ᖃᐅᑎᑦᓯᓂᖅ ᒪᒥᐊᓐᓂᕐᒥᒃ\ᐅᒡᒍᐊᓂᕐᒥᒃ ᐊᕼᐃᐊᒥᐅᑦ ᓅᑕᐅᑦᑕᓂᑯᐃᓂᒃ

PDF Version (82 Kb, 2 pages)

ᐊᕼᐃᐊᒥᐅᑦ ᐃᓄᑐᖃᐃ, ᒪᒃᑯᒃᑐᐃᑦ ᐊᒻᒪᓗ ᐊᕐᕕᐊᒥᐅᑦ, ᖁᕕᐊᕼᐅᒃᐳᖓ ᑎᑭᓐᒪ ᑕᑯᔭᖅᑐᖅᖢᕼᐃ ᐅᑉᓗᒥ, ᑕᒫᓃᔪᑎᕙᒃᑲᑕᐅᖅ ᑲᓇᑕᑉ ᒐᕙᒪᖏᑦ ᐊᒻᒪᓗ ᑲᓇᑕᒥᐅᓗᒃᑖ ᐅᖃᕆᐊᖅᑐᕿᒪᑎᔪᖓ ᒪᒥᐊᓐᓂᕐᒥ\ᐅᒡᒍᐊᕐᓂᒥᓗ

ᐊᕼᐃᐊᕐᒥᐅᑦ ᐊᒥᕼᐅᐃᖅᖢᑎᒃ ᓅᑕᐅᑦᑕᓚᐅᖅᒪᑕ.  ᓯᕗᓪᓕᕐᒥᒃ ᐅᖃᕆᐊᖄᑎᓇᖓ, ᐅᑯᐊ ᐃᓕᑕᕆᔪᒪᕙᒃᑲ 21 ᐊᕼᐃᐊᕐᒥᐅᑦ ᐊᓐᓇᓂᑯᑦ ᓅᑕᐅᑕᑎᔾᔪᒋᑦ ᐅᑉᓗᒥᓗ ᑕᒫᓃᑦᓱᓇᖅᒪᑕ ᐊᒪᓗ ᑎᓕᐅᕐᓂᑯᑦ, ᐱᔪᒪᓂᒃᑯᑦ ᐃᑲᔪᖅᑐᐃᓕᒃᑯᓗ ᑕᐃᒪ ᑲᑎᑎᑉᐹᑎᒍᑦ ᐅᓗᒥ.

ᐊᒻᒪᑦᑕᐅᖅ ᐃᖅᑲᐃᔪᒪᕗᖓ ᑕᐃᑯᓂᖓ ᐊᕼᐃᐊᕐᒥᐅᓂᒃ ᐃᓅᔪᓃᓚᐅᖅᑐᓂᒃ ᓅᑕᐅᑕᑎᔾᔪᒋᑦ ᐊᒪᓗ ᑕᒫᓂ ᐃᓅᔪᓐᓃᖅᑐᓄᑦ.  ᑖᓐᓇ ᒪᒥᐊᓐᓂᖅ\ᐅᒡᒍᐊᕐᓂᖅ ᐃᖃᐅᒪᔾᔪᑕᐅᕗᖅ ᑕᖅᓂᖏᓂᒃ ᐊᒪᓗ ᐃᖅᑲᐅᒪᑦᓯᐊᓂᐊᕋᑉᑎᒋᒃ.  ᐊᒻᒪᓗ ᐃᓕᑦᓯᕚᓕᕈᑕᐅᓂᐊᖅᒪᑦ ᑲᓇᑕᒥᐅᓗᒃᑖᓄᑦ ᐊᑐᖅᑕᐅᓂᑯᖏ ᐊᒃᑯᕈᓐᓇᓂᒃᑰᑎᔾᔪᒋᑦ ᑲᓇᑕᒥ.

ᐅᖃᒻᒪᕆᒃᐳᖓ ᓇᓕᒍᓱᒃᖢᖓᓗ ᐅᖃᑦᓯᐊᕈᓐᓇᓕᑕᐃᓐᓇᕋᒪ,ᐊᕼᐃᐊᒥᐅᓗᒃᑖᓄᒃ ᐅᑉᓗᒥᒧᑦ ᑎᑭᓪᓗᒍ:  ᒪᒥᐊᒻᐳᒍᑦ\ᐅᒡᒍᐊᖅᐳᒍᑦ.

ᐅᑭᐅᑦ 70-ᖃᔭᓖᑦ ᒪᐃ ᑕᖅᑭᐊᓂ 1950-ᒥ ᑲᓇᑕᑉ ᒐᕙᒪᖏᑦ ᓅᑦᓯᓚᐅᖅᒪᑕ ᐊᕼᐃᐊᒥᐅᓂᒃ ᓯᕗᓪᓕᐹᒥᒃ ᐊᑎᖅᑐᓂᐊᕐᕕᖕᒥᑦ ᕿᑭᖅᑕᒋᐊᒃᑐᒧᑦ.  ᑕᐃᒪ ᑕᒪᓐᓇ ᓅᑕᐅᓂᖅ ᓈᒪᖏᓚᐅᖅᐳᖅ ᐅᓂᑉᑳᑐᖃᓚᐅᖏᒪᑦ, ᐊᐱᕆᔪᖃᖏᖢᓂᓗ ᐊᖏᕋᓗᐊᖅᒪᒑᑖ.  ᐊᒪᓗ ᐃᑲᕋᐃᑦ ᐊᒥᓲᖏᑐ ᖄᖏᖅᒪᑕ ᐊᐅᓚᐃᔭᐅᔪᑎᒃ, ᑕᐃᒪᖓᒥ ᐃᒃᐱᒋᑦᓯᐊᖏᓂᑯᑦ ᐅᑉᓗᒥᒧᑦ ᑎᑭᑉᐳᑦ, ᑲᓇᑕᑉ ᒐᕙᒪᖏᑦᑕ ᐊᑐᑦᓯᐊᖏᓂᑯᐃ.  ᐃᓚᒌᑦ ᑎᓕᐅᖅᑕᐅᔪᑎᒃ ᑎᒥᓲᒧᓪᓗ ᐃᑭᖁᔭᐅᔪᑎᒃ, ᐊᐅᓚᖅᖢᑎᓗ ᕿᑭᖅᑕᒋᐊᑐᒧᑦ ᕿᑭᖅᑕᒧᓪᓗ ᑲᑕᐃᔭᐅᔪᑎᒃ.  ᐱᖁᑎᒋᓪᓗ ᓇᒃᓴᖁᔭᐅᖏᒪᑕ ᕿᒪᐃᕗᑦ ᑐᐱᕐᒥᓂᒃ, ᐱᖁᑎᓗᒃᑕᖃᔭᒥᓂᒃ, ᕼᐊᓐᓇᑎᑦ, ᐅᓕᒪᐅᑎᑦ, ᐱᓚᐅᑎᑦ ᐊᒻᒪᓗ ᐊᔾᔪᕌᑲᓃ.  ᑕᐃᒪ ᐃᓄᑐᖃᐃᑦ ᐅᓂᑉᑳᓚᐅᖅᐳᑦ ᑕᐅᑐᑐᐃᓐᓇᓚᐅᐳᑕᐅᖅ ᐱᖁᑎᖏᑦ ᓯᖁᑉᑎᒐᐅᔪᑎᒃ ᐊᒻᒪᓗ ᓴᐅᔭᐅᔪᑎᒃ ᐳᐊᕆᑎᓕᒃᑯᑦ ᑎᖕᒥᓲᒧᑦ ᐃᑭᖅᑳᑎᓇᒋᑦ.

ᕿᑭᖅᑕᒋᐊᒃᑐᒧᑦ ᑎᑭᒻᒪᑕ ᑲᓇᑕᑉ ᑲᕙᒪᖏᑦ ᑐᓂᓯᓚᐅᖏᓚᑦ ᐱᖁᑎᓂᒃ, ᓂᕿᑕᐃᑐᖅᒪ ᑐᐱᖅᑕᐃᑐᖅ, ᕼᐊᓇᑎᑕᐃᑦᑐᖅ ᐊᒪᓗ ᐊᓇᐅᒪᔪᑎᒃᓴᓐᓂᒃ ᑐᓂᔭᐅᖏᓚᑦ.  ᓯᓂᒃᑕᕕᒃᓴᖃᒋᓚᖅ, ᐊᒥᕐᓂᒃ ᐊᔨᐊᑲᖅᑕᐃᑐᖅ ᕼᐅᓇᑕᐃᑦᑐᖅ.  ᓂᕆᔭᓴᑕᖃᓗᐊᖏᓚ ᕿᑭᖅᑕᒥ ᓂᕆᔭᐅᔪᓐᓇᖅᑐᓂᒃ ᐃᓄᖕᓄᑦ.  ᑕᐃᒪ ᑲᓇᑕᑉ ᒐᕙᒪᖏ ᐃᑲᔪᖏᑲᓗᐊᖅᒪᑕ, ᐅᓇᓕᓄᖅᖠᖅ ᐃᑲᔪᒐᐅᓂᖅᓴᐅᑕᓚᐅᖅᐳᑦ ᓂᕿᓂᒡᓗ ᐱᖁᑎᓂᓗ ᑐᓂᔭᐅᔪᑎᒃ.  ᐊᔪᖅᓴᓇᑐᒧᑦ ᐃᓅᓯᕐᒧᑦ ᑎᑭᑕᐅᓯᒪᑎᔾᔪᒋᑦ ᐊᕼᐊᕐᒥᐅᑦ ᐃᓚᖏᑦ ᐊᓐᓂᐊᓕᖅᖢᑎᒃ ᐊᒻᒪᓗ ᐃᓅᔪᓐᓃᑐᖃᓚᐅᖅᖢᓂ.  ᐅᑭᐊᖓᓂ 1950ᑉ ᖃᐅᔨᒐᒥᒃ ᐊᓐᓇᐅᒪᓇᓚᖏᖂᒪᑦ ᐅᑎᕈᐊᓕᓚᐅᖅᐳᑦ ᐊᑎᖅᑐᓂᐊᕐᕕᒧᑦ, ᐊᕼᐃᐊᒥᐅᑦ ᑕᖅᑭᓂᒃ ᐱᖓᓱᓂᒃ ᐱᓱᓚᐅᖅᐳᑦ, 100-ᒪᐃᓕ ᐅᖓᑕᐅᔪᒍ, ᐱᔭᕆᐊᖃᕋᒥᒃ ᐱᓱᒃᐳᑦ ᐅᑭᐅᒻᕆᐅᓕᖅᑎᔪᒍ.

ᐊᕼᐃᐊᒥᐅᑦ ᖃᐅᔨᒪᕗᑦ ᓄᓇᑐᖄᑦ ᐊᑎᖅᑐᓂᐊᕐᕕᒃ ᐊᓐᓇᐅᒪᓐᓇᖅᒪ ᐅᑭᐅᓂ ᐊᒥᕼᐅᓂ ᖄᖏᖅᑐᓂ.  ᖃᐅᔨᒪᕗᓪᓗ ᐃᖃᓪᓕᕆᔪᓐᓇᖅᒪᑕ ᑐᒃᑐᖃᓗᐊᖏᓕᕌᖓ.  ᖃᐅᔨᒪᕗᓪᓗ ᓄᓇ ᖃᓄᐃᒻᒪᖔ, ᑕᕼᐃᕋᓗᐃ ᖃᐅᔨᒪᔪᓂᑎᒋᒃ.  ᑭᕼᐃᐊᓂ ᑲᓇᑕᑉ ᒐᕙᒪᖏᑦ ᖃᐅᔨᒪᓇᕼᐅᒋᔪᑎᒃ, 1957-ᒥ ᐃᓱᒪᔭᐅᓕᓚᐅᕆᕗ ᓅᑎᑦᑎᕼᐅᐊᓕᒥᔪᑎᒃ.

ᑕᐃᒪᓕ, ᐊᕼᐃᐊᕐᒥᐅᑦ ᓅᑕᐅᓕᕆᑦᔪᑎᒃ ᕼᐅᕋᓕᖕᒧᑦ, ᐅᖓᕼᐃᒃᑐᒧᑦ.  ᑕᐃᒪᕼᐅᓕ ᓅᑕᐅᒋᕗᑦ ᐊᕼᐃᐊᒥᐅᑦ ᐊᐱᕆᔭᐅᖏᔪᑎᒃ, ᐊᖏᖅᑭᒪᖏᑲᓗᐊᖅᑎᔪᒋᑦ.  ᐊᐅᓚᖄᑎᓇᒋᑦ ᒐᕙᒪᑦ ᐱᓕᕆᔨᖏᑦ ᐅᖃᐅᑎᔭᐅᓚᐅᕋᓗᐊᖅᐳᑦ ᐊᕼᐃᐊᕐᒥᐅᓄᑦ ᓂᕐᔪᑎᖃᒃᓯᓚᖏᒪᑦ ᓄᓇ ᐅᖁᐅᓯᕆᔭᐅᔪᖅ ᐃᓄᐃᓪᓗ ᑲᓕᑐᐃᓐᓇᕆᐊᖃᖅᒪᑕ.  ᑕᐃᒪ ᓅᑕᐅᓂᖅ ᑲᔪᓯᒋᕗᖅ ᐋᕿᓯᒪᖏᔪᓂ, ᐊᕼᐃᐊᒥᐅᑦ ᐱᖁᑎᖃᑦᓯᐊᖏᔪᑎᒃ ᐃᑲᔪᖅᑕᐅᖏᔪᑎᒡᓗ.  ᐊᕼᐃᐊᒥᐅᑦ ᑎᖕᒥᓲᑯᒃ ᐊᐅᓪᓚᐃᔭᐅᒋᕗᑦᑦ ᓄᓇᒧᑦ ᐃᓕᑕᖅᓇᖏᑦᑐᒧᑦ, ᐊᕐᕕᓂᓕᑐᐃᓐᓇᕐᓂᒃ ᕿᒻᒥᓂᒃ ᓇᒃᓴᖅᖢᑎᒃ.

ᐱᖁᑎᑕᖃᓗᐊᖏᑐᖅ ᑕᐃᒪ ᑐᐱᕐᓂ ᕿᒪᐃᒐᓗᐊᖅᖢᑎ ᕿᔪᖁᑎᐊ      ᒪᒥ ᓂᕿᑦ, ᑭᓯᐊᓂ ᓄᖑᑲᐅᑎᒋᕗᑦ.  ᑕᐃᒪᓇᕼᐅᓕ ᐊᕼᐃᐊᕐᒥᐅᑦ ᐊᔪᖅᓇᓂᒃᑯᑦ, ᐱᑦᓯᐊᖏᓇᓂᒪᓪᓗ ᑎᑭᑕᐅᒋᕗᑦ.  ᑲᓇᑕᑉ ᒐᕙᒪᖏᑦ ᐊᐅᓚᑦᓯᔪᑦ ᐸᖅᓇᓯᒪᖏᔪᑎᒃ ᐱᑦᓯᐊᖏᑎᑦᓯᒋᕗᑦ.

ᐊᕼᐃᐊᕐᒥᐅᑦ ᖃᐅᔨᒪᓚᐅᑑᒐᓗᐃᑦ ᑐᒃᑐᖃᓗᐊᖏᒪᑦ ᓂᕐᔪᑎᓪᓗ ᐊᔪᖅᓇᓂᖅᓴᐅᒪᑕ ᓄᓇᒥ ᑕᒫᓂ ᓂᕿᒋᔭᐅᓇᔭᖅᑐᓂᒃ ᐃᓄᖕᓄᑦ.  ᑕᐃᒪ ᑳᓇᓂᖅ ᑎᑭᔪᓂᓗ ᐊᕼᐊᒥᐅᑦ ᐊᖑᑕᐃ ᐊᓱᕈᕋᓗᐊᖅᖢᑎᒃ ᓂᕿᑖᓂᓗᒃᖢᑎ ᐊᔪᖅᓇᓯᕗᖅ.  ᑕᐃᒪ ᐊᖑᑎᑦ ᒪᖃᐃᑦᑑᒐᓗᐃᑦ ᑎᒍᓯᒪᑕ ᓂᕿᓂ ᐅᔭᕋᒃᑕᕆᐊᑦ ᓯᕐᓗᐊᖓᓐᓂᑦ, ᑎᒃᓕᑎᑎᑐᑦ ᑕᐅᑐᒐᐅᓕᖅᖢᑎᒃ.  ᑕᐃᒪ ᑳᑑᒐᓗᐃᑦ ᑳᓂᖅ ᐃᓱᓚᒋᖏᓂᖅᑲᐅᔪᒍ, ᐊᓐᓇᐅᒪᓂᓗᓂᕐᓗ ᒐᕙᒪᑦ ᐱᓕᕆᔨᖏᑦ ᑎᒍᓯᕗᑦ            ᐊᖑᑎᓂᒃ ᑎᒍᔭᐅᔪᑎᓪᓗ, ᐊᒃᓱᕈᕐᓇᕐᓂᖅ ᐊᑐᒐᐅᒐᓗᐊᖅᑎᔪᒍ.  ᑎᒍᔭᐅᓯᒪᑎᔪᒋᑦ ᐊᕐᕕᐊᓂ ᑖᐃᒪ ᐊᖑᑎᑦ ᑎᒥᒃᑯᒃ ᐊᒃᓱᕈᖅᓇᑐᒥ ᐱᓕᕆᑎᑕᐅᓚᐅᖅᐳᑦ ᐊᖑᑎᓗ ᐃᓚᖓᑦ ᑕᐅᑐᒍᖕᓃᖢᓂ ᐱᒃᓯᕕᐅᒐᒥ ᐅᔭᕋᕐᓄᑦ ᑲᐅᑕᐅᔭᑕᒥᓄᑦ.

ᑳᑐᑦ ᐃᓚᒌᑦ ᕼᐃᐅᕋᓕᒥ ᓂᕿᑕᐃᕈᑎᒃᒪᑦ ᓱᓇᒥᐊᓂᒃ ᓂᕆᓂᓗᑕᓕᓚᐅᖅᐳᑦ:  ᑐᒃᑐᑦ ᐊᒦᓂᒃ, ᐊᕿᒡᒋᖅ ᐊᑕᐅᓯᖅ ᓂᕆᔭᐅᔪᓂ ᖁᓕᓄᑦ ᓄᑕᖅᑲᓄᑦ ᐊᒻᒪᓗ ᐃᖃᓗᒃ ᐊᑉᑯᓯᐊᓗᒍ ᓂᕆᔭᒃᓴᐅᓂᐊᕐᓗᓂ ᐅᑉᓗᓄᑦ ᐊᒥᓱᓄᑦ.  ᐊᓈᓇᒋᔭᐅᔪᓗ ᑳᓗᐊᓂᑯᒧᑦ ᐊᒫᒪᒃᑎᑦᓯᓂᖅ ᐊᔪᓕᖅᖢᑎᒃ.  ᐊᓐᓂᐊᑐᓪᓗ ᐃᓄᑐᖃᐃᓪᓗ ᐃᒡᓕᒦᒋᓇᓕᖅᖢᑎᒃ ᐅᑉᓗᓂ ᐊᒥᓱᓂᒃ ᑕᖃᐃᑦᓯᐊᓂᐊᖅᒪᑕ.  ᐊᓱᕈᕐᓇᑐᒃᑰᑎᔪᒋ ᐊᕼᐃᐊᒥᐅ ᐃᓚᖏᑦ ᑐᖁᓚᐅᖅᐳᑦ ᐱᕐᓕᖅᖢᑎᒃ ᐊᒪᓗ ᕿᕐᕋᖢᑎᒃ.  ᑭᓯᐊᓂ ᒪᕐᕈᓂ ᐊᕐᕕᓂᓖ ᐃᓅᔪᓐᓃᓯᒪᓕᖅᑎᔪᒋᑦ ᐅᑭᐅᖓᓂ 1958, ᐃᓄᐊᖅᓯᔪᖃᓚᐅᖅᖢᓂ ᐊᒪᓗ ᐃᓚᖓᑦ ᐊᑭᓂᐊᕐᓂᑯᑦ ᑕᐃᒪ ᒐᕙᒪ ᐃᑲᔪᕆᐊᓕᑕᐃᓇᐳᑦ, ᑭᓯᐊᓂ ᐊᓐᓇᒃᑐᐃᑦ ᐱᓱᒋᐊᓕᓚᖅᖢᑎᒃ ᑭᖓᔪᐊᓕᖕᒧᑦ ᐃᑲᔪᖅᑐᓴᓂᒃ ᕿᓂᖅᑐᐃᑦ.  ᐊᐅᓚᐃᔭᐅᔪᑎᒃᓗ ᐊᕐᕕᐊᓄᑦ.

ᖄᖏᐊᓂᒃᑲᓗᐊᑎᔪᒋᑦ ᐊᒃᓱᕈᓐᓇᓃᑦ, ᐃᓅᓯᕐᒧᓗ ᐊᑐᑦᓯᐊᖏᓂᑯᑦ ᐃᓚᖏᓄᑦ ᑕᐃᒪ ᐊᕼᐃᐊᕐᒥᐅᑦ ᑲᒪᒋᔭᐅᓯᐊᓚᐅᖏᓚ ᓱᓕ.  ᐊᕐᕕᐊᓄᑦ ᑎᑭᒪᑕ ᑎᒍᔭᐅᓯᒪᓕᖅᖢᑎᒃ ᐳᑭᖅᑕᓕᖕᓄᑦ, ᑐᒃᑐᑦ ᐊᔾᔪ˙ᕌ ᐊᑦᑕᑰᒐᐅᔪᑎᒃ ᐊᒻᒪᓗ ᐃᓄᐃᑦ ᐃᓕᖅᑯᕼᐃᖏ ᐊᑐᖁᔭᐅᖏᓕᖅᖢᑎᒃ, ᒧᒥᖅᑕᕈᔭᐅᔪᖕᓃᖢᑎᓗ.  ᐃᓄᐃᑦ ᐃᓚᖓ, ᕿᒡᒋᖅ ᐊᐱᖅᓱᒐᒃᓴᒍᖅᖢᓂ ᐊᖑᒻᒥ ᐃᓄᐊᓯᓚᐅᖅᒪᑦ , ᐅᐃᖓᓂᒃ ᐃᓄᐊᖅᓯᓚᐅᖅᒪᑦ.  ᐃᖅᑲᑐᒐᐅᒐᓂᒃᒪᑦ ᐸᓯᔭᒃᓴᐅᖏᖢᓂᓗ ᑭᓯᐊᓂ ᐊᒃᓱᕈᕐᓇᓂᐅᓚᐅᖅᑐᓪᓗ ᐊᕼᐃᐊᕐᒥᐅᓄᑦ ᐃᓗᒥᐅᑕᕆᔭᐅᕗᑦ ᐅᑉᓗᒥᒧᑦ.

ᐊᕐᕕᐊᓂᑦ ᐊᕼᐃᐊᒥᐅᑦ ᑕᐃᒪ ᒪᕐᕈᐃᖢᑎᒃ ᕼᐅᓕ ᐊᐅᓚᐃᔭᐅᓚᐅᕆᕗᑦ, ᓯᕗᓪᓕᕐᒥᒃ ᑲᖏᖅᖠᓂᕐᒧᑦ ᐊᒻᒪ ᓄᓇᒋᖁᔭᐅᔪᒧᑦ ᑎᑭᕋᕐᔪᐊᕐᒧᑦ.  ᑕᐃᒪ ᓅᑕᐅᒐᔪᓗᐊᓂᑯᒧᑦ ᐃᓕᖅᑯᓯᕆᕙᓚᐅᖅᑖ ᓄᓇᒦᖁᓯᖏᓪᓗ ᐱᑦᑯᐃᓕᖅᐸᓕᐊᓕᖅᖢᓂ.  ᐃᓄᑐᖃᐃᑦ ᐅᖃᐸᒃᑐᐃᑦ ᐊᓚᖕᖑᐊᒐᐅᖏᓐᓇᑐᑦ, ᐅᖃᐅᕼᐃᑐᖃᒥᓂᓗ ᐳᐃᒍᖅᐸᓕᐊᔪᑦ ᐊᒻᒪᓗ ᐃᓅᕼᐃᕐᒥ ᓄᑖᒥᒃ ᐊᑐᕆᐊᖃᓕᖅᖢᑎᒃ ᐊᒻᒪᓗ ᓂᕿᑦ ᐊᔾᔭᑦ ᓂᕆᔭᒃᓴᑦ.

ᓅᑕᐅᑕᓂᑯᓚᐅᖏᑦ ᐊᕼᐃᐊᒥᐅᑦ 1950 ᐊᒻᒪᓗ 1960 ᐊᑯᓐᓂᖓᓂ ᐱᓕᕆᐊᕆᔭᐅᓯᐊᓚᐅᖏᑉᐳᑦ, ᓲᕐᓗ ᖃᐅᔨᒪᖏᑐᓄᑦ ᐅᐊᑕᐅᔪᑦ ᑕᐃᒪ ᐱᑦᓯᐊᖏᑦᑐᖃᕕᒡᔪᐊᓚᐅᖅᐳᖅ.  ᑖᒃᑯᐊ ᓅᑕᐅᒐᔪᓗᐊᓂᑯᒧᑦ ᐃᓕᖅᑯᓯᖏᑦ ᐃᓅᓯᖏᓪᓗ ᐊᒃᑐᖅᑕᐅᓯᒪᓚᐳᑦ ᐃᓅᓯᕐᓗᓂᕐᒧᑦ.  ᐅᑉᓗᒥᒧᑦ ᑎᑭᔪᒍ ᐊᕼᐃᐊᒥᐅ ᐅᖓᕼᐃᒃᐳᕼᐅᓕ ᓄᓇᑐᖃᖅᒥᓂᑦ ᐊᑎᖅᑐᓂᐊᕐᕕᒧᑦ ᐊᒻᒪᓗ ᑭᓯᐊᓂ ᐳᐃᒍᓚᐅᖏᓚᑦ ᐃᓚᓐᓈᒥᓐᓂᒃ ᐊᒻᒪᓗ ᐃᓚᒻᒪᕆᖕᒥᓂ ᓄᓇᖃᖃᑎᒋᖏᓕᕋᓗᐊᖢᒋᑦ, ᓅᑕᐅᓂᑰᒐᓗᐊᖅᖢᑎᒃ.

ᑲᓇᑕᑉ ᒐᕙᒪᖏᑦ ᑕᐃᒪ ᐃᓕᑦᓯᔪᓐᓇᓚᐅᐴᒐᓗᐃᑦ ᐃᓕᑕᖅᓯᓗᑎᒡᓗ ᑕᒻᒫᔭᕐᓂᑯᒋᓚᐅᕐᒥᓂᒃ.  ᑕᐃᒪ ᐊᑯᓂᐅᓚᖅᑐᒐᓗᐊᖅ ᐅᑉᓗᒥᒧᑦ ᑎᑭᔾᔪᒍ ᐊᒻᒪᓗ ᐅᖃᕈᓇᓕᑕᐃᓐᓇᖅᐳᒍᑦ ᐊᑐᕐᓂᑯᓚᐅᑉᑎᓂᒃ ᑕᒫᔭᓚᐅᕋᑦᑕ ᐊᒻᒪᓗ ᐅᒡᒍᐊᖅᐳᒍ\ᒪᒥᐊᑉᐳᒍᑦ ᑕᒻᒪᓂᑯᑦᑎᓂᒃ

ᐅᒡᒍᐊᕋᓗᐊᖅᐳᒍᑦ\ᒪᒥᐊᒃᑲᓗᐊᖅᐳᒍᑦ ᓅᓚᐅᕋᑦᑎᒋᒃ ᐊᕼᐃᐊᒥᐅ ᐊᑎᖅᑐᓂᐊᕕᒥᑦ.  ᐅᒡᒍᐊᐳᒍᑦ\ᒪᒥᐊᑉᐳᒍᑦ ᐊᕼᐃᐊᒥᐅᑦ ᐊᒃᑯᕈᕕᔪᐊᓚᐅᒪᑕ -- ᑭᓇᐅᓂᒥᓂᒃ, ᐱᕐᓕᑐᖃᖅᖢᓂ, ᑐᖁᔪᖃᖅᖢᓂ -- ᐱᓕᕆᐊᕆᑦᓯᖏᓂᑯᑉᑎᓄᑦ.  ᐅᒡᒍᐊᖅᐳᒍ\ᒪᒥᐊᑉᐳᒍᑦ ᐱᑦᓯᐊᖏᑕᐅᓚᐅᕋᑉᐱᓗ ᐃᒃᐱᒋᔭᐅᖏᔪᕼᐃᓗ, ᐃᓅᕼᐃᑦᐊᖃᕆᐊᖃᓚᐅᕋᓗᐊᕋᑉᐱ.  ᑭᖑᓕᖅᐹᒥᒃ, ᐅᒡᒍᐊᖅᐳᒍᑦ\ᒪᒥᐊᑉᐳᒍᑦ ᐅᑭᐅ ᐊᒥᕼᐅᑦ ᑳᖏᖅᒪᑕ ᐊᖏᖃᑎᒌᓂᓗᒃᑎᔪᑕ ᓅᑕᐅᑦᑕᓂᑯᓚᐅᑉᐱᓂᒃ  ᑕᒻᒫᔭᓂᑯᑦᓂᒃ ᑳᖏᓯᒪᓕᖅᑐᓂᒃ

ᐊᒥᕼᐅᑦ ᐱᓕᕆᐊᕆᔭᐅᑦᓯᐊᖏᓂᑯᑦ ᑲᓇᑕᒥ ᖄᖏᖅᓯᒪᓕᖅᑑᒐᓗᐃᑦ, ᐊᕼᐃᐊᒥᐅᑦ ᓅᑕᐅᑦᑕᓂᑯᐃ ᐱᑦᓯᐊᒋᓂᖅ ᐊᑐᒐᐅᔪᓂ, ᑭᓯᐊᓂ ᐱᔪᓐᓇᕐᓂᑕᖃᓚᐅᖅᐳᖅ. ᐊᒃᓱᕈᕕᔪᐊᓚᐅᕋᓗᐊᑐᓯ ᑕᐃᒪ ᐊᕼᐃᐊᕐᒥᐅᑦ ᐊᓐᓇᒃᐳᑦ ᐱᕈᖅᐸᓕᐊᔪᑎᓗ ᐊᒻᒪᓗ ᐳᐃᒍᖅᑎᑎᑦᑕᐃᓕᔪᑎᒃ ᐃᓕᖁᓯᒥᓂᒃ, ᓂᐱᖃᖅᐳᓗ.

ᖃᐅᔨᒪᒐᓗᐊᖅᑐᖓ ᐅᒡᒍᐊᓂᖅ\ᒪᒥᐊᓐᓂᖅ ᐋᑮᓚᖏᑐᖅ ᐊᓐᓂᓂᑯᑉᓯᓂᒃ, ᐊᒃᓱᕈᓂᑯᑉᓯᓂ, ᐳᐃᒍᐃᔪᓇᖏᑦᑐᓯ ᐊᑐᑕᐅᓯᐊᖏᓂᑯᓂᒃ ᐊᒪᓗ ᐃᓚᓚᐅᑉᐱᓂ.  ᑭᓯᐊᓂ ᐱᐊᓂᓂᑯ ᖃᖏᖅᑐᑦ ᐊᔾᔭᖑᓚᖏᒪᑕ ᐃᓕᔪᑎᒋᔪᓐᓇᖅᐸᕗᑦ ᐊᒻᒪᓗ ᐃᓕᖅᑯᓯᓚᐅᕗ ᐊᒻᒪ ᓯᕗᓂᓴᒧ ᐱᓱᒪᓂᖅᓴᐅᓂᓗᑕ.  ᖃᐅᔨᒪᓕᖅᐳᒍᓪᓗ ᑲᓇᑕᑉ ᒐᕙᒪᖏᑦ ᓅᑦᓯᓚᐅᖅᒪᑕ ᐊᕼᐃᐊᒥᐅᓂᒃ ᓄᓇᒋᔭᓯᓂᑦ ᐊᒻᒪᓗ ᐃᕼᐅᒪᑕᐅᕼᐊᖅᖢᑎᒃ ᐃᒃᐱᒍᓱᖏᔪᑎᓗ ᓄᓇᖃᐅᕼᐃᑉᐱᓂ ᐊᒻᒪᓗ ᐃᓄᑐᖃᕐᓂᑦ ᐃᓂᓕᓐᓂᑯᑉᓯᓂ.  ᐃᖅᑲᐃᓂᖅ ᐱᑦᓯᐊᖏᑕᐅᓂᑯᓂ ᖃᖏᖅᑭᒪᓕᖅᑐᓂᒃ ᑕᐃᒪ ᐱᔪᓇᓂᖃᕈᒋᕙᕋ ᐅᑉᓗᒥ ᐅᒡᒍᐊᓂᖅ\ᒪᒥᐊᓐᓂᖅ ᐱᒋᐊᕈᑕᐅᔪᓐᓇᖅᒪᒻ ᒪᒥᕼᐊᓂᕐᒧᑦ ᐃᓄᕼᐃᑦᓯᐊᕐᒧᑦ ᐊᒻᒪᓗ ᑐᑭᓯᖃᑎᒌᕙᓪᓕᐊᓂᕐᒧᑦ, ᑲᓇᑕᑉ ᒐᕙᒪᖏᓄᓪᓗ ᐊᕼᐃᐊᒥᐅᓄᓪᓗ, ᐊᒻᒪᓗ ᓯᕗᓂᕆᓂᐊᒃᑲᕗ ᖃᐅᒪᓂᖅᑲᐅᓗᓂᓗ ᐱᔫᒥᓇᕐᓗᓂᓗ.

ᒪᑦᓇ