opîkiskwewina kihchtwâwisiwin Pope Francis, Maskwacis

iskwew kihci-okimâskwêw otatosekwa,
napew,kânata ka nîkânet,
Nêhiyâw ayisiyiniwak ohci maskwacis êkwa ôma askîwin kânata,
Niwahkomâkanak!

ê-kî-pehowiyan ôta ka pê-itoteyan êkwa wîcihiwitakohk! ôta, ohci ôma ôta kakî âhkwahk kiskisiwina, nîkân nimâcihtân nimâmitoneyihten ôma mihtâtahk wâhyaw ohci ka pê-ayamihayan, nipêtôtân ôta nêhiyâw askîwin ka wîtamatakohk nimihtâten kekoc, ka pônêyihtamâkoyak kisê manito, miyw-âyâwin êkwa miyo wicehtowin, ka wihtaman nisakihiwewin êkwa ka wîcikakesimoyan êkwa ka kihcihtwâwan wapahta masinahikan atoskewikamik ayamihâsatmatân.

nikiskisin mamawopowina kakî âyak Rome newo pîsim aspin. êkospi, nikî-mekawin nîsôskân maskisina taskoc kiskinowâcihcikan anima kakî kakwataketacik nêhiyâw awâsisak, wâswîs anihki, kîsinâc, môy wîhkâc ohci pê-kiwecik ohci kiskinwahamâkêwikamikohk. nikî-kwechimkawin ka kiwetayan pe-itôteyani kânata, êkwa nikatôten iskweyanihk ôhi pîkiskwewina, nika kiskisin tansi isi chahkipehik, ayisk ka miyaskamihk tânitahto pîsimwak pimâtisimakan nikaskeyihtamowin, kisôweyihtamowin êkwa ninepewisiwin. ê-kiskisitotawaki aniki awâsisak tapwe maka áhkwan; kisîhkiskakinaw ka astoskatamak kehcinahiweyak pêypêyak awâsis ka kwayask ka pamihinet kiki sâkihitowin, mistahi kiteyemiht êkwa ka manâtcihet. Papeyakwan mîna, anihi maskisina kiwihtamakonaw tânima pimohceskanas ka pimitisahamak, pimohtewin ka niso osihtayak. ki-nohtê nisotânaw, ka wichi-ayamihayak, êkwa ka wîtatoskemitoyak, êkosi wisakapinewin ohci kayas kakî itotahikonaw kwayaskomowewinihk nîkân, ka nanâtawihiwiyak êkwa ka miyo wicehtoyak.

eyoko ohci nistam ôma wâhyaw ohci ka-pê-ayamihayan mekwânohk kiya ôta kitaskîwak, kayas ohci kî-pê-wîcihiwewak nêhiyâw ayisiyiniwak. ôhi askîya kipîkiskwatokonaw; mîna kikiskisinaw.

ka kikiskisiyak: niwahkomâkanak, ki-pê-wîkinawaw ôhi askîya mihcet, kihci mitâtahtomitanaw askîya ê-pimitisahamihk pimâtisiwin kwayask ka manâtcitayek askîy kakî kahtinamihk ohci âniskac kiwahkomâkanak êkwa ê-kanawayihtamowayihkohk aniki kîyapic ka-pê-âyacik. kimanachitânawaw miyikosiwin kisê manito ka mekihk asici kotakwak êkwa ka sakihitak isi miyo-wîcêhtamihk kahkiya kîkway ka pimâtahk, metoni sohkeyihtamihk wicehtomakahk kahkiya ka pimâtisimakahk. omisi, kikiskinohamâkosin ka kanaweyitamak kîkway ôma peyakohewamak êkwa ka osihtayak ka sohkahk peyakôskân tastaw âniskac, mistahi ka iteyehmayakohk kikehtemak êkwa ka nakatokeyak kitawasisiminawak. kiweyotisinaw kwayask iyinihkêwin êkwa kiskinwahamakewina, pîhtèyas ê-pikweyihtamekoyakohk kotakahk, tâpwewinihk, sohkeyimow êkwa manâtcetowin, tapahtêyimowin, kwayaskwesihcikewin êkwa ka nakacihtâhk iyinisowin!

maka kîspin êwakwâniki nistam tahkoskewina kakî otinamihk ôta askîwa, pimohceskanas isi kiskiskisowinihk kitotayihikonaw, pîkiskâci, aniki kakî pimitisahakohk. ôta ka mâwacihitoyak kawi pihcâyihk kwatakeyimon êkwa nimositân mitâtâtamowin ohci tânitahto pîsimwak. nâway nimâmtoneyihten isi kakî wespinac ka ketahkamahk tahtw-kiyawaw, kipeyakôkân êkwa kimâmawâyâwinavkîkiskeyihitamok; kîkway ka wîhtamawiyek ohci wisakeyihtamowin kakî pê-wapahtamihk kiskinwahamâkewikamikohk. ôhi naspâc itôtâmowina kawi mîna kosokonowemakaki ka tasîtamihk; nikiskeyihten mîna anohc ôma nakiskâtowin kakî kiskisinawaw kayas kisikisiwina êkwa wisakeyihtamowina, êkwa mihcêt kiyawaw namôya kinahêyihtînawaw ka pîkiskweyan. maka kwayask anima ka kiskisihk, ayisk wanikiskisisiyako kakî ahkwatisinow êkwa kakî itwek "âsitê sâkihitowin isi namôya pakwâtitowin, anima ahkwâtisiwin…êkwa âsitê pimâtisiwin namôya nipiwin, anima pakwâtitowin" (E. WIESEL). ka kiskisihk kitimahewin kakî ispayik tânitahtoyak kiskinwahamâkêwikamihkohk wîsakatan, kisiwasonanawin, ka wîsakahpinehk, êkwa poko ka kiskeyihtakwahk.

natawêyihtâkwan poko ka kiskisihk tansi oyasowewina ê-kî-apachitak ohci kayenihtok êkwa kamaskatohk ka nêhiyâwek, kiki mîna ôhi kiskinwahamâkêwikamihkwa, ka misiwanâciyacik ayisiyiniwa ôta askîhk, ispîhk wâpisikihiwiyâsak nistam ka takotecik ôta, kî-ihtakon mihcet nahipayina ka petak ka mînisowik Nakiskatewin tastawic isihwawina, âniskotôtamowin êkwa tansi kîsenakwahk ahcahkowiwin. maka namôya êkosi ohci ispayin. kîhtwam, nimamitoneyihiten acimowina kawihtamihk: tansi oyasowewina kî-kayeniht kî-totamohew ka mèskochi pimâtisicik nêhiyâw ayisiyiniwak; mîna sapo ôhi kiskinwahamâkêwikamihkwak kî-atiht metawâkewak êkwa nakinimok kipîkiskweniwaw êkwa isihwawina; êyikohk awâsisak nanôcihêcik, nawêyicimecik, mâmitoneyihcikan kitimahicik êkwa ahcâhk kitimahicik; ê-kî-otinecik ohci wîkiwak ê-awasisiwicik, êkwa tansi ê-kî-pîkonakohk ka isi sakihihat ka wahkomakan tastawic nîkihikomâw êkwa awâsisak, kêhtê-ayimawak êkwa osisimawak.

ninanâskomon ê-totamowihyik ka moyetaman ôma, ê-achimostawihk ka pmiwitamihk kiyapic, ê-matinamawehihk wîsakaki kiskisiwina. anohc ôta nitayan, ôta ôma askîhk, kiki kayas kiskisiwina, mâwacihipayina ocesiswina ohci tawaki kiskiciniwina. ôta nitayan ayisk nistam tahkoskewin pê-ayamihayan ohci kiyawaw ka kâsinamâwiyak, mîna asamina peyakwaw kitimâkêyihitiminawaw. kitimâkinâwinan kakî keko, nimihtatenan, mihcet ayamihewatiswak kî-sihtosamok ka tipeyamikewikwak ohci kakwâtakehiwin nêhiyâw ayisiyiniwak. nimiciyawêsin. nitotaman poneyihtamakosiwin, wâswîs, eta kakî wîchitocik mihcet ka wekit ayamehewikamkohk êkwa kotaka ayamehi mâmawâwina, ataht misi-pîtos ê-kî-ayamehacik, ka misiwanâcihetacik isistâwin êkwa tôtamohacik kayeniht ohci kichi-okimânâhk êkospihk, ohcayiki Kaisipayiki ôhi kiskinwahamâkewikamikwa.

ataht ayamihewatisiwin mekiwin ê-kî-ihtakohk, êkwa mihcêti acimowina ê-wâpahtamok ayamihâwin êkwa ka nakatokeyihk awâsisak, misiwêta isipaycikewina ôhi oyasowewina âniskômakamaw isi kiskinwahamâkêwikamikwa kî-mâyipayona. niwihtamakona ayamihewahawin tâpwêhtamowina misi mâyipayiwin, ekâ kwayask wîchimakan ohci ayamihawin Jesus Christ. âhkwan ka mâmitoneyihtamek tansi metoni ka asanak askîhk ôhi tâpwehtamowina, pîkiskwewina êkwa isihtawina miyo nistaweyimowewin ohci kitayisinimiwak kî-mescipayin, êkwa kiyapic ê-tipayitayik ôma. nakiskamihk ôma ka maci itinikêyik macâtisiw, ôma ayamihewikamik ohcekwanapistawet kisê manito êkwa kâkesomototahtb ka kâsinamak ohci pâstâhowina ohci otawasisima (cf. John Paul II, Bull Incarnationis Mysterium [29 ihkopiwi-pîsim 1998]. 11:AAS 91 [1999], 140). nitakâwâten ê-pasikôsitaman ôma, kiki nepewisiwin êkwa namôya nîkî-nisitohten. tapahteyimok nipakosihmon poneyihtamowin ohci macâtisiwa mihcet ayamihwatisak Kakî itotawacik nêhiyâw ayisiyiniwak.

ami niwahkomâkanak, mihcet kiyawaw êkwa kinokosistamakewak itwewak ka nitotamayik poneyihtamawin namôya tasi ka kisipayin meyewiwin. nitapwetin:peyak poko tahkoskewin, machihtawin. mîna ninistawinen, "otânânhk ka itapîhk, namôya ka kwechihkemok poneyihtamawin êkwa ka natonamihk ka nânpâcihtâk mâyitôtâkewin namôya wihkach ka tepipayihtawak" êkwa "nîkân ka itapihiyak, namôya kîkway ka manâcitak kocîtawin ka osihitak isihtwawin ka kaskitâhk nakimahk ka ispayihk" (Letter to the People of God, 20 ohpahopîsim 2018). kihci kîkway ôma itôtâmowin ka pimipayitahk tâpwêkam natonikehk tâpwê wiya ani tansi ispayihk kayas êkwa kanîsohkamacik opaspiwak ohci kisiskinwahamêwikamikwa miyopayiwin kîhkêcik ohci wîsakachihona kakî kakwâtakehicik.

nimamisin êkwa nitayamihan aniki ayamihewatisak êkwa peyakopemacehowin ayisiyiniwak ôta askîhk kakî oppikihk kaskihtâyak ka naheyihtamak êkwa ka manâtcitahk êkwa ka itôtakohk nêhiyâw ayisiyiniwak. nipakoseyimon manitohkewin ka miskamihk osihcikehk aniki ayisiyiniwak kwayask ka kiskeyihimecik êkwa kihcihkawisiwicik, êkosi kakiyaw kiskinohamâtoyak ka isi mâmawi pimohteyak. niya wiya, niwî-sîhkimawak ka kocîtacik kakiyaw ayamihewatisisak ka sihtoskawacik nêhiyâw ayisiyiniwa. niya êkosi nitoten nanâtohtaw êkwa kîkway ka ispayihk, ka nakiskâtohk, ninatohtam êkwa nikî-masinahen Apostolic Exhortation. nikiskeyihten kakiyaw ôma namôya sêmak ka ispayin êkwa poko ka sîpeyihtaman. ê-pîkiskwatamak ôhi kîkwaya ka sapo-itehi sakahkocik. nisîpeyihtamowin ôta êkwa asotamowin ohci ôki kânata kihci-ayamhêwiyiniwak kiwapahtenawaw naka âhkameyihtenan ôma pimohceckanas.

ami nitotemak, ôma kantawi ayamihahk ka isyayin tânitahto kisikawa êkwa tânitahto ayâhk wâyaw isi; ahpônâni, namôya nika-kaskiân ka itotan mihcet êta ka wihkokawiyan âtâ nitomikwin taskoc ôhi ôtenawa Kamloops, Winnipeg êkwa pahpitos êta Saskatchewan, Yukon êkwa Northwest Territories, maka mahti êsa kakiyaw kakî-kiskeyihtamihk kimâmtoneyihimtinawaw êkwa kitaymihstamawaw. ka kiskayihtamihk nistaweyeten ôhi wisakahpinewina êkwa kakwataketawina, ka nayihtawiyik êkwa ka mawinehotowina, kakî ka pê-sapotîcik nêhiyâw ayisiyiniwak misiweyita ôma askîhk. ôhi pîkiskwewina ka wihtaman kapê-ayi ôma mihtâtawi ispiciwin ohci kakiyaw nêhiyâw mâmawâwina êkwa ayisiyinow. nitâkwaskitinawaw kakiyaw ohci sâkihitowin.

nistam tahkoskewin ôma nitispiciwin, nikî-nohtê-tawatan ohci kiskisiwin. ôta,kakî kisikahk, kisihtoskan ka kiskisiyan kayas ohci, ka wichitin ka kwwâteyimowin, kâmwâchi ka tapahtiskwèhiyak êkwa ka ayamihayak ôta kihkwahaskânihk. achiwow ka kâmwâchi âyanaw ka wichikoyak ka kiskisitotamak wîhstak têyiwin, kâmwâchisihon. êkwa ayamihawin. ka kanawapahtamak macâtisiw, kitayamihistawano kisê manito ka miyow ayisinewet; ka kanawapahtamak nipiwin, kitayamihistawano kisê manito pimâtisiwin ka tipèyihtak. kimanitominaw kisê manitowikosisân kî-otinam kihkwaskân, kîtêyihtakwan kakî nahinamihk pêypêyak pakoseyimowin êkwa pawâtamowin, wîsaki têyiwin êkwa pakiteyimowi, êkwa maka isitah kawi nihtâwikiwin êkwa âpisisinowin, macipayihk kawi oski-pimâtisiwin êkwa misiweyita miyo wicehitowin. tipiyaw kiyanaw namôya kikashowinaw pihkohtayak nanatawihowin êkwa miyo wicehitowin: kisê manito onahâwewin mîna. Kinitawetenaw kâmwâtisowin êkwa sôhkahatisiwin ohci âtayohkan, yoskâci-sâkihitowin ohci kâketakeyiwin. mati ka pîtamakonow kisicikatak mowac ihtateyihtamak kitehinahk. mati okiskinohtam kitahkoshewina êkwa ka mâmawi amatowak ôma kawî etohtehk.