑦ ᐅᓄᕈᓐᓃᖅᑎᑕᐅ- ᕚᓪᓕᔾᔮᙱᓐᓂᖏᓐᓂ. ᑕᐃᒪᐃᓕᖓᓂᖓᓄᑦ, ᑲᓇᑕᒥ ᓄᓇᓕᖕᓂ ᐃᒡᓗᓕᕆᓂᕐᒧᑦ ᖃᓄᐃᓕᐅᕆᐊᕈᑎᒃᓴᖅ ᓂᕆᐅ- ᒋᔭᐅᔪᖅ ᐊᑭᑭᔾᔫᒥᑎᑦᑏᓐᓇᕐᓗᓂ 330,000-ᖏᓐᓃᐸᓗᒃᑐᓄᑦ ᐃᒡᓗᒥᐅᖃᑎᒌᓄᑦ ᓄᓇᓕᖕᓂ ᐃᒡᓗᒦᑦᑐᓂᑦ ᑲᓇᑕᒥ.

ᑲᓇᑕᒥ ᐃᒡᓗᓕᕆᓂᕐᒧᑦ ᐸᕐᓇᐅᑎ ᐋᖅᑭᒃᓱᐃᓯᒪᖕᒥᔪᖅ ᑐᕌᒐᒃᓴᕐᔪᐊᓂᑦ ᒪᑯᓂᖓ ᐃᓚᖃᖅᖢᑎᒃ:

  1. ᐊᖏᕐᕋᖃᙱᓐᓂᖅ ᓇᑲᑕᐅᓗᓂ 50 ᐳᓴᓐᑎᒥᑦ;
  2. ᐱᑕᖃᕈᓐᓃᖅᑎᑦᑎᓂᕐᒥᑦ ᐅᕝᕙᓘᓐᓃᑦ ᒥᒃᖠᒋᐊᖅᑎᕆᓂᕐᒥᑦ ᐃᒡᓗᓕᕆᓂᕐᒨᖓᔪᓂᒃ ᐱᔭᐅᔭᕆᐊᓕᖕᓂᒃ 530,000 ᐅᖓᑖᓄᑦ ᐃᒡᓗᒥᐅᖃᑎᒌᒃᑐᓄᑦ;
  3. ᓴᓇᓂᕐᒥᑦ ᑎᓴᒪᐃᖅᓱᕐᓗᑎ ᓄᑖᓂᑦ ᐃᒡᓗᖁᑎᓂᑦ ᑕᐃᒫᒃ ᓴᓇᔭᐅᓚᐅᕐᒪᑕ ᑲᓇᑕᐅᑉ ᒐᕙᒪᖓᑕ ᐱᓕᕆᐊᒃᓴᖏᑎᒍᑦ 2005-ᒥᑦ 2015-ᒧᑦ;
  4. ᐋᖅᑭᒋᐊᖅᓯᓂᕐᒥᑦ ᐱᖓᓱᐃᖅᓱᖅᑐᒍ ᐃᒡᓗᒋᔭᐅᔪᓂᑦ ᐋᖅᑭᒃᑕᐅᓚᐅᖅᑐᓂᑦ ᑖᔅᓱᒪ ᐊᑖᒍᑦ ᑲᓇᑕᐅᑉ ᒐᕙᒪᖓᑕ ᐱᓕᕆᐊᒃᓴᖏᑎᒍᑦ 2005-ᒥᑦ 2015-ᒧᑦ; ᐊᒻᒪᓗ;
  5. ᓴᐳᔾᔨᓯᒪᓂᕐᒥᑦ ᖄᒃᑲᓐᓂᐊᒍᑦ 385,000-ᓂᒃ ᐃᒡᓗᒥᐅᖃᑎᒌᓂᑦ ᐊᓯᐅᔨᑎᑦᑕᐃᓕᒪᓪᓗᒋᑦ ᐊᑭᑭᔾᔫᒥᔪᒥᒃ ᐃᓂᒃᓴᒥᓂᒃ.

ᑲᓇᑕᐅᑉ ᒐᕙᒪᖓ ᐊᖏᖅᓯᒪᔪᑦ ᐱᓕᕆᖃᑎᖃᕐᓂᕐᒧᑦ ᓄᓇᖃᖅᑳᖅᓯᒪᔪᓄᑦ ᓯᕗᓕᖅᑎᓂᑦ ᐋᖅᑭᒃᓱᐃᖃᑎᒌᓐᓂᕐᒧᑦ ᐱᔭᕆᐊᓕᖕᓂᒃ ᑐᙵᕕᖃᕐᓗᑎ ᐃᒡᓗᓕᕆᓂᕐᒧᑦ ᐸᕐᓇᐅᑎᓂᑦ ᐋᖅᑭᖅᓯᖅᓯᒪᓂᐊᖅᑐᓂᑦ ᑐᙵᕕᐅᔪᓂᑦ ᓇᖕᒥᓂᖅ ᐱᓕᕆᐊᖃᕈᒪᓂᕐᒧᑦ, ᐃᓱᒪᒋᔪᓐᓇᐃᖃᑎᒌᓐᓂᕐᒧᑦ, ᐃᒃᐱᒍᓱᑦᑎᐊᕐᓂᒃᑯᑦ, ᐊᒻᒪᓗ ᑲᑐᔾᔨᖃᑎᒌᓐᓂᒃᑯᑦ.

ᑕᐃᒫᒃ ᐅᖃᐅᓯᐅᓯᒪᖕᒪᑦ ᑲᓇᑕᒥ ᐃᒡᓗᓕᕆᓂᕐᒧᑦ ᐸᕐᓇᐅᑎᒥᑦ, ᑲᓇᑕ ᐱᓕᕆᖃᑎᖃᑦᑎᐊᖅᑐᖅ ᑖᒃᑯᓂᖓ ᐃᓄᐃᑦ ᑕᐱᕇᑦ ᑲᓇᑕᒥᒃᑯᓐᓂ ᐊᒻᒪᓗ ᐃᓄᐃᑦ ᓄᓇᑖᕐᓂᕐᒧᑦ ᒐᕙᒪᓂᑦ ᐊᒻᒪᓗ ᑲᑐᔾᔨᖃᑎᒌᖑᔪᓂᑦ ᑕᐃᑰᓇ ᐃᓄᐃᑦ− ᒐᕙᒪᑐᖃᒃᑯᑦ ᐱᓕᕆᖃᑎᒌᓐᓂᕐᒧᑦ ᑲᑎᒪᔨᕋᓛᒃᑯᑦ. ᑕᒪᓐᓇ ᑲᑐᔾᔨᖃᑎᒌᓂᒃᑯᑦ ᐱᓕᕆᐊᖑᔪᖅ ᐃᒃᐱᒍᓱᑦᑎᐊᖅᑐᖅ ᐊᒻᒪᓗ ᓴᙱᓂᖅᓴᐅᓕᖅᑎᑦᑎᔪᖅ ᐃᓄᐃᑦ−ᒐᕙᒪᑐᖃᒃᑯᑦ ᐱᓕᕆᖃᑎᒌᓐᓂᖏᑦ ᐊᒻᒪᓗ ᐃᑲᔪᕐᓂᖃᕐᓂᐊᖅᑐᖅ ᑎᑭᐅᒪᓂᕐᒥᑦ ᑖᔅᓱᒥᖓᔅᓴᐃᓐᓇᖅ ᑐᕌᒐᖃᖅᑎᓪᓗᒋᑦ ᒥᒃᖠᒋᐊᖅᑎᕆᓂᕐᒥᑦ ᐃᒡᓗᓕᕆᓂᕐᒧᑦ ᐱᔭᐅᔭᕆᐊᓕᖕᓂᒃ ᐃᓄᐃᑦ ᓄᓇᖕᒐᓂ ᐊᒻᒪᓗ ᐱᕙᓪᓕᐊᑎᑦᑎᓂᕐᒧᑦ ᐅᖓᓯᒃᑐᒨᖔᔪᓂᑦ ᐋᖅᑭᒋᐊᕈᑎᒃᓴᓂᑦ ᐃᓄᐃᑦ ᐃᓅᓯᖏᓐᓄᑦ, ᐱᖅᑯᓯᖏᓐᓄᑦ ᐊᒻᒪᓗ ᐃᓕᖅᑯᓯᖓᓄᑦ ᑐᕌᖓᓗᑎ. ᐱᓕᕆᔾᔪᓯᐅᔪᖅ ᐊᑐᖅᑕᐅᔪᖅ ᑕᐃᑰᓇ ᐃᓄᐃᑦ−ᒐᕙᒪᑐᖃᒃᑯᑦ ᐱᓕᕆᖃᑎᒌᓐᓂᕐᒧᑦ ᑲᑎᒪᔨᕋᓛᓄᑦ ᑖᔅᓱᒧᖓᓗ ᐸᕐᓇᐅᑎᒥᑦ ᓴᖅᑭᔮᖅᑎᑦᑎᕗᖅ ᐱᓕᕆᐊᕆᔭᖏᑦ ᑖᒃᑯᐊ ᐃᓄᐃᑦ ᑲᑐᔾᔨᖃᑎᒌᖏᑦ ᐊᒻᒪᓗ ᒐᕙᒪᐃᑦ ᑲᒪᒋᔭᖃᕐᓂᕐᒥᑦ ᐃᒡᓗᓕᕆᓂᕐᒧᑦ ᐱᔭᐅᔭᕆᐊᓕᖕᓂᒃ ᓄᓇᓕᖏᓐᓂ.

ᑕᐅᑰᓇ ᑲᓇᑕᒥ ᐃᒡᓗᓕᕆᓂᕐᒧᑦ ᐸᕐᓇᐅᑎᒃᑯᑦ, ᑲᓇᑕ ᐊᖏᖅᓯᒪᖕᒥᔪᖅ ᐱᓕᕆᐊᖃᑎᖃᕐᓂᕐᒥᑦ ᐊᓯᖏᓐᓂᒃ ᖁᑦᑎᖕᓂᐅᔪᓂᒃ ᒐᕙᒪᓂᑦ ᐊᒻᒪᓗ ᐊᔾᔨᒌᙱᑐᓂᑦ ᓇᖕᒥᓂᖃᖃᑕᐅᔪᓂᑦ ᐊᑑᑎᖃᑦᑎᐊᖅᑐᒥᑦ ᐊᑐᓕᖅᑎᑦᑎᓂᕐᒧᑦ ᐊᖏᖅᓯᒪᓂᐅᔪᓂᒃ ᐋᖅᑭᒃᓱᖅᓯᒪᔪᓂᑦ ᐸᕐᓇᐅᑎᒥ. ᑎᑭᐅᑎᓂᕐᒧᑦ ᐊᑐᖅᑕᐅᔪᒪᔪᑦ ᑐᕌᒐᒃᓴᓂᑦ ᐋᖅᑭᒋᐊᖅᓯᓂᕐᒧᑦ ᐃᓄᖕᓄᑦ ᐃᒡᓗᓕᕆᓂᕐᒧᑦ ᐊᓂᒍᖅᑕᐅᔪᓂᑦ ᑐᑭᓕᕇᒃᓯᓗᓂ ᑲᓇᑕᓕᒫᒥ, ᐊᔾᔨᒌᙱᑦᑐᓂᑦ ᐱᐅᓯᖃᕆᐊᖃᕐᓂᐊᖅᑐᑦ ᐊᒻᒪᓗ ᐱᓕᕆᔾᔪᓯᕐᓂᒃ. ᑖᒪᓐᓇ ᐃᓚᖃᕆᐊᓕᒃ ᖃᐅᔨᒪᑦᑎᐊᕆᐊᕐᓂᕐᒥᑦ ᑖᓐᓇ ᑲᓇᑕᒥ ᐃᒡᓗᓕᕆᓂᕐᒧᑦ ᐸᕐᓇᐅᑎ ᐊᒻᒪᓗ ᐃᓄᐃᑦ ᓄᓇᖕᒐᓂ ᐃᒡᓗᓕᕆᓂᕐᒧᑦ ᐸᕐᓇᐅᑎ ᑐᕌᖓᖃᑦᑕᐅᑎᓗᑎ ᓈᒻᒪᒃᑐᒃᑯᑦ. ᑕᒪᓐᓇ ᐊᐅᓚᓂᖃᖁᓪᓗᒍ, ᓇᖕᒥᓂᖃᖃᑕᐅᔪᓕᒫᑦ ᐊᖏᖅᓯᒪᒋᐊᖃᕋᔭᖅᑐᑦ ᑲᔪᓰᓐᓇᖅᑐᒥ ᐱᓕᕆᔾᔪᓯᐅᔪᒧᑦ ᖃᐅᔨᓴᕙᓪᓕᐊᓂᕐᒧᑦ ᐱᕙᓪᓕ- ᐊᓂᕆᔭᖓᓂ ᑕᒪᐃᓐᓄᑦ ᑐᕌᖓᖃᓯᐅᑎᔪᓄᑦ ᖃᓄᐃᓕᐅᕆᐊᕈᑎᒃᓴᑦ ᖃᐅᔨᒪᑦᑎᐊᕆᐊᕐᓂᕐᒧᑦ ᐊᑑᑎᖃᑦᑎᐊᖅᑐᒃᑯᑦ ᐊᑐᓕᖅᑎᑕᐅᒐᓗᐊᕐᒪᖔᑦᑕ.

ᑲᓇᑕ ᐊᒻᒪᓗ ᐃᓄᐃᑦ ᐱᓕᕆᖃᑎᒌᒃᑐᑦ ᐃᑲᔪᕐᓂᕐᒧᑦ ᐊᐅᓚᑦᑎᓂᕐᒥᑦ ᐃᓄᐃᑦ ᐊᑐᐃᓐᓇᖃᕐᕕᐅᓂᖏᓐᓂᒃ ᑖᔅᓱᒧᖓ ᑲᓇᑕᒥ ᐃᒡᓗᓕᕆᓂᕐᒧᑦ ᐸᕐᓇᐅᑎᑎᒍᑦ ᑮᓇᐅᔭᖃᖅᑎᑕᐅᓂᕐᒥᑦ.

ᐃᓄᐃᑦ ᓄᓇᖕᒐᓂ ᐃᒡᓗᓕᕆᓂᕐᒧᑦ ᐸᕐᓇᐅᑎ

ᑕᐅᑐᕐᕉᒐᖅ

ᑕᒪᐃᓐᓂᒃ ᑐᕌᒐᕆᔭᐅᔪᖅ ᑖᔅᓱᒧᖓ ᐃᓄᐃᑦ ᓄᓇᖕᒐᓂ ᐃᒡᓗᓕᕆᓂᕐᒧᑦ ᐸᕐᓇᐅᑎᐅᔪᖅ ᐱᐅᓯᕚᓪᓕᖅᑎᑦᑎᓂᕐᒧᑦ ᐃᒡᓗᓕᕆᓂᕐᒧᑦ ᖃᓄᐃᓐᓂᕆᔭᖏᑦ ᐃᓄᐃᑦ ᓄᓇᖕᒐᓂ ᑐᒧᐊᖃᑕᐅᓗᑎ ᖃᓄᐃᓐᓂᕆᔭᖏᑦ ᑲᓇᑕᓕᒫᒥᑦ. ᐃᓚᒋᐊᕈᑕᐅᕗᖅ ᒫᓐᓇᕈᓘᓚᐅᖅᑐᖅ, ᑐᕌᖅᑎᑕᐅᓪᓚᕆᒃᑐᓂᑦ ᑲᓇᑕᐅᑉ ᒐᕙᒪᖓᓂ ᑮᓇᐅᔭᖃᖅᑎᑕᐅᓂᕐᒥᑦ ᑕᒪᓐᓇ ᐱᓕᓴᖅᓯᕗᖅ ᑮᓇᐅᔭᖃᖅᑎᑕᐅᒋᐊᖃᓪᓚᕆᓐᓂᖏᓐᓂᒃ ᒪᐅᖓᑦᑎᐊᖓᔪᒃᑯᑦ ᐊᒻᒪᓗ ᐊᑯᓐᓂᖅᓱᖅᑐᒃᑯᑦ ᐊᒻᒪᓗ ᐃᓄᐃᑦ ᐱᓕᕆᐊᖃᕆᐊᖃᓪᓚᕆᓐᓂᖏᓐᓂᒃ ᐊᐅᓚᑦᑎᓂᕐᒥᑦ ᐃᒡᓗᓕᕆᓂᐅᔪᒥᑦ ᐃᓄᐃᑦ ᓄᓇᓕᖏᓐᓂᒃ. ᑲᔪᓯᓂ- ᖃᑦᑎᐊᕐᓂᕐᒥᑦ ᐱᕙᓪᓕᐊᓂᐅᔪᒥᑦ ᓴᙱᔪᒥᑦ ᑲᔪᓰᓐᓇᖅᑐᒥᑦ ᑐᕌᓪᓚᕆᑦᑐᒥᑦ ᐱᓕᕆᖃᑎᒌᔭᕆᐊᓖᑦ ᐃᓄᐃᓪᓗ ᐊᒻᒪᓗ ᑲᓇᑕᐅᑉ ᒐᕙᒪᖓ ᐃᒡᓗᓕᕆᓂᕐᒧᑦ ᐃᓄᐃᑦ ᓄᓇᖕᒐᓂ. ᑖᓐᓇ ᑲᔪᓰᓐᓇᖅᑐᒥᑦ ᐱᓕᕆᖃᑎᒌᓐᓂᐅᔪᖅ ᐱᒻᒪᕆᐅᔪᖅ ᖃᐅᔨᒪᑦᑎᐊᕆᐊᕐᓂᕐᒥᑦ ᐱᕚᓪᓕᕈᑕᐅᔪᑦ ᕿᓚᒻᒥᐅᔪᒃᑯᑦ ᐊᒻᒪᓗ ᐊᑯᓐᓂᖅᓱᖅᑐᒃᑯᑦ ᑲᔪᓯᑎᑕᐅ- ᔪᓐᓇᕐᓗᑎ ᐅᖓᓯᒃᑐᒨᖓᔪᒥᑦ, ᓴᖅᑮᓕᕐᓗᓂ ᐋᓐᓂᐊᖃᙱᑦᑐᓂᑦ, ᐱᓕᕆᑦᑎᐊᕈᓐᓇᖅᑐᓂᑦ ᐃᓄᖕᓂᑦ, ᐃᓚᒌᖑᔪᓂᑦ ᐊᒻᒪᓗ ᓄᓇᓕᐅᔪᓂᑦ.

ᑖᔅᓱᒥᖓᔅᓴᐃᓐᓇᖅ ᑐᕌᒐᒃᓴᖃᖅᑎᓪᓗᒋᑦ ᐱᐅᓯᕚᓪᓕᖅᑎᑦᑎᓂᕐᒥᑦ ᐃᓄᖕᓄᑦ ᐃᒡᓗᓕᕆᓂᕐᒧᑦ ᐊᓂᒍᖅᑕᐅᔪᓂᑦ ᑎᑭᐅᒪᔭᐅᔪᖅ ᐃᓚᖓᓄᑦ, ᑕᐃᑰᓇ ᑮᓇᐅᔭᕐᓂᒃ ᐊᑐᖅᑐᒃᓴᓂᑦ 2016-ᒥᑦ ᐊᒻᒪᓗ 2018-ᒥᑦ ᐃᓄᖕᓄᑦ ᐃᒡᓗᓕᕆᓂᕐᒧᑦ ᑮᓇᐅᔭᖃᖅᑎᑦᑎᓂᕐᒥᑦ. ᐃᓕᓴᖅᓯᓂᕐᒥᑦ ᐃᓄᐃᑦ ᐃᓱᒪᓕᐅᕆᑦᑎᐊᓂᖅᓴᐅᔪᓐᓇᖅᑐᑦ ᐃᓄᖕᓅᖓ- ᔪᓂᒃ, ᑲᓇᑕᐅᑉ ᒐᕙᒪᖓ ᐊᒻᒪᓗ ᐃᓄᐃᑦ ᑲᑐᔾᔨᖃᑎᒋᔭᐅᔪᑦ ᓴᙱᓂᖅᓴᐅᓕᖅᑎᑦᑎᒃᑲᓐᓂᕈᒪᔪᑦ ᐃᓄᐃᑦ ᓇᖕᒥᓂᖅ ᐱᓕᕆᐊᖃᕈᒪᓂᖏᓐᓂᒃ ᐊᒻᒪᓗ ᐊᔪᕈᓐᓃᕐᓂᖏᑦ ᐃᒡᓗᓕᕆᓂᕐᒧᑦ ᖃᓄᐃᓕᐅᕆᐊᕈᑎᓂᑦ ᐊᑖᓂ ᓇᓗᓇᐃᔭᖅ- ᓯᒪᔪᓂᑦ.

ᐱᐅᓯᕚᓪᓕᖅᑎᑦᑎᓂᕐᒥᑦ ᐊᒻᒪᓗ ᑲᔪᓯᑎᑦᑎᓂᕐᒥᑦ ᐊᓂᒍᖅᑕᐅᔪᓂᑦ ᐊᑐᙱᓐᓂᖅᓴᐅᒋᐊᖃᓕᕋᔭᖅᑐᑦ ᐃᒡᓗᓕᕆ- ᔨᒃᑯᑎᒍᑦ ᐅᕝᕙᓘᓐᓃᑦ ᐃᓄᓕᒫᓄᑦ ᐃᒡᓗᖃᖅᑎᑦᑎᓂᕐᒥᑦ ᐊᒻᒪᓗ ᐅᓄᕐᓂᖅᓴᐅᓕᕐᓗᑎ ᐊᑭᑭᔾᔫᒥᔪᑦ ᐊᓯᖔᖏᓐᓂᒃ, ᐃᓚᒋᔭᐅᓗᓂ ᐊᑭᑐᓗᐊᙱᑦᑐᑦ ᓇᖕᒥᓂᕆᔭᐅᔪᓂᑦ ᐊᑐᖅᑐᐊᕐᓂᕐᒥᑦ, ᐃᒡᓗᒥᑦ ᓇᖕᒥᓂᖃᕐᓂᕐᒥᑦ ᐊᒻᒪᓗ ᐃᓂᒋᔭᐅᑲᐃᓐᓇᓲᒥᑦ ᐊᒻᒪᓗ ᐃᑲᔪᖅᓱᖅᑐᓂᑦ ᐃᒡᓗᓂᑦ. ᑲᔪᓯᓂᖃᑦᑎᐊᕐᓂᕐᒥᑦ ᐱᕙᓪᓕᐊᓂᐅᔪᒥᑦ ᐱᐅᓯᕚᓪᓕᖅ- ᑎᑦᑎᓂᐊᕐᒥᔪᖅ ᐊᒻᒪᓗ ᑲᔪᓰᓐᓇᖅᑐᒥᑦ ᑲᑐᔾᔨᖃᑎᒌᓂᕐᒥᑦ ᐊᔪᕈᓐᓃᖅᓴᑎᑦᑎᓂᕐᒧᑦ ᐊᒻᒪᓗ ᓄᑖᓂᑦ ᐊᑐᕐᓂᕐᒥᑦ ᐊᒻᒪᓗ ᖃᐅᔨᓴᕐᓂᕐᒥᑦ ᖃᐅᔨᒪᑦᑎᐊᕆᐊᕐᓂᕐᒧᑦ ᐃᓄᐃᑦ ᐃᑲᔫᑎᒃᓴᖃᕋᓗᐊᕐᒪᖔᑦᑕ ᐱᕙᓪᓕᐊᑎᑦᑎᓂᕐᒧᑦ ᑲᔪᓯᓂ- ᖃᑦᑎᐊᖅᑐᒃᑯᑦ ᐊᒻᒪᓗ ᐃᓕᖅᑯᓯᕐᒥᓄᑦ ᓈᒻᒪᒋᔭᐅᔪᓂᒃ ᐃᒡᓗᓂᑦ, ᑐᕌᓕᕈᑕᐅᓗᓂ ᐃᒡᓗᖃᕆᐊᖃᓗᐊᕈᓐᓃᖅ- ᑎᑦᑎᓂᕐᒧᑦ ᑕᒪᐃᓐᓂᑦ.

ᑎᑭᐅᒪᓂᕐᒧᑦ ᑕᐅᑐᕐᕉᒐᕆᔭᐅᔪᒥᑦ ᐸᕐᓇᐅᑎᒥ ᐊᑑᑎᖃᑦᑎᐊᖅᑐᓂᑦ ᐱᓕᕆᖃᑎᒌᕆᐊᖃᕐᓂᐊᖅᑐᑦ ᐊᒻᒪᓗ ᑲᑐᔾᔨᖃᑎᒌᓗᑎᑦ ᒐᕙᒪᐅᑉ ᖁᑦᑎᖕᓂᓕᕇᓕᒫᖏᓐᓂᒃ. ᑕᒪᓐᓇ ᐃᓚᖃᕋᔭᖅᑐᖅ ᑲᑐᔾᔨᖃᑎᒌᓐᓂᖅᓴᐅᓂᕐᒥᑦ ᐊᒻᒪᓗ ᐱᓕᕆᖃᑎᒌᓐᓂᖅᓴᐅᓂᕐᒥᑦ ᓈᒻᒪᒃᑐᓂᑦ ᑲᓇᑕᐅᑉ ᓂᒋᐊᓂ ᐅᑭᐅᖅᑕᖅᑐᖓᓂᓪᓗ ᐊᕕᒃᑐᖅᓯᒪᔪᑦ ᒐᕙᒪᓂᑦ ᑕᐃᒪᐃᑦᑐᑦ, ᑕᐃᒪᐃᖏᓐᓇᕐᓂᐊᖅᖢᑎᒡᓗ, ᐱᒻᒪᕆᐅᔪᓂᑦ ᐱᓕᕆᐊᒃᓴᖃᖅᑐᑦ ᐊᒻᒪᓗ ᑲᒪᒋᔭᖃᕆᐊᓖᑦ ᐱᐅᓯᕚᓪ- ᓕᖅᑎᑦᑎᓂᕐᒥᑦ ᐃᓄᖕᓄᑦ ᐃᒡᓗᓕᕆᓂᕐᒧᑦ ᐊᓂᒍᖅᑕᐅᔪᓂᑦ.

ᓂᕆᐅᒋᔭᐅᔪᑦ ᐊᓂᒍᖅᑕᐅᓂᐊᖅᑐᑦ

ᐸᕐᓇᐅᑎᐅᔪᖅ ᐋᖅᑭᒃᓱᐃᕗᖅ ᐃᓗᓕᖃᑦᑎᐊᖅᑐᒥᑦ, ᐃᓄᖕᓄᑦ ᑐᕌᖓᔪᒥᑦ ᐱᓕᕆᔾᔪᓯᐅᔪᒥᑦ ᑎᑭᐅᒪᓂᕐᒧᑦ ᑖᔅᓱᒥᖓᔅᓴᐃᓐᓇᖅ ᑕᐅᑐᕐᕉᒐᕆᔭᐅᔪᒥᑦ ᐊᔾᔨᒌᙱᑦᑐᒃᑯᑦ ᖃᓄᐃᓕᐅᕆᐊᕈᑎᒃᓴᓪᓗᐊᑕᒃᑯᑦ ᑕᒪᒃᑯᓄᖓ ᑐᕌᖓ- ᓕᕈᑕᐅᓗᓂ:

  • ᐃᓕᓴᖅᓯᓂᕐᒥᑦ ᐱᓕᕆᐊᒃᓴᕆᔭᐅᔪᒥᑦ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓄᑦ ᐊᒻᒪᓗ ᒐᕙᒪᒃᑯᖏᓐᓄᑦ ᐱᓕᕆᐊᕆᔭᐅᓪᓗᐊᑕᕐᓗᑎ ᑲᒪᒋᔭᖃᕐᓂᕐᒥᑦ ᐃᒡᓗᓕᕆᓂᕐᒧᑦ ᐱᔭᐅᔭᕆᐊᓕᖕᓂᑦ ᐃᓄᐃᑦ ᓄᓇᓕᖏᓐᓂᒃ.
  • ᑐᕌᓪᓚᕆᒃᑐᑦ ᐊᒻᒪᓗ ᑲᔪᓯᓂᖃᑦᑎᐊᖅᑐᒥᑦ ᑲᓇᑕᐅᑉ ᒐᕙᒪᖓᓂᑦ ᑮᓇᐅᔭᖃᖅᑎᐅᓂᖅ ᐋᖅᑭᒃᓱᖅᓯᒪᔪᒃᑯᑦ ᑐᓂᖅᑯᓯᐊᕐᓇᖅᑐᒃᑯᑦ
  • ᐋᖅᑭᒋᐊᖅᓯᒪᔪᒥᑦ, ᐊᓯᔾᔨᕈᓐᓇᖅᑐᒥᑦ, ᑕᐃᒪᐃᒋᐊᖃᖅᑎᓪᓗᒍᓗ, ᑐᕌᓪᓚᕆᒃᑐᒥᑦ ᐊᑐᐃᓐᓇᖃᕐᕕᐅᓂᕐᒥᑦ ᐱᓕᕆᐊᒃᓴᓄᑦ ᑐᕌᖓᔪᓂᑦ ᐃᒡᓗᖃᕆᐊᕈᓐᓃᕐᓂᕐᒥᑦ, ᐊᒻᒪᓗ ᑐᕌᖓᖃᓯᐅᑎᔪᓂᑦ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᐱᕙᓪᓕᐊᑎᑦᑎᓂᕐᒥᑦ
  • ᐅᓄᖅᓯᕚᓪᓕᖅᑎᑦᑎᓂᕐᒥᑦ ᐊᒻᒪᓗ ᐋᖅᑭᒋᐊᖅᓯᓂᕐᒥᑦ ᐃᒡᓗᐃᑦ ᐱᐅᓂᖏᓐᓂᒃ ᐃᓄᒋᐊᓗᐊᕈᓐᓃᕐᓗᑎ ᐊᒻᒪᓗ ᐃᒡᓗᐃᑦ ᖃᔅᓯᐅᓂᖏᑦ ᐋᖅᑭᒋᐊᖅᑕᐅᕐᔪᐊᕆᐊᖃᕈᓐᓃᕐᓗᑎ
  • ᐊᖏᒡᓕᑎᕆᓂᕐᒥᑦ ᐃᒡᓗᓕᕆᓂᕐᒧᑦ ᓇᓖᕌᕈᑎᒃᓴᓂᑦ ᐃᓄᐃᑦ ᓄᓇᓕᖏᓐᓂᒃ ᐊᑭᑭᔾᔫᒥᔪᓂᒡᓗ ᐊᑐᖅᑐᐊᕈᓐᓇᕐᓂᕐᒥᑦ ᐊᒻᒪᓗ ᓇᖕᒥᓂᖃᕐᓂᕐᒥᑦ, ᐃᒡᓗᒋᔭᐅᑲᐅᓐᓇᕈᓐᓇᖅᑐᓂᑦ ᐊᒻᒪᓗ ᐃᑲᔪᖅᓱᖅᑐᓂᑦ ᐃᒡᓗᓂᑦ ᐊᑐᙱᓐᓂᖅᓴᐅᓂᐊᕐᒪᑕ ᐃᒡᓗᓕᕆᔨᒃᑯᑎᒍᑦ ᐃᒡᓗᖃᙱᓐᓂᖅᓴᐅᓕᕐᓂᐊᕐᒪᑕ ᐊᒻᒪᓗ ᓴᖅᑭᔮᖅᑎᑦᑎᓂᕐᒥᑦ ᒪᑭᒪᑎᑕᐅᒍᓐᓇᖅᑐᓂ ᑮᓇᐅᔭᔾᔭᓂᕐᒧᑦ ᐊᒻᒪᓗ ᐃᒡᓗᖃᐃᓐᓇᕐᓂᕐᒧᑦ
  • ᐊᑑᑎᖃᑦᑎᐊᖅᑐᒃᑯᑦ ᒐᕙᒪᐅᖃᑎᒌᙱᑦᑐᑦ ᑲᑐᔾᔨᖃᑎᒌᓐᓂᖏᑦ
  • ᐊᑑᑎᖃᑦᑎᐊᖅᑐᒃᑯᑦ ᖃᐅᔨᓴᕐᓂᕐᒥᑦ ᐊᒻᒪᓗ ᓄᑖᓂᑦ ᐊᑐᕐᓂᕐᒥᑦ, ᐊᒻᒪᓗ ᑭᒡᓕᓯᓂᐊᖅᑕᐅᓂᑯᓂᑦ ᓄᐊᑦᑎᓂᕐᒥᑦ

ᖃᐅᔨᒪᑦᑎᐊᕆᐊᕐᓂᕐᒥᑦ ᐊᒃᑐᐃᓂᐅᓂᐊᖅᑐᑦ ᑕᐅᕗᖓᓕᒫᖅ ᒫᓐᓇᕈᓘᓚᐅᖅᑐᖅ ᐊᒻᒪᓗ ᓯᕗᓂᒃᓴᒥᑦ ᐃᓄᖕᓄᑦ ᐃᒡᓗᓕᕆᓂᕐᒧᑦ ᑮᓇᐅᔭᖃᖅᑎᑦᑎᓂᕐᒥᑦ, ᐃᓄᐃᑦ ᐃᓚᐅᑎᑕᐅᖏᓐᓇᕆᐊᓖᑦ ᑲᔪᓯᑎᑦᑎᓂᕐᒥᑦ ᑮᓇᐅᔭᕐᓄᑦ ᐊᒻᒪᓗ ᐃᒡᓗᓕᕆᓂᕐᒨᖓᔪᓂᒃ ᐃᓱᒪᓕᐅᕆᓂᕐᒧᑦ ᐃᓄᐃᑦ ᓄᓇᖕᒐᓂ. ᐱᕕᒃᓴᖃᖅᑐᑦ ᐃᓚᓯᒋᐊᕐᓂᕐᒥᑦ ᑮᓇᐅᔭᕐᓂᒃ ᐊᑐᖅᑐᒃᓴᓄᑦ 2016-ᒥᑦ ᐊᒻᒪᓗ ᑮᓇᐅᔭᕐᓂᒃ ᐊᑐᖅᑐᒃᓴᓄᑦ 2018-ᒥᑦ ᑐᕌᓪᓚᕆᒃᑐᒥᑦ ᑮᓇᐅᔭᖃᖅᑎᑦᑎᓂᕐᒥᑦ ᐊᒻᒪᓗ ᑲᔪᓯᑎᑦᑎᓂᕐᒧᑦ ᐱᓕᕆᔾᔪᓯᕐᓂᒃ ᐱᕙᓪᓕᐊᑎᑦᑎᓂᕐᒧᑦ ᑲᔪᓰᓐᓇᖅᑐᒥᑦ ᐃᒡᓗᓕᕆᓂᕐᒧᑦ ᑮᓇᐅᔭᖃᕐᓂᕐᒥᑦ ᐊᒻᒪᓗ ᑲᔪᓯᑎᑦᑎᓂᕐᒧᑦ ᐆᒃᑑᑎᒥᑦ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂᒃ ᐱᓕᕆᖃᑎᖃᓪᓚᑦᑖᕐᓗᑎ, ᐱᕕᒃᓴᐅᕗᖅ ᐊᐅᓚᑦᑎᔪᓐᓇᖅᑐᒥᑦ ᐊᑑᑎᖃᕐᓂᖅᓴᐅᔪᒥᑦ, ᐃᓗᐃᑦᑑᓕᖓᔪᒥᑦ ᐱᓕᕆᔾᔪᓯᕐᒥᑦ ᐃᒡᓗᓕᕆᓂᕐᒧᑦ ᑐᐊᕕᕐᓇᖅᑐ- ᓕᕆᓂᕐᒥᑦ ᐃᓄᐃᑦ ᓄᓇᖕᒐᓂᑦ ᒫᓐᓇᐅᔪᖅ ᓯᕗᓂᒃᓴᒧᓪᓗ. ᑖᓐᓇ ᐱᓕᕆᔾᔪᓯᐅᔪᖅ ᐃᓕᓴᖅᓯᒐᔭᖅᑐᖅ ᑐᕌᖓᓪ- ᓚᕆᒃᑐᒥᑦ ᓇᖕᒥᓂᖅ ᐱᓕᕆᐊᖃᕈᒪᓂᖏᑦ ᐃᓄᐃᑦ ᐊᐅᓚᑦᑎᓂᕐᒧᑦ ᐊᒻᒪᓗ ᐱᕙᓪᓕᐊᑎᑦᑎᓂᕐᒧᑦ ᐃᒡᓗᓕᕆᓂᕐᒥᑦ ᐃᓄᐃᑦ ᓄᓇᖕᒐᓂ. ᐃᓄᖕᓄᑦ ᑐᕌᖓᔪᒥᑦ ᐃᒡᓗᓕᕆᓂᕐᒧᑦ ᑮᓇᐅᔭᕐᓂᒃ ᑐᓂᖅᑯᓯᐊᕐᓂᕐᒥᑦ ᐱᒻᒪᕆᐅᒐᔭᖅᑐᖅ ᐋᖅᑭᒋᐊᖅᓯᓂᕐᒧᑦ ᐊᒻᒪᓗ ᑲᔪᓯᑎᑦᑎᓂᕐᒧᑦ ᐃᒡᓗᓕᕆᓂᕐᒧᑦ ᐊᓂᒍᖅᑕᐅᔪᓂᒃ ᐃᓄᐃᑦ ᓄᓇᖕᒐᓂ. ᑕᒪᐃᓐᓂᑦ, ᐱᓕᕆᖃᑎᖃᓪᓚᕆᓪᓗᑎᒃ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ ᐱᕙᓪᓕᐊᑎᑦᑎᓂᕐᒧᑦ ᐃᒡᓗᓕᕆᓂᕐᒨᖓᔪᓂᒃ ᐊᑐᐊᒐᕐᓂᒃ ᐊᒻᒪᓗ ᐱᓕᕆᐊᒃᓴᓂᑦ ᖃᐅᔨᒪᑦᑎᐊᕆᐊᕈᑕᐅᓂᐊᖅᑐᖅ ᑲᒪᒋᔭᖃᕐᓂᖅᓴᐅᓂᖏᓐᓂᒃ ᐃᓄᐃᑦ ᐱᔭᕆᐊᓕᖏᓐᓂᒃ.

ᐅᓄᖅᓯᕚᓪᓕᖅᑎᑕᐅᓗᑎ ᐊᑭᑭᔾᔫᒥᔪᓂᑦ ᐃᒡᓗᓕᕆᓂᕐᒧᑦ ᓇᓖᕌᕈᑎᒃᓴᖅᑕᖃᕐᓗᓂ ᐃᓄᐃᑦ ᓄᓇᓕᖏᓐᓂᒃ ᐱᒻᒪᕆᐅᕗᖅ ᒪᑭᑕᑎᑕᔅᓴᐅᓂᖓᓄᑦ ᐃᒡᓗᓕᕆᓂᐅᔪᖅ ᐅᖓᓯᒃᑐᒨᖓᔪᒥᑦ. ᑕᒪᓐᓇ ᑲᑐᔾᔨᖃᑎᒌᓐᓂᒃᑯᑦ ᐱᓕᕆᐊᕆᔭᐅᔭᕆᐊᓕᒃ ᐃᓚᐅᖃᑕᐅᔪᓕᒫᓄᑦ ᑐᓗᖅᑕᕈᑕᐅᓲᓂᑦ ᐱᑕᖃᙱᓐᓂᖅᓴᐅᓂᕐᒧᑦ ᓇᖕᒥᓂᖅ ᐃᒡᓗᖃᕐ- ᓂᕐᒧᑦ ᐊᒻᒪᓗ ᐊᑭᑭᔾᔫᒥᓕᕐᓗᑎ ᐃᒡᓗᓕᕆᓂᕐᒧᑦ ᐊᓯᖔᖏᑦ ᐊᑐᖅᑕᐅᔪᓐᓇᖅᑐᑦ ᓲᕐᓗ ᐊᑭᑭᔾᔫᒥᔪᒥᑦ ᓇᖕᒥᓂ- ᕆᔭᐅᔪᒥᑦ ᐊᑐᖅᑐᐊᕐᓂᕐᒥᑦ ᐊᒻᒪᓗ ᑯᐊᐸᑎᒍᑦ ᐃᒡᓗᓕᕆᓂᖅ. ᐃᑲᔪᖅᓱᖅᑐᓂᑦ ᐊᒻᒪᓗ ᐃᒡᓗᒋᔭᐅᑲᐅᓐ- ᓇᕈᓐᓇᖅᑐᓂᑦ ᓇᓖᕌᕈᑎᒃᓴᓂᑦ ᐱᑕᖃᕐᓂᖅᓴᐅᓗᓂ ᐱᒻᒪᕆᐅᓂᐊᕐᒥᔪᖅ ᑕᐃᒃᑯᓄᖓ ᐊᓯᐊᒍᖔᖅ ᐃᒡᓗᖃᑲᐃᓐ- ᓇᕆᐊᖃᕐᓂᐊᖅᑐᓄᑦ ᓯᕗᒧᐊᖅᐸᓪᓕᐊᓯᓐᓈᑦ ᐃᒡᓗᖃᐃᓐᓇᕐᓂᕐᒧᑦ.

ᐊᖏᒡᓕᑎᕆᓂᕐᒥᑦ ᓄᑖᓂᑦ ᐊᑐᕐᓂᒃᑯᑦ ᐃᒡᓗᓕᕆᓂᕐᒧᑦ ᐱᓕᕆᔾᔪᓯᐅᔪᓂᑦ ᐃᓄᖕᓄᑦ ᐃᑲᔪᕐᓂᖃᕐᓂᐊᖅᑐᖅ ᐃᒡᓗᐃᑦ ᐃᓕᖅᑯᓯᕐᒥᓄᑦ ᓈᒻᒪᒋᔭᐅᓗᑎ ᐊᒻᒪᓗ ᒪᑭᒪᑎᑕᐅᒍᓐᓇᕐᓂᕐᒧᑦ. ᐊᑑᑎᖃᑦᑎᐊᖅᑐᒃᑯᑦ, ᐱᓕᕆᖃᑎᒌᓐᓂᒃᑯᑦ ᖃᐅᔨᓴᕐᓂᕐᒥᑦ ᒫᓐᓇᕈᓘᓚᐅᖅᑐᖅ ᐱᐅᓂᖅᐹᓂᑦ ᐱᓕᕆᔾᔪᓯᐅᔪᓂᑦ ᐃᑲᔪᕐᓂᖃᕐᓂᐊᖅᑐᖅ ᐃᒡᓗᓕᕆᓂᕐᒧᑦ ᑎᑭᐅᒪᑦᑎᐊᕐᓗᓂ ᐃᓄᐃᑦ ᐱᒋᐊᖃᖅᑕᖏᓐᓂᒃ. ᖃᐅᔨᔭᐅᓂᑯᓂᑦ ᑐᙵᕕᖃᕐᓂᕐᒥᑦ ᖃᐅᔨᓴᕐᓂᕐᒥᑦ ᐱᔪᓐᓇᖅᑎᑦ- ᑎᓂᐊᖅᑐᖅ ᐆᒃᑐᕋᖅᑕᐅᓂᖓ ᐊᒻᒪᓗ ᖃᐅᔨᓴᖅᑕᐅᓂᖓ ᑎᑭᐅᑎᔭᐅᔪᒪᔪᓂᑦ ᐊᒻᒪᓗ ᐊᑐᖅᑕᐅᔪᒪᔪᑦ ᑐᕌᒐᒃᓴᓂᑦ ᐃᓄᐃᑦ ᓄᓇᖕᒐᓂ ᐃᒡᓗᓕᕆᓂᕐᒧᑦ ᐸᕐᓇᐅᑎᒥᑦ ᐊᒻᒪᓗ ᐊᑑᑎᖃᑦᑎᐊᖅᑐᒃᑯᑦ ᐊᑐᓕᖅᑎᑕᐅᓂᖓᓂ.

ᐱᒻᒪᕆᐊᓘᕗᖅ ᑲᓇᑕᐅᑉ ᒐᕙᒪᖓ ᐊᒻᒪᓗ ᐃᓄᐃᑦ ᑲᑐᔾᔨᖃᑎᒌᖏᑦ ᐊᒻᒪᓗ ᒐᕙᒪᐅᔪᑦ ᐱᓕᕆᖃᑎᒌᑦᑎᐊᕐᓗᑎᑦ ᑲᓇᑕᐅᑉ ᒐᕙᒪᒃᑯᖏᑕ ᐃᒡᓗᓕᕆᓂᕐᒨᖓᔪᑦ ᐊᑐᐊᒐᖏᑦ ᐊᒻᒪᓗ ᐱᓕᕆᐊᒃᓴᖏᑦ ᑐᕌᖓᓂᖅᓴᐅᓗᑎ ᐊᒻᒪᓗ ᑲᒪᒋᔭᖃᕐᓂᖅᓴᐅᓗᑎ ᐃᓄᐃᑦ ᐱᒋᐊᖃᖅᑕᖏᓐᓂᒃ. ᐃᓄᐃᑦ ᐊᒻᒪᓗ ᑲᓇᑕᐅᑉ ᒐᕙᒪᖓᓂ ᑲᑐᔾᔨᖃᑎᒌᒃᑐᑦ ᐱᓕᕆᖃᑎᖃᕆᐊᖃᕐᓂᐊᕐᒥᔪᑦ ᑲᓇᑕᐅᑉ ᓂᒋᐊᓂ ᐊᒻᒪᓗ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᑦ ᒐᕙᒪᐅᔪᓂᑦ ᐊᓯᖏᓐ- ᓂᒡᓗ ᑲᑐᔾᔨᖃᑎᒋᔭᐅᔪᓂᒃ ᐸᕐᓇᐅᑎ ᑲᔪᓯᑎᑕᐅᑦᑎᐊᕋᓗᐊᕐᒪᖔᖅ. ᑕᒪᓐᓇ ᐱᓕᕆᖃᑎᒌᓐᓂᐅᔪᖅ ᐃᑲᔪᕐᓂ- ᖃᕐᓂᐊᖅᑐᖅ ᓇᓗᓇᐃᖅᓯᓂᕐᒥᑦ ᓇᐅᒃᑯᑦ ᑲᑐᔾᔨᖃᑎᒌᒋᐊᖃᕐᒪᖔᑦ ᐃᑲᔪᕐᓂᖃᕐᓂᕐᒧᑦ ᐊᑐᓕᖅᑎᑕᐅᑦᑎᐊᕐᓂᖓᓄᑦ ᐃᓄᐃᑦ ᓄᓇᖕᒐᓂ ᐃᒡᓗᓕᕆᓂᕐᒧᑦ ᐸᕐᓇᐅᑎᐅᔪᖅ ᓴᖅᑭᔮᕙᒌᖅᑐᓂᑦ ᐱᓕᕆᖃᑎᒌᓐᓂᐅᔪᑦ ᐊᒻᒪᓗ ᐃᒡᓗᓕᕆ- ᓂᕐᒧᑦ ᐱᓕᕆᐊᒃᓴᐅᔪᑦ ᐊᑐᐊᒐᐅᔪᓪᓗ ᐊᑐᓂ ᓄᓇᖃᕐᕕᐅᔪᓂᑦ ᐃᓄᖕᓄᑦ ᐊᒃᑐᐃᓂᖃᖅᑐᓂᑦ.

ᐅᓄᖅᑐᓂᑦ ᑲᓇᑕᐅᑉ ᒐᕙᒪᖓ ᐊᒻᒪᓗ ᑲᓇᑕᐅᑉ ᓂᒋᐊᓂ/ᐅᑭᐅᖅᑕᖅᑐᖓᓂ ᐊᕕᒃᑐᖅᓯᒪᔪᓂᑦ ᖃᓄᐃᓕ- ᐅᕆᐊᕈᑎᒃᓴᓂᑦ ᑲᔪᓯᑎᑕᐅᔪᓂᑦ ᐅᕝᕙᓘᓐᓃᑦ ᒫᓐᓇᕈᓘᓚᐅᖅᑐᖅ ᐅᖃᐅᓯᐅᓚᐅᖅᑐᑦ ᑲᓲᒪᓂᖃᖅᑐᑦ ᐃᒡᓗᓕ- ᕆᓂᕐᒧᑦ ᐃᓄᐃᑦ ᓄᓇᖕᒐᓂ ᑕᐃᒪᐃᑦᑑᕗᑦ, ᐊᑕᐅᑦᑎᒃᑯᑦ, ᐃᑲᔪᕐᓂᖃᕈᓐᓇᖅᑐᑦ ᐃᓗᐃᑦᑑᓕᖓᔪᒥᑦ ᐱᓕᕆᓂ- ᖃᕐᓂᕐᒥᑦ ᐋᖅᑭᒋᐊᖅᓯᓂᕐᒥᑦ ᐃᓅᓯᕐᒨᖓᔪᓂᒃ ᑮᓇᐅᔾᔭᓂᕐᒧᑦ ᐊᓂᒍᖅᑕᐅᔪᓐᓇᖅᑐᓂᑦ ᐊᒻᒪᓗ ᐃᓅᓯᑦᑎᐊᕆᓐᓂᕐᒧᑦ ᐃᓄᖕᓄᑦ. ᖃᓄᐃᓕᐅᕆᐊᕈᑎᒃᓴᑦ ᑲᔪᓯᓂᖃᑦᑎᐊᕐᓂᖏᑦ ᑐᕌᖓᓪᓚᕆᒃᑐᒃᑯᑦ ᐅᕝᕙᓘᓐᓃᑦ ᑐᕌᖓᓪᓚᕆᙱᑦᑐᒃᑯᑦ ᐊᒃᑐᐃᓂᖃᕐᓂᐊᖅᑐᑦ ᑲᔪᓯᓂᕆᔭᖓ ᑖᔅᓱᒪ ᐃᓄᐃᑦ ᓄᓇᖕᒐᓂ ᐃᒡᓗᓕᕆᓂᕐᒧᑦ ᐸᕐᓇᐅᑎᐅᔪᒥᑦ. ᐆᒃᑑᑎᐅᔪᖅ:

  • ᑲᓇᑕᐅᑉ ᒐᕙᒪᖓᑕ ᐊᖏᖅᓯᒪᓂᖓ ᐳᕙᓪᓗᓐᓇᖅᑐᖃᕈᓐᓃᖅᑎᑦᑎᓂᕐᒧᑦ ᐃᓄᐃᑦ ᓄᓇᖕᒐᓂ ᑎᑭᒡᓗᒍ 2030 ᑲᔪᓯᓂᖃᕐᓂᐊᖅᑐᖅ ᑭᓯᐊᓂ ᐃᒡᓗᓕᕆᓂᕐᒧᑦ ᖃᓄᐃᓐᓂᕆᔭᖏᑦ ᐃᓄᐃᑦ ᓄᓇᖓᓂ ᐱᐅᓯᕚᓪᓕᖅᑎᑕᐅᒃᐸᑕ.
  • ᑲᓇᑕᐅᑉ ᐅᖃᐅᓯᕆᕋᑖᓚᐅᖅᑕᖓ ᐊᔪᖅᓴᕈᓐᓃᖅᐹᓪᓕᖅᑎᑦᑎᓂᕐᒧᑦ ᐸᕐᓇᐅᑎᖓ "OpportunityforAll" (ᐱᕕᖃᖅᑎᑦᑎᓂᕐᒥᑦ ᑕᒪᐃᓐᓄᑦ) ᑐᕌᖅᑐᖅ 650,000-ᓂᒃ ᑲᓇᑕᒥᐅᑕᓂᑦ ᐊᔪᖅᓴᕈᓐᓃᖅᑎᑦᑎᓂᕐᒧᑦ ᑎᑭᓪᓗᒍ 2019. ᐃᓄᖕᓄᑦ ᐊᔪᖅᓴᕈᓐᓃᖅᐹᓪᓕᖅᑎᑦᑎᓂᖅ ᐃᑲᔪᕐᓂᖃᕈᓐᓇᖅᑐᖅ, ᐃᓚᖓᓂ, ᐃᒡᓗᖃᕈᓐᓇᕐᓂᕐᒥᑦ, ᐃᓄᖕᓄᑦ ᐃᓚᒌᖑᔪᓄᑦ.
  • ᑲᓇᑕᐅᑉ "ReachingHome" (ᑎᑭᐅᑎᓂᕐᒧᑦ ᐊᖏᕐᕋᒧᑦ) ᐊᖏᕐᕋᖃᙱᓐᓂᕐᒧᑦ ᐸᕐᓇᐅᑎᖓ ᐃᑲᔪᖃᓯᐅᑎᒍᓐᓇᖅᑐᖅ ᑖᔅᓱᒥᖓ ᐃᓄᐃᑦ ᓄᓇᖕᒐᓂ ᐃᒡᓗᓕᕆᓂᕐᒧᑦ ᐸᕐᓇᐅᑎᖓᓂ ᐊᓯᖏᓐᓂᓪᓗ ᐃᒡᓗᓕᕆᓂᕐᒨᖓᔪᓂᑦ ᖃᓄᐃᓕᐅᕆᐊᕈᑎᒃᓴᓂᑦ.
  • ᑲᓇᑕᒥ ᑮᓇᐅᔭᑦ ᐊᑐᖅᑐᒃᓴᑦ 2018-ᒥᑦ ᓄᑖᖑᔪᑦ ᑮᓇᐅᔭᖃᖅᑎᑦᑎᓂᐅᔪᑦ $161.2 ᒥᓕᐊᓐᓂᒃ ᐊᕐᕌᒍᓄᑦ ᑕᓪᓕᒪᓄᑦ ᐃᓄᖕᓄᑦ ᑐᕌᖓᔪᒥᑦ ᓄᓇᖃᖅᑳᖅᓯᒪᔪᑦ ᐊᔪᕈᓐᓃᖅᓴᖅᑎᑕᐅᓂᖏᓐᓄᑦ ᐊᒻᒪᓗ ᐃᖅᑲᓇᐃᔭᕐᓂᕐᒧᑦ ᐱᓕᒻᒪᒃᓴᐃᓂᖅ ᐱᒻᒪᕆᐅᔪᒥᑦ, ᐱᐅᔪᒥᑦ ᐊᒃᑐᐃᓂᖃᕈᓐᓇᖅᑐᖅ ᐃᓄᐃᑦ ᐃᖅᑲᓇᐃᔮᖃᕐᓂᐊᕐᒪᑕ ᐃᒡᓗᓕᐅᕐᓂᕐᒧᑦ ᐊᒻᒪᓗ ᑐᕌᖓᖃᓯᐅᑎᔪᓄᑦ ᐃᖅᑲᓇᐃᔮᓄᑦ ᐃᓄᐃᑦ ᓄᓇᖕᒐᓂ.
  • ᑖᓐᓇ ᐃᓄᐃᑦ ᐃᓕᓐᓂᐊᓵᓕᓂᕐᒧᑦ ᐊᒻᒪᓗ ᐸᐃᕆᕕᖕᒧᑦ ᐋᖅᑭᒃᑕᐅᓯᒪᓂᖏᑦ, ᐅᖃᐅᓯᐅᓚᐅᖅᑐᖅ ᓯᑎᐱᕆ 2018-ᒥᑦ, ᑐᕌᖓᖃᓯᐅᑎᔪᓪᓗ ᑮᓇᐅᔭᖃᖅᑎᑕᐅᓃᑦ ᑎᑭᓪᓗᒍ $111 ᒥᓕᐊᓐ ᐊᕐᕌᒍᓄᑦ ᖁᓕᓄᑦ, ᐃᑲᔪᕐᓂᖃᕐᓂᐊᖅᑐᖅ ᐊᖓᔪᖅᑳᕆᔭᐅᔪᑦ ᐃᓚᐅᖃᑕᐅᒍᒪᔪᑦ ᐊᔪᕈᓐᓃᖅᓴᓂᕐᒧᑦ ᐅᕝᕙᓘᓐᓃᑦ ᐃᖅᑲᓇᐃᔮᖃᕐᓂᕐᒧᑦ ᐃᒡᓗᓕᕆᓂᕐᒧᑦ ᓄᖅᑲᖓᑎᑕᐅᖏᓪᓗᑎ ᐸᐃᕆᔨᒃᓴᑭᓐᓂᕐᒧᑦ.

ᑲᔪᓯᓂᖃᑦᑎᐊᖁᓪᓗᒋᑦ ᑲᓲᒪᖃᑕᐅᔪᑦ ᖃᓄᐃᓕᐅᕆᐊᕈᑎᒃᓴᐅᔪᑦ, ᐃᓚᐅᔪᓕᒫᑦ ᐋᖅᑭᒃᓱᐃᒋᐊᖃᕐᓂᐊᖅᑐᑦ ᐊᒃᓱᕈᕐᓂᕆᔭᖏᓐᓂᒃ ᐊᔪᙱᓐᓂᓕᒫᖏᓐᓂᒃ ᐊᒻᒪᓗ ᐱᕙᓪᓕᐊᓗᑎ ᑕᐃᒪᐃᒋᐊᖃᕐᓂᖏᓐᓄᑦ ᐊᑐᓕᖅᑎᑦᑎᓂᕐᒥᑦ ᑖᔅᓱᒥᖓ ᐃᓄᐃᑦ ᓄᓇᖕᒐᓂ ᐃᒡᓗᓕᕆᓂᕐᒧᑦ ᐸᕐᓇᐅᑎᐅᔪᒥᑦ.

ᐃᓄᐃᑦ ᓄᓇᖕᒐᓂ ᐃᒡᓗᓕᕆᓂᕐᒧᑦ ᐸᕐᓇᐅᑎᒧᑦ ᖃᓄᐃᓕᐅᕆᐊᕈᑎᑦ

1. ᖃᐅᔨᓴᕐᓗᑎ ᐊᑑᑎᖃᕐᓂᖓ ᒫᓐᓇᕈᓘᓚᐅᖅᑐᖅ ᑮᓇᐅᔭᖃᖅᑎᑦᑎᓂᐅᔪᓄᑦ ᐃᒡᓗᓕᕆᓂᕐᒧᑦ ᐃᓄᐃᑦ ᓄᓇᖕᒐᓂ

ᑕᐃᒫᒃ ᐅᖃᐅᓯᐅᖅᑲᐅᒻᒪᑦ, ᑕᐃᑰᓇ ᑲᓇᑕᒥ ᑮᓇᐅᔭᕐᓂᒃ ᐊᑐᖅᑐᒃᓴᓂᑦ 2016-ᒥᑦ ᐊᒻᒪᓗ 2018-ᒥᑦ, ᑮᓇᐅᔭᖃᖅ- ᑎᑦᑎᓪᓚᕆᓕᖅᑐᑦ ᐃᓄᐃᑦ ᓄᓇᖓᓂ ᐃᑲᔪᖅᓱᓂᕐᒧᑦ ᐃᓄᐃᑦ ᐃᒡᓗᖃᕆᐊᖃᕐᓂᖏᓐᓂᒃ ᑐᕌᖅᑎᑕᐅᓪᓗᓂ ᒪᑭᕕᒃ ᑯᐊᐳᕇ- ᓴᒃᑯᓐᓄ, ᓄᓇᑦᓯᐊᕗᑦ ᒐᕙᒪᖓᓄᑦ ᐊᒻᒪᓗ ᐃᓄᕕᐊᓗᐃᑦ ᑯᐊᐳᕇᓴᒃᑯᓐᓄᑦ ᐊᒻᒪᓗ ᑐᕌᖅᑎᑕᐅᓪᓚᕆᙱᑦᑐᒃᑯᑦ ᓄᓇᕗᑦ ᒐᕙᒪᒃᑯᖏᓐᓄᑦ. ᑐᕌᖓᓪᓚᕆᒃᑐᓂᑦ ᑮᓇᐅᔭᖃᖅᑎᑦᑎᓂᕐᒥᑦ ᐊᑐᐃᓐᓇᖅᑕᖃᓚᐅᙱᑦᑐᖅ ᑕᐃᑰᓇ ᑮᓇᐅᔭᑦ ᐊᑐᖅᑐᒃᓴᑦ 2016-ᒥᑦ ᐊᒻᒪᓗ 2018-ᒥᑦ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓄᑦ ᓄᓇᕗᒻᒥ. ᐃᓄᐃᑦ ᐅᖃᖅᓯᒪᔪᑦ ᐋᖅᑭᒋᐊᖅᓯᓂᕐᒧᑦ ᐊᒻᒪᓗ ᐱᑕᖃᐃᓐ- ᓇᖅᑎᑦᑎᓂᕐᒧᑦ ᐃᒡᓗᓕᕆᓂᕐᒨᖓᔪᓂᒃ ᐊᓂᒍᖅᑕᐅᔪᓂᑦ ᐃᓄᐃᑦ ᓄᓇᖕᒐᓂ, ᐱᒻᒪᕆᐅᔪᓂᒃ ᒪᐅᖓᑦᑎᐊᖓᔪᓂᑦ ᐊᒻᒪᓗ ᐊᑯᓐᓂᖅᓱᖅᑐᓂᑦ ᑮᓇᐅᔭᖃᖅᑎᑕᐅᔭᕆᐊᓖᑦ. ᐃᓚᒃᑲᓐᓂᕐᓗᒍ, ᐊᒃᑐᐃᓂᕆᔭᖏᑦ ᖃᓄᐃᓕᐅᕆᐊᕈᑕᐅᔪᓄᑦ ᑐᕌᖓᔪᓄᑦ ᐃᒡᓗᓕᕆᓂᕐᒧᑦ ᓇᓖᕌᕈᑎᒃᓴᖃᒃᑲᓐᓂᓂᕐᒧᑦ ᐊᒻᒪᓗ ᒪᑭᑕᑎᑕᔅᓴᐅᓂᖓᓄᑦ ᐅᖓᓯᒃᑐᒨᖓᔪᒥᑦ ᐱᔾᔪᑎᖃᖅᐳᖅ ᒪᐅᖓᑦᑎᐊ- ᖓᔪᓂᑦ ᐊᑯᓐᓂᖅᓱᖅᑐᓄᑦ ᑮᓇᐅᔭᖃᖅᑎᑕᐅᓂᕐᒥᑦ ᐃᒡᓗᓕᕆᓂᕐᒧᑦ ᐊᒥᒐᕆᔭᐅᔪᓄᑦ ᐃᓄᐃᑦ ᓄᓇᖕᒐᓂ ᐊᒻᒪᓗ ᑲᓇᑕᓕᒫᒥᑦ. ᖄᒃᑲᓐᓂᐊᒍᑦ, ᐊᑑᑎᖃᕐᓂᖅᐹᖑᔪᑦ ᑮᓇᐅᔭᖃᖅᑎᑕᐅᓃᑦ ᑕᐃᒃᑯᐊᖑᔪᑦ ᐃᓱᒪᖃᓯᐅᑎᔪᓂᑦ ᐊᑭᑐᓂᖅᓴᐅᓂᖏᓐᓂᒃ ᐃᒡᓗᓕᐅᕐᓂᖅ ᐊᒻᒪᓗ ᐊᐅᓚᑦᑎᓂᕐᒥᑦ ᐋᖅᑭᐅᒪᑎᑦᑎᓂᕐᒥᓪᓗ ᐃᓄᐃᑦ ᓄᓇᓕᖏᓐᓂᒃ.

ᒫᓐᓇᕈᓘᓚᐅᖅᑐᖅ ᐊᒻᒪᓗ ᒫᓐᓇᐅᔪᖅ ᑲᓇᑕᐅᑉ ᒐᕙᓚᖓᑕ ᑮᓇᐅᔭᖃᖅᑎᑦᑎᓂᖓ ᐃᒡᓗᓕᕆᓂᕐᒧᑦ ᐃᓄᐃᑦ ᓄᓇᖕᒐᓂ ᐊᒃᑐᐃᓂᖃᒻᒪᕆᖕᓂᐊᖅᑐᖅ ᐱᐅᓯᕚᓪᓕᕈᑕᐅᔪᓂ ᐃᒡᓗᓕᕆᓂᕐᒧᑦ ᐊᓂᒍᖅᑕᐅᔪᓄᑦ. ᑖᒃᑯᐊ $400 ᒥᓕᐊᓐ ᑐᕌᖅᑎᑕᐅᔪᑦ ᑮᓇᐅᔭᖃᖅᑎᑦᑎᓂᕐᒥᑦ ᐊᕐᕌᒍᓄᑦ ᖁᓕᓄᑦ ᐅᖃᐅᓯᐅᓚᐅᖅᑐᑦ ᑕᐃᑰᓇ ᑮᓇᐅᔭᕐᓂᒃ ᐊᑐᖅᑐᒃᓴᓂᑦ 2018-ᒥ, ᑮᓇᐅᔭᖃᖅ- ᑎᑦᑎᓂᕐᔪᐊᖑᕗᖅ, ᐅᓄᖅᑐᒃᑯᑦ, ᐱᕕᖃᖅᑎᑦᑎᓂᐊᖅᑐᖅ ᐃᓄᖕᓂᒃ ᐊᑑᑎᖃᑦᑎᐊᖅᑐᒃᑯᑦ ᐸᕐᓇᐃᔪᓐᓇᕐᓂᐊᕐᒪᑕ ᐊᑐᓕᖅ- ᑎᑦᑎᓗᑎᒡᓗ ᐃᓄᖕᓄᑦ ᑐᕌᖓᔪᓂᒃ ᐃᒡᓗᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒥᑦ ᓄᓇᓕᐅᔪᓂ. ᑭᓯᐊᓂᓕ, ᐊᒃᓱᕈᕈᑕᐅᔪᑦ ᓲᕐᓗ ᑭᖑᕙᖓᔪᑦ ᐊᒻᒪᓗ ᐊᔾᔨᒌᙱᓐᓂᐅᔪᑦ ᑮᓇᐅᔭᖃᖅᑎᑦᑎᓂᕐᒥᑦ, ᐃᑲᔪᖅᓱᕐᓂᖅ ᐊᐅᓚᑦᑎᓂᕐᒧᑦ ᐊᒻᒪᓗ ᐋᖅᑭᐅᒪᑎᑦᑎᓂᕐᒧᑦ ᑮᓇᐅᔭᕐᓂᒃ ᐊᒻᒪᓗ ᐊᒥᒐᓗᐊᕐᓂᖏᓐᓂᒃ ᑮᓇᐅᔭᕐᓂᒃ ᑐᓂᓯᓂᕐᒥᑦ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᓄᓇᕗᒻᒥ ᑲᒪᒋᔭᐅᔭᐅᔭᕆ- ᐊᖃᕐᓂᐊᖅᑐᑦ ᑮᓇᐅᔭᖅᑖᕐᕕᐅᔪᑦ ᐊᑑᑎᖃᑦᑎᐊᕋᓗᐊᕐᒪᖔᑦ ᐊᔪᙱᓐᓂᓕᒫᖏᓐᓂᒃ ᐊᒻᒪᓗ ᑐᕌᒐᒃᓴᑦ ᓇᓗᓇᐃᖅᑕᐅᓯᒪᔪᑦ ᐃᓄᐃᑦ ᓄᓇᖕᒐᓂ ᐃᒡᓗᓕᕆᓂᕐᒧᑦ ᐸᕐᓇᐅᑎᒥ ᑎᑭᐅᑎᔭᐅᔪᓐᓇᕋᓗᐊᕐᒪᖔᑦᑕ.

ᐅᖓᓯᒃᑐᒨᖓᔪᒃᑯᑦ ᑕᐅᑐᓪᓗᓂ ᐃᒡᓗᓕᕆᓂᕐᒧᑦ ᐊᒥᒐᓗᐊᕈᓐᓃᖅᑎᑦᑎᓂᕐᒧᑦ ᐃᓄᖕᓄᑦ ᐃᓄᐃᑦ ᓄᓇᖕᒐᓂ, ᐊᒃᑐᐃᓂᖓ ᒫᓐᓇᕈᓘᓚᐅᖅᑐᖅ, ᑐᕌᖓᓪᓚᕆᒃᑐᓂᑦ ᑮᓇᐅᔭᖃᖅᑎᑕᐅᓂᕐᒥᑦ ᖃᐅᔨᓴᖅᑕᐅᔭᕆᐊᖃᖅᑐᑦ ᐃᑲᔪᖃᑕᐅᔪᓄᑦ ᑮᓇᐅᔭᖃᖅ- ᑎᑕᐅᓂᐅᔪᓂᑦ ᐱᕚᓪᓕᕈᑕᐅᑐᐃᓐᓇᕆᐊᓕᖕᓂᒃ ᐃᓄᖕᓄᑦ, ᓲᕐᓗ ᖃᓄᐃᑦᑐᑐᐃᓐᓇᕐᓂᒃ ᑐᕌᖓᓪᓚᕆᒃᑐᓂᑦ ᐅᕝᕙᓘᓐᓃᑦ ᑐᕌᖓᓪᓚᕆᙱᑦᑐᓂᑦ ᑮᓇᐅᔭᖃᖅᑎᑦᑎᓂᕐᒥᑦ ᑕᐃᑰᓇ ᑲᓇᑕᒥ ᐃᒡᓗᓕᕆᓂᕐᒧᑦ ᐸᕐᓇᐅᑎᒃᑯᑦ ᐊᒻᒪᓗ ᓇᓕᐊᓐᓂᑐᐃᓐᓇᖅ ᑲᓇᑕᐅᑉ ᓂᒋᐊᓂ ᐅᕝᕙᓘᓐᓃᑦ ᐅᑭᐅᖅᑕᖅᑐᖓᓂ ᐊᕕᒃᑐᖅᓯᒪᔪᓂᑦ ᑮᓇᐅᔭᖃᖅᑎᑦᑎᓂᐅᔪᓂᑦ. ᐱᒻᒪᕆᐅᓂᐊᕐᒥᔪᖅ ᖃᐅᔨᓴᕐᓂᕐᒥᑦ ᐊᑑᑎᖃᕐᓂᕆᔭᖓᑦ ᐊᑐᐃᓐᓇᖃᕐᕕᐅᓂᕐᒥᑦ ᐊᒻᒪᓗ ᑲᔪᓯᑎᑕᐅᓂᖓ ᑮᓇᐅᔭᑦ ᐃᓄᐃᑦ ᓄᓇᖕᒐᓂ ᐃᓱᒪᒋᖃᓯ- ᐅᑎᓗᒍ ᐱᓪᓗᐊᑕᕐᓂᒃ ᐃᓄᖕᓄᑦ ᐊᑐᖅᑕᐅᔪᒪᔪᑦ ᑐᕌᒐᒃᓴᓂᑦ ᑐᕌᖓᓪᓚᕆᒃᑐᒥᑦ ᐊᒻᒪᓗ ᐊᑐᐃᓐᓇᖃᕐᕕᐅᓂᕐᒥᑦ ᑲᓇᑕᐅᑉ ᒐᕙᒪᖓᓂ ᐃᒡᓗᓕᕆᓂᕐᒧᑦ ᑮᓇᐅᔭᕐᓂᒃ. ᐅᖓᓯᒃᑐᒨᖓᔪᖅ ᑲᔪᓯᑎᑕᐅᑦᑎᐊᕐᓂᖓ ᑐᙵᕕᖃᖅᑐᖅ ᖃᐅᔨᒪᑦᑎᐊᕆᐊᕐᓂᕐᒥᑦ ᒪᐅᖓᑦᑎᐊᖓᔪᑦ ᑮᓇᐅᔭᖃᖅᑎᑕᐅᓗᑎ ᐊᒥᒐᙱᑦᑐᓂᑦ ᐊᒻᒪᓗ ᐊᑑᑎᖃᑦᑎᐊᖅᑐᒃᑯᑦ ᑯᔪᓯᑎᑕᐅᓗᑎ ᓈᒻᒪᒡᓗᑎᓗ.

ᖃᓄᐃᓕᐅᕆᐊᕈᑎ 1: ᕿᒥᕐᕈᐊᕐᓂᕐᒥᑦ ᒫᓐᓇᕈᓘᓚᐅᖅᑕᖅ ᐊᒻᒪᓗ ᒫᓐᓇᐅᔪᖅ ᑲᓇᑕᐅᑉ ᒐᕙᓚᖓᑕ ᑮᓇᐅᔭᖃᖅᑎᑦᑎᓂᖓ ᓇᓗᓇᐃᖅᓯᓂᕐᒧᑦ ᐊᒥᐊᒃᑯᓂᑦ ᐃᑲᔪᖅᑕᐃᓂᕐᒧᑦ ᐱᔭᐅᔭᕆᐊᓕᖕᓂᒃ ᑎᑭᐅᒪᓂᕐᒧᑦ ᑖᔅᓱᒥᖓᔅᓴᐃᓐᓇᖅ ᑐᕌᒐᖃᖅᑎᓪᓗᒋᑦ ᐃᒡᓗᓕᕆᓂᕐᒧᑦ ᐊᒥᒐᒃᓯᓗᐊᕐᓂᖏᓐᓄᑦ ᐃᓄᐃᑦ ᓄᓇᖕᒐᓂ ᐊᒻᒪᓗ ᑲᓇᑕᓕᒫᒥᑦ. ᑕᒪᓐᓇ ᐃᓚᖃᕐᓂᐊᖅᑐᖅ ᑲᒪᒋᔭᖃᕐᓂᕐᒥᑦ ᖃᓄᐃᑦᑐᑐᐃᓐᓇᕐᓂᒃ ᐊᒃᓱᕈᕈᑕᐅᔪᓂᑦ ᐊᑐᐃᓐᓇᖃᕐᕕᐅᓂᕐᒧᑦ ᐊᒻᒪᓗ ᑲᔪᙳᑎᑕᐅᓂᖏᓐᓄᑦ ᐃᒡᓗᓕᕆᓂᕐᒧᑦ ᑮᓇᐅᔭᖃᖅᑎᑦᑎᓂᐅᔪᓂᑦ, ᑖᒃᑯᓂᖓ ᐃᓚᖃᖅᖢᓂ ᑭᓯᐊᓂ ᑖᒃᑯᐊᑐᐊᖑᖏᑦᑐᑦ:

  • ᑐᕌᖓᓪᓚᕆᒃᑐᒥᑦ ᐊᑐᐃᓐᓇᖃᕐᕕᐅᓂᕐᒥᑦ ᑲᓇᑕᐅᑉ ᒐᕙᒪᒃᑯᖏᓐᓂᒃ ᑮᓇᐅᔭᕐᓂᒃ ᐃᓄᐃᑦ
  • ᑭᖑᕙᖓᖏᑦᑐᒥᑦ ᑐᓂᓯᓂᕐᒥᑦ ᐃᓄᖕᓄᑦ ᐃᒡᓗᓕᕆᓂᕐᒧᑦ ᑮᓇᐅᔭᕐᓂᒃ
  • ᐊᔾᔨᒌᙱᓐᓂᐅᔪᓂᑦ ᑐᓂᓯᓂᕐᒥᑦ ᐃᓄᖕᓄᑦ ᐃᒡᓗᓕᕆᓂᕐᒧᑦ ᑮᓇᐅᔭᕐᓂᒃ, ᐊᒻᒪᓗ
  • ᐊᐅᓚᑦᑎᓂᕐᒧᑦ ᐊᒻᒪᓗ ᐋᖅᑭᐅᒪᑎᑦᑎᓂᕐᒧᑦ ᑮᓇᐅᔭᑦ.

2. ᐋᖅᑭᒃᓱᐃᓗᑎ ᐅᖓᓯᒃᑐᒨᖓᔪᒥᑦ ᐸᕐᓇᐅᑎᒥᑦ ᑲᓇᑕᐅᑉ ᒐᕙᒪᒃᑯᖏᓐᓂᙶᓪᓚᑦᑖᖅᑐᒥᑦ ᐃᒡᓗᓕᕆᓂᕐᒧᑦ ᑮᓇᐅᔭᖃᖅᑎᑕᐅᓂᕐᒧᑦ ᐃᓄᐃᑦ ᓄᓇᖕᒐᓂ

ᖄᒃᑲᓐᓂᐊᒍᑦ ᐱᒻᒪᕆᐅᔪᓄᑦ ᒪᐅᖓᑦᑎᐊᖓᔪᓄᑦ ᐅᑯᓐᓂᖅᓱᖅᑐᓄᑦ ᑮᓇᐅᔭᖃᖅᑎᑦᑎᓂᕐᒥᑦ, ᑐᕌᖓᔪᒥᑦ ᐊᑐᐃᓐᓇᖃᕐᕕ- ᐅᔭᕆᐊᓖᑦ ᐅᖓᓯᒃᑐᒨᖓᔪᒥᑦ, ᐊᕐᕌᒍᓄᑦ ᐅᓄᖅᑐᓄᑦ, ᐱᑕᖃᑦᑎᐊᖅᑐᒥᑦ ᐃᒡᓗᓕᕆᓂᕐᒧᑦ ᑮᓇᐅᔭᖃᖅᑎᑦᑎᓂᕐᒥᑦ ᐋᖅᑭᒋ- ᐊᕈᑎᒃᓴᐅᔪᑦ ᐃᓄᐃᑦ ᓄᓇᖕᒐᓂ ᐃᒡᓗᓕᕆᓂᕐᒨᖓᔪᓄᑦ ᐊᓂᒍᖅᑕᐅᔪᑦ ᑲᔪᓯᓂᖃᑦᑎᐊᕐᓂᐊᕐᒪᑕ. ᐸᕐᓇᐅᑎᐅᑉ ᐃᓗᓕᖏᑦ, ᐃᓚᒋᓪᓗᓂᒋᑦ ᑮᓇᐅᔭᖃᕆᐊᖃᕐᓂᖓ, ᑕᐃᑲᙶᓂᐊᖅᑐᑦ ᒫᓐᓇᕈᓘᓚᐅᖅᑐᒥ ᐊᒻᒪᓗ ᒫᓐᓇᐅᔪᖅ ᑮᓇᐅᔭᖃᖅᑎᑕᐅᓂᐅᔪᓂᑦ ᓲᕐᓗ ᑕᐃᑰᓇ ᑲᓇᑕᒥ ᑮᓇᐅᔭᑦ ᐊᑐᖅᑐᒃᓴᑦ 2016-ᒥᑦ ᐊᒻᒪᓗ ᑮᓇᐅᔭᑦ ᐊᑐᖅᑐᒃᓴᑦ 2018-ᒥᑦ ᐊᒻᒪᓗ ᓇᓗᓇᐃᖅᑕᐅᓯᒪᔪᑦ ᐊᒥᒐᕆᔭᐅᔪᑦ ᑮᓇᐅᔭᖃᖅᑎᑕᐅᓂᕐᒧᑦ ᑲᔪᓯᑎᑦᑎᓂᕐᒥᑦ ᐃᒡᓗᓕᕆᓂᕐᒧᑦ ᑮᓇᐅᔭᖃᖅᑎᑦᑎᓂᕐᒥᑦ ᖁᓛᓂ ᑕᐃᒫᒃ ᓇᓗᓇᐃᖅᓯᒪᔪᑦ. ᐱᔾᔪᑎᒋᓪᓗᒍ ᖃᐅᔨᓴᖅᑕᐅᓂᖓ ᖃᓄᐃᓕᐅᕆᐊᕈᑎ 1-ᒥᑦ ᖁᓛᓂ, ᓂᕆᐅᒋᔭᐅᔪᖅ ᑐᕌᖓᓪᓚᕆᒃᑐᓂᑦ ᑮᓇᐅᔭᖃᐃᓐᓇᕆᐊᖃᓛᖅᑐᑦ ᐊᕐᕌᒍᑦ ᖁᓖᑦ ᐅᖓᑖᓄᑦ, ᑮᓇᐅᔭᑦ ᐊᑐᖅᑐᒃᓴᑦ 2018-ᒥᑦ, ᑮᓇᐅᔭᕐᓂᒃ ᐊᒥᒐᕆᔭᐅᔪᓄᑦ ᐊᒥᐊᒃᑯᓄᑦ, ᐱᕙᓪᓕᐊᑎᑦᑏᓐᓇᓂᕐᒧᑦ, ᐃᓄᒋᐊᕐᓂᖏᑕ ᐅᓄᖅᓯᕙᓪᓕᐊᓐᓂᖏᓐᓄᑦ ᐊᒻᒪᓗ ᓇᖕᒥᓂᖅ ᐱᓕᕆᐊᖃᕈᒪᐃᓐᓇᓂᕐᒧᑦ ᑲᔪᓯᑎᑦᑎᓂᕐᒧᑦ ᐆᒃᑑᑎᒥᑦ ᐃᓄᖕᓄᑦ ᐃᒡᓗᓕᕆᓂᕐᒧᑦ.

ᐊᑯᓂᐅᓂᖓ, ᓂᕆᐅᒋᔭᐅᓂᖓ ᐊᒻᒪᓗ ᐊᓯᔾᔨᕈᓐᓇᕐᓂᖓ ᑮᓇᐅᔭᖃᖅᑎᑕᐅᓂᕐᒧᑦ ᐃᑲᔫᓯᐊᒃᑯᑦ ᑮᓇᐅᔭᒃᑯᑦ ᐋᖅᑭᒃᓱᖅᓯᒪᔪᑦ ᐱᕕᖃᖅᑎᑦᑎᓂᐊᖅᑐᑦ ᑲᒪᒋᔭᖃᕐᓂᖅᓴᐅᔪᓐᓇᕐᓂᕐᒥᑦ ᐊᒻᒪᓗ ᑮᓇᐅᔭᖃᖅᑎᑦᑎᓂᕐᒥᑦ ᐃᓄᐃᑦ ᒐᕙᒪᖏᓐᓂᒃ ᐊᒻᒪᓗ ᑲᑐᔾᔨᖃᑎᒌᖏᓐᓂᒃ ᐃᒡᓗᓕᕆᓂᕐᒧᑦ ᒪᑭᑕᑎᑕᔅᓴᐅᓂᖓᓄᑦ, ᐃᓕᖅᑯᓯᕐᒧᑦ ᓈᒻᒪᒋᔭᐅᓂᖓᑦ ᐊᒻᒪᓗ ᐊᔾᔨᒌᙱᑦᑐᓂᑦ ᐃᒡᓗᓕᕆᓂᕐᒧᑦ ᓇᓖᕌᕈᑎᒃᓴᖃᕐᓂᕐᒧᑦ.

ᐃᓄᐃᑦ ᖃᐅᔨᒪᓂᖅᐹᖑᔪᑦ ᖃᓄᖅ ᑐᕌᖅᑎᑦᑎᓂᕐᒥᑦ ᑮᓇᐅᔭᕐᓂᒃ ᓇᐅᒃᑯᑦ ᐱᔭᐅᒋᐊᖃᓪᓚᕆᒻᒪᖔᖅ, ᑐᙵᕕᖃᕐᓗᑎ ᐊᔾᔨᐅᙱᑦᑐᓂᑦ ᐱᔭᐅᔭᕆᐊᓕᖕᓂᒃ ᐊᕕᒃᑐᖅᓯᒪᓂᐅᔪᓂᑦ ᐃᓄᐃᑦ ᓄᓇᖕᒐᓂ. ᐊᑐᐃᓐᓇᐅᑎᑦᑎᓂᕐᒥᑦ ᑮᓇᐅᔭᕐᓂᒃ ᑐᕌᖓ- ᑎᑕᐅᓗᑎ ᐃᓄᖕᓄᑦ ᐊᑐᖅᑕᐅᓂᑰᔪᓂᑦ ᐊᒃᓱᕈᕐᓇᖅᑐᓂᑦ ᑲᓇᑕᐅᑉ ᒐᕙᒪᒃᑯᖏᓐᓂᒃ ᐃᒡᓗᓕᕆᓂᕐᒧᑦ ᑮᓇᐅᔭᖃᖅᑎᑦᑎᓂᕐᒥᑦ ᐃᓄᐃᑦ ᓄᓇᓕᖏᓐᓄᑦ ᑎᑭᐅᒪᔪᓂᑦ ᐊᔾᔨᒌᒃᑐᒥᑦ ᐅᕝᕙᓘᓐᓃᑦ ᓈᒻᒪᒃᑐᒃᑯᑦ. ᐃᑲᔪᕐᓂᖃᕐᒥᔪᖅ ᐃᒡᓗᓕᕆᔨᒃᑯᑎᒍᑦ ᐃᒡᓗᖃᙱᓐᓂᖅᓴᐅᓕᕐᓂᐊᕐᒪᑕ, ᐊᑭᑭᓐᓂᖅᓴᐅᓕᕐᓗᓂ ᐅᖓᓯᒃᑐᒨᖓᔪᒃᑯᑦ ᐊᒻᒪᓗ ᑐᕌᖓᖃᓯᐅᑎᔪᑦ ᐱᕚᓪᓕᕈᑎᒃᓴᑦ ᐃᓄᐃᑦ ᓄᓇᓕᖏᓐᓃᓂᐊᕐᒪᑕ.

ᐱᒻᒪᕆᐅᕗᖅ ᖃᐅᔨᒪᓂᕐᒥᑦ ᐃᒡᓗᓕᕆᓂᕐᒧᑦ ᐱᕙᓪᓕᐊᑎᑦᑎᓂᖅ ᑐᙵᕕᖃᖅᑐᖅ ᐅᓄᖅᑐᓂᑦ ᐊᓯᖏᓐᓂᒃ ᑐᕌᖓᖃᓯᐅᑎᔪᓂᑦ ᐃᓚᒋᔭᐅᓪᓗᓂ ᓄᓇᐅᑉ ᐱᕙᓪᓕᐊᑎᑕᐅᓂᖓ ᐊᒻᒪᓗ ᐱᕙᒌᔭᖅᑕᐅᓂᖓ, ᐃᖏᕐᕋᔪᓕᕆᓂᖅ, ᐃᒪᖅ ᐊᒻᒪᓗ ᑭᓈᓗᒃ, ᐆᒻᒪᖅᑯᑎᓕᐅᕐᓂᖅ ᐊᓯᖏᓪᓗ. ᑐᕌᖓᓪᓚᕆᒃᑐᒃᑯᑦ ᐊᑐᐃᓐᓇᖃᕐᕕᐅᓂᖏᑦ ᐃᓄᖕᓄᑦ ᐱᓕᕆᐊᒃᓴᓄᑦ ᐃᑲᔪᖅᓱᖅᑐᓄᑦ ᑐᕌᖓᖃᓯᐅᑎᔪᓄᑦ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ, ᑕᐃᒪᐃᒍᓐᓇᖅᑎᓪᓗᒍ, ᐅᕝᕙᓘᓐᓃᑦ ᑲᑐᔾᔨᖃᑎᒌᓐᓂᒃᑯᑦ ᐊᔾᔨᒌᙱᑐᓄᑦ ᑲᒪᒋᔭᖃᖅᑐᓂᑦ ᐱᓕᕆᖃᑎᒌᒃᑐᓄᑦ ᑐᕌᖓᓕᕈᑕᐅᓂᐊᖅᑐᖅ ᐋᖅᑭᒋᐊᖅᓯᓂᕐᒧᑦ ᐊᒻᒪᓗ ᐱᐅᓂᖅᓴᓂᑦ ᓴᓇᓯᒪᔪᓂᑦ ᐊᒻᒪᓗ ᑲᔪᓯᑎᑕᐅᔪᓂᑦ ᐃᒡᓗᓕᕆᓂᕐᒧᑦ ᐱᓕᕆᐊᒃᓴᓂᑦ ᑕᒪᐃᓐᓂᒃ. ᑐᕌᖓᓪᓚᕆᒃᑐᒥᑦ ᐱᓕᕆᖃᑎᖃᕐᓂᕐᒥᑦ ᐃᓄᖕᓂᑦ ᑐᕌᖓᖃᓯᐅᑎᔪᓄᑦ ᐱᓕᕆᐊᒃᓴᓄᑦ ᐊᒻᒪᓗ ᐊᑐᐊᒐᕐᓄᑦ ᐃᑲᔪᕐᓂᖃᕈᓐᓇᖅᑐᖅ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᐱᓕᕆᐊᖑᔪᑦ, ᐱᓗᐊᙳᐊᖅᑐᒥ, ᐃᓱᒪᖃᓯᐅᑎᓗᑎ ᐱᔭᐅᔭᕆᐊᖃᓪᓚᕆᒃᑐᓂᑦ ᐃᓄᐃᑦ ᓄᓇᓕᖏᓐᓂᒃ ᐊᒻᒪᓗ ᐊᒃᓱᕈᕈᑕᐅᓪᓚᕆᒃᑐᓂᑦ ᐊᒻᒪᓗ ᑐᓗᖅᑕᕈᑕᐅᔪᓂᑦ ᐋᖅᑭᒋᐊᖅᓯᓂᕐᒥᑦ ᐃᓄᖕᓄᑦ ᐃᒡᓗᓕᕆᓂᕐᒧᑦ ᐊᓂᒍᖅᑕᐅᔪᓂᑦ.

ᖃᓄᐃᓕᐅᕆᐊᕈᑎ 2 a): ᓯᕗᒧᐊᕈᑕᐅᓪᓗᓂ ᖃᓄᐃᓕᐅᕆᐊᕈᑎ 1-ᒧᑦ, ᐋᖅᑭᒃᓱᐃᓂᕐᒥᑦ ᑲᓇᑕᐅᑉ ᒐᕙᒪᖓᓂ ᐃᓄᐃᑦ ᓄᓇᖕᒐᓂ ᐃᒡᓗᓕᕆᓂᕐᒧᑦ ᐃᑲᔫᓯᐊᕐᓇᖅᑐᒥᑦ; ᐅᖓᓯᒃᑐᒨᖓᔪᒥᑦ, ᒪᑭᒪᑎᑕᐅᒍᓐᓇᖅᑐᓂ ᐃᓄᖕᓄᑦ ᐃᒡᓗᓕᕆᓂᕐᒧᑦ ᑮᓇᐅᔭᖃᖅᑎᑦᑎᓂᕐᒥᑦ ᑕᒪᒃᑯᓂᖓ ᑐᙵᕕᖃᕐᓗᓂ:

  • ᑐᕌᖓᓪᓚᕆᒃᑐᒥᑦ ᐃᓄᐃᑦ ᐊᑐᐃᓐᓇᖃᕐᕕᐅᓂᖏᑦ, ᐱᔪᓐᓇᕐᓗᑎ, ᑲᓇᑕᐅᑉ ᒐᕙᒪᒃᑯᖏᓐᓂᒃ ᐃᒡᓗᓕᕆᓂᕐᒧᑦ ᑮᓇᐅᔭᕐᓂᒃ
  • ᐊᑯᓂᐅᓂᖓ, ᓂᕆᐅᒋᔭᐅᓂᖓ ᐊᒻᒪᓗ ᐊᓯᔾᔨᕈᓐᓇᕐᓂᖓ
  • ᐃᓄᐃᑦ ᓇᖕᒥᓂᖅ ᐱᓕᕆᐊᖃᕈᒪᓂᖏᑦ

ᖃᓄᐃᓕᐅᕆᐊᕈᑎ 2 b): ᓇᓗᓇᐃᖅᓯᓂᕐᒥᑦ ᑲᓇᑕᐅᑉ ᒐᕙᒪᒃᑯᖏᓐᓂᒃ ᐱᓕᕆᐊᒃᓴᓂᑦ ᐃᑲᔪᖅᓱᖅᑐᓂᑦ ᐃᒡᓗᓕᕆᓂᕐᒧᑦ ᑐᕌᖓᔪᓂᒃ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᐱᕙᓪᓕᐊᑎᑦᑎᓂᕐᒧᑦ ᐊᑐᓕᖁᔭᐅᔪᓂᑦ ᐊᑐᐃᓐᓇᖃᕐᕕᐅᓂᖅᓴᐅᓕᖁᓪᓗᒋᑦ ᐃᓄᐃᑦ, ᑕᐃᒪᐃᒋᐊᖃᖅᑎᓪᓗᒍ, ᐊᒻᒪᓗ ᐋᖅᑭᒋᐊᕈᑕᐅᓗᓂ ᑲᑐᔾᔨᖃᑎᒌᓐᓂᖏᑦ ᑲᒪᒋᔭᖃᕆᐊᓕᖕᓄᑦ ᐱᔪᓐᓇᕐᓂᖃᖅᑐᓄᑦ.

3. ᐱᐅᓯᕚᓪᓕᖅᑎᑕᐅᓗᓂ ᖃᐅᔨᓴᕐᓂᖅ, ᓄᑖᓂᑦ ᐊᑐᕐᓂᕐᒥᑦ ᐊᒻᒪᓗ ᑭᒡᓕᓯᓂᐊᕐᓂᕐᒥᑦ

ᑲᔪᓯᓂᖃᑦᑎᐊᖁᓪᓗᒍ ᐃᓄᐃᑦ ᓄᓇᖕᒐᓂ ᐃᒡᓗᓕᕆᓂᕐᒧᑦ ᐸᕐᓇᐅᑎ, ᐱᒻᒪᕆᐅᓂᐊᖅᑐᖅ ᐱᓕᕆᖃᑎᒌᑦᑎᐊᕐᓂᕐᒥᑦ ᐱᕙᓪᓕᐊᑎᑦᑎᓂᕐᒥᑦ ᒪᑭᒪᑎᑕᐅᒍᓐᓇᖅᑐᓂ ᐊᒻᒪᓗ ᐃᓕᖅᑯᓯᕐᒥᓄᑦ ᓈᒻᒪᒋᔭᐅᔪᓂᒃ ᐃᒡᓗᐃᑦ ᓴᓇᓯᒪᓂᖏᓐᓄᑦ, ᐊᑐᑦᑎ- ᐊᕐᓂᕐᒥᑦ ᓴᖅᑭᔮᖅᑐᓂᑦ ᐊᒻᒪᓗ ᓯᕗᓂᒃᓴᒥᑦ ᖃᐅᔨᓴᕐᓂᕐᒧᑦ ᐊᒻᒪᓗ ᓄᑖᓂᑦ ᐊᑐᕐᓂᕐᒥᑦ ᐱᓕᕆᐊᒃᓴᓂᑦ ᐊᒻᒪᓗ ᖃᓄᐃᓕᐅ- ᕆᐊᕈᑎᒃᓴᓂᑦ ᐊᔾᔨᒌᙱᑦᑐᓂᑦ ᖁᑦᑎᖕᓂᓕᕇᖑᔪᓂᑦ ᒐᕙᒪᓂᑦ.

ᒫᓐᓇᐅᔪᖅ, ᓄᑖᖑᔪᑦ ᐊᑐᕈᓐᓇᖅᑐᑦ ᐃᒡᓗᓕᕆᓂᕐᒧᑦ ᓴᓇᓯᒪᓂᖏᓐᓄᑦ ᐊᑐᐃᓐᓇᐅᓕᖅᑐᑦ, ᐃᓛᓐᓂᒃᑯᑦ ᐱᕙᓪᓕᐊᕈᑕᐅᓪᓗᑎ ᐊᒻᒪᓗ ᖃᐅᔨᓴᖅᑕᐅᓲᖑᓪᓗᑎ ᖃᔅᓰᓐᓇᕐᓄᑦ. ᐊᖏᒡᓕᑎᕆᓂᕐᒥᑦ ᐱᕙᓪᓕᐊᑎᑦᑎᓂᕐᒥᑦ ᑖᒃᑯᓂᖓ ᐊᓯᖏᓪᓗ ᐊᕕᒃᑐᖅᓯᒪᔪᓂ ᐱᕙᓪᓕᐊᕈᑕᐅᓯᒪᔪᓂᑦ ᐊᒻᒪᓗ ᖃᐅᔨᓴᖅᑕᐅᓂᑯᓂᑦ ᓴᓇᓯᒪᓂᖏᓐᓄᑦ ᖃᐅᔨᒪᑦᑎᐊᕆᐊᕐᓂᖅᓴᐅᔾᔪᑕᐅᓂᐊᖅᑐᖅ ᒪᑭᑕᑎᑕᔅᓴ- ᐅᓂᖏᑦ ᐊᒻᒪᓗ ᓈᒻᒪᓐᓂᖅᓴᐅᓂᖏᓐᓄᑦ ᐃᒡᓗᓕᐅᖅᑕᐅᔪᓄᑦ ᐃᓄᐃᑦ ᓄᓇᓕᖏᓐᓂᒃ.

ᐃᓄᐃᑦ ᓄᓇᖕᒐᓂ ᑭᒡᓕᖃᖅᑐᓂᑦ, ᑭᓯᐊᓂ ᑲᔪᓯᓂᖃᑦᑎᐊᖅᑐᓂᑦ ᐃᒡᓗᓕᕆᓂᕐᒧᑦ ᐱᓕᕆᐊᒃᓴᖅᑕᖃᖅᑐᖅ ᐊᔾᔨᒌᙱᑦᑐᒃᑯᑦ ᓲᕐᓗ ᖃᓄᖅᑑᕐᓂᒃᑯᑦ ᐸᕐᓇᐃᓂᕐᒥᑦ (ᓄᓇᓕᖕᓂ ᑐᙵᕕᖃᖅᖢᑎ), ᐃᒡᓗᓕᕆᓂᕐᒧᑦ ᐋᖅᑭᒃᓱᖅᑕᐅᕙᓪᓕᐅᓂᐅᔪᑦ ᐊᒻᒪᓗ ᐃᒡᓗᓕᐅᕐᓂᕐᒧᑦ, ᓇᖕᒥᓂᖃᖅᑎᐅᓂᕐᒧᑦ ᐊᒻᒪᓗ ᐊᑐᖅᑐᐊᖅᑎᐅᓂᕐᒧᑦ ᐃᓕᓐᓂᐊᖅᑎᑕᐅᓂᕐᒥᑦ, ᐊᒻᒪᓗ ᓄᓇᓕᖕᓂ ᑐᙵᕕ- ᖃᖅᖢᑎ ᖃᐅᔨᓴᕐᓂᕐᒥᑦ. ᑖᒃᑯᐊ ᐱᓕᕆᐊᒃᓴᑦ ᐃᓚᖃᖅᑐᑦ ᖃᐅᔨᓴᖅᑎᓂᑦ, ᐊᑐᐊᒐᓕᐅᖅᑎᓂᑦ ᐊᒻᒪᓗ ᓄᓇᓕᐅᔪᓂᑦ. ᑭᓯᐊᓂᓕ, ᖃᐅᔨᓴᖅᑕᐅᓂᑰᑦᑎᐊᖃᑦᑕᙱᑦᑐᑦ ᐊᒻᒪᓗ ᑎᑎᖅᑕᐅᑦᑎᐊᖅᓯᒪᕙᓐᓇᑎ, ᐊᒻᒪᓗ ᐃᓄᓕᒫᓄᑦ ᑐᑭᓯᒋᐊᕈᑎᒃᓴᑦ ᑖᒃᑯᓄᖓ ᐊᑐᐃᓐᓇᐅᑦᑎᐊᕙᙱᑦᑐᑦ. ᖃᐅᔨᒪᑦᑎᐊᕆᐊᕐᓂᕐᒥᑦ ᑕᒪᓐᓇ ᖃᐅᔨᒪᔭᐅᔪᖅ ᐊᒻᒪᓗ ᐊᑐᖅᑕᐅᔪᖅ ᐊᓯᖕᓄᑦ ᖃᐅᔨᔭᐅᓂᖓ ᐱᒻᒪᕆᐅᕗᖅ ᐋᖅᑭᒋᐊᖅᓯᓂᕐᒧᑦ ᐊᒻᒪᓗ ᑲᔪᓯᑎᑦᑎᓂᕐᒧᑦ ᐃᒡᓗᓕᕆᓂᕐᒧᑦ ᐊᓂᒍᖅᑕᐅᔪᓂᒃ.

ᖄᒃᑲᓐᓂᐊᒍᑦ, ᑐᕌᕈᑕᐅᑦᑎᐊᖅᑐᒃᑯᑦ ᐊᒻᒪᓗ ᐸᕐᓇᐃᓂᕐᒧᑦ ᖃᐅᔨᓴᕐᓂᖅ, ᓴᙱᓂᖅᓴᐅᓕᖅᑎᑦᑎᓂᕐᒥᑦ ᓴᖅᑭᔮᖅᑐᓂᑦ ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ ᐊᒻᒪᓗ ᐋᖅᑭᒋᐊᖅᑕᐅᓗᓂ ᐃᓄᖕᓄᑦ ᑐᕌᖓᔪᓄᑦ ᐱᔭᐅᔭᕆᐊᓕᖕᓂᒃ ᐱᒻᒪᕆᐅᓂᐊᖅᑐᑦ ᖃᐅᔨᓴᕐᓂᕐᒧᑦ ᒫᓐᓇᐅᔪᖅ ᑲᓇᑕᐅᑉ ᒐᕙᒪᒃᑯᓐᓂᙶᖅᑐᑦ ᑮᓇᐅᔭᑦ ᖃᓄᖅ ᑎᑭᐅᒪᑎᑦᑎᖕᒪᖔᑦ ᓴᖅᑭᑕᐅᔪᒪᔪᓂᑦ.

ᖃᓄᐃᓕᐅᕆᐊᕈᑎ 3 a): ᑲᔪᓯᑎᑦᑎᓗᑎ ᐊᕕᒃᑐᖅᓯᒪᔪᓂᑦ ᐱᔭᐅᔭᕆᐊᓕᖕᓂᒃ ᖃᐅᔨᓴᕐᓂᕐᒥᑦ ᐊᕐᕌᒍ ᓯᕗᓪᓕᖅᐹᖓᓂ ᐸᕐᓇᐅᑎ ᐊᑐᓕᖅᑎᑕᐅᓕᖅᐸ, ᐅᕝᕙᓘᓐᓃᑦ ᕿᓚᒻᒥᐅᓛᒃᑯᑦ, ᐱᕙᓪᓕᐊᑎᑦᑎᓂᕐᒧᑦ ᖃᐅᔨᓴᖅᑕᐅᖃᓯᐅᑎᒍᓐᓇᖅᑐᓂᑦ ᐊᒻᒪᓗ ᑐᕌᖅᑎᑦᑎᓂᖅᓴᐅᓂᕐᒧᑦ ᑮᓇᐅᔭᕐᓂᒃ ᐊᔾᔨᐅᙱᑦᑐᓄᑦ ᐊᕕᒃᑐᖅᓯᒪᔪᓂᑦ ᐱᔭᐅᔭᕆᐊᓕᖕᓄᑦ

ᖃᓄᐃᓕᐅᕆᐊᕈᑎ 3 b): ᑎᑎᕋᖅᑕᐅᓗᑎ, ᖃᐅᔨᓴᖅᑕᐅᓗᑎ, ᐊᒻᒪᓗ ᑐᓐᓂᖅᓴᖅᑕᐅᓗᑎ ᑐᑭᓯᒋᐊᕈᑎᒃᓴᑦ ᑲᔪᓯᓂᖃᑦᑎᐊᖅᓯᒪᔪᓄᑦ ᐊᒻᒪᓗ ᓄᑖᓂᑦ ᐊᑐᕐᓂᕐᒥᑦ ᐃᒡᓗᓕᕆᓂᕐᒧᑦ ᐊᒻᒪᓗ ᐃᑲᔪᖅᓱᓂᕐᒧᑦ ᖃᐅᔨᒪᔭᐅᔪᓂᑦ ᑕᐅᖅᓰᓂᕐᒧᑦ ᐊᒻᒪᓗ ᑲᑐᔾᔨᖃᑎᒌᓐᓂᒃᑯᑦ ᐃᒡᓗᓕᕆᔨᓂᑦ ᐊᐅᓚᑦᑎᔨᐅᔪᓂᑦ ᐊᒻᒪᓗ ᖃᐅᔨᒪᔨᑕᕐᓂᒃ.

ᖃᓄᐃᓕᐅᕆᐊᕈᑎ 3 c): ᐋᖅᑭᒃᓱᐃᓗᑎ, ᑮᓇᐅᔭᖃᖅᑎᑦᑎᓗᑎ ᐊᒻᒪᓗ ᐊᑐᓕᖅᑎᑦᑎᓗᑎ ᐃᓄᐃᑦ ᓄᓇᖕᒐᓂ ᐃᒡᓗᓕᕆᓂᕐᒧᑦ ᖃᐅᔨᓴᕐᓂᕐᒧᑦ ᐸᕐᓇᐅᑎᒥ. ᐸᕐᓇᐅᑎᐅᑉ ᐱᔾᔪᑎᒋᒐᔭᖅᑕᖓ ᐃᑲᔪᕐᓂᕐᒧᑦ ᐊᑐᓕᖅᑎᑕᐅᓂᖏᓐᓄᑦ ᖃᓄᐃᓕᐅᕆᐊᕈᑎᑦ 3 a) ᐊᒻᒪᓗ 3 b)ᖃᐅᔨᓴᓯᓐᓈᑦ ᐱᕙᓪᓕᐊᓂᐅᔪᒥᑦ ᐃᒡᓗᓕᕆᓂᕐᒧᑦ ᑮᓇᐅᔭᖃᖅᑎᑦᑎᓂᕐᒧᑦ ᐃᓄᐃᑦ ᓄᓇᖕᒐᓂ ᐊᒻᒪᓗ ᑲᒪᒋᔭᖃᓂᕐᒥᑦ ᖃᐅᔨᓴᕐᓂᕐᒧᑦ .

4. ᐃᒡᓗᒥᐅᖃᑎᒌᑦ ᐃᓄᒋᐊᓗᐊᕈᓐᓃᖅᑎᑕᐅᓗᑎ ᐊᒻᒪᓗ ᐃᒡᓗᓕᕆᔨᒃᑯᑦ ᐃᒡᓗᖏᓐᓂᒃ ᐊᑐᙱᓐᓂᖅᓴᐅᓕᕐᓗᑎ ᐊᑭᑐᓗᐊᙱᑦᑐᓂᒃ ᐃᒡᓗᓕᕆᓂᕐᒧᑦ ᓇᓖᕌᕈᑎᒃᓴᖅᑕᖃᕐᓗᓂ ᐊᒻᒪᓗ ᐃᒡᓗᓕᕆᓂᖅ ᐱᐅᓂᖓ ᐋᖅᑭᒋᐊᖅᑕᐅᓗᓂ

ᐃᒡᓗᖃᖅᑎᑦᑏᓐᓇᕐᓂᖅ ᐱᒻᒪᕆᐅᖃᑕᐅᕗᖅ ᒪᑭᒪᑎᑕᐅᒍᓐᓇᖅᑐᓂᑦ ᐃᒡᓗᓕᕆᓂᕐᒧᑦ, ᑭᓯᐊᓂ ᑕᒪᐃᓐᓂᒃ ᓇᓖᕌᕈᑎᒃᓴᑦ ᐃᒡᓗᖃᖅᑎᑦᑏᓐᓇᕐᓂᕐᒧᑦ ᓄᓇᓕᓕᒫᓂᑦ ᐊᑐᐃᓐᓇᐅᙱᑦᑐᑦ, ᐱᓗᐊᖅᑐᒥᑦ ᐃᒡᓗᒋᔭᐅᑲᐅᓐᓇᕈᓐᓇᖅᑐᓂᑦ ᐊᒻᒪᓗ ᐃᑲᔪᖅᓱᖅ- ᑐᓂᑦ ᐃᒡᓗᓂᑦ, ᓇᖕᒥᓂᕆᔭᐅᔪᑦ ᐃᒡᓗᐃᑦ (ᐊᑭᑭᔾᔫᒥᔪᑦ ᓇᖕᒥᓂᕆᔭᐅᔪᑦ ᐅᕝᕙᓘᓐᓃᑦ ᐊᑐᖅᑐᐊᖅᑕᐅᔪᓐᓇᖅᑐᑦ) ᐊᒻᒪᓗ ᑯᐊᐸᑎᒍᑦ.

ᐅᓄᖅᑐᓂᑦ ᐃᓄᐃᑦ ᓄᓇᖕᒐᓂ ᓄᓇᓕᐅᔪᓂᑦ, ᐃᓄᓕᒫᓄᑦ ᐃᒡᓗᒋᔭᐅᔪᓐᓇᖅᑐᑦ ᓇᓖᕌᕈᑎᒃᓴᑐᐊᖑᔪᖅ ᐃᓄᖕᓄᑦ. ᐊᓯᖏᓐᓄᓪᓗ, ᑕᒪᓐᓇ ᑐᕌᖓᓕᕈᑕᐅᔪᓐᓇᖅᑐᖅ ᐊᑭᑐᔪᒻᒪᕆᐅᓂᖓᓄᑦ ᐃᒡᓗᓕᐅᕐᓂᕐᒧᑦ ᐊᒻᒪᓗ ᐋᖅᑭᐅᒪᑎᑦᑎᓂᕐᒧᑦ ᐃᒡᓗᓂᑦ ᑮᓇᐅᔾᔭᑦᑎᐊᙱᓐᓂᐅᔪᒧᑦ ᐊᒻᒪᓗ ᐊᔪᖅᓴᖅᑐᒻᒪᕆᐅᖃᑦᑕᕐᓂᖏᑦ ᐃᓄᐃᑦ. ᐃᖅᑲᓇᐃᔭᖅᑎᑦᑎᔨᐅᑉ ᐊᑭᑭᓪᓕᒋᐊᖅᓯᒪᔪᒃᑯᑦ ᐃᒡᓗᖃᖅᑎᑦᑎᓂᖓ ᐊᑐᐃᓐᓇᐅᑐᐃᓐᓇᕆᐊᖃᕐᒥᔪᑦ ᑭᓯᐊᓂ ᐊᑐᐃᓐᓇᐅᕙᒃᑐᑦ ᐃᓄᖕᓄᑦ ᓄᑦᑎᖅᑐᓄᑦ ᓄᓇᓕᐅᔪᓄᑦ, ᓄᓇᓕᖕᒥᐅᑕᐅᙱᑦᑐᓄᑦ. ᖄᒃᑲᓐᓂᐊᒍᑦ, ᐊᒥᒐᒃᓯᓪᓚᕆᒃᑐᑦ ᐃᒡᓗᒋᔭᐅᑲᐅᓐᓇᕈᓐᓇᖅᑐᓂᑦ ᐊᒻᒪᓗ ᐃᑲᔪᖅᓱᖅᑐᓂᑦ ᐃᒡᓗᓂᑦ ᐊᒃᓱᕈᕈᑕᐅᓕᒃᑲᓐᓂᓲᑦ ᑕᐃᒃᑯᓄᖓ ᐃᓂᒃᓴᖃᑲᐅᓐᓇᕆᐊᓕᖕᓄᑦ ᑕᐃᒃᑯᐊᓗ ᐋᓐᓂᖅᓱᖅᑕᐅᓂᕐᒧᑦ ᕿᒫᔪᓄᑦ.

ᑕᐃᒪᐃᑉᐳᖅ, ᐃᒡᓗᓂᑦ ᓂᐅᕕᐊᒃᓴᕆᔭᐅᔪᓂᑦ ᐊᒥᒐᕆᔭᐅᔪᑦ ᐃᓄᐃᑦ ᓄᓇᖕᒐᓂ, ᐱᓗᐊᙳᐊᖅᑐᒥᑦ ᐊᖏᓂᖅᓴᓂᑦ ᓄᓇᓕᐅᔪᓂᑦ. ᓇᖕᒥᓂᕆᔭᐅᔪᒥᑦ (ᐊᑐᖅᑐᐊᕐᓂᕐᒧᑦ/ᓇᖕᒥᓂᖃᕐᓂᕐᒧᑦ) ᓂᐅᕕᐊᒃᓴᐅᔪᑦ ᐱᑕᖃᖅᑎᓪᓗᒋᑦ, ᐊᑭᑐᓗᐊᕐᓂᖏᑦ ᐊᕝᕕᐊᕈᑕᐅᔪᒻᒪᕆᐅᕗᖅ. ᑕᐃᒪᐃᒐᔪᖕᓂᖅᓴᐅᕗᖅ ᐃᓄᖕᓄᑦ ᐊᕐᕌᒍᑕᒫᑦ ᑮᓇᐅᔾᔭᕐᓂᖏᑦ ᒥᔅᓴᐅᓴᒃᑕᐅᓯᒪᓂᖏᑦ ᐃᓄᐃᑦ ᓄᓇᖕᒐᓂ ᑕᒫᓃᐸᓗᖕᒪᑦ $70,000-ᓂᒃFootnote 7 ᐊᑦᑎᓂᖅᓴᖅ ᖃᓪᓗᓈᓂᑦ ᐃᓄᐃᑦ ᓄᓇᖕᒐᓂ, ᐊᑯᓂᐊᓗᒃ ᑖᕙᓂᕐᒥᐅᑕᐅᖃᑦ- ᑕᙱᑦᑐᓄᑦ. ᐅᓄᖅᑐᓂᑦ ᐊᒃᓱᕈᕐᓇᖅᑐᖃᖅᑎᓪᓗᒍ, ᐱᕙᓪᓕᐊᑎᑦᑎᔩᑦ ᓇᖕᒥᓂᖅ ᐃᒡᓗᑖᕈᒪᑐᐃᓐᓇᕆᐊᓖᑦ ᐃᓄᐃᑦ ᓄᓇᖕᒐᓂ ᑕᐅᑐᒃᑐᑦ ᑮᓇᐅᔭᐃᔭᕐᓂᖅ ᐅᓗᕆᐊᓇᓗᐊᕐᓂᖓᓂ.

ᖄᒃᑲᓐᓂᐊᒍᑦ ᐊᑭᑐᓂᖓᓄᑦ ᐃᒡᓗᓕᐅᕐᓂᕐᒧᑦ ᐊᒻᒪᓗ ᐋᖅᑭᐅᒪᑎᑦᑎᓂᕐᒧᑦ, ᓇᖕᒥᓂᖃᕈᓐᓇᕐᓂᖅ ᓄᖅᑲᖓᕈᑕᐅᕙᒃᐳᖅ ᐊᒃᓱᕈᕈᑎᖃᕐᓂᒃᑯᑦ ᐃᒡᓗᒃᓴᒧᑦ ᐊᑐᖅᑐᐊᕈᑎᑖᕋᓱᖕᓂᒃᑯᑦ ᐊᒻᒪᓗ ᐊᑭᑭᔾᔫᒥᔪᒥᑦ ᐃᒡᓗᒧᑦ ᓇᓪᓕᐅᒃᑯᒫᓂᑦ.

ᑖᒃᑯᐊ ᐅᖃᖅᓯᒪᔪᑦ ᑲᓇᑕᒥ ᓇᖕᒥᓂᖃᕐᓂᕐᒧᑦ ᐃᒡᓗᒥ ᐊᑭᓕᐅᑎᓄᑦ ᐊᒻᒪ ᐃᒡᓗᓕᕆᔨᕐᔪᐊᒃᑯᑦ, ᐃᒡᓗᓕᕆᓂᐅᑉ ᓂᐅᕕᐊᒃᓴᐅᓂᖏᑦ ᐱᕈᖅᐹᓪᓕᕐᓂᖏᑦ ᓄᖅᑲᖓᑎᑕᐅᑐᐃᓐᓇᕆᐊᓕᒃ ᐅᖓᓯᒃᑐᒦᓐᓂᖏᓐᓄᑦ ᐊᒻᒪᓗ ᐃᓛᒃᑰᖓᓂᖏᓐᓄᑦ, ᐃᓄᒋᐊᕐᓂᖏᑦ ᐊᔾᔨᒌᙱᓐᓂᖏᓐᓄᑦ, ᐊᖅᑯᑎᑕᖃᑦᑎᐊᙱᓐᓂᖓᓄᑦ ᐊᒻᒪᓗ ᓯᓚᐅᑉ ᖃᓄᐃᓐᓂᕆᕐᔪᐊᕙᒃᑕᖓᓄᑦ, ᐊᒻᒪᓗ ᑭᒡᓕᖃᕐᓂᖏᑦ ᑮᓇᐅᔾᔭᓂᕐᒧᑦ ᐱᕕᖃᕐᓂᐅᔪᓂᑦ, ᐃᖅᑲᓇᐃᔮᒃᓴᖃᙱᓐᓂᖓᓄᑦ ᐊᒻᒪᓗ ᐃᒡᓗᓕᕆᓂᐅᑉ ᐊᑭᑐᓂᖏᓐᓄᑦ. Footnote 8 ᐃᒡᓗᓂᑦ ᓇᖕᒥᓂᖃᕐᓂᖅᓴᐅᓕᕐᓗᑎ ᐃᓄᐃᑦ ᓄᓇᖕᒐᓂ ᑐᓗᖅᑕᕈᑕᐅᓲᓂᑦ ᐱᑕᖃᙱᓐᓂᖅᓴᐅᓂᒃᑯᑦ ᐊᒻᒪᓗ ᓄᑖᓂᑦ ᐊᑐᕐᓗᑎ ᐱᓕᕆᔾᔪᓯᖃᕐᓂᕐᒥᑦ, ᐱᒻᒪᕆᐅᕗᖅ ᐃᒡᓗᖃᐃᓐᓇᖅᑎᑦᑎᓂᕐᒧᑦ ᑮᓇᐅᔾᔭᓂᕐᒧᓪᓗ ᐃᓄᖕᓄᑦ.

ᐊᐅᓚᑦᑎᓂᕐᒧᑦ ᐊᖏᒡᓕᒋᐊᖅᑎᑦᑎᓂᕐᒥᑦ ᐃᒡᓗᓕᕆᓂᕐᒧᑦ ᓇᓖᕌᕈᑎᒃᓴᓂᑦ ᐃᓄᐃᑦ ᓄᓇᖕᒐᓂ, ᑲᑐᔾᔨᖃᑕᐅᔪᓕᒫᑦ ᐱᓕᕆᖃᑎᒌᑦᑎᐊᕆᐊᓖᑦ, ᐃᓚᒋᔭᐅᓗᓂ ᐱᓕᕆᖃᑎᖃᕐᓂᕐᒥᑦ ᑲᓇᑕᐅᑉ ᓂᒋᐊᓂ ᐅᑭᐅᖅᑕᖅᑐᖓᓂᓪᓗ ᐊᕕᒃᑐᖅᓯᒪᔪᑦ, ᑲᒪᒋᔭᖃᕐᓂᕐᒧᑦ ᐊᒃᓱᕈᕈᑕᐅᔪᓂᒃ ᐊᒻᒪᓗ ᑐᓗᖅᑕᕈᑕᐅᔪᓂᒃ ᐃᒡᓗᓂᑦ ᓂᐅᕕᐊᒃᓴᐅᔪᓂᑦ ᐊᓯᖏᓐᓂᓪᓗ ᐊᑐᖔᕈᓐᓇᖅᑐᓂᑦ ᓲᕐᓗ ᐃᑲᔪᖅᓱᖅᑐᓂᑦ ᐊᒻᒪᓗ ᐃᒡᓗᒋᔭᐅᑲᐅᓐᓇᕈᓐᓇᖅᑐᓂᑦ. ᒫᓐᓇᕈᓘᓚᐅᖅᑐᖅ ᐊᒃᓱᕈᕐᓂᕆᔭᐅᓚᐅᖅᑐᑦ ᐊᔾᔨᒌᙱᑐᓂᑦ ᐊᕕᒃᑐᖅᓯᒪᔪᓂᑦ, ᐃᓚᒋᔭᐅᓪᓗᑎ ᐊᒃᓱᕈᕈᑕᐅᔪᑦ ᐊᒻᒪᓗ ᑲᔪᓯᓂᖃᑦᑎᐊᖅᓯᒪᔪᑦ, ᑐᓴᐅᒪᔭᐅᔪᓐᓇᖅᑐᑦ ᐊᒻᒪᓗ ᖃᐅᔨᓴᖅᑕᐅᓗᑎ ᐊᒃᓱᕈᕐᓂᕆᔭᐅᓂᐊᖅᑐᓄᑦ ᐊᓯᖏᓐᓂᒃ ᐊᕕᒃᑐᖅᓯᒪᔪᓂᑦ.

ᖃᓄᐃᓕᐅᕆᐊᕈᑎ 4 a): ᑲᑐᔾᔨᖃᑎᒌᓂᒃᑯᑦ ᑐᑭᓯᐅᒪᓂᕐᒧᑦ ᐊᒥᒐᕆᔭᐅᔪᓂᑦ ᐊᒻᒪᓗ ᑐᓴᐅᒪᖃᑎᒌᓂᕐᒧᑦ ᐱᐅᓛᓂᑦ ᐱᓕᕆᔾᔪᓯᐅᔪᓂᑦ ᐃᒡᓗᓕᕆᓂᕐᒧᑦ ᐱᓕᕆᐊᒃᓴᓄᑦ ᐊᒻᒪᓗ ᖃᓄᐃᓕᐅᕆᐊᕈᑎᒃᓴᓄᑦ ᐃᑲᔪᖅᓱᖅᑐᓂᑦ ᐊᓯᐊᒍᖔᖅ ᐃᒡᓗᖃᕈᓐᓇᕐᓂᕐᒥᑦ, ᑐᓗᖅᑕᕈᑕᐅᓲᓂᑦ ᐱᑕᖃᙱᓐᓂᖅᓴᐅᓗᓂ ᐊᓯᐊᒍᖔᖅ ᐃᒡᓗᖃᕈᓐᓇᕐᓂᕐᒥᑦ ᐊᒻᒪᓗ ᐊᑭᑭᔾᔫᒥᓗᓂ, ᐃᓚᖃᕐᓗᓂ ᐆᒻᒪᖅᑯᑎᓂᑦ ᐊᑐᙱᓐᓂᖅᓴᐅᔾᔪᑎᓂᑦ.

ᖃᓄᐃᓕᐅᕆᐊᕈᑎ 4 b): ᖃᐅᔨᓇᓱᓐᓂᕐᒥᑦ ᐊᒻᒪᓗ ᐃᑲᔪᓱᖅᓂᕐᒥᑦ ᓯᕗᓪᓕᖅᐹᒥᒃ ᖃᐅᔨᓴᕈᑕᐅᓪᓗᓂ ᓄᑖᓂᑦ ᐅᕝᕙᓘᓐᓃᑦ ᓴᖅᑭᔮᖅᑐᓂᑦ ᓄᑖᓂᑦ ᐊᑐᕈᓐᓇᖅᑐᓂᑦ ᐋᖅᑭᒋᐊᕈᑎᒃᓴᓂᑦ ᐊᑭᑭᑎᑦᑎᔾᔫᒥᓂᕐᒧᑦ ᐊᓯᐊᒍᖔᖅ ᐃᒡᓗᓕᕆᓂᕐᒧᑦ ᓇᓖᕌᕈᑎᒃᓴᓄᑦ ᐊᒻᒪᓗ ᐋᖅᑭᒋᐊᖅᓯᓂᕐᒥᑦ ᐆᒻᒪᖅᑯᑎᓂᑦ ᐊᑭᑭᔾᔫᒥᓕᖅᑎᑦᑎᓂᕐᒧᑦ ᐊᒻᒪᓗ ᐱᓕᕆᐊᒃᓴᐅᔪᑦ ᑐᕌᖓᔪᑦ ᓄᑖᓂᑦ ᐊᑐᓂᕐᓂᕐᒧᑦ ᐃᒡᓗᓕᕆᓂᕐᒧᑦ ᐋᖅᑭᒋᐊᕈᑎᒃᓴᓄᑦ ᑐᕌᖓᓪᓚᕆᒃᑐᒃᑯᑦ ᐊᑐᐃᓐᓇᐅᒐᓗᐊᕐᒪᖔᑦᑕ ᐃᓄᖕᓄᑦ ᑕᒪᒃᑯᐊᓗ:

  • ᓇᓗᓇᐃᖅᑕᐅᓗᑎ ᐊᒻᒪᓗ ᑮᓇᐅᔭᐃᔭᕐᓗᑎ ᓄᑖᓂᑦ ᐊᑐᕐᓗᑎ ᓇᓖᕌᕈᑎᒃᓴᓂᑦ ᓴᖅᑭᔮᖅᑎᑦᑎᓂᕐᒧᑦ ᓂᐅᕕᐊᒃᓴᖃᕐᓂᕐᒧᑦ ᐊᓯᐊᒎᖔᕈᑎᓂᑦ ᐃᒡᓗᓕᕆᔨᒃᑯᑎᒍᑦ ᐃᒡᓗᖃᙱᖔᕐᓂᕐᒧᑦ
  • ᓇᓗᓇᐃᖅᓯᓂᕐᒥᑦ ᐊᒻᒪᓗ ᑮᓇᐅᔭᖃᖅᑎᑦᑎᓂᕐᒥᑦ ᓄᑖᓂᑦ ᐊᑐᕐᓗᑎ ᐊᒻᒪᓗ ᐃᓕᖅᑯᓯᕐᒥᓄᑦ ᓈᒻᒪᒋᔭᐅᔪᓂᒃ ᐃᒡᓗᓂᑦ ᓴᓇᓂᕐᒥᑦ ᐆᒻᒪᖅᑯᑎᓂᑦ ᐊᑐᙱᓐᓂᖅᓴᐅᓂᕐᒧᑦ ᐊᒻᒪᓗ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᓱᖏᐅᑎᓂᕐᒥᑦ

Action 4 c): Continue to invest in new housing construction and undertake repairs and renovation, where required.

5. ᐊᔪᕈᓐᓃᖅᑎᑦᑎᒃᑲᓐᓂᕐᓂᖅ

ᐃᓄᖕᓄᑦ ᐃᒡᓗᓕᕆᓂᐅᑉ ᑲᒪᒋᔭᐅᒋᐊᖃᕐᓂᖓ ᐊᒻᒪᓗ ᐊᔪᕈᓐᓃᖅᑎᑦᑎᓂᕐᒧᑦ ᐱᕈᖅᓯᒪᒻᒪᕆᒃᑐᖅ ᐊᕐᕌᒍᓂᑦ ᐊᑐᓵᖅᑐᓂᑦ. ᐊᕕᒃᑐᖅᓯᒪᔪᑦ ᐊᔾᔨᒌᙱᓐᓂᖃᕋᓗᐊᖅᑎᓪᓗᒋᑦ ᐊᐅᓚᑦᑎᓂᐅᔪᖅ ᖃᓄᐃᓕᖓᒻᒪᖔᖅ ᐅᓪᓗᒥᐅᔪᖅ, ᐊᑐᓂ ᐊᕕᒃᑐᖅᓯᒪᔪᖅ ᐃᒡᓗᓕᕆᓂᕐᒧᑦ ᐊᐅᓪᓚᑦᑎᔨᖃᖅᑐᑦ ᐊᒻᒪᓗ ᐃᒡᓗᓕᐅᖅᑎᐅᔪᓂᑦ ᑲᑐᔾᔨᖃᑎᖃᖅᖢᑎᒡᓗ ᐊᔾᔨᒌᙱᑦᑐᓂᑦ ᖁᑦᑎᖕᓂᐅᔪᓂᑦ ᒐᕙᒪᒃᑯᓐᓂ. ᐃᓄᐃᑦ ᐱᔭᒃᓴᖃᕐᓂᖅᓴᐅᓕᖅᑎᓪᓗᒋᑦ ᐊᐅᓚᑦᑎᓂᕐᒧᑦ ᐊᔾᔨᒌᙱᑦᑐᓂᑦ ᐱᓕᕆᐊᒃᓴᓂᑦ, ᑕᒪᓐᓇ ᐊᔪᙱᓐᓂᐅᔪᖅ ᐊᓯᔾᔨᖅᐸᓪᓕᐊᓂᐊᖅᑐᖅ ᐱᕈᖅᐸᓪᓕᐊᓗᓂᓗ. ᐱᒻᒪᕆᐅᓂᐊᖅᑐᖅ ᖃᐅᔨᒪᑦᑎᐊᕆᐊᕐᓂᕐᒥᑦ, ᐊᔪᕈᑕᐅᔪᓂᑦ ᐱᑕᖃᖅᑎᓪᓗᒍ, ᐱᓕᕆᐊᒃᓴᑦ ᑐᕌᖓᔪᑦ ᐱᐅᓯᕚᓪᓕᖅᑎᑦᑎᓂᕐᒥᑦ ᐃᓄᖕᓄᑦ ᐃᒡᓗᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪᓗ ᐊᐅᓚᑦᑎᓂᕐᒧᑦ ᐊᔪᕈᓐᓃᖅᑎᑦᑎᓂᕐᒥᑦ ᑖᒃᑯᓄᖓ ᐃᓄᖕᓄᑦ ᑐᕌᖓᔪᓂᑦ ᐱᔭᐅᔭᕆᐊᓕᖕᓂᒃ. ᖄᒃᑲᓐᓂᐊᒍᑦ ᐱᓕᕆᕝᕕᖕᓂ ᐊᒻᒪᓗ ᐋᖅᑭᒃ- ᓯᒪᓂᕐᒧᑦ ᐊᔪᕈᓐᓃᖅᑎᑦᑎᓂᕐᒥᑦ, ᐱᑕᖃᕈᓐᓃᖅᑎᑦᑎᓂᕐᒥᑦ ᐃᒡᓗᓕᕆᓂᕐᒧᑦ ᐊᒥᒐᕆᔭᐅᔪᓂᑦ ᐃᓄᐃᑦ ᓄᓇᖕᒐᓂ ᑕᐃᒪᐃᔾ- ᔪᑕᐅᒋᐊᖃᕐᓂᐊᕐᒥᔪᖅ ᓄᓇᓕᖕᓂ ᐊᔪᕈᓐᓃᖅᑎᑦᑎᓗᑎ ᐊᒻᒪᓗ ᓴᓇᔪᓕᕆᓂᕐᒧᑦ ᐸᐃᑉᐹᖅᑖᕐᓗᑎ ᐊᒻᒪᓗ ᐊᔪᕈᓐᓃᖅᑎᑕᐅᓗᑎ ᐃᓄᐃᑦ ᐃᑲᔪᖅᓱᖅᑕᐅᓂᖅᓴᐅᓂᐊᕐᒪᑕ ᐊᒻᒪᓗ ᓱᓇᒃᑯᑖᖃᖅᑎᑕᐅᓗᑎ ᐃᓚᐅᖃᑕᐅᓂᕐᒧᑦ ᐃᒡᓗᓕᐅᕐᓂᕐᒧᑦ, ᐊᒻᒪᓗ ᐊᐅᓚᑦᑎᓂᕐᒧᑦ ᐊᒻᒪᓗ ᐋᖅᑭᐅᒪᑎᑦᑎᓂᕐᒧᑦ ᐱᓕᕆᐊᖑᔪᓄᑦ.

ᑲᓇᑕᐅᑉ ᒐᕙᒪᒃᑯᖏᓐᓂ, ᐅᓄᖏᑦᑐᓂᑦ ᐃᒡᓗᓕᕆᓂᕐᒧᑦ ᐊᔪᕈᓐᓃᖅᓴᑎᑦᑎᓂᕐᒧᑦ ᐱᕙᓪᓕᐊᑎᑦᑎᓂᒃᑯᑦ ᐱᓕᕆᐊᒃᓴᓂᑦ ᐊᑐᐃᓐᓇᖅᑕᖃᓗᐊᙱᑦᑐᖅ ᐃᓄᖕᓄᑦ ᐊᔪᕈᓐᓃᖅᑎᑦᑎᓂᕐᒧᓪᓗ ᐱᕙᓪᓕᐊᑎᑦᑎᓂᒃᑯᑦ ᐱᓕᕆᐊᒃᓴᓂᑦ ᑲᔫᒪᖃᓯᐅᑎᔪᓂᑦ ᐃᖅᑲᓇᐃᔭᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ. ᐱᒻᒪᕆᐅᓘᕗᖅ ᐃᑲᔪᖅᓱᑦᑎᐊᕐᓂᕐᒥᑦ ᐊᔪᕈᓐᓃᖅᓴᖅᑎᑦᑎᓂᕐᒧᑦ ᐱᕙᓪᓕᐊᑎᑦᑎᓂᕐᒥᑦ, ᑐᕌᖓᔪᒃᑯᑦ.

ᖃᓄᐃᓕᐅᕆᐊᕈᑎ 5 a): ᐋᖅᑭᒃᓱᐃᓂᕐᒥᑦ, ᑲᒪᒋᔭᖃᕐᓂᕐᒥᑦ ᐊᒻᒪᓗ ᑮᓇᐅᔭᖃᖅᑎᑦᑎᓂᕐᒥᑦ ᐃᖅᑲᓇᐃᔭᖅᑎᓂᑦ ᐊᒻᒪᓗ ᐊᔪᕈᓐᓃᖅᑎᑦᑎᓂᕐᒧᑦ ᐱᔭᐅᔭᕆᐊᓕᖕᓂᒃ ᐊᑐᕐᓗᑎ ᓴᖅᑭᔮᖅᑐᓂᑦ ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ ᐃᖅᑲᓇᐃᔭᕐᓂᕐᒨᖓᔪᓂᒃ ᑐᕌᖓᔪᓂᑦ ᖃᓄᐃᓕᐅᕆᐊᕈᑎᒃᓴᒃᑯᑦ.

ᖃᓄᐃᓕᐅᕆᐊᕈᑎ 5 b): ᓇᓗᓇᐃᖅᓯᓂᕐᒥᑦ ᐊᒥᒐᕆᔭᐅᔪᓂᑦ ᐊᒻᒪᓗ ᐋᖅᑭᒋᐊᖅᓯᓂᕐᒥᑦ ᐅᔾᔨᕈᓱᓕᖅᑎᑦᑎᓂᕐᒥᑦ, ᑐᑭᓯᐅᒪᓂᕐᒥᑦ ᐊᒻᒪᓗ ᐊᑑᑎᖃᕐᓂᖓ ᐃᓗᓕᖃᕈᓐᓇᕐᓂᖓᓄᑦ ᐊᒻᒪᓗ ᐊᔪᕈᓐᓃᖅᑎᑦᑎᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᖃᓄᐃᓕᐅᕆᐊᕈᑎᒃᓴᓄᑦ ᑲᓇᑕᐅᑉ ᒐᕙᒪᒃᑯᖏᓐᓂ ᐊᒻᒪᓗ ᑲᓇᑕᐅᑉ ᓂᒋᐊᓂ/ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᓂᑦ ᖁᑦᑎᖕᓂᐅᔪᓂᑦ ᑐᕌᖓᑎᑕᐅᔪᓄᑦ ᐊᑐᓕᖁᔭᐅᔪᓂᑦ.

6. ᐱᐅᓯᕚᓪᓕᖅᑎᑕᐅᓗᓂ ᒐᕙᒪᐅᖃᑎᒌᙱᑦᑐᑦ ᑲᑐᔾᔨᖃᑎᒌᓐᓂᖏᑦ

ᑕᐃᒫᒃ ᐅᖃᖅᓯᒪᖕᒪᑦ ᐃᓄᐃᑦ ᓄᓇᖕᒐᓂ ᐃᒡᓗᓕᕆᓂᕐᒧᑦ ᐸᕐᓇᐅᑎᒥᑦ, ᐃᓄᐃᑦ ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᓐᓂᒃ ᓇᖕᒥᓂᖃᖃᑕᐅᔪᑦ ᐱᓕᕆᖃᑎᖃᕆᐊᓖᑦ ᑲᓇᑕᐅᑉ ᓂᒋᐊᓂ ᐊᒻᒪᓗ ᐅᑭᐅᖅᑕᖅᑐᖓᓂ ᐊᕕᒃᑐᖅᓯᒪᔪᑦ ᒐᕙᒪᐅᔪᓂᑦ ᐊᓯᖏᓐᓂᓪᓗ ᑲᑐᔾᔨᖃᑎᒋᔭᐅᔪᓂᑦ ᓇᓗᓇᐃᖅᓯᓂᕐᒧᑦ ᓇᐅᒃᑯᑦ ᑲᑐᔾᔨᖃᑎᒌᓐᓂᖅᓴᐅᒋᐊᖃᕐᒪᖔᑦ ᑖᓐᓇ ᐸᕐᓇᐅᑎ ᑲᔪᓯᓂᖃᑦᑎᐊᖁᓪᓗᒍ.

ᐊᑐᓕᖅᑎᑕᐅᓂᖓ ᐃᓄᐃᑦ ᓄᓇᖕᒐᓂ ᐃᒡᓗᓕᕆᓂᕐᒧᑦ ᐸᕐᓇᐅᑎᐅᔪᖅ ᐊᑑᑎᖃᑦᑎᐊᔾᔮᙱᑦᑐᖅ ᐊᒻᒪᓗ ᑎᑭᐅᑎᔾᔮᙱᑦᑐᖅ ᐊᖏᓂᖅᐹᓄᑦ ᐱᕚᓪᓕᕈᑎᓄᑦ ᐱᓕᕆᖃᑕᐅᙱᑉᐸᑕ, ᐊᒻᒪᓗ ᐃᓚᖃᑕᐅᙱᑉᐸᑕ ᑲᓇᑕᐅᑉ ᓂᒋᐊᓃᑦᑐᑦ ᐊᒻᒪᓗ ᐅᑭᐅᖅᑕᖅᑐᒦᑦᑐᑦ ᐊᕕᒃᑐᖅᓯᒪᔪᑦ ᒐᕙᒪᖏᑦ. ᑲᓇᑕᐅᑉ ᓂᒋᐊᓂ ᐊᒻᒪᓗ ᐅᑭᐅᖅᑕᖅᑐᖓᓂ ᐊᕕᒃᑐᖅᓯᒪᔪᑦ ᑕᐃᒪᐃᓯᓚᔪᑦ ᑕᐃᒪᐃᖏᓐᓇᕐᓂᐊᕆᓪᓗᑎᓪᓗ ᐱᒻᒪᕆᐅᔪᒥᑦ ᐱᓕᕆᐊᖃᓂᕐᒥᑦ ᐱᕙᓪᓕᐊᑎᑦᑎᓂᕐᒧᑦ ᐊᒻᒪᓗ ᐊᐅᓚᑦᑎᓂᕐᒧᑦ ᐃᒡᓗᓕᕆ- ᓂᐅᔪᒥᑦ ᐃᓄᐃᑦ ᓄᓇᖕᒐᓂ.

ᐱᔭᒃᓴᖏᓐᓂᒃ, ᑲᓇᑕᐅᑉ ᓂᒋᐊᓂ ᐊᒻᒪᓗ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᑦ ᒐᕙᒪᖏᑦ ᐊᐅᓚᑦᑎᓲᑦ ᐊᔾᔨᒌᙱᑦᑐᓂᑦ ᐃᒡᓗᓕᕆᓂᕐᒨᖔᔪᓂᑦ ᐱᓕᕆᐊᒃᓴᓂᑦ ᐊᒻᒪᓗ ᐊᑐᐊᒐᕐᓂᒃ ᐊᒃᑐᐃᓂᖃᖅᑐᓂᑦ ᐃᒡᓗᓕᕆᓂᕐᒥᑦ ᐃᓄᐃᑦ ᓄᓇᓕᖏᓐᓂ ᐃᓚᖏᓐᓄᑦ ᐊᕕᒃᑐᖅᓯᒪᔪᓂ ᓄᓇᖃᕐᕕᐅᔪᓂᑦ, ᐃᑲᔪᕐᓂᖃᒻᒪᕆᓲᑦ ᐊᐅᓚᑦᑎᓂᕐᒧᑦ ᐊᒻᒪᓗ ᐋᖅᑭᐅᒪᑎᑦᑎᓂᕐᒧᑦ ᐊᑭᖏᓐᓄᑦ. ᐱᓕᕆᖃᑎᖃᕐᓂᕐᒥᑦ ᑲᓇᑕᐅᑉ ᓂᒋᐊᓂ ᐊᒻᒪᓗ ᐅᑭᐅᖅᑕᖅᑐᖓᓂ ᐊᕕᒃᑐᖅᓯᒪᔪᓂᑦ ᐱᒻᒪᕆᐅᕗᖅ ᖃᐅᔨᒪᑦᑎᐊᕆᐊᕐᓂᕐᒧᑦ ᑖᒃᑯᐊ ᐱᓕᕆᐊᒃᓴᐅᔪᑦ ᑐᑭᓕᕇᑦᑎᐊᕐᓗᑎ ᑕᐃᒪᐃᒍᓐᓇᕐᓂᓕᒫᖏᓐᓂᒃ ᑲᓇᑕᐅᑉ ᒐᕙᒪᒃᑯᖏᓐᓂᒃ ᐊᒻᒪᓗ ᐃᓄᖕᓄᑦ ᐱᓕᕆᐊᒃᓴᐅᔪᓄᑦ ᐊᒻᒪᓗ ᖃᓄᐃᓕᐅᕆᐊᕈᑎᒃᓴᓄᑦ ᐊᔪᙱᓐᓂᓕᒫᖓᓂ ᐊᐅᓚᑦᑎᐊᕐᓂᖓᓄᑦ ᐊᒻᒪᓗ ᐊᑑᑎᖃᑦᑎᐊᕐᓂᖓᓄᑦ.

ᖃᓄᐃᓕᐅᕆᐊᕈᑎ 6: ᓴᙱᓂᖅᓴᐅᓕᖅᑎᑦᑎᓂᕐᒥᑦ ᓴᖅᑭᔮᖅᑐᓂᑦ ᑲᑐᔾᔨᖃᑎᒌᓐᓂᐅᔪᓂᑦ ᐊᒻᒪᓗ ᐊᑑᑎᖃᖅᑐᒃᑯᑦ, ᐱᖃᑕᐅᓂᖏᑦ ᑲᓇᑕᐅᑉ ᓂᒋᐊᓂ ᐊᒻᒪᓗ ᐅᑭᐅᖅᑕᖅᑐᖓᓂ ᐊᕕᒃᑐᖅᓯᒪᔪᓂᑦ ᒐᕙᒪᖓᓐᓂᒃ ᐊᑐᓕᖅᑎᑦᑎᓂᕐᒥᑦ ᑖᔅᓱᒥᖓ ᐃᓄᐃᑦ ᓄᓇᖕᒐᓂ ᐃᒡᓗᓕᕆᓂᕐᒧᑦ ᐸᕐᓇᐅᑎᐅᔪᒥᑦ ᓇᓗᓇᐃᖅᓯᓂᕐᒧᑦ ᐱᕕᒃᓴᖃᕐᓂᐅᒃᑲᓐᓂᖅᑐᓂᑦ ᑲᑐᔾᔨᖃᑎᒌᓂᕐᒧᑦ ᐊᒻᒪᓗ ᐅᖃᖃᑎᒌᓐᓂᕐᒧᑦ ᖃᓄᖅ ᐱᓕᕆᖃᑎᒌᑦᑎᐊᕐᓂᖅᓴᐅᔪᓐᓇᕐᒪᖔᑦ ᑲᑐᔾᔨᖃᑎᒌᑦᑎᐊᕐᓂᕐᒧᑦ ᐊᒻᒪᓗ ᐊᒃᑐᐃᓂᐅᔪᒥᑦ ᐱᓕᕆᐊᖑᕙᒃᑐᓂᑦ ᐃᓄᐃᑦ ᓄᓇᓕᖏᓐᓄᑦ.

7. ᐃᓄᐃᑦ ᓄᓇᖕᒐᓂ ᐃᒡᓗᓕᕆᓂᕐᒧᑦ ᐸᕐᓇᐅᑎᐅᑉ ᐊᑐᓕᖅᑎᑕᐅᓂᖓ ᐊᒻᒪᓗ ᖃᐅᔨᓴᖅᑕᐅᓂᖓ

ᑖᓐᓇ ᐸᕐᓇᐅᑎ ᐋᖅᑭᒃᓱᐃᕗᖅ ᐊᔾᔨᒌᒃᑐᒥ ᑕᐅᑐᕐᕉᒐᖃᕐᓂᕐᒥᑦ ᐊᒻᒪᓗ ᑐᑭᒧᐊᕐᓂᕐᒧᑦ ᐋᖅᑭᒋᐊᖅᓯᓂᕐᒧᑦ ᐃᒡᓗᓕᕆᓂᕐᒥᑦ ᐅᖓᓯᒃᑐᒨᖓᔪᒃᑯᑦ ᐊᒻᒪᓗ ᑐᙵᕕᖃᕐᓗᑎ ᐃᓄᐃᑦ ᓄᓇᖕᒐᓂ. ᑖᓐᓇ ᑕᐅᑐᕐᕉᒐᕆᔭᐅᔪᖅ ᐱᓪᓚᑦᑖᖑᖅᑎᑕᐅᓂᖓ ᐊᒻᒪᓗ ᑲᔪᓯᑎᑕᐅᓂᐊᕐᓂᖓ ᓴᖅᑮᓂᕐᒧᑦ ᐃᓄᖕᓄᑦ, ᐃᓗᓕᖃᐅᑦᑎᐊᖅᑐᒥᑦ ᐊᑐᓕᖅᑎᑦᑎᓂᕐᒧᑦ ᐸᕐᓇᐅᑎᖃᕆᐊᓖᑦ.

ᐊᖏᕈᑕᐅᒃᐸ ᑭᓯᐊᓂ, ᐊᑐᓕᖅᑎᑦᑎᓂᕐᒧᑦ ᐸᕐᓇᐅᑎᒥ ᐃᓄᐃᑦ ᓄᓇᖕᒐᓂ ᐃᒡᓗᓕᕆᓂᕐᒧᑦ ᐸᕐᓇᐅᑎᖓᓄᑦ ᒪᕐᕉᖕᓄᑦ ᐱᕙᓪᓕᐊᑎᑕᐅᓂᐊᖅᑐᖅ ᐊᒻᒪᓗ ᑕᐅᑐᒃᑕᐅᓗᓂ ᑖᒃᑯᓄᖓ ᐃᓄᐃᑦ ᒐᕙᒪᑐᖃᒃᑯᑦ ᐱᓕᕆᖃᑎᒌᓐᓂᕐᒧᑦ ᑲᑎᒪᔨᕋᓛᓄᑦ ᐱᓇᓱᐊᖅᑕᖓᑎᒍᑦ ᐅᓂᒃᑳᓕᐅᕆᐊᖃᕐᓂᖏᓐᓂᒃ ᐱᕙᓪᓕᐊᓂᐅᔪᒥᑦ ᐊᔾᔨᒌᙱᑦᑐᓄᑦ ᐊᕕᒃᑐᖅᓯᒪᔪᓄᑦ ᐃᒡᓗᓕᕆᓂᖅ ᐃᓚᓕᐅᑎᓗᒍ.

ᐃᓚᒋᔭᐅᓪᓗᓂ ᐊᑐᓕᖅᑎᑦᑎᓂᕐᒥᑦ ᐸᕐᓇᐅᑎᐅᔪᒥᑦ, ᐊᕕᒃᑐᖅᓯᒪᔪᑦ ᐸᕐᓇᐅᑏᑦ ᓇᓗᓇᐃᖅᓯᒋᐊᓪᓚᖕᓂᐊᖅᑐᑦ ᐃᓄᖕᓄᑦ ᑐᕌᖓᔪᓂᑦ ᐸᕐᓇᐅᑎᓂᑦ ᑲᒪᒋᔭᖃᕐᓂᕐᒧᑦ ᐃᒡᓗᓕᕆᓂᕐᒧᑦ ᐱᔭᐅᔭᕆᐊᓕᖕᓂᒃ, ᐊᑐᓕᖃᓯᐅᑎᓂᕐᒥᓪᓗ ᓄᑖᓂᑦ ᐊᑐᕐᓂᕐᒥᑦ ᐱᓕᕆᔾᔪᓯᐅᔪᓂᑦ, ᑕᐃᒪᐃᒍᓐᓇᖅᑎᓪᓗᒍ. ᐊᕕᒃᑐᖅᓯᒪᔪᓂᑦ ᐸᕐᓇᐅᑏᑦ ᐋᖅᑭᒃᓱᖅᓯᒪᓂᐊᖅᑐᑦ ᒫᓐᓇᐅᔪᖅ ᖃᓄᐃᓕᐅᕆ- ᐊᕈᑕᐅᔪᓄᑦ ᐊᒻᒪᓗ ᐊᕕᒃᑐᖅᓯᒪᔪᓂᑦ ᐱᔭᐅᔭᕆᐊᓕᖕᓂᒃ ᖃᐅᔨᓴᕐᓂᒃᑯᑦ.

ᑲᑐᔾᔨᖃᑎᒌᓐᓂᒃᑯᑦ ᐊᑐᓕᖅᑎᑕᐅᓂᖓ ᐸᕐᓇᐅᑎ ᐱᓕᕆᖃᑎᒌᓐᓂᒃᑯᑦ ᑲᓇᑕᐅᑉ ᓂᒋᐊᓂ ᐊᒻᒪᓗ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᓂ ᒐᕙᒪᓂᑦ, ᐃᓗᓕᖃᐅᓐᓂᖅᓴᒥᓪᓗ ᐊᕐᓇᕐᒧᑦ ᐊᖑᒻᒧᓘᓐᓃᑦ ᑐᙵᕕᖃᕐᓗᑎ ᖃᐅᔨᓴᐅᑎᒥ ᑲᔪᓯᑎᑕᐅᓗᓂ ᑲᑐᔾᔨᖃᑎᒌᓐᓂᒃᑯᑦ ᑖᒃᑯᓂᖓ ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ.

ᐃᓚᐅᔪᓕᒫᑦ ᑲᒪᒋᔭᖃᕐᓂᐊᖅᑐᑦ, ᑕᐃᒪᐃᒋᐊᖃᖅᑎᓪᓗᒋᑦ, ᖃᓄᐃᑦᑐᑐᐃᓐᓇᕐᓂᒃ ᖃᓄᐃᓕᐅᕆᐊᕈᑎᓂᑦ ᓇᓗᓇᐃᖅᑕ- ᐅᓯᒪᙱᑦᑐᓂᑦ ᑕᐃᑲᓂ ᐃᓄᐃᑦ ᓄᓇᖕᒐᓂ ᐃᒡᓗᓕᕆᓂᕐᒧᑦ ᐸᕐᓇᐅᑎᒥ ᑕᐃᒪᐃᒋᐊᖃᓇᓱᒋᔭᐅᔪᓂᒃ ᐃᓚᐅᔪᓕᒫᓄᑦ ᐃᑲᔪᖅᓱᓂᕐᒧᑦ ᐊᑐᖅᑕᐅᔪᒪᔪᑦ ᑐᕌᒐᒃᓴᐃᑦ ᑎᑭᐅᒪᔭᐅᖁᓪᓗᒋᑦ ᐸᕐᓇᐅᑎᒥ.

ᐆᒃᑐᕋᑦᑎᐊᕐᓂᕐᒧᑦ ᐊᒻᒪᓗ ᖃᐅᔨᓴᕐᓂᕐᒧᑦ ᐱᔭᓪᓕᐊᓂᐅᔪᒥᑦ, ᐃᓚᐅᔪᓕᒫᑦ ᐊᖏᖃᑎᒌᒃᑐᑦ ᐅᓂᒃᑳᓕᐅᕐᓂᕐᒥᑦ ᐱᕙᓪᓕᐊᓂᐅᔪᒥᑦ ᐊᒻᒪᓗ ᖃᐅᔨᔭᐅᓯᒪᔪᓂᑦ ᐃᓚᖃᕐᓗᓂ ᑖᒃᑯᓂᖓᔅᓴᐃᓐᓇᖅ ᐊᓂᒍᖅᑕᐅᔪᓂᑦ, ᓇᓗᓇᐃᒃᑯᑕᓪᓗᐊᑏᑦ, ᑐᕌᒐᒃᓴᑦ ᐊᓯᖏᓪᓗ ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ, ᐊᖏᖅᓯᒪᓂᕐᒧᑦ ᖃᐅᔨᓴᕐᓂᕐᒥᑦ ᐊᒻᒪᓗ ᓄᑖᓂᑦ ᐊᑐᕐᓂᕐᒥᑦ ᐊᑐᖅᑕᐅᒐᔭᖅᑐᓂᑦ ᖃᐅᔨᓴᖅᑕᐅᓂᑯᓂᑦ ᑭᒡᓕᓯᓂᐊᖅᑕᐅᓯᒪᔪᓄᑦ. ᐱᕙᓪᓕᐊᓂᖓ, ᑐᙵᕕᖃᖅᑐᖅ ᑖᒃᑯᓂᖓ ᓇᓗᓇᐃᕈᑎᓂᑦ ᖃᐅᔨᓴᖅᑕᐅ- ᒐᔪᖃᑦᑕᕐᓂᐊᖅᑐᑦ, ᖃᖓᒃᑰᕋᔭᕐᒪᖔᖅ ᓇᓗᓇᐃᖅᑕᓗᓂ ᐃᓚᐅᔪᓕᒫᓄᑦ. ᑖᓐᓇ ᐆᒃᑐᕋᕐᓂᐅᔪᖅ ᐊᒻᒪᓗ ᖃᐅᔨᓴᕐᓂᐅᔪᖅ ᐃᓚᖃᕋᔭᖅᑐᖅ ᐊᕐᓇᒧᑦ ᐊᖑᒧᓪᓗ ᑐᙵᕕᖃᕐᓗᑎ ᐃᓱᒪᒋᔭᐅᖃᓯᐅᑎᒋᐊᓕᖕᓂᒃ.

ᐅᐃᒍᖓ 1: ᖃᓄᐃᓕᖓᓂᖓ ᐋᖅᑭᒋᐊᖅᓯᓂᕐᒧᑦ ᐃᒡᓗᓕᕆᓂᕐᒧᑦ ᐊᓂᒍᖅᑕᐅᔪᓂᑦ

ᑐᕌᖓᓪᓚᕆᒃᑐᒥᑦ ᓴᖅᑭᔮᖅᑐᖃᖅᐳᖅ ᑮᓇᐅᔭᖃᖅᑎᑦᑎᓂᕐᒧᑦ ᐊᑭᑐᓗᐊᙱᑦᑐᓂᑦ ᐃᒡᓗᓕᕆᓂᕐᒧᑦ ᐊᒻᒪᓗ ᑮᓇᐅᔾᔭᓂᕐᒧᑦ ᖃᓄᐃᓕᐅᕈᑕᐅᒃᑲᓐᓂᖅᑐᓂᑦ. ᖄᒃᑲᓐᓂᐊᒍᑦ ᑐᕌᖓᓪᓚᕆᒃᑐᓄᑦ ᐱᕚᓪᓕᕈᑎᓄᑦ ᑮᓇᐅᔾᔭᑦᑎᐊᕐ- ᓇᖅᑐᓂᑦ ᐃᖅᑲᓇᐃᔮᒃᓴᓄᑦ, ᐋᖅᑭᒋᐊᖅᓯᒪᔪᒥᑦ ᓂᐅᕕᕈᓐᓇᕐᓂᕐᒧᑦ ᐱᔪᓐᓇᕐᓂᖃᕐᓂᕐᒥᑦ ᖄᒃᑲᓐᓂᐊᒍᑦ ᓄᓇᓕᖕᓂᑦ ᓂᐅᕕᕈᓐᓇᖅᓯᓲᑦ ᐊᒻᒪᓗ ᐃᑲᔪᖅᓱᓲᖅ ᐊᓯᖏᓐᓂᒃ ᓇᖕᒥᓂᕆᔭᐅᔪᓂᑦ ᑮᓇᐅᔾᔭᕐᓂᒃᑯᑦ (ᓲᕐᓗ, ᑖᒃᓰᔭᐃᓂᕐᒧᑦ ᓄᐊᑦᑎᓂᕐᒥᑦ, ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᑮᓇᐅᔭᐃᔭᕐᓂᖅ, ᐊᐅᓚᑦᑎᓂᕐᒧᑦ, ᐊᒻᒪᓗ ᐊᓯᖏᑦ ᐱᔭᐅᔭᕆᐊᓖᑦ ᐆᒻᒪᖅᑯᑎᕈᔪᖕᓄᑦ ᐱᔨᑦᑎᕋᐅᑎᓄᒡᓗ).

ᐃᒡᓗᓕᕆᓂᕐᒧᑦ ᓴᓇᓂᖅ, ᐋᖅᑭᐅᒪᑎᑦᑎᓂᖅ ᐊᒻᒪᓗ ᐊᐅᓚᑦᑎᓂᖅ ᐃᖅᑲᓇᐃᔭᖅᑎᑦᑎᔪᒻᒪᕆᐅᕗᖅ ᐃᓄᐃᑦ ᓄᓇᖕᒐᓐᓂ ᑮᓇᐅᔾᔭᓂᕐᒧᑦ, ᑮᓇᐅᔭᓕᐅᕈᑕᐅᕙᒃᖢᓂ ᐃᓄᖕᓄᑦ ᐃᖅᑲᓇᐃᔭᖅᑎᓄᑦ ᐊᒻᒪᓗ ᐱᕕᖃᖅᑎᑦᑎᔪᖅ ᐃᖅᑲᓇᐃᔭᖅᑏᑦ ᖃᐅᔨᒪᓂᖅᓴᐅᓕᖃᑦᑕᕐᒪᑕ ᐊᔪᕈᓐᓃᒃᑲᓐᓂᖅᐸᒃᖢᑎᒡᓗ. ᑐᙵᕕᓕᐅᒃᑲᓐᓂᖅᐳᖅ ᓴᖅᑮᔪᒥ ᑮᓇᐅ- ᔭᐃᔭᕐᓂᕐᒥᑦ ᐊᑭᑐᓗᐊᙱᑦᑐᓄᑦ ᐃᒡᓗᓕᕆᓂᕐᒧᑦ ᓴᖅᑮᓂᐊᖅᑐᖅ ᑮᓇᐅᔾᔭᓂᕐᒧᑦ ᖃᓄᐃᓕᐅᕈᑎᓂᑦ ᓄᓇᓕᖕᓂ ᐃᖅᑲᓇᐃᔭᖅᑎᓄᑦ ᑖᒃᑯᐊᓗ ᓇᖕᒥᓂᕆᔭᐅᔪᑦ ᑮᓇᐅᔭᖅᑖᕈᓐᓇᕐᓗᑎ ᑮᓇᐅᔾᔭᓂᕐᒧᑦ ᖃᓄᐃᓕᐅᕈᑕᐅᔪᓄᑦ. ᖄᒃᑲᓐ- ᓂᐅᒍᑦ, ᐊᑭᓖᓂᕐᒥᑦ ᓄᓇᓕᖕᓂ ᐃᖅᑲᓇᐃᔭᖅᑎᓂᑦ ᐊᒻᒪᓗ ᐱᔨᑦᑎᕋᐅᑎᓂᑦ ᐃᒡᓗᓕᕆᓂᕐᒧᑦ ᐱᓕᕆᐊᖑᔪᓂᑦ ᐊᐅᓚᔾᔭᐃᕗᖅ ᓄᓇᓕᖕᓂ ᐊᒻᒪᓗ ᐊᕕᒃᑐᖅᓯᒪᔪᓂᑦ ᑮᓇᐅᔾᔭᓂᕐᒧᑦ ᐊᑐᓕᖅᑎᑦᑎᒃᑲᓐᓂᕐᓂᕐᒥᑦ ᑮᓇᐅᔭᖅᑖᕈᑕᐅᔪᓂᑦ.

ᑖᒃᑯᐊ ᑲᓇᑕᒥ ᐃᒡᓗᓕᐅᖅᑏᑦ ᑲᑐᔾᔨᖃᑎᒌᖏᑦ ᓇᓚᐅᑦᑖᕆᕗᑦ 35-ᓂᒃ ᐃᒡᓗᓂᑦ ᓴᓇᔭᐅᔪᓂᑦ ᓄᓇᕗᒻᒥ 93-ᓂᒃ ᐃᖅᑲᓇᐃᔮᓂᒃ ᓴᖅᑮᕗᖅ ᑮᓇᐅᔾᔭᕈᑕᐅᓪᓗᓂᓗ $6 ᒥᓕᐊᓐᓂᒃ ᑮᓇᐅᔭᖅᑖᖅᑎᑕᐅᑎᓪᓗᒋᑦ $16 ᒥᓕᐊᓐᓂᒃ. ᐊᕕᒃᑐᖅᑕᐅᓯᒪᒃᐸ ᐃᓛᒃᑰᖓᔪᒥ ᐊᖏᕐᕋᕆᔭᐅᔪᒧᑦ ᒥᔅᓴᐅᓇᒃᑕᐅᓂᖓᓄᑦ; ᐊᑭᑐᔫᑎᓄᑦ ᑮᓇᐅᔭᖃᖅᑎᑦᑎᓂᖅ $457,100-ᓂᒃ ᐊᖏᕐᕋᕆᔭᐅᔪᒧᑦ $171,400-ᓂᒃ ᑮᓇᐅᔾᔭᓕᐅᕈᑕᐅᒃᐸ (37.5 ᐳᓴᓐᓂᑎ ᐊᑐᓂ ᐊᑭᑐᔫᑎᓄᑦ ᑮᓇᐅᔭᖃᖅᑎᑦᑎᓂᕐᒧᑦ) ᐅᕝᕙᓘᓐᓃᑦ 2.7 ᐃᖅᑲᓇᐃᔮᒃᓴᓂᑦ ᐊᑐᓂ ᐊᖏᕐᕋᕆᔭᐅᔪᒧᑦ ($63,480/ᐃᖅᑲᓇᐃᔮᒃᓴᒧᑦ). ᑕᐃᒪᐃᒻᒪᑦ, $1 ᒥᓕᐊᓐ ᐊᑭᑐᔫᑎᓄᑦ ᑮᓇᐅᔭᖃᖅᑎᑦᑎᓂᕐᒥᑦ ᓴᖅᑮᓲᖑᕗᖅ $375,000-ᓂᒃ ᑮᓇᐅᔾᔭᓂᕐᒧᑦ ᐅᕝᕙᓘᓐᓃᑦ 5.9 ᐃᖅᑲᓇᐃᔮᒃᓴᓂᑦ ᐊᑐᓂ $63,600/ᐃᖅᓇᐃᔮᒧᑦ. ᐃᖅᑲᓇᐃᔮᖑᔪᑦ ᐅᓄᖅᑐᑦ ᐊᕐᕌᒍᑉ ᐃᓚᐃᓐᓇᖓᓂ ᐃᖅᑲᓇᐃᔮᕆᔭᐅᖃᑦᑕᖅᑎᓪᓗᒋᑦ, ᐱᒻᒪᕆᐅᖃᑕᐅᔪᑦ ᑮᓇᐅᔾᔭᑎᑦᑎᓂᕐᒧᑦ ᐃᓄᖕᓄᑦ ᐃᓚᒌᖑᔪᓄᑦ. ᐊᑭᑐᔫᑎᓄᑦ ᐊᒻᒪᓗ ᐊᐅᓚᑦᑎᓂᕐᒧᑦ ᑮᓇᐅᔭᖃᖅᑎᑦᑎᓂᖏᑦ ᓄᓇᓕᖕᓂᑦ ᐃᒡᓗᓕᕆᓂᕐᒧᑦ ᑲᔪᓯᓂᖃᖅᑎᑦᑎᖕᒥᔪᖅ ᓄᓇᓕᖕᓂ ᓂᐅᕕᖅᐸᒃᑐᓂᑦ ᐱᖁᑎᓂᑦ ᐱᔨᑦᑎᕋᐅᑎᓂᒡᓗ ᐊᒻᒪᓗ ᐃᖅᑲᓇᐃᔭᖅᑎᑦᑎᓂᕐᒥᑦ ᓄᓇᓕᖕᒥᐅᑕᓂᑦ ᐃᖅᑲᓇᐃᔭᖅᑎᓂᑦ ᑮᓇᐅᔭᐃᔭᕐᓂᖅᓴᐅᒐᔭᖅᑐᓂᑦ ᓄᓇᓕᖏᓐᓂᒃ. ᐃᒡᓗᓕᐅᕐᓂᕐᒧᑦ ᖃᓄᐃᓕᐅᕈᑕᐅᔪᖅ ᐃᓅᓯᕐᒧᑦ ᐱᐅᓯᕚᓪᓕᖅᑎᑦᑎᔪᖅ ᐃᖅᑲᓇᐃᔭᕐᓂᒃᑯᑦ, ᐱᓕᒻᒪᒃᓴᕐᓂᒃᑯᑦ, ᐊᖏᕐᕋᑦᑎᐊᕆᓂᖅᓴᐅᓂᒃᑯᑦ, ᐃᓅᓯᕐᒨᖓᔪᓂᒡᓗ ᓄᓇᓕᖕᒥ ᐊᒻᒪᓗ ᐃᒡᓗᒥᐅᖃᑎᒌᑦ ᓂᐅᕕᕐᓂᖅᓴᐅᓕᕈᓐᓇᕐᓂᖏᓐᓄᑦ.

ᐃᖅᑲᓇᐃᔭᖅᑐᑦ ᓈᓴᐅᑎᖏᑦ ᐃᓄᐃᑦ ᓄᓇᖕᒐᓂ ᐊᑦᑎᒃᑐᒻᒪᕆᐅᕗᑦ, 39 ᐳᓴᓐᑎᒥ ᓄᓇᑦᓯᐊᕗᖕᒥᑦ 54 ᐳᓴᓐᑎᒧᑦ ᓄᓇᕗᒻᒥ ᐊᒻᒪᓗ ᓄᓇᕕᖕᒥ. ᒫᓐᓇᐅᔪᖅ ᐃᖅᑲᓇᐃᔮᓖᑦ ᐅᓄᖅᓯᓂᐊᖅᑐᑦ ᑐᙵᕕᖃᕐᓗᑎ ᑕᒪᐃᓐᓂᒃ ᐊᕐᕌᒍᑕᒫᑦ ᐃᓄᒋᐊᕐᓂᖏᑦ ᐅᓄᖅᓯᕚᓪᓕᕐᓂᖏᓐᓄᑦ 2 ᐳᓴᓐᑎᒥ ᐊᒻᒪᓗ ᐃᓄᒋᐊᕐᔪᐊᕐᓂᖏᑦ 15 ᑐᖔᓂ ᐅᑭᐅᓕᖕᓄᑦ ᐃᖅᑲᓇᐃᔭᖅᑎᙳᖅᐸᓪᓕᐊᓕᖅᑎᓪᓗᒋᑦ. ᐃᒡᓗᓕᐅᕐᓂᖅ ᐊᑭᓖᑦᑎᐊᓲᒥᑦ ᐃᖅᑲᓇᐃᔮᕆᔭᐅᔪᓐᓇᕋᓗᐊᖅᑎᓪᓗᒍ, ᑮᓇᐅᔭᐃᔭᕐᓃᑦ ᐃᓕᓐᓂᐊᕐᓂᓕᕆᓂᕐᒧᑦ ᐊᒻᒪᓗ ᐊᔪᕈᓐᓃᖅᓴᓂᕐᒧᑦ ᐱᕙᓪᓕᐊᑎᑦᑎᓂᕐᒥᑦ ᐱᒻᒪᕆᐅᓂᐊᖅᑐᑦ. ᑕᒪᓐᓇ ᐱᔪᓐᓇᖅᑎᑦᑎᓂᐊᖅᑐᖅ ᓄᓇᓕᖕᓂᑦ ᑮᓇᐅᔭᖅᑖᕈᓐᓇᕐᓗᑎ ᐃᖅᑲᓇᐃᔮᒃᓴᓄᑦ ᐃᒡᓗᓕᐅᕐᓂᕐᒧᑦ ᐊᒻᒪᓗ ᓴᖅᑮᓗᓂ ᐅᖓᓯᒃᑐᒨᖓᔪᒥᑦ ᐊᔪᕈᓐᓃᖅᑎᑦᑎᓂᕐᒥᑦ ᑲᔪᓯᑎᑦᑎᓂᕐᒧᑦ ᐊᒻᒪᓗ ᐊᐅᓚᑦᑎᓂᕐᒧᑦ ᒫᓐᓇᐅᔪᒥ ᓯᕗᓂᒃᓴᒥᓪᓗ ᐃᒡᓗᓕᕆᓂᕐᒥᑦ. ᖄᒃᑲᓐᓂᐊᒍᑦ ᑮᓇᐅᔭᖅᑕᖃᙱᑉᐸᑦ ᐱᓕᒻᒪᒃᓴᕐᓂᕐᒧᑦ ᐊᒻᒪᓗ ᐃᓕᓐᓂᐊᕐᓂᕐᒧᑦ, ᐊᒥᒐᒃᓯᓂᐊᖅᑐᑦ ᓄᓇᓕᖕᓂ ᐃᖅᑲᓇᐃᔭᖅᑎᓂᑦ ᑎᑭᐅᒪᓂᕐᒧᑦ ᐃᖅᑲᓇᐃᔭᖅᑎᑖᕆᐊᖃᕐᓂᖏᓐᓄᑦ ᐃᒡᓗᓕᐅᖅᑎᓂᑦ ᐊᒻᒪᓗ ᐳᓴᓐᑎᖓ ᐊᖏᓂᖅᓴᖅ ᑮᓇᐅᔭᖅᑖᕈᑕᐅᔪᓂᑦ ᓄᓇᓕᓐᓃᔾᔮᙱᑦᑐᑦ.

"ᐃᒡᓗᓕᕆᓂᖅ ᐱᒻᒪᕆᐅᖏᑦᑐᖅ ᑭᓯᐊᓂ ᑎᑭᐅᑎᓂᕐᒧᑦ ᓱᕈᓰᑦ ᐊᑦᑎᓂᖅᐹᒥᑦ ᐱᒋᐊᖃᖅᑕᖏᓐᓂᒃ; ᑐᙵᕕᐅᔪᓐᓇᖅᑐᖅ ᐱᐅᓯᕚᓪᓕᖅᑎᑦᑎᓂᕐᒥᑦ ᐃᓕᓐᓂᐊᕐᓂᓕᕆᓂᕐᒧᑦ ᐊᓂᒍᖅᑕᐅᔪᓄᑦ.

ᐃᓚᒃᑲᓐᓂᕐᓗᒍ, ᐃᑲᔫᑎᒃᓴᖃᖅᑎᑦᑎᒃᑲᓐᓂᓂᕐᒥᑦ ᐃᒡᓗᓕᕆᓂᕐᒧᑦ ᒫᓐᓇᐅᔪᖅ ᐋᖅᑭᒋᐊᖅᓯᔪᓂᑦ ᐃᓕᓐᓂᐊᕐᓂᓕᕆᓂᕐᒧᑦ ᐊᓂᒍᖅᑕᐅᔪᓂᑦ ᑐᕌᖓᓕᕈᑕᐅᔪᓐᓇᖅᑐᖅ ᐃᖅᑲᓇᐃᔮᓄᑦ ᐊᓂᒍᖅᑕᐅᔪᓂᑦ, ᑮᓇᐅᔭᐃᔭᙱᓐᓂᖅᓴᐅᓕᕐᓗᑎ ᐊᒻᒪᓗ ᑲᓇᑕᒥ ᐃᖏᕐᕋᓂᖃᕐᓂᖅᓴᐅᓕᕐᓗᑎ."

(ᐃᒡᓗᓕᕆᓂᖅ ᑐᙵᕕᐅᓗᓂ ᐱᐅᓯᕚᓪᓕᖅᑎᑦᑎᓂᕐᒧᑦ ᐃᓕᓐᓂᐊᕐᓂᓕᕆᓂᕐᒧᑦ ᐊᓂᒍᖅᑕᐅᔪᓄᑦ ᑮᓇᐅᔾᔭᓗᐊᙱᑦᑐᓄᑦ ᕿᑐᕐᖓᓕᖕᓄᑦ, ᐆᐸᓐ ᐃᓐᓯᑎᑐᑦ), ᒪᐃ 2012

ᐅᐃᒍᖓ 2: ᒫᓐᓇᐅᔪᖅ ᐃᒡᓗᓕᕆᓂᐅᑉ ᑲᔪᓯᑎᑕᐅᓂᖓ ᐃᓄᐃᑦ ᓄᓇᖕᒐᓂ

ᐃᓄᕕᐊᓗᐃᑦ ᓄᓇᖓᓂ

ᐃᓄᕕᐊᓗᐃᑦ ᓄᓇᖓᓂ, ᓄᓇᑦᓯᐊᕐᒥ ᐃᒡᓗᓕᕆᔨᕐᔪᐊᒃᑯᑦ ᑲᒪᒋᔭᖃᖅᑐᑦ ᐃᓄᓕᒫᓄᑦ ᐃᒡᓗᒋᔭᐅᕙᒃᑐᓂᑦ ᓄᓇᑦᓯᐊᕐᒥᑦ ᐊᒻᒪᓗ ᐊᑐᐃᓐᓇᐅᑎᑦᑎᓲᑦ ᐱᓕᕆᐊᒃᓴᓂᑦ ᐃᑲᔪᖅᓱᓂᕐᒧᑦ ᓇᖕᒥᓂᖃᕐᓂᕐᒥᑦ. ᓄᓇᑦᓯᐊᕐᒥ ᐃᒡᓗᓕᕆᔨᕐᔪᐊᒃᑯᑦ ᑮᓇᐅᔭᖅᑖᖃᑦᑕᖅᑐᑦ ᓄᓇᑦᓯᐊᖅ ᒐᕙᒪᒃᑯᖏᓐᓂᒃ ᐊᒻᒪᓗ ᑲᓇᑕᒥ ᓇᖕᒥᓂᖃᕐᓂᕐᒧᑦ ᐃᒡᓗᒥ ᐊᑭᓕᐅᑎᓄᑦ ᐊᒻᒪ ᐃᒡᓗᓕᕆᔨᕐᔪᐊᒃᑯᖏᓐᓂᒃ. ᑖᒃᑯᐊ ᐃᓄᕕᐊᓗᐃᑦ ᑯᐊᐳᕇᓴᖓ (IRC) ᐃᒡᓗᓕᕆᓂᕐᒧᑦ ᑮᓇᐅᔭᖃᖅᑎᑕᐅᔪᑦ ᑖᒃᑯᓇᙵᑦ ᒐᕙᒪᑐᖃᒃᑯᑦ-ᓄᓇᖃᖅᑳᖅᓯᒪᔪᓕᕆᔨᒃᑯᑦ ᐊᒻᒪᓗ ᐅᑭᐅᖅᑕᖅᑐᓕᕆᔨᒃᑯᑦ (CIRNA) ᑕᐃᑰᓇ ᑲᓇᑕᒥ ᑮᓇᐅᔭᑦ ᐊᑐᖅᑐᒃᓴᑦ 2016-ᒥᑦ ᐊᒻᒪᓗ 2018-ᒥᑦ. ᑖᒃᑯᐊ ᐃᓄᕕ- ᐊᓗᐃᑦ ᑯᐊᐳᕇᓴᖓ ᐱᓕᕆᖃᑎᖃᖅᓯᒪᔪᑦ ᓄᓇᑦᓯᐊᕐᒥ ᐃᒡᓗᓕᕆᔨᕐᔪᐊᒃᑯᖏᓐᓂ ᑲᔪᓯᑎᑦᑎᓂᕐᒧᑦ ᐃᓄᕕᐊᓗᖕᓄᑦ ᐃᒡᓗᓕ- ᕆᓂᕐᒧᑦ ᑮᓇᐅᔭᖃᖅᑎᑦᑎᓂᕐᒥᑦ. ᑖᒃᑯᐊ ᐃᓄᕕᐊᓗᐃᑦ ᑯᐊᐳᕇᓴᖓ ᑲᔪᓯᓂᖃᖅᑐᖅ ᐅᖃᖃᑎᖃᕐᓂᕐᒥᑦ ᐊᒻᒪᓗ ᐊᑐᓕᖅᑎᑦ- ᑎᓂᕐᒥᑦ ᑲᑐᔾᔨᖃᑎᒌᓂᒃᑯᑦ ᐱᕕᖃᕐᓂᐅᔪᓂᑦ ᓄᓇᑦᓯᐊᕐᒥ ᐃᒡᓗᓕᕆᔨᕐᔪᐊᒃᑯᖏᓐᓂᒃ ᐊᒻᒪᓗ ᑲᔪᓯᓂᖃᖅᑐᑦ ᐃᓱᒪᖃᓯᐅᑎᓂᕐᒥᑦ ᑕᒪᐃᓐᓂᒃ ᐊᒻᒪᓗ ᐋᖅᑭᒃᓱᖅᑕᐅᓯᒪᔪᓂᑦ ᐊᖏᓂᖅᐹᒥᑦ ᐊᑐᕈᒪᓪᓗᑎ ᑮᓇᐅᔭᖅᑖᕆᔭᒥᓂᒃ ᐃᓄᕕᐊᓗᖕᒥᐅᑕᓄᑦ.

ᓄᓇᕗᑦ

ᓄᓇᕗᒻᒥ, ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑲᒪᒋᔭᖃᖅᑐᑦ ᐃᓄᓕᒫᓄᑦ ᐃᒡᓗᓕᕆᓂᕐᒥᑦ ᓄᓇᕗᒻᒥ ᐊᒻᒪᓗ ᐊᑐᐃᓐᓇᐅᑎᑦᑎᓲᑦ ᐱᓕᕆᐊᒃᓴᓂᑦ ᐃᑲᔪᖅᓱᓂᕐᒧᑦ ᓇᖕᒥᓂᖃᕐᓂᕐᒧᑦ ᐊᒻᒪᓗ ᐋᖅᑭᒋᐊᖅᓯᓂᕐᒧᑦ. ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑮᓇᐅᔭᖅᑖ- ᖃᑦᑕᖅᑐᑦ ᓄᓇᕗᑦ ᒐᕙᒪᒃᑯᖏᓐᓂᒃ ᐊᒻᒪᓗ ᑲᓇᑕᒥ ᓇᖕᒥᓂᖃᕐᓂᕐᒧᑦ ᐃᒡᓗᒥ ᐊᑭᓕᐅᑎᓄᑦ ᐊᒻᒪ ᐃᒡᓗᓕᕆᔨᕐᔪᐊᒃᑯᖏᓐᓂᒃ. ᐃᓄᐃᑦ ᑲᑐᔾᔨᖃᑎᒌᖏᑦ ᓄᓇᕗᒻᒥ ᐅᖃᖅᓯᒪᔪᑦ ᐱᑕᖃᕆᐊᖃᕐᓂᖓᓂ ᑐᕌᖓᓪᓚᕆᒃᑐᒥᑦ ᑮᓇᐅᔭᖅᑖᕐᓗᑎ ᑲᓇᑕᐅᑉ ᒐᕙᒪᖓᓂ ᐊᒻᒪᓗ ᑐᕌᖓᓪᓚᕆᒃᑐᒥᑦ ᐊᑐᐃᓐᓇᖃᕐᕕᐅᓗᑎ ᐃᒡᓗᓕᕆᓂᕐᒨᖓᔪᓂᒃ ᐱᓕᕆᐊᒃᓴᓂᑦ. ᑕᒪᓐᓇ ᐃᑲᔪᕐᓂᖃᖃ- ᓯᐅᑎᒐᔭᖅᑐᖅ ᓄᓇᕗᑦ ᒐᕙᒪᒃᑯᑦ ᐃᒡᓗᓕᕆᓂᕐᒧᑦ ᐱᓕᕆᐊᒃᓴᖏᓐᓂᒃ ᐱᒻᒪᕆᐅᔪᓂᑦ ᐱᔭᕆᐊᖃᖅᑎᓪᓗᒋᑦ ᓄᓇᕗᒻᒥ.

ᓄᓇᕕᒃ

ᓄᓇᕕᖕᒥ, ᑕᐃᑰᓇ ᓄᓇᕕᖕᒥ ᐃᒡᓗᓕᕆᓂᕐᒧᑦ ᐊᖏᕈᑎᒃᑯᑦ, ᒪᑭᕕᒃ ᑯᐊᐳᕇᓴᓐ ᑲᒪᒋᔭᖃᓪᓚᑦᑖᖅᑐᑦ, ᑮᓇᐅᔾᔭᕋᓱᐊᙱᓐᓂᒃᑯᑦ ᐆᒃᑑᑎᒃᑯᑦ, ᓴᓇᓂᕐᒧᑦ ᐃᒡᓗᓕᕆᔨᒃᑯᑦ ᐃᒡᓗᖁᑎᖏᓐᓂᒃ. ᓴᓇᔭᐅᓯᒪᓕᖅᑎᓪᓗᒋᑦ, ᐃᒡᓗᐃᑦ ᑐᓂᔭᐅᕙᒃᑐᑦ ᑲᑎᕕᒃ ᐃᒡᓗᓕ- ᕆᔨᒃᑯᖏᓐᓄᑦ (KMHB) ᑖᒃᑯᐊ ᐊᐅᓚᑦᑎᓲᑦ ᐃᒡᓗᓂᑦ. ᓄᓇᕕᖕᒥ ᐃᒡᓗᓕᕆᓂᕐᒧᑦ ᐊᖏᕈᑎᖓ ᐱᖓᓲᓕᖅᑲᖓᔪᒃᑯᑦ ᐊᖏᕈᑕ- ᐅᓯᒪᔪᖅ ᐃᓄᖕᓄᑦ ᓄᓇᕕᖕᒥ, ᑲᓇᑕᒥ ᐊᒻᒪᓗ ᑯᐊᐸᒃᒥ. ᑯᐊᐸᒃ ᐊᑭᓖᖃᑦᑕᖅᑐᑦ ᐊᐅᓚᑦᑎᓂᕐᒧᑦ ᐊᒻᒪᓗ ᐋᖅᑭᐅᒪᑎᑦᑎᓂᕐᒧᑦ ᐊᑭᖏᓐᓂᒃ ᑐᕌᖓᔪᓂᑦ ᐃᒡᓗᓕᐅᕐᓂᕐᒧᑦ ᑖᔅᓱᒪ ᐊᖏᖃᑎᒌᒍᑎᒃᑯᑦ. ᑲᓇᑕ ᐊᑐᐃᓐᓇᐅᑎᑦᑎᔪᑦ ᑮᓇᐅᔭᕐᓂᒃ ᑕᒡᕘᓇ ᐊᖏᕈᑎᒃᑯᑦ ᒪᑭᕕᒃ ᑯᐊᐳᕇᓴᒃᑯᓐᓄᑦ ᖄᒃᑲᓐᓂᐊᒍᑦ ᑮᓇᐅᔭᕐᓄᑦ ᐅᖃᐅᓯᐅᓚᐅᖅᑐᓄᑦ ᑮᓇᐅᔭᕐᓂᒃ ᐊᑐᖅᑐᒃᓴᓂᑦ 2016-ᒥᑦ ᐊᒻᒪᓗ 2018-ᒥᑦ ᐊᑖᒍᑦ ᐃᓄᖕᓄᑦ ᐃᒡᓗᓕᐅᕐᓂᕐᒧᑦ. ᑲᑎᕕᒃ ᐃᒡᓗᓕᕆᔨᖏᑦ ᑲᔪᓯᑎᑦᑎᓲᖑᒻᒥᔪᑦ ᐊᔾᔨᒌᙱᑦᑐᓂᑦ ᐃᒡᓗᓕᕆᓂᕐᒨᖓᔪᓂᑦ ᐱᓕᕆᐊᒃᓴᓂᑦ ᓄᓇᕕᖕᒥᐅᑕᓄᑦ ᐃᒡᓗᒥᑦ ᓇᖕᒥᓂᖃᕐᓂᕐᒧᑦ ᐊᓯᖏᓐᓄᓪᓗ. ᑕᐃᑰᓇ ᐅᑭᐅᖅᑕᖅᑐᒥ ᐸᕐᓇᐅᑎᖓᑎᒍᑦ, ᑯᐊᐸᒃ ᑐᓂᓯᓲᖅ $79 ᒥᓕᐊᓐᓂᒃ 300-ᓂᒃ ᐃᒡᓗᓕᕆᔨᒃᑯᑦ ᐃᒡᓗᒃᓴᖏᓐᓄᑦ ᓴᓇᓂᕐᒧᑦ ᐊᕐᕌᒍᓄᑦ ᑎᓴᒪᓄᑦ ᑕᐃᑲᓂ 2012-ᒥ. ᑯᐊᐸᒃᒥ ᑮᓇᐅᔭᑦ ᐊᑐᖅᑐᒃᓴᑦ 2018-ᒥᑦ ᐊᖏᖅᓯᒪᓚᐅᖅᑐᖅ $39 ᒥᓕᐊᓐᓂᒃ ᐃᒡᓗᓕᕆᓂᕐᒧᑦ ᐊᒻᒪᓗ ᓯᕐᓗᐊᓄᑦ ᓄᓇᕕᖕᒥ: $22.1 ᒥᓕᐊᓐ ᐃᓇᖏᖅᓯᓂᕐᒧᑦ ᐱᖓᓱᓂᑦ ᐱᑐᖃᐅᓗᐊᓕᖅᑐᓂᑦ ᑲᑎᕕᒃ ᐃᒡᓗᓕᕆᔨᒃᑯᑦ ᓯᕐᓗᐊᖏᓐᓂ, $15.9 ᒥᓕᐊᓐ ᑮᓇᐅᔭᖃᖅᑎᑦᑎᓂᕐᒧᑦ ᓴᓇᓂᕐᒧᑦ 45 ᓂᒃ ᓇᖕᒥᓂᕆᔭᐅᔪᓂᑦ ᐃᒡᓗᓂᑦ ᐊᒻᒪᓗ $1 ᒥᓕᐊᓐᓂᒃ ᓯᕗᓪᓕᖅᐹᒥᒃ ᖃᐅᔨᓴᕈᑕᐅᓪᓗᓂ ᐱᓕᕆᐊᖑᔪᒥᑦ ᐊᑐᖅᑐᐊᖅᑏᑦ ᓂᐅᕕᕈᓐᓇᖅᓯᖁᓪᓗᒋᑦ ᐃᒡᓗᖓᓂ ᓇᔪᖅᑕᒥᓂ.

ᓄᓇᑦᓯᐊᕗᑦ

ᓄᓇᑦᓯᐊᕗᖕᒥᑦ, ᑖᒃᑯᐊ ᑑᕐᖓᖅ ᐃᒡᓗᓕᕆᔨᒃᑯᑦ ᑲᑐᔾᔨᖃᑎᒌᖏᑦ ᐃᑲᔪᖅᓱᖅᑕᐅᔪᑦ ᓄᓇᑦᓯᐊᕗᑦ ᒐᕙᒪᖓᓄᑦ, ᐃᓚᖓᓂᑦ ᑭᒡᓕᖃᖅᑐᒥᑦ ᓇᖕᒥᓂᖅ ᒐᕙᒪᖃᕐᓂᕐᒧᑦ ᑮᓇᐅᔭᖃᖅᑎᑕᐅᓂᒃᑯᑦ, ᐊᑐᐃᓐᓇᐅᑎᑦᑎᓂᕐᒧᑦ ᐊᑭᑭᔾᔫᒥᔪᒥᑦ ᐃᒡᓗᖃᖅᑎᑦᑎᓂᕐᒥᑦ ᐊᑐᖅᑐᐊᕐᓂᒃᑯᑦ ᓇᖕᒥᓂᖃᓕᕐᓂᕐᒧᑦ ᐆᒃᑑᑎᐅᔪᒥᑦ ᓄᓇᑦᓯᐊᕗᑦ ᓄᓇᓕᖏᓐᓂᒃ. ᓄᓇᑦᓯᐊᕗᑦ ᒐᕙᒪᖓ ᑮᓇᐅᔭᖃᖅᑎᑦᑎᓲ- ᖑᒻᒥᔪᑦ ᐱᓕᕆᐊᒃᓴᓂᑦ, ᐃᓛᓐᓂᒃᑯᑦ ᑲᑐᔾᔨᖃᑎᖃᖅᖢᑎᒃ ᓂᐅᐸᐅᓐᓛᓐᒥ ᓛᐸᑐᐊᒥᓗ ᒐᕙᒪᒃᑯᖏᓐᓂ, ᐃᒡᓗᒥ ᓇᖕᒥᓂ- ᖃᖅᑎᐅᔪᓂᑦ ᐃᑲᔪᕈᒪᓪᓗᑎ ᐃᒡᓗᒥᓂ ᐋᖅᑭᒋᐊᖅᓯᓗᑎ ᐅᕝᕙᓘᓐᓃᑦ ᓄᑖᙵᕆᐊᖅᑎᑦᑎᓗᑎ. ᖄᒃᑲᓐᓂᐊᒍᑦ, ᓂᐅᐸᐅᓐᓛᓐᒥ ᓛᐸᑐᐊᒥᓗ ᐃᒡᓗᓕᕆᔨᕐᔪᐊᒃᑯᑦ ᐊᐅᓚᑦᑎᓲᑦ ᐅᓄᖅᑐᓂᑦ ᐃᒡᓗᓕᕆᔨᒃᑯᑎᒍᑦ ᐃᒡᓗᓂᑦ ᐊᑐᖅᑐᐊᖅᑕᐅᔪᓂᑦ ᓄᓇᑦᓯᐊᕗᑦ ᓄᓇᓕᖏᓐᓂ. ᓄᓇᑦᓯᐊᕗᑦ ᒐᕙᒪᖓ ᑮᓇᐅᔭᖅᑖᖃᑦᑕᖅᑐᖅ ᑲᓇᑕᒥ ᑮᓇᐅᔭᑦ ᐊᑐᖅᑐᒃᓴᓂᑦ 2016-ᒥᑦ ᐊᒻᒪᓗ 2018-ᒥᑦ, ᐊᑐᖅᑕᐅᔪᑦ ᓴᓇᓂᕐᒧᑦ ᓄᑖᓂᑦ ᐊᒻᒪᓗ ᓄᑖᓂᑦ ᐊᑐᕐᓗᑎ ᐃᒡᓗᓂᑦ ᑐᙵᕕᖃᖅᖢᑎᒃ ᐃᓄᖕᓄᑦ ᓇᓗᓇᐃᖅᑕᐅᓯᒪᔪᓂᑦ ᐱᔭᐅᔭᕆᐊᓕᖕᓂᒃ ᓄᓇᓕᐅᔪᓂᑦ. ᓄᓇᑦᓯᐊᕗᑦ ᒐᕙᒪᖓ ᐋᖅᑭᐅᒪᑎᑦᑎᓲᖅ ᐊᒻᒪᓗ ᐊᐅᓚᑦᑎᓲᑦ ᑖᒃᑯᓂᖓ ᐃᒡᓗᓂᑦ ᐊᒻᒪᓗ ᓴᓂᕐᕙᐃᖃᑦᑕᖅᑐᑦ ᐃᒡᓗᓂᑦ ᐊᒃᑐᖅᑕᐅᓴᕋᐃᑦᑐᓄᑦ ᓲᕐᓗ ᐃᓐᓇᒻᒪᕆᖕᓄᑦ, ᒪᒃᑯᒃᑐᓄᑦ ᐊᒻᒪᓗ ᐃᓚᒌᖑᔪᓄᑦ ᕿᑐᕐᖓ- ᐃᖅᑕᐅᑐᐃᓐᓇᕆᐊᓕᖕᓂᒃ ᐃᒡᓗᑭᒃᓴᖕᓂᖏᓐᓄᑦ.

ᐅᐃᒍᖓ 3: ᐃᒡᓗᓕᕆᓂᕐᒧᑦ ᓇᓗᓇᐃᒃᑯᑕᑦ

ᐊᕕᒃᑐᖅᓯᒪᔪᓂ ᐃᒡᓗᓕᕆᓂᕐᒧᑦ ᐱᔭᐅᔭᕆᐊᓖᑦ
ᑕᒪᓐᓇ ᐋᖅᑭᒃᓱᐃᓲᖑᕗᖅ ᐃᒡᓗᓕᕆᓂᕐᒧᑦ ᐱᔭᐅᔭᕆᐊᓕᖕᓂᒃ ᐊᑐᓂ ᑎᓴᒪᓂ ᓄᓇᖃᕐᕕᐅᔪᓂᑦ ᐃᓄᐃᑦ ᓄᓇᖕᒐᓂ ᐊᒻᒪᓗ ᓇᓚᐅᑦᑖᕆᔭᐅᔪᖅ ᐊᑭᖓ ᐊᓄᒋᐊᓗᐊᕈᓐᓃᖅᑎᑦᑎᓂᕐᒧᑦ ᐊᑐᓂ ᐊᕕᒃᑐᖅᓯᒪᔪᓂ, 2017 ᐃᓱᐊᓂ. ᐃᓚᖃᖃᓯᐅᑎᖏᑦᑐᖅ ᐃᓄᒋᐊᕐᓂᐅᔫᑉ ᐅᓄᖅᓯᕙᓪᓕᐊᓂᖏᓐᓂᒃ ᐅᕝᕙᓘᓐᓃᑦ ᐊᓯᖏᓐᓂᒃ ᐃᓱᒪᒋᔭᐅᖃᓯᐅ- ᑎᒋᐊᓕᖕᓂᒃ ᑐᕌᖓᓕᕈᑕᐅᒐᔭᖅᑐᓂᑦ ᐱᔭᕆᐊᖃᕐᓂᖏᓐᓄᑦ.

  ᐃᒡᓗᐃᑦ ᐱᔭᐅᔭᕆᐊᓖᑦ ᐊᖏᖓ ᐊᑐᓂ ᑭᑉᐹᕆᒃᑐᖅ ᐃᓯᒐᖕᒧᑦ Footnote 9 ᑲᑎᓪᓗᒋᑦ $ ᒥᓕᐊᓐ Footnote 10
ᓄᓇᑦᓯᐊᕗᑦ 196Footnote 11 $480.00Footnote 12 $88.2
ᓄᓇᕕᒃ 813 $353.70 $285
ᓄᓇᕗᑦFootnote 13 3,500 $485.00 $1,750Footnote 14
ᐃᓄᕕᐊᓗᐃᑦ 144Footnote 15 $525.59 $70.4
ᐳᓴᓐᑎ ᐃᓄᐃᑦ ᓇᔪᖅᑐᑦ ᐃᓄᒋᐊᓗᐊᖅᑐᓂᒃ ᐊᖏᕐᕋᓂᑦ (ᑭᒡᓕᓯᓂᐊᖅᑎᒃᑯᑦ ᑲᓇᑕᒥ, ᓈᓴᖅᑕᐅᓯᒪᔪᑦ 2016)
Long description for graph titled: Percentage of Inuit living in overcrowded homes (Statistics Canada, Census 2016)

This text represents the long description or the answer to a FAQ.

ᐳᓴᓐᑎ ᐃᓄᐃᑦ ᓇᔪᖅᑐᑦ ᐊᖏᕐᕋᕆᔭᐅᔪᓂᒃ ᐋᖅᑭᒋᐊᖅᑕᐅᕐᔪᐊᕆᐊᓕᖕᓂᒃ (ᑭᒡᓕᓯᓂᐊᖅᑎᒃᑯᑦ ᑲᓇᑕᒥ, ᓈᓴᖅᑕᐅᓯᒪᔪᑦ 2016)
Long description for graph titled: Percentage of Inuit living in homes needing major repairs (Statistics Canada, Census 2016)

This text represents the long description or the answer to a FAQ.

ᐅᐃᒍᖓ 4: ᑐᓗᖅᑕᕈᑕᐅᓲᑦ ᐋᖅᑭᒋᐊᖅᓯᓂᕐᒧᑦ ᐃᒡᓗᓕᕆᓂᐅᔪᒥᑦ ᐃᓄᐃᑦ ᓄᓇᖕᒐᓂFootnote 16

Long description for graph titled: Barriers to Improved Housing Provision in Inuit Nunanga

This text represents the long description or the answer to a FAQ.

ᐅᓪᓗᖓᓂ ᐋᖅᑭᒋᐊᖅᑕᐅᔪᖅ:
sasasas